យោងតាមមន្ទីរទេសចរណ៍ខេត្តអានយ៉ាង ក្នុងឱកាសបុណ្យចូលឆ្នាំថ្មី ឆ្នាំមមី ឆ្នាំ២០២៦ ដែលមានរយៈពេលចាប់ពីថ្ងៃទី២៧ ខែ ១២ ច័ន្ទគតិ ដល់ថ្ងៃទី៦ ខែទី១ ច័ន្ទគតិ (ថ្ងៃទី១៤ កុម្ភៈ ដល់ថ្ងៃទី២២ ខែកុម្ភៈ) ខេត្តបានស្វាគមន៍ភ្ញៀវទេសចរជាង ១,៧លាននាក់ មកទស្សនាកម្សាន កើនឡើង ៣៧,៣% បើប្រៀបធៀបនឹងរយៈពេលនេះឆ្នាំមុន។ ប្រាក់ចំណូលសរុបសម្រាប់វិស័យទេសចរណ៍សម្រេចបានប្រមាណចំនួនជាង ២,៦២២ ពាន់លានដុង កើនឡើង ៣៩%។
បណ្តាឃុំ សង្កាត់ និងតំបន់ពិសេសទាក់ទាញភ្ញៀវទេសចររាប់រយរាប់ពាន់នាក់ ដូចជា ភូក្វឹក ហាទៀន វិញតេ នុយកាំ ថយសើន និងទ្រីតូន។ ក្នុងចំណោមនោះ តំបន់ពិសេសភូក្វឹកបានទទួលភ្ញៀវទេសចរអន្តរជាតិចំនួន ៩២.៩៩៤នាក់ កើនឡើង ២៤,៣% បើប្រៀបធៀបទៅនឹងរយៈពេលនេះឆ្នាំមុន ស្មើអត្រា ៩៤,៣% នៃចំនួនភ្ញៀវទេសចរអន្តរជាតិសរុបនៅក្នុងខេត្ត។
គួរកត់សម្គាល់ថា ការហូរចូលនៃភ្ញៀវទេសចរអន្តរជាតិមកកាន់កោះភូក្វឹកគឺគួរឲ្យចាប់អារម្មណ៍ណាស់។ កម្រិតកំពូលគឺនៅថ្ងៃទី ១៤ ខែកុម្ភៈ ឆ្នាំ ២០២៦ (ថ្ងៃទី ២៧ នៃបុណ្យចូលឆ្នាំវៀតណាម) អាកាសយានដ្ឋានអន្តរជាតិភូក្វឹកបានកត់ត្រាជើងហោះហើរអន្តរជាតិចំនួន ៥០ ជាមួយអ្នកដំណើរអន្តរជាតិជាង ១៨ពាន់នាក់ អត្រាអ្នកដំណើរអន្តរជាតិខ្ពស់បំផុតចាប់តាំងពីអាកាសយានដ្ឋានបានចាប់ផ្តើមប្រតិបត្តិការនៅឆ្នាំ ២០១២ និងកម្រិតកំពូលក្នុងឱកាសបុណ្យចូលឆ្នាំវៀតណាមឆ្នាំ ២០២៦ បន្តពង្រីកនិន្នាការកំណើនបន្ថែមទៀត។
លោក ង្វៀន បា គ្វឹន នាយកអាកាសយានដ្ឋានអន្តរជាតិភូក្វឹក នៃក្រុមហ៊ុន ភាគហ៊ុនអាកាសចរណ៍ ម៉ាត់ត្រើយ សម្ព័ន្ឋក្រុមហ៊ុន Sun Group បានមានប្រសាសន៍ថា “តាំងពីដើមដំបូងមក យើងខ្ញុំបានកំណត់ថា កំណើនបរិមាណផលត្រូវតែដើរទន្ទឹមគ្នានឹងការគ្រប់គ្រងប្រតិបត្តិការ។ត្រូវតែដើរទន្ទឹមគ្នាជាមួយនឹងការគ្រប់គ្រងប្រតិបត្តិការ។ ដើម្បីបម្រើមានប្រសិទ្ធភាពក្នុងអំឡុងពេលបុណ្យចូលឆ្នាំវៀតណាម អាកាសយានដ្ឋានបានបង្កើតផែនការទាញយកផលក្នុងតិសដៅស្របគ្នា និងមានភាពបត់បែន។ បុគ្គលិក មធ្យោបាយ និងឧបករណ៍ត្រូវបានបង្កើន ហើយហេដ្ឋារចនាសម្ព័ន្ធ និងនីតិវិធីប្រតិបត្តិការទាំងមូលត្រូវបានពិនិត្យ និងកែសម្រួលឲ្យសមស្របទៅនឹងកម្លាំងជាក់ស្តែង។ យើងខ្ញុំបានកំណត់និន្នាការកំណើនជាមុន និងបង្កើតសេណារីយ៉ូប្រតិបត្តិការស៊ីគ្នា។ដូច្នេះ ទោះបីជាបរិមាណកើនឡើងយ៉ាងខ្លាំងក៏ដោយ ក៏អាកាសយានដ្ឋាននៅតែរក្សាបាននូវស្ថានភាពត្រៀមខ្លួនខ្ពស់ជានិច្ច”។
ក្នុងឱកាសបុណ្យចូលឆ្នាំថ្មីប្រពៃណីវៀតណាមឆាំ្នមមី ២០២៦ វិស័យទេសចរណ៍ខេត្តអានយ៉ាងបានមានសន្ទុះដ៏អស្ចារ្យ ជាមួយនឹងតួលេខកំណើនគួរឲ្យចាប់អារម្មណ៍ និងផលិតផលសេវាកម្មផ្លាស់ថ្មី និងចម្រុះ ដើម្បីបម្រើភ្ញៀវទេសចរសប្បាយនិទាឃរដូវនិងបុណ្យចូលឆាំ្នថ្មីវៀតណាម។ ពីតំបន់ដីពិសិដ្ឋខាងវិញ្ញាណនៅចូវដុក ទ្រីតូន និងទិញបៀន រហូតដល់តំបន់ព្រំដែន "ហាទៀន ដែនដីនៃកំណាព្យ" និងកោះពេជ្យភូក្វឹក ហនសឺន ណាមយូជាដើម បានបង្កើតជាផ្ទាំងគំនូទេសភាពនិទាឃរដូវដ៏រស់រវើក និងចម្រុះពណ៌ បានបញ្ជាក់ពីជំហរទេសចរណ៍របស់ខេត្តអានយ៉ាងនៅក្នុងចិត្តអ្នកទេសចរក្នុងនិងក្រៅប្រទេស។
នៅតាមគោលដៅទេសចរណ៍សំខាន់ៗដូចជា តំបន់ទេសចរណ៍ជាតិភ្នំស្វាម ភ្នំពពាល និងព្រៃស្មាច់ត្រាសឺ អ្នកទេសចរមិនត្រឹមតែអាចបង្កប់ខ្លួនទៅក្នុងបរិយាកាសបុណ្យចូលឆ្នាំប្រពៃណីជាតិជាមួយនឹងផ្សារផ្កានិទាឃរដូវ ផ្លូវអាហារ និងរបាំតោ-នាគប៉ុណ្ណោះទេ ប៉ុន្តែថែមទាំងអាចទទួលបានបទពិសោធន៍សិល្បៈសរសេរអក្សរក្បាច់ និងទេសចរណ៍អេកូឡូស៊ីនៅក្នុងសហគមន៍ផងដែរ។
បន្ទាប់មក នៅក្នុងទីក្រុងរ៉ាច់យ៉ាឆ្នេរសមុទ្ទខាងលិច តំបន់ទីក្រុងភូគឿង បានតុបតែងលម្អបុណ្យចូលឆ្នាំថ្មីវៀតណាមយ៉ាងស៊ីគ្នារវាងសោភ័ណភាពប្រពៃណីនិងទំនើប ដែលបង្កើតបានជាចំណុចលេចធ្លោគួរឲ្យចាប់អារម្មណ៍មួយ ជាមួយនឹងតំបន់តន្ត្រីទឹកដែលទើបនឹងបើកថ្មីបម្រើដល់ប្រជាជន និងអ្នកទេសចរមួយចំនួនធំដែលមកទស្សនា និងទទួលយកបទពិសោធន៍។
ជាពិសេស កោះភូក្វឹក ដែលជា “ឋានសួគ៌ទេសចរណ៍” បានរំពឹងថានឹងស្វាគមន៍ភ្ញៀវទេសចរចំនួន ៣៦៥.៨១៨ នាក់ក្នុងឱកាសបុណ្យចូលឆ្នាំថ្មី ជាមួយនឹងផលិតផលទ្រង់ទ្រាយធំដូចជា៖ កម្មវិធីសិល្បៈ “Symphony of the Sea” និង “Awaken Sea” តន្ត្រីទឹក និងការបាញ់កាំជ្រួចផ្កាវិចិត្រសិល្បះដ៏ស្រស់ស្អាត ទទួលបទពិសោធន៍នៅស្ពាន Cầu Hôn ផ្សាររាត្រីសប្បាយ Fest Bazaar រួមជាមួយនឹងកម្មវិធីសិល្បៈតាមដងផ្លូវដ៏រស់រវើក កម្មវិធីសម្តែង និងបទពិសោធន៍នៅ VinWonders និង Grand World ជាដើម បានរួមចំណែកធ្វើឲ្យសម្បូបែបផលិតផលទេសចរណ៍ក្នុងឱកាសបុណ្យចូលឆ្នាំថ្មីប្រពៃណីជាតិ និងទាក់ទាញភ្ញៀវទេសចរ។
ក្នុងរដូវទេសចរណ៍បុណ្យចូលឆ្នាំវៀតណាម ឆ្នាំ២០២៦ (ឆ្នាំមមី) មន្ទីរទេសចរណ៍ខេត្តអានយ៉ាងបានពង្រាយក្រុមត្រួតពិនិត្យនិងឃ្លាំមើលយ៉ាងសកម្ម ដើម្បីត្រួតពិនិត្យយ៉ាងហ្មត់ចត់នូវសុវត្ថិភាព និងអនាម័យចំណីអាហារ សន្តិសុខ និងសណ្តាប់ធ្នាប់ និងការបិទតម្លៃជាសាធារណៈនៅតាមតំបន់ទេសចរណ៍ គោលដៅទេសចរណ៍ អង្គភាពអាជីវកម្មសេវាកម្មទេសចរណ៍ ដោយធានាបាននូវបរិយាកាសទេសចរណ៍សុវត្ថិភាព ស៊ីវិល័យ និងរួសរាយរាក់ទាក់។
យោងតាមលោក ប៊ួយ ក្វឹក ថៃ នាយកមន្ទីរទេសចរណ៍ខេត្តអានយ៉ាង សង្កត់ធ្ងន់ថា កំណើនចំនួនភ្ញៀវទេសចរក្នុងឱកាសបុណ្យចូលឆ្នាំវៀតណាមឆ្នាំ២០២៦ មានអត្ថន័យវិជ្ជមានសម្រាប់វិស័យទេសចរណ៍ខេត្តអានយ៉ាង គឺជាមូលដ្ឋានគ្រឹះសម្រាប់ខេត្តសម្រេចបានគោលដៅឆ្នាំ២០២៦ លើសពីគោលដៅឆ្នាំ២០២៥។ ការរីកចម្រើននៅដើមឆ្នាំនេះសឲ្យឃើញថា ខេត្តកំពុងស្ថិតនៅលើផ្លូវត្រូវក្លាយជាមជ្ឈមណ្ឌលទេសចរណ៍ដ៏សំខាន់មួយនៅក្នុងតំបន់ភាគនិរតី ដែលជា “ត្រីវិស័យ” ដើម្បីចាប់ផ្តើមឆ្នាំទេសចរណ៍ពោពេញដោយក្តីសង្ឃឹមរបស់ខេត្តអានយ៉ាង។ នេះគឺជាជំហានដ៏សំខាន់មួយសម្រាប់វិស័យទេសចរណ៍ខេត្តអានយ៉ាងបន្តឈានទៅឆ្ងាយ ឆ្ពោះទៅដល់ឆ្នាំ២០២៦ រីកចម្រើន និងមាននិរន្តរភាពជាងមុន មុនពេលកិច្ចប្រជុំកំពូល APEC ២០២៧ ប្រារពឡើងនៅកោះពេជ្យភូក្វឹក៕
ប្រែ៖ ណារីពៅ
