នៅថ្ងៃទី ១ ខែតុលា លោកនាយករដ្ឋមន្ត្រីរដ្ឋាបាល ផាមមិញជីញ បានចុះហត្ថលេខាលើសេចក្តីសម្រេចលេខ ១០៦៨/QD-TTg អនុម័តលើលទ្ធផលនៃការបោះឆ្នោតសម្រាប់តំណែងប្រធានគណៈកម្មាធិការប្រជាជនខេត្តអានយ៉ាង អាណត្តិ ២០២១ - ២០២៦ សម្រាប់លោក ហូវ៉ាន់ម៉ឹង សមាជិកបម្រុងនៃ គណៈកម្មាធិការមជ្ឈិមបក្ស អនុលេខាបក្ខភាគខេត្តអានយ៉ាង អាណត្តិ ២០២០ - ២០២៥។
មុននោះ ព្រឹកថ្ងៃទី១២ ខែកញ្ញា គណៈអចិន្ត្រៃយ៍បក្ខភាគខេត្ត អានយ៉ាង បានរៀបចំពិធីផ្សព្វផ្សាយសេចក្តីសម្រេចចិត្តរបស់ការិយាល័យនយោបាយស្តីពីការងារបុគ្គលិក។ ជាក់ស្តែងការិយាល័យនយោបាយបានមានសេចក្តីសម្រេចលើ សមមិត្ត ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស សមាជិកគណៈអចិន្ត្រៃយ៍បក្ខភាគខេត្តខាញ់ហ្វា លេខាបក្ខភាគទីក្រុងញ៉ាត្រាង ឈប់ចូលរួមក្នុងគណៈកម្មាធិការ គណៈអចិន្ត្រៃយ៍បក្ខភាគខេត្តខាញ់ហ្វា និងលាលែងពីតំណែងលេខាបក្ខភាគទីក្រុងញ៉ាត្រាង អាណត្តិ ២០២០ - ២០២៥។ ផ្ទេរសម្រួល ចាត់តាំង និងតែងតាំងចូលរួមក្នុងគណៈកម្មាធិការ គណៈអចិន្ត្រៃយ៍បក្ខភាគខេត្ត និងកាន់តំណែងជាលេខាបក្ខភាគខេត្តអានយ៉ាង សម្រាប់អាណត្តិ ២០២០ - ២០២៥។
ក្នុងថ្ងៃដដែល ក្រុមប្រឹក្សាប្រជាជនខេត្តអានយ៉ាង អាណត្តិ ២០២១ - ២០២៦។ រៀបចំកិច្ចប្រជុំលើកទី ២១(ឯកទេសកម្ម) ដើម្បីពិចារណានិងសម្រេចលើបទជម្រាបស្តីពីការស្នើបោះឆ្នោតបំពេញបន្ថែមប្រធានគណកម្មាធិការប្រជាជនខេត្តអានយ៉ាង អាណត្តិ ២០២១ - ២០២៦។ នៅក្នុងកិច្ចប្រជុំ ក្នុងស្មារតីទទួលខុសត្រូវ ប្រជាធិបតេយ្យ ប្រតិភូក្រុមប្រឹក្សាប្រជាជនខេត្តអានយ៉ាង បានបោះឆ្នោតជ្រើសរើសលោក ហូវ៉ាន់ម៉ឹង អនុលេខាបក្ខភាគខេត្តអានយ៉ាង កាន់មុខតំណែងជាប្រធានគណៈកម្មាធិការប្រជាជនខេត្ត អានយ៉ាង អាណត្តិ ២០២១ - ២០២៦។
ប្រែ៖ ណារីពៅ
