នារសៀលថ្ងៃទី២១ ខែមករា លោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង ធ្វើអធិបតីភាពកិច្ចប្រជុំជាមួយគណៈប្រតិភូខេត្តតាកែវ (ព្រះរាជាណាចក្រកម្ពុជា) ដែលលោក វី សំណាង អភិបាលខេត្តតាកែវ ដឹកនាំគណៈប្រតិភូមកសួរសុខទុក្ខ និងជូនពរឆ្នាំថ្មី នៅខេត្តអានយ៉ាង ក្នុងឱកាសបុណ្យចូលឆ្នាំថ្មី ឆ្នាំម្សាញ ២០២៥។
តាងនាមគណៈប្រតិភូខេត្តតាកែវ លោក វី សំណាង អភិបាលខេត្តតាកែវ សូមថ្លែងអំណរគុណយ៉ាងស្មោះស្ម័គ្រចំពោះបក្ស រដ្ឋ និងប្រជាជនវៀតណាម ដែលមិនរអែងក្នុងការលះបង់សាច់ឈាមដើម្បីជួយកម្ពុជាឲ្យរួចផុតពីរបបដ៏ខ្មៅងងឹតបំផុតក្នុងប្រវត្តិសាស្ត្រ។.
ទន្ទឹមនឹងនោះ បានវាយតម្លៃខ្ពស់ចំពោះលទ្ធផលដែលសម្រេចបានលើវិស័យជាច្រើនក្នុងដំណើរការសហប្រតិបត្តិការនៃខេត្តតាកែវ-អានយ៉ាងកាលពីពេលកន្លងទៅ។ លោក វី សំណាង អភិបាលខេត្តតាកែវ ជឿជាក់ថា ខេត្ត អានយ៉ាង នឹងអភិវឌ្ឍ និងជំរុញទំនាក់ទំនងជាងទៀតក្នុងកិច្ចសហប្រតិបត្តិការរឹងមាំ សាមគ្គីភាព និងមិត្តភាពរវាងខេត្តទាំងពីរ។
ក្នុងឱកាសបុណ្យចូលឆ្នាំថ្មីវៀតណាម ឆាំ្នម្សាញ់ ២០២៥ លោក វី សំណាង អភិបាលខេត្តតាកែវ បានផ្ញើសេចក្តីជូនពរលោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង ជាមួយក្រុមគ្រួសារ និងប្រជាជនខេត្តអានយ៉ាង ទាំងអស់ឲ្យមានសុខភាពល្អ សុភមង្គល និងវិបុលភាពក្នុងឆ្នាំថ្មី។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានថ្លែងអំណរគុណយ៉ាងស្មោះស្ម័គ្រដល់ លោក វី សំណាង អភិបាលខេត្តតាកែវ និងគណៈប្រតិភូខេត្តតាកែវ ដែលបាននាំមកនូវមនោសញ្ចេតនាដ៏កក់ក្តៅ និងសេចក្តីជូនពរឆ្នាំថ្មីរបស់ប្រជាជនកម្ពុជានិយាយរួម និងខេត្តតាកែវនិយាយដោយឡែកផ្ញើជូនថ្នាក់ដឹកនាំខេត្ត និងប្រជាជនខេត្តអានយ៉ាង ក្នុងឱកាសបុណ្យចូលឆ្នាំថ្មី ឆ្នាំម្សាញ់២០២៥។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានអបអរសាទរចំពោះលទ្ធផលដ៏គួរឲ្យចាប់អារម្មណ៍ក្នុងការអភិវឌ្ឍន៍សេដ្ឋកិច្ចសង្គមរបស់ខេត្តតាកែវ និយាយដោយឡែក និងប្រទេសកម្ពុជានិយាយរួម។ ទន្ទឹមនឹងនោះ ថ្លែងអំណរគុណថ្នាក់ដឹកនាំ និងប្រជាពលរដ្ឋខេត្តតាកែវ ដែលបានរួមជាមួយថ្នាក់ដឹកនាំ និងប្រជាជនខេត្តអានយ៉ាង បន្តបណ្តុះទំនាក់ទំនងមិត្តភាព សាមគ្គីភាព និងការជួយគ្នាទៅវិញទៅមកកាលពីពេលកន្លង។លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត អានយ៉ាង ជឿជាក់ថា ក្រោមការដឹកនាំរបស់លោក វី សំណាង អភិបាលខេត្ត តាកែវ ខេត្តអានយ៉ាងនិង តាកែវនឹងកាន់តែបង្កើនខ្លាំងឡើងនូវចំណងសាមគ្គីភាព មិត្តភាព កិច្ចសហប្រតិបត្តិការគ្រប់ជ្រុងជ្រោយអភិវឌ្ឍន៍ជាមួយគ្នា ជួយប្រជាជនប្រទេសទាំងពីរវៀតណាម-កម្ពុជា ក៏ដូចជាខេត្តអានយ៉ាង-ខេត្តតាកែវ កាន់តែមានជីវភាពធូរធារ និងសប្បាយរីករាយ។
តាងនាមថ្នាក់ដឹកនាំខេត្ត លោក ហូវ៉ាន់ម៉ាង ប្រធានគណៈកម្មាធិការប្រជាជនខេត្តអានយ៉ាង បានជូនពរលោក វី សំណាង អភិបាលខេត្តតាកែវ និងគណប្រតិភូរយមនឹងក្រុមគ្រួសារ និងប្រជាពលរដ្ឋខេត្តតាកែវទាំងមូល មានសុខភាពល្អ សុភមង្គល សូមជូនពរខេត្តតាកែវ ក៏ដូចជាព្រះរាជា កម្ពុជារុងរឿងជានិច្ច។ សូមជូនពរឲ្យចំណងសាមគ្គីភាព មិត្តភាព និងប្រពៃណីល្អរវាងប្រទេសទាំងពីរ វៀតណាម-កម្ពុជា និយាយរួម និងរវាងខេត្តអានយ៉ាង-តាកែវ និយាយដោយឡែកស្ថិតស្ថេរចីរកាល។
ប្រែ៖ ណារីពៅ
