រសៀលថ្ងៃទី៧ ខែវិច្ឆិកា គណៈកម្មាធិការប្រជាជនខេត្តអានយ៉ាង បានរៀបចំសន្និបាតបូកសរុបលទ្ធផលសហប្រតិបត្តិការ ៦ ខែដើមឆ្នាំ ២០២៥ និងទិសដៅសហប្រតិបត្តិការសម្រាប់ឆ្នាំក្រោយជាមួយខេត្តតាកែវ (ព្រះរាជាណាចក្រកម្ពុជា)។ សន្និបាតដឹកនាំដោយលោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង និងលោក លី សាវ៉េត អភិបាលរងខេត្តតាកែវ។
ក្នុងឱកាសខួបលើកទី៧២ឆាំ្ន ទិវាបុណ្យជាតិនៃព្រះរាជាណាចក្រកម្ពុជា (៩ វិច្ឆិកា ១៩៥៣ - ៩ វិច្ឆិកា ២០២៥) លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង បានគោរពជូនពរដ៏ល្អបវរដល់លោកអភិបាលរង គណៈប្រតិភូខេត្តតាកែវ និងប្រជាជនកម្ពុជាទាំងអស់។ ជូនពរប្រទេស និងប្រជាជនកម្ពុជា បន្តសម្រេចបានសមិទ្ធិផលកាន់តែច្រើនថែមទៀត ក្នុងបុព្វហេតុកសាង និងអភិវឌ្ឍប្រទេសជាតិ។
លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង បានឲ្យដឹងថា រយៈពេលកន្លង ដោយមានកិច្ចសហប្រតិបត្តិការជិតស្និទ្ធរបស់មន្ទីរ ផ្នែកថ្នាក់ខេត្តអានយ៉ាង និងខេត្តតាកែវ សម្រេចបានប្រសិទ្ឋភាពខ្ពស់ក្នុងខ្លឹមសារដែលបានចុះហត្ថលេខាចាប់តាំងពីសន្និបាតបូកសរុបលទ្ឋផលកិច្ចសហប្រតិបត្តិការឆ្នាំ ២០២៤ ដែលរៀបចំឡើងនៅខេត្តតាកែវ។ រួមចំណែកអភិវឌ្ឍសេដ្ឋកិច្ចសង្គម កែលម្អជីវភាពរស់នៅរបស់ប្រជាជនទាំងសងខាង ជាពិសេសគឺប្រជាពលរដ្ឋនៅតាមព្រំដែន តាមរយៈនោះ រួមចំណែកកសាងផ្លូវព្រំដែនវៀតណាម-កម្ពុជា ស្ថិរភាព សន្តិភាព មិត្តភាព និងសហប្រតិបត្តិការអភិវឌ្ឍជាមួយគ្នា។
កងកម្លាំងនៃភាគីទាំងពីរបានម្ចាស់ការសហការរក្សារឹងមាំសន្តិសុខា សណ្តាប់ធ្នាប់នៅតាមបន្ទាត់ព្រំដែន រួមចំណែកបង្កើនទំនាក់ទំនងមិត្តភាពរវាងវៀតណាម និងកម្ពុជា និងចំណងសាមគ្គីភាពរវាងប្រជាជននៃភាគីទាំងពីរ។ ផ្សព្វផ្សាយមានប្រសិទ្ឋភាពនូវផែនការកិច្ចសហប្រតិបត្តិការក្នុងការទប់ស្កាត់ និងប្រឆាំងឧក្រិដ្ឋកម្មឆ្លងដែន រក្សាបានល្អនូវការផ្លាស់ប្តូរព័ត៌មានជាប្រចាំ និងក្រៅផែនការ។ សហការល្បាតទ្វេភាគី។ គ្រប់គ្រង និងការពារបង្គោលព្រំដែន ធានាស្ថិរភាព ច្បាស់លាស់នៃព្រំដែនដីគោក។ទប់ស្កាត់សកម្មភាពដែលបង្កឲ្យខូចខាត ប៉ះពាល់ដល់បង្គោលព្រំដែននិងសញ្ញាសម្គាល់ព្រំដែនបានទាន់ពេល។
នគរបាលទាំងសងខាងបានសហការគ្នាយ៉ាងជិតស្និទ្ធក្នុងការបំពាក់បំប៉ន ហ្វឹកហ្វឺនជំនាញវិជ្ជាជីវៈ និងភាសាបរទេសសម្រាប់កម្មាភិបាល យុទ្ឋជននគរបាល។ រក្សាសកម្មភាពផ្លាស់ប្តូរ សួរសុខទុក្ខនិងជូនពរឆ្នាំថ្មី ដើម្បីបង្កើនសាមគ្គីភាព និងមិត្តភាព។
ភាគីទាំងពីរអនុវត្តយ៉ាងម៉ឺងម៉ាត់នូវសន្ធិសញ្ញា និងកិច្ចព្រមព្រៀងអំពីព្រំដែនមានពាក់ព័ន្ធដែលបានចុះហត្ថលេខារវាងសាធារណៈរដ្ឋសង្គមនិយមវៀតណាម និងព្រះរាជាណាចក្រកម្ពុជា។ ខេត្តអានយ៉ាង និងខេត្តតាកែវ មានបង្គោលព្រំដែនរួមចំនួន៣៧ ចាប់ពីបង្គោល២៥៤ ដល់បង្គោល២៩០។ តាមរយៈការល្បាតទ្វេភាគី ខេត្តអានយ៉ាង-ខេត្តតាកែវ បានរកឃើញបង្គោលព្រំដែនចំនួន ០៤ ដែលត្រូវប្រេះ ផ្អៀង និងបែកនៅតាមខ្សែបន្ទាត់ព្រំដែននៃភាគីទាំងពីរ។
ខេត្តអានយ៉ាងបានរៀបចំជោគជ័យផ្សារណាត់ ពាណិជ្ជកម្មអន្តរជាតិទិញបៀន-អានយ៉ាង ឆ្នាំ ២០២៥ ជាមួយនឹងការចូលរួមពីគណៈប្រតិភូ មន្ត្រី និងធុរកិច្ចខេត្តតាកែវ។ ខេត្តអានយ៉ាងបានគាំទ្រស្តង់ទំនិញចំនួន ១៥ ដើម្បីខេត្តតាកែវ ដាក់តាំងបង្ហាញ ណែនាំនិងលក់ផលិតផលរបស់ខ្លួន។
ចំណូលនាំចេញនិងនាំចូលជាសរុបក្នុងរយៈពេល៦ខែដើមឆ្នាំ២០២៥ តាមច្រកទ្វារព្រំដែនអន្តរជាតិទិញបៀន-ភ្នំដិន និងច្រកទ្វារព្រំដែន វិញហូយដុង-កំពង់ក្រសាំង រវាងខេត្តអានយ៉ាង និងខេត្តតាកែវ សម្រេចបានជាង ៥០០ លានដុល្លារអាមេរិកតាមការសន្និដ្ឋាន។
ខេត្តអានយ៉ាងបានបណ្តុះបណ្តាលនិស្សិតសកលវិទ្យាល័យចំនួន០៥នាក់មកពីខេត្តតាកែវ។ បណ្តាមន្ទីរពេទ្យនៅតាមមូលដ្ឋានជាប់ព្រំដែនខេត្តអានយ៉ាង ទទួលពិនិត្យជំងឺ និងព្យាបាលក្នុងមន្ទីរពេទ្យសម្រាប់ប្រជាជនកម្ពុជា ដោយតម្លៃមន្ទីរពេទ្យដូចគ្នានឹងជនជាតិវៀតណាម។ អនុវត្តសន្ធិសញ្ញាដឹកជញ្ជូនផ្លូវគោករវាងប្រទេសទាំងពីរ ខេត្តអានយ៉ាងបានចេញអាជ្ញាប័ណ្ណដឹកជញ្ជូនអន្តរមធ្យោបាយមិនមែនពាណិជ្ជកម្មចំនួន ៧២ ច្បាប់។
នៅរដូវប្រាំងឆ្នាំ ២០២៤-២០២៥ ក្រុមការងារ កា៩៣ បានស្វែងរក និងលើកអដ្ឋិធាតុកងទ័ពស្ម័គ្រចិត្តនិងជំនាញការវៀតណាមចំនួន ១៥ រូបនៅខេត្តតាកែវ។គិតចាប់តាំងពីឆ្នាំ ២០០១ រហូតមកដល់សព្វថ្ងៃ ក្រុម កា៩៣ បានលើកប្រមូលអដ្ឋិធាតុបានចំនួន ៨១៧រូប និងរៀបចំពិធីធ្វើមាតុភូមិនិវត្តន៍អដ្ឋិធាតុត្រឡប់មកប្រទេសវៀតណាមវិញ។
នៅក្នុងសន្និបាតនេះ ខេត្តទាំង២គឺខេត្តអានយ៉ាង និងខេត្តតាកែវបានឯកភាពបង្កើនកិច្ចសហប្រតិបត្តិការ និងកិច្ចសហការឲ្យកាន់តែជិតស្និទ្ធបន្ថែមទៀតនៅឆ្នាំក្រោយ។
យោងតាមនោះ បន្តអនុវត្តមានប្រសិទ្ធភាពចំពោះសន្ធិសញ្ញាកំណត់ព្រំដែនជាតិឆ្នាំ១៩៨៥ សន្ធិសញ្ញាបំពេញបន្ថែមសន្ធិសញ្ញាកំណត់ព្រំដែនជាតិឆ្នាំ១៩៨៥ និងសន្ធិសញ្ញាបំពេញបន្ថែមឆ្នាំ២០០៥ ពិធីសារកំណត់ព្រំដែនគោកឆ្នាំ២០១៩ រវាងវៀតណាមនិងកម្ពុជា សន្ធិសញ្ញាស្តីពីបទប្បញ្ញត្តិព្រំដែនជាតិរវាងវៀតណាមនិងកម្ពុជា សេចក្តីប្រកាសព័ត៌មានឆ្នាំ ១៩៩៥ រវាងប្រទេសទាំងពីរ។
បង្កើនការងារការពារ និងរក្សាសណ្តាប់ធ្នាប់សង្គម តាមព្រំដែន។ សហការជិតស្និត ក្តាប់ច្បាស់ស្ថានភាពព្រំដែន ទប់ស្កាត់ឧក្រិដ្ឋកម្មឆ្លងដែន ទប់ស្កាត់ស្ថានភាពធ្វើអន្តោប្រវេសន៍ខុសច្បាប់។ល។ សហការល្បាតទ្វេភាគី ការពារព្រំដែនតាមស្ថានភាពបច្ចុប្បន្ន និងការពារបង្គោលព្រំដែន។
ភាគីទាំងពីរបានឯកភាពរៀបចំឯកសារស្នើសុំរដ្ឋាភិបាលនៃប្រទេសទាំងពីរអនុញ្ញាតឲ្យបើកច្រកទ្វារព្រំដែនវិញយ៉ា-តាអូ ហើយបន្តពិភាក្សា ឯកភាពបង្កើតឯកសារស្នើសុំបើកច្រកទ្វារព្រំដែនវិញង្វើននិងកំពង់ក្រសាំង។ ខេត្តអានយ៉ាង បានរៀបចំឯកសារស្នើសុំរដ្ឋាភិបាលវៀតណាម លើកកម្ពស់ច្រកទ្វារព្រំដែនបាក់ដៃ-បាក់ដៃទៅជាច្រកទ្វារព្រំដែនសំខាន់ ដើម្បីបង្កើតភាពងាយស្រួលដល់សកម្មភាពពាណិជ្ជកម្មរវាងប្រជាជននៃភាគីទាំងពីរ។
បន្តបង្កើនការផ្លាស់ប្តូរព័ត៌មានស្តីពីជំងឺឆ្លងលើមនុស្ស និងសត្វ ប្រភេទជំងឺគ្រោះថ្នាក់ និងជំងឺរាតត្បាតថ្មីៗ។ អនុវត្តល្អសកម្មភាពត្រួតពិនិត្យរោគរាតត្បាតនៅតាមច្រកទ្វារព្រំដែន។ បង្កើតលក្ខខណ្ឌសម្រាប់ការផ្លាស់ប្តូរវប្បធម៌ និងកីឡា។ បណ្តាសកម្មភាពសហប្រតិបត្តិការក្នុងវិស័យកសិកម្ម ពាណិជ្ជកម្ម វប្បធម៌ កីឡា សុខាភិបាល អប់រំ និងបណ្តុះបណ្តាល ដឹកជញ្ជូន ការទូតប្រជាជនរវាងរណសិរ្ស និងអង្គការមហាជនជាដើម ក៏ដូចជាកិច្ចសហការល្អក្នុងការផ្សព្វផ្សាយអនុវត្តផែនការស្វែងរក និងលើកប្រមូលអដ្ឋិធាតុ កងទ័ពស្ម័គ្រចិត្ត និងអ្នកជំនាញការវៀតណាមដែលបានពលីក្នុងសម័យសង្គ្រាមនៅកម្ពុជា។ រក្សា និងរិតចំណងទំនាក់ទំនងកិច្ចសហប្រតិបត្តិការ សាមគ្គីភាព មិត្តភាពប្រពៃណីរវាងស្រុក-ក្រុងជាប់ព្រំដែនខេត្តតាកែវ និងបណ្តាឃុំសង្កាត់ជាប់ព្រំដែនខេត្តអានយ៉ាង៕
ប្រែ៖ សំណាង
