នៅយប់ថ្ងៃទី ២២ ខែឧសភា នៅមជ្ឈមណ្ឌលប្រជុំជីវភាពសហគមន៍ (ទីលានត្រាន់ក្វាងខៃ) សង្កាត់រ៉ាច់យ៉ា មជ្ឈមណ្ឌលជំរុញវិនិយោគ ពាណិជ្ជកម្ម ការលក់ និង ទេសចរណ៍ ខេត្តអានយ៉ាងបានបើកជាផ្លូវថ្ងៃបុណ្យ ទេសចរណ៍ ម្ហូបអាហារនឹងផ្សារណាត់ជំរុញពាណិជ្ជកម្ម ផលិតផលអូខូប - រ៉ាច់យ៉ា អានយ៉ាងលើកទី ២ ឆ្នាំ ២០២៦។នេះ គឺជារបត់ផ្លូវការចាប់ផ្តើមចលនាទេសចរណ៍នៅក្នុងរដូវវិស្សមកាលនៃខេត្តអានយ៉ាងពោពេញដោយភាពទាក់ទាញ។
ព្រឹត្តិការណ៍នេះគឺជាសកម្មភាពសំខាន់មួយដែលមានគោលបំណងផ្សព្វផ្សាយឲ្យមានប្រសិទ្ធភាពនូវកម្មវិធីជំរុញវិនិយោគ ពាណិជ្ជកម្ម និងទេសចរណ៍ក្នុងឆ្នាំ ២០២៦ ព្រមជាមួយនោះគាំទ្រសកម្មភាពនៃឆ្នាំទេសចរណ៍ជាតិ ២០២៦។ ពិធីបុណ្យនេះនឹងប្រព្រឹត្តទៅក្នុងរយៈពេល ១០ ថ្ងៃ ចាប់ពីថ្ងៃទី ២២ ខែឧសភា ដល់ថ្ងៃទី ៣១ ខែឧសភា។
ដោយទ្រង់ទ្រាយស្តង់ទំនិញឡើងជិត ៤០០ ស្តង់ ពិធីបុណ្យឆ្នាំនេះបានប្រមូលផ្តុំធុរកិច្ច សហករណ៍ និងប្រធានកម្មអូខូប មកពីខេត្តក្រុងក្នុងនិងក្រៅប្រទេសជាច្រើន។ នេះមិនត្រឹមតែជាកន្លែងសម្រាប់ដាក់តាំងបង្ហាញ និងណែនាំផលិតផលប៉ុណ្ណោះទេ ប៉ុន្តែក៏ជាវេទិកាមួយសម្រាប់ធុរកិច្ចនានាភ្ជាប់ទំនាក់ទំនងពាណិជ្ជកម្ម ភ្ជាប់ឱកាសសហប្រតិបត្តិការ ពង្រីកទីផ្សារ ជំរុញការលក់ទំនិញ ជាពិសេសគឺផលិតផលអូខូប និងផលិតផលពិសេសក្នុងស្រុក។ ពិធីបុណ្យនេះក៏ជាកន្លែងមួយសម្រាប់ប្រជាជនទទួលបានផលិតផលជាច្រើនប្រភេទដែលមានគុណភាព ហើយទទួលបានបទពិសោធន៍វប្បធម៌ និងម្ហូបអាហារពិសេសៗរបស់ខេត្តក្រុងដែលចូលរួម រួមចំណែកលើកកម្ពស់ការយល់ដឹង និងមោទនភាពចំពោះតម្លៃទំនិញវៀតណាម។
អ្នកទេសចរមកជាមួយថ្ងៃបុណ្យនឹងបានសម្របខ្លួនទៅនឹងខ្សែសង្វាក់បទពិសោធន៍សម្បូបែប រួមមាន៖ បរិយាកាសផ្សព្វផ្សាយទេសចរណ៍ អត្តសញ្ញាណម្ហូបអាហារពិសេស- គោរព និងបង្ហាញផលិតផលទេសចរណ៍ដ៏ប្លែកពិសេសរបស់អានយ៉ាង និងមូលដ្ឋាននានា។ ពិភពផលិតផលអូខូបជាមួយនឹងផលិតផលអូខូប និងទំនិញគុណភាពខ្ពស់ ទន្ទឹមនិងនោះកម្មវិធីសិល្បះបានរៀបចំឡើងជារៀងរាល់រាត្រីដើម្បីបម្រើប្រជាជននិងអ្នកទេសចរមកពីគ្រប់ទិសទី។
ជាពិសេស ក្នុងក្របខ័ណ្ឌពិធីបើកសម្ពោធនៅយប់នេះ ខេត្តអានយ៉ាង បានបើកសម្ពោធជាផ្លូវការនូវកម្មវិធីទេសចរណ៍រដូវវិស្សមកាល ២០២៦ ជាមួយនឹងផលិតផលទេសចរណ៍ថ្មីៗនិងកម្មវិធីជំរុញតម្រូវការដោយអាទិភាពដ៏ទាក់ទាញជាច្រើនបានត្រៀមជាស្រេចដើម្បីស្វាគមន៍អ្នកទេសចរក្នុងរដូវវិស្សមកាលនេះ។
ថ្លែងមតិបើកពិធីបុណ្យ នាយកមជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ក្វាងស្វឺនលួ បានសង្កត់ធ្ងន់ថា ព្រឹត្តិការណ៍នេះមានអត្ថន័យជាយុទ្ធសាស្ត្រនៅក្នុងសកម្មភាពគាំទ្រ “ឆ្នាំទេសចរណ៍ជាតិ ២០២៦”។ នេះក៏នឹងជាដំណោះស្រាយជំរុញតម្រូវការទ្វេភាគីដ៏មានប្រសិទ្ធភាពផងដែរ ដោយមិនត្រឹមតែរួមចំណែកដល់កំណើនពាណិជ្ជកម្ម និងសេវាកម្មប៉ុណ្ណោះទេ ថែមទាំងលើកកម្ពស់ការអភិវឌ្ឍទេសចរណ៍ ដោយមានគោលបំណងជំរុញកំណើនសេដ្ឋកិច្ចប្រកបដោយចីរភាពសម្រាប់មូលដ្ឋាន និងបង្កើនសមត្ថភាពប្រកួតប្រជែងរបស់ខេត្តអានយ៉ាងបន្តិចម្តងៗក្នុងទូទាំងប្រទេស។ជាពិសេស ព្រឹត្តិការណ៍នេះ រួមជាមួយនឹងសំណង់ហេដ្ឋារចនាសម្ព័ន្ធសំខាន់ៗរបស់ខេត្តកំពុងបង្កើតជាគ្រឹះដ៏រឹងមាំមួយ ត្រៀមខ្លួនរួចជាស្រេចដើម្បីបម្រើដល់សន្និបាត APEC ២០២៧ ដែលនឹងប្រារព្ធឡើងនៅភូក្វឹកនាពេលខាងមុខ៕
ប្រែ៖ ណារីពៅ
