នៅព្រឹកថ្ងៃទី១៨ ខែមីនា លោក ហូ វ៉ាន់ ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្ខភាគខេត្ត និងជាប្រធានគណៈកម្មាធិការប្រជាជនខេត្ត បានដឹកនាំគណប្រតិភូមួយក្រុមទៅពិនិត្យជាក់ស្តែងមន្ទីរពេទ្យសម្ភព និងកុមារអានយ៉ាង (សង្កាត់ឡុងស្វៀន) និងមជ្ឈមណ្ឌលសុខភាពទិញបៀន (សង្កាត់ធើយសឺន)។
នៅមន្ទីរពេទ្យសម្ភព និងកុមារអានយ៉ាង លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្ត និងគណៈប្រតិភូ បានទៅពិនិត្យជាក់ស្តែងស្ថានភាពហេដ្ឋារចនាសម្ព័ន្ធ ជាពិសេសតំបន់ពិនិត្យ និងព្យាបាលអ្នកជំងឺក្រៅមន្ទីរ និងកន្លែងបច្ចេកទេសពាក់ព័ន្ធ។
យោងតាមរបាយការណ៍ មន្ទីរពេទ្យសម្ភព និងកុមារអានយ៉ាងបានគណៈកម្មាធិការប្រជាជនខេត្តវិនិយោគសាងសង់គម្រោងអគារសម្ភព និងកុមារ។ ការផ្សព្វផ្សាយប្រើប្រាស់កន្លែងទាំងនេះបានធ្វើឲ្យប្រសើរឡើងយ៉ាងខ្លាំងនូវសេវាថែទាំសុខភាពសម្រាប់ប្រជាជនទាំងក្នុង និងក្រៅខេត្ត។ បច្ចុប្បន្ន មន្ទីរពេទ្យសម្ភព និងកុមារអានយ៉ាងតម្រូវឲ្យមានការវិនិយោគលើហេដ្ឋារចនាសម្ព័ន្ធ - ដំណាក់កាលទី ៣ - និងជួសជុលអគារដែលមានស្រាប់កំពុងទ្រុឌទ្រោមតាមពេលវេលា។ ដើម្បីលើកកម្ពស់គុណភាពបម្រើ បង្កើតបរិយាកាសការងារ និងពិនិត្យព្យាបាលជំងឺស្អាតបាត ទំនើប និងស្របតាមការតម្រង់ទិសអភិវឌ្ឍយូរអង្វែងរបស់មន្ទីរពេទ្យ ដោយថវិកាសរុបជាង ៦២ ពាន់លានដុង។
នៅក្នុងពេលត្រួតពិនិត្យជាក់ស្តែង បន្ទាប់ពីបានស្តាប់របាយការណ៍របស់មន្ទីរសុខាភិបាល រាយការណ៍ស្ថានភាពរបស់មន្ទីរពេទ្យសម្ភព និងកុមារអានយ៉ាង ក៏ដូចជាការលំបាក និងឧបសគ្គដែលបានជួបប្រទះ លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្ត បានយល់ព្រមផែនការតភ្ជាប់ហេដ្ឋារចនាសម្ព័ន្ធបច្ចេកទេស និងជួសជុលប្លុកពិនិត្យ និងព្យាបាលអ្នកជំងឺក្រៅមន្ទីរ - និងហេដ្ឋារចនាសម្ព័ន្ធខាងក្រៅ ហើយនិងការជួសជុលប្លុកអគារ។
ទន្ទឹមនិងនោះ ស្នើមន្ទីរហិរញ្ញវត្ថុឲ្យតុល្យភាពធនធានដើម្បីធានាការវិនិយោគគម្រោង ដោយបង្កើតបរិយាកាសការងារ និងព្យាបាលដ៏ធំទូលាយ ស្អាតបាត និងសមស្របជាមួយនឹងការតម្រង់ទិសអភិវឌ្ឍយូរអង្វែងរបស់មន្ទីរពេទ្យដោយឆ្ពោះទៅរកសេវាកម្មសុខាភិបាលគុណភាពខ្ពស់។
នៅព្រឹកថ្ងៃដដែល លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្ត រួមជាមួយក្រុមការងារ បានទៅទស្សនា និងត្រួតពិនិត្យមជ្ឈមណ្ឌលសុខភាពទិញបៀន។ យោងតាមរបាយការណ៍ ហេដ្ឋារចនាសម្ព័ន្ធនៃមជ្ឈមណ្ឌលសុខភាពទិញបៀន បានសាងសង់ក្នុងឆ្នាំ ១៩៨៦ បាមកដល់ពេលនេះបានចុះគុណភាពធ្ងន់ធ្ងរ បណ្តាបន្ទប់ពិនិត្យ និងព្យាបាល និងបន្ទប់ទឹកត្រូវលេចធ្លាយ និងដុះផ្សិត។រចនាសម្ព័ន្ធសសរ ធ្នឹម និងកម្រាលឥដ្ឋមានកន្លែងត្រូវរបក និងប្រេះជាច្រើន។និយាយរួម ការប្រើប្រាស់បន្តមិនធានាសុវត្ថិភាពសម្រាប់ប្រជាជន និងសម្រាប់ការពិនិត្យជំងឺរបស់វេជ្ជបណ្ឌិតផងដែរ ដូច្នេះការវិនិយោគគ្រែជំងឺ ៣០០ គ្រែគឺចាំបាច់។
បន្ទាប់ពីធ្វើការពិនិត្យជាក់ស្តែង លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្ត បានសង្កត់ធ្ងន់ថា ជាមួយនឹងតួនាទីជាតំបន់ព្រំដែនជាមួយពាណិជ្ជកម្ម ទេសចរណ៍ ការពារជាតិ និងសន្តិសុខ ព្រមទាំងតម្រូវការថែទាំសុខភាពកាន់តែកើនឡើងនោះ ទិញបៀន ចាំបាច់ត្រូវតែមានមូលដ្ឋានព្យាបាលដ៏រឹងមាំ ទ្រង់ទ្រាយធំ និងមានសមត្ថភាពបច្ចេកទេសគ្រប់គ្រាន់ ដើម្បីបម្រើប្រជាជនក្នុងតំបន់ តាមរយៈនោះកាត់បន្ថយបានការបញ្ជូនទៅកាន់មណ្ឌលកម្រិតខ្ពស់ផង និងកាត់បន្ថយបានការលើសចំណុះផង។
លោក ហូ វ៉ាន់ ម៉ឹង ប្រធានគណៈកម្មាធិការប្រជាជនខេត្ត បានយល់ព្រមលើគោលការណ៍ស្នើសាងសង់អគារព្យាបាលថ្មី និងអគារជំនួយសម្រាប់មន្ទីរពេទ្យទូទៅទិញបៀនដោយទ្រង់ទ្រាយគ្រែចំនួន ៣០០។ យោងតាមលោកប្រធានគណៈកម្មាធិការប្រជាជនខេត្ត នេះគឺជាតម្រូវការចាំបាច់ មានមូលដ្ឋានជាក់ស្តែង ស្របតាមការអភិវឌ្ឍរបស់មូលដ្ឋាន និងស្របតាមការតម្រង់ទិសលើកកម្ពស់សមត្ថភាពសុខាភិបាលនៅតំបន់ព្រំដែននៅដំណាក់កាលខាងមុខ។តាមរយៈនោះ លោកស្នើឲ្យក្រសួងសុខាភិបាល និងគណៈគ្រប់គ្រងគម្រោងខេត្តធ្វើការពិនិត្យជាក់ស្តែងនិងវិនិយោគ ដើម្បីសាងសង់ឲ្យបានឆាប់នៅតំបន់ព្យាបាល ដើម្បីដោះស្រាយបញ្ហាលើសចំណុះអ្នកជំងឺ និងអនុវត្តល្អការងារថែទាំសុខភាពសម្រាប់ប្រជាជនក្នុងមូលដ្ឋាន និងនៅប្រទេសកម្ពុជា។ ប្រគល់ឲ្យមន្ទីរហិរញ្ញវត្ថុសិក្សាស្រាវជ្រាវពិនិត្យមើលឡើងវិញដើម្បីធានាការបែងចែកថវិកាសម្រាប់ឆ្នាំ ២០២៦៕
ប្រែ៖ ណារីពៅ
