ថ្ងៃទី ៩ ខែកញ្ញា មន្ទីរវប្បធម៌ និងកីឡាបានឲ្យដឹងថា ពីធីប្រណាំងគោបៃនូយដណ្តើមគុបទូរទស្សន៍អានយ៉ាង លើកទី ៣០ ឆ្នាំ ២០២៥ ដែលរៀបចំដោយមន្ទីរវប្បធម៌ និងកីឡាសហការជាមួយកាសែតនិងវិទ្យុ-ទូរទស្សន៍អានយ៉ាង និងគណៈកម្មាធិការប្រជាជនឃុំទ្រីតូននោះ នឹងប្រព្រឹត្តទៅនៅថ្ងៃទី ២០ ខែកញ្ញា នៅលានប្រណាំងគោឃុំទ្រីតូន (តំបន់ពហុកីឡា-ទេសចរណ៍តាប៉ា - ស្វាយចេក)។
ពិធីប្រណាំងគោបៃនូយ ដណ្តើគុបទូរទស្សន៍អានយ៉ាងលើកទី ៣០ ឆាំ្ន ២០២៥ នឹងមានគោ ៦៤ នឹមមកពីឃុំទ្រីតូន បាជុក អូរឡឹម កូតូ វិញយ៉ា អានគឺ នូយកាំ យ៉ាងថាញ់និង២សង្កាត់ជីឡាំងនិងទិញបៀនចូលរួមប្រកួត។
នឹមគោទាំងនេះនឹងប្រកួតប្រជែងក្នុងទម្រង់ជម្រុះផ្ទាល់តែម្តងដោយផ្អែកលើលេខកូដចាប់ឆ្នោត។ នឹមគោដែលឈ្នះនឹងបន្តទៅជុំបន្ទាប់។ គណៈកម្មការរៀបចំនឹងប្រគល់គុប ទង់ វត្ថុតាំង និងសាច់ប្រាក់ដល់នឹមគោដែលឈ្នះ រួមមាន៖ រង្វាន់លេខ១មួយ លេខ២ មួយ លេខ៣ មួយ លេខ៤ មួយ រង្វាន់លើកទឹកចិត្ត ៤ និងរង្វាន់អ្នកបញ្ជគោឆ្នើម។
ពិធីប្រណាំងគោបៃនូយ គឺជាពិធីបុណ្យប្រពៃណីរបស់ជនជាតិខ្មែរភាគតិច រួមចំណែកលើកកម្ពស់អត្តសញ្ញាណវប្បធម៌ និងកសាងធ្លុងមហាសាមគ្គីភាពជាតិ។ បង្កើនកម្រិតអាស្រ័យផលវប្បធម៌ ស្មារតី បង្កើតបរិយាកាសរំភើបរីករាយក្នុងជនរួមជាតិភាគតិចខ្មែរក្នុងឱកាសបុណ្យសែនដូនតា។ ទន្ទឹមនឹងនោះ ផ្សព្វផ្សាយរូបភាពស្រុកកំណើតបៃនូយទៅដល់ប្រជាពលរដ្ឋទូទាំងប្រទេស និងពិភពលោក៕
ប្រែ៖ ណារីពៅ
