រសៀលថ្ងៃទី ២៧ ខែវិច្ឆិកា គណៈកម្មាធិការប្រជាជនខេត្តអានយ៉ាង វៀតណាម សហការជាមួយតុលាការរដ្ឋបាលខេត្តកណ្តាល ព្រះរាជាណាចក្រកម្ពុជា បើកសន្និបាតបូកសរុបវាយតម្លៃលទ្ធផលនៃកិច្ចសហប្រតិបត្តិការរយៈពេល ៦ ខែដើមឆ្នាំ ២០២៥ និងទិសដៅសហប្រតិបត្តិការសម្រាប់ឆ្នាំបន្ទាប់រវាងខេត្តអានយ៉ាង និងខេត្តកណ្តាល។
សហអធិបតីអង្គសន្និបាតមានលោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្តអានយ៉ាង និងលោក គួច ចំរើន អភិបាលខេត្តកណ្តាល។ គណៈប្រតិភូមកពីខេត្តអានយ៉ាង និងខេត្តកណ្តាលក៏បានចូលរួមផងដែរ។
យោងតាមរបាយការណ៍នេះ ក្នុងរយៈពេល៦ខែដើមឆ្នាំ២០២៥ ខេត្តអានយ៉ាង និងខេត្តកណ្តាលបានបន្តរក្សាទំនាក់ទំនងកិច្ចសហប្រតិបត្តិកាថ្ងៃកាន់តែអភិវឌ្ឍខ្លាំងឡើង សម្រេចបានលទ្ធផលវិជ្ជមានជាច្រើនក្នុងវិស័យនានា។ភាគីទាំងពីរបានឯកភាពបន្តវិនិយោគលើការអភិវឌ្ឍហេដ្ឋារចនាសម្ព័ន្ធសេដ្ឋកិច្ចសង្គម អភិវឌ្ឍធនធានមនុស្ស ដោះស្រាយករណីដែលកើតឡើងក្រៅផែនការ ធានាសន្តិសុខ សណ្តាប់ធ្នាប់នៅព្រំដែន។ ទន្ទឹមនឹងនោះ កសាងតំបន់ព្រំដែននៃប្រទេសទាំងពីរឲ្យទៅជាព្រំដែនសន្តិភាព មិត្តភាព កិច្ចសហប្រតិបត្តិការអភិវឌ្ឍន៍ទៅវិញទៅមក។
នៅក្នុងអង្គសន្និបាត លោកហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានផ្ញើសេចក្តីអបអរសាទរចំពោះសមិទ្ធិផលអភិវឌ្ឍសេដ្ឋកិច្ចសង្គមរបស់ព្រះរាជាណាចក្រកម្ពុជាក្នុងរយៈពេល ៦ ខែដើមឆ្នាំ ២០២៥។ តាមរយៈនោះ ណែនាំដោយសង្ខេបអំពីខេត្តអានយ៉ាងបន្ទាប់ពីការរួមបញ្ចូលគ្នា ផ្សារភ្ជាប់ជាមួយនឹងទម្រង់អាជ្ញាធរ ២ ថ្នាក់។ អត្រាកំណើនសេដ្ឋកិច្ច (GRDP) របស់ខេត្តអានយ៉ាង ក្នុងរយៈពេល ១០ ខែដំបូងនៃឆ្នាំ ២០២៥ សម្រេចបាន ៧,៨៥% ឈរចំណាត់ថ្នាក់ទីមួយនៅតំបន់វាលរាបទន្លេគឺវឡុងនិងទី ១៩ ក្នុងប្រទេស។
តម្លៃនាំចេញក្នុងរយៈពេល ១១ ខែដើមឆ្នាំ ២០២៥ សម្រេចបានចំនួន ២,១០៥ ពាន់លានដុល្លារអាមេរិកតាមការសន្និដ្ឋាន កើនឡើង ៦,៦៨% ធៀបនឹងដំណាលពេលនេះឆាំ្នមុន ជាមួយនឹងទំនិញសំខាន់ៗរួមមាន៖ ផលិតផលកសិកម្មគឺ ៣១១,៤២ លានដុល្លារអាមេរិក ជលផល ៥៩៣,៩២ លានដុល្លារ បន្លែងផ្លែឈើ ៨៦,៥៨លានដុល្លារ និងស្បែកជើងស្បែក ៤២០,៧៨ លានដុល្លារអាមេរិក។
លោកប្រធានគណៈកម្មាធិការប្រជាជនខេត្តអានយ៉ាង បានអះអាងថា ការអនុវត្តខ្លឹមសារកិច្ចសហប្រតិបត្តិការរវាងវៀតណាម និងកម្ពុជា ខេត្តអានយ៉ាង និងខេត្តកណ្តាលបានជំរុញខ្លាំងការអភិវឌ្ឍសេដ្ឋកិច្ច - សង្គម លើកកម្ពស់ជីវភាពរស់នៅរបស់ប្រជាជននៃខេត្តទាំងពីរ ជាពិសេសគឺប្រជាពលរដ្ឋនៅតាមព្រំដែន រួមចំណែកទៅក្នុងការកសាងផ្លូវព្រំដែនវៀតណាម -កម្ពុជាស្ថិរភាព សន្តិភាព មិត្តភាព និងកិច្ចសហប្រតិបត្តិការអភិវឌ្ឍទៅវិញទៅមក។
នាពេលខាងមុខ ដើម្បីរក្សានូវលទ្ធផលដែលសម្រេចបាន ប្រធានគណៈកម្មាធិការប្រជាជនខេត្តអានយ៉ាង បានស្នើខេត្តទាំងពីរឲ្យបង្កើនកិច្ចសហប្រតិបត្តិកានិងសហការរយ៉ាងជិតស្និទ្ធជាមួយគ្នាបន្តទៀត និងឯកភាពលើទិសដៅសហប្រតិបត្តិការក្នុងឆ្នាំបន្ទាប់ ស្តីពី៖ បន្តការអនុវត្តយ៉ាងម៉ឺងម៉ាត់ និងមានប្រសិទ្ធភាពលើឯកសារច្បាប់ស្តីពីព្រំដែនដែលប្រទេសទាំងពីរបានចុះហត្ថលេខា។ បង្កើនការងារការពារ និងរក្សាសណ្តាប់ធ្នាប់សុវត្ថិភាពសង្គមនៅព្រំដែន។សហការយ៉ាងជិតស្និទ្ធ និងក្តាប់ច្បាស់សភាពការណ៍សន្តិសុខព្រំដែន ទប់ស្កាត់ និងបង្រ្កាបបទល្មើសឆ្លងដែន ទប់ស្កាត់ការឆ្លងដែនខុសច្បាប់ជាដើម។ ទន្ទឹមនឹងនោះ លោកបានសង្កត់ធ្ងន់ថា ខេត្តអានយ៉ាង បន្តជំរុញខ្លាំងការលើកកម្ពស់ច្រកទ្វារព្រំដែន ខាញ់ប៊ិញ ទៅជាច្រកទ្វារអន្តរជាតិ (ផ្លូវគោក និងផ្លូវទឹក) និងរៀបចំឯកសារបើកច្រកទ្វារព្រំដែន ខាញ់អាននិងព្រែកជ្រៃ ដើម្បីបង្កើតលក្ខខណ្ឌសម្រាប់សកម្មភាពនាំចេញនាំចូលរបស់អាជីវកម្ម ទំនាក់ទំនងពាណិជ្ជកម្មទំនិញរបស់ប្រជាពលរដ្ឋតាមព្រំដែនខេត្ត។
លោកប្រធានគណៈកម្មាធិការប្រជាជនខេត្តអានយ៉ាង បានផ្ញើសេចក្តីជូនពរដល់លោកអភិបាលខេត្ត និងសមាជិកគណៈប្រតិភូ មានសុខភាពល្អ និងជោគជ័យ។ជូនពរឲ្យរាល់ទំនាក់ទំនងមិត្តភាពរវាងខេត្តទាំងពីរកាន់តែចីរភាព។
ថ្លែងមតិនៅក្នុងអង្គសន្និបាត លោក គួច ចំរើន អភិបាលខេត្តកណ្តាល បានថ្លែងអំណរគុណចំពោះការស្វាគមន៍យ៉ាងកក់ក្តៅរបស់ថ្នាក់ដឹកនាំខេត្តអានយ៉ាង។ តាមរយៈនោះ លោកក៏បានអបអរសាទរចំពោះលទ្ធផលកំណើនសេដ្ឋកិច្ចរបស់ខេត្តក្នុងរយៈពេល ១០ ខែដើមឆ្នាំ ២០២៥ រួមចំណែកបង្កើតជាឱកាសជំរុញខ្លាំងក្លា ញ៉ាំងឲ្យខេត្តសេដ្ឋកិច្ចអានយ៉ាងថ្មី អភិវឌ្ឍជាងទៀតនាពេលខាងមុខ។លោក គួច ចំរើន អភិបាលខេត្តកណ្តាល បានបញ្ជាក់ថា អាជ្ញាធរខេត្តកណ្តាល តែងតែវាយតម្លៃខ្ពស់ និងមានមោទនភាពខណៈដែលមានដៃគូរយុទ្ធសាស្ត្រជាខេត្តអានយ៉ាង ដែលជាមូលដ្ឋានមានសក្តានុភាព និងប្រៀបខ្លាំងជាច្រើនសម្រាប់ការអភិវឌ្ឍសេដ្ឋកិច្ចសង្គមលើវិស័យនានា។ នេះគឺជាលក្ខខណ្ឌអំណោយផល និងល្អប្រសើរដើម្បីខេត្តទាំងពីរ អានយ៉ាងនិងកណ្តាលបន្តពង្រឹងទំនាក់ទំនងសហប្រតិបត្តិការនិងបំពេញតម្រូវការរបស់ខេត្តនីមួយៗ រួមចំណែករឹតចំណងសាមគ្គីភាពមិត្តភាពរវាងខេត្តទាំងពីរនាពេលខាងមុខ។
លោក គួច ចំរើន អភិបាលខេត្តកណ្តាល ក៏បាន ផ្ញើសេចក្តីសួរសុខទុក្ខដល់លោកប្រធានគណៈកម្មាធិការប្រជាជនខេត្តអានយ៉ាង និងសមាជិកក្នុងគណៈប្រតិភូ សូមមានសុខភាពល្អ បរិបូរណ៍ កម្លាំងពលំមាំមួន បន្តអភិវឌ្ឍខេត្តអានយ៉ាង ឲ្យកាន់តែរ៉ុងរឿង ក៏ដូចជា បន្តការដឹកនាំទូកមិត្តភាពនៃខេត្តទាំងពីរ ឲ្យកាន់តែរឹងមាំ និងនាំមកនូវសមិទ្ឋផលដ៏ល្អប្រសើរជាច្រើន។
នៅក្នុងអង្គសន្និបាត ខេត្តអានយ៉ាង និងខេត្តកណ្តាលបានឯកភាពចុះហត្ថលេខាលើអនុស្សរណៈយោគយល់គ្នាស្តីពីខ្លឹមសារកិច្ចសហប្រតិបត្តិការចំនួន១០សម្រាប់ឆ្នាំបន្តបន្ទាប់ ស្តីពីសន្តិសុខ និងសណ្តាប់ធ្នាប់នៅតាមព្រំដែន។ ការងារទប់ស្កាត់ និងបង្ក្រាបឧក្រិដ្ឋកម្មគ្រឿងញៀនឆ្លងដែន។ការងារគ្រប់គ្រងព្រំដែន និងការបោះបង្គោលព្រំដែន។ កសិកម្ម ពាណិជ្ជកម្ម គយ។ វប្បធម៌សង្គមអប់រំសុខាភិបាល។ គមនាគមន៍ដឹកជញ្ជូន ការងាររៀបចំផែនការទីក្រុងនិងសំណង់និងរណសិរ្សនារីនិងអង្គការមហាជនជាដើម។
ប្រែ៖ សំណាង
