យោងតាមមន្ទីរទេសចរណ៍ខេត្តអានយ៉ាងបានឲ្យដឹងថា អស់រយៈពេល ៤ ថ្ងៃឈប់សម្រាកបុណ្យចូលឆ្នាំ សកលឆាំ្ន ២០២៦ (ចាប់ពីថ្ងៃទី ១ ដល់ថ្ងៃទី ៤ ខែមករា) អានយ៉ាងទទួលភ្ញៀវទេសចរបានចំនួន ៣៤៨.៧៧៨ នាក់តាមការសន្និដ្ឋាន កើនឡើង ៥២,៥% បើប្រៀបធៀបនឹងដំណាលពេលនេះឆ្នាំមុន។ ប្រាក់ចំណូលជាសរុបពីទេសចរណ៍សម្រេចបាន ៨៥៩ ពាន់លានដុង កើនឡើង ៧១,២% បើធៀបទៅនឹងដំណាលពេលនេះឆ្នាំមុន។
ជាក់ស្តែង ភ្ញៀវទេសចរអន្តរជាតិមានចំនួនសរុប ៣០.២៨៤នាក់ កើនឡើង ៤៨,៦% បើធៀបទៅនឹងដំណាលពេលនេះឆ្នាំមុន។ ភ្ញៀវទេសចរក្នុងប្រទេសចំនួន ៣១៨,៤៩៤នាក់ កើនឡើង ៥២,៨%។ ភ្ញៀវទេសចរទៅកាន់តំបន់ទេសចរណ៍ និងគោលដៅទេសចរណ៍ទាក់ទាញមានចំនួន ២៦១.៨៩៣នាក់ កើនឡើង ៤១,៥% បើធៀបនឹងដំណាលពេលនេះឆ្នាំមុន។ ភ្ញៀវស្នាក់នៅចំនួន ៨៦.៨៨៥នាក់ កើនឡើង ៩៩,០% បើធៀបនឹងដំណាលពេលនេះឆ្នាំមុន។ ពលានុភាពបន្ទប់ជាមធ្យមសម្រេចបាន ៦១,៦៥% កើនឡើង ៩២,៧% បើធៀបនឹងដំណាលពេលនេះឆាំ្នមុន។ ដោយឡែកតំបន់ពិសេសភូក្វឹកទទួលភ្ញៀវទេសចរបានចំនួន ១៧៥.៧៩៧នាក់តាមការប៉ាន់ប្រម៉ាណ កើនឡើង ១៥៦,១% បើធៀបទៅនឹងដំណាលពេលនេះឆ្នាំមុន។ ក្នុងនោះ ភ្ញៀវអន្តរជាតិចំនួន ២៩.៨៨៨នាក់ កើនឡើង ៤៩,៧% បើធៀបទៅនឹងដំណាលពេលនេះឆ្នាំមុន។
ក្នុងឱកាសបុណ្យចូលឆាំ្នសកលឆ្នាំ២០២៦ បណ្តាមូលដ្ឋាន តំបន់/គោលដៅទេសចរណ៍ និងអង្គភាពអាជីវកម្មសេវាកម្មទេសចរណ៍នៅក្នុងខេត្តបានរៀបចំសកម្មភាពជាច្រើនយ៉ាងសម្បូរបែប និងចម្រុះ ដើម្បីបម្រើតម្រូវការទស្សនាកម្សាន្ត របស់ភ្ញៀវទេសចរ។ ផលិតផល និងសេវាកម្មទេសចរណ៍បានបន្តពង្រឹង ធ្វើថ្មីនិងផ្តោតសំខាន់លើការបង្កើនគុណភាព និងបទពិសោធន៍សម្រាប់ភ្ញៀវទេសចរ។
នៅតាមមូលដ្ឋាន និងតំបន់/គោលដៅទេសចរណ៍ជាច្រើន មានសកម្មភាពវប្បធម៌ សិល្បៈ ព្រឹត្តិការណ៍កីឡា ល្បែងប្រជាប្រិយ និងពិធីបុណ្យនំប្រជាប្រិយបានរៀបចំឡើង បង្កើតជាបរិយាកាសរីករាយ និងរំភើបក្នុងបណ្តាថ្ងៃដំបូងនៃឆ្នាំថ្មី។ គោលដៅទេសចរណ៍មួយចំនួនបានផ្សព្វផ្សាយកម្មវិធីបម្រើបុណ្យចូលឆាំ្នថ្មី ដូចជា៖ តំបន់ទេសចរណ៍ភ្នំទឹកជប់ (ឃុំអូឡឹម) តំបន់ទេសចរណ៍ព្រៃស្មាញ់ត្រាសឺ (ឃុំអានគឺ) និង តំបន់ទេសចរណ៍កនអេន (ឃុំគួឡាវយៀង)ជាដើម ដោយសកម្មភាពទស្សនា ស្វែងយល់បទពិសោធន៍អេកូឡូស៊ី និងវប្បធម៌ពិសេសរបស់មូលដ្ឋាន។
ទន្ទឹមនិងនោះ អង្គភាពអាជីវកម្មសេវាកម្មទេសចរណ៍ជាច្រើនបានអនុវត្តកម្មវិធីបញ្ចុះតម្លៃ ផ្សព្វផ្សាយ បង្កើតផលិតផល និងសេវាកម្មថ្មីៗ ហើយនិងរៀបចំសកម្មភាពលេងកម្សាន្តដើម្បីទាក់ទាញភ្ញៀវទេសចរក្នុងឱកាសបុណ្យចូលឆាំ្នសកល។ដោយឡែកនៅតំបន់ពិសេសភូក្វឹក និងព្រឹត្តិការណ៍ទ្រង់ទ្រាយធំជាច្រើនកំពុងបានរៀបចំឡើងដើម្បីបម្រើភ្ញៀវទេសចរ ដូចជា៖ កម្មវិធី Show ONCE កំណែពិសេសដើម្បីស្វាគមន៍ឆ្នាំថ្មីនៅ VinWonders។ នៅក្នុងពិធីជប់លៀង Countdown 2025 “The Rise of Lights” នៅ Grand World ភូក្វឹក កម្មវិធីកម្សាន្ត “ឋានសួគ៌” រួមបញ្ចូលនឹងការបាញ់កាំជ្រួចផ្កា។ សប្តាហ៍តន្ត្រីឆ្នេរសមុទ្ទនិងបាញ់កាំជ្រួចផ្កានៅទីរួមស្រុកថ្ងៃលិច (ចាប់ពីថ្ងៃទី ២៥ ខែធ្នូ ឆ្នាំ ២០២៥ ដល់ថ្ងៃទី ៤ ខែមករា ឆ្នាំ ២០២៦)។ និងរាត្រី Spectacle Countdown ២០២៦ ជាមួយនឹងការបាញ់កាំជ្រួចផ្កាទ្រង់ទ្រាយធំ រួមចំណែកបង្កើតជាចំណុចនិងបរិយាកាសបុណ្យដ៏រស់រវើក និងទាក់ទាញសម្រាប់ភ្ញៀវទេសចរក្នុងនិងក្រៅប្រទេស។
ក្នុងឱកាសបុណ្យចូលឆាំ្នសកលឆាំ្ន ២០២៦ ការងារត្រួតពិនិត្យ និងឃ្លាំមើលសកម្មភាពទេសចរណ៍និងធានានូវសន្តិសុខ សុវត្ថិភាពសម្រាប់ភ្ញៀវទេសចរ បានបណ្តាមូលដ្ឋាន តំបន់/គោលដៅទេសចរណ៍ និងអង្គភាពអាជីវកម្មសេវាកម្មទេសចរណ៍ បានអនុវត្តការត្រួតពិនិត្យ និងត្រួតពិនិត្យសកម្មភាពទេសចរណ៍ផ្សព្វផ្សាយយ៉ាងយកចិត្តទុកដាក់។ បណ្តាមូលដ្ឋានតំបន់ទេសចរណ៍សំខាន់ៗបានរៀបចំត្រួតពិនិត្យនិងរម្លឹកដល់មូលដ្ឋានអាជីវកម្មទេសចរណ៍ឲ្យអនុវត្តតាមបទប្បញ្ញត្តិច្បាប់នូវសកម្មភាពអាជីវកម្ម សេវាកម្មទេសចរណ៍ បង្ការទប់ស្កាត់អគ្គីភ័យនិងផ្ទុះ ការពារបរិស្ថាន អនាម័យសុវត្ថិភាពចំណីអាហារ និងសុវត្ថិភាពចរាចរណ៍។
នៅតាមតំបន់និងគោលដៅទេសចរណ៍ និងមូលដ្ឋានអាជីវកម្មសេវាកម្ម ការងារធានាសន្តិសុខ សណ្តាប់ធ្នាប់ និងសុវត្ថិភាពសង្គមបានបង្កើន កងកម្លាំងប្រចាំការ និងជួយសង្គ្រោះ បានពង្រាយយ៉ាងពេញលេញ ការបិទផ្លាកតម្លៃ និងលក់ក្នុងតម្លៃត្រឹមត្រូវបានត្រួតពិនិត្យ និងឃ្លាំមើលជាប្រចាំ។ បណ្តាអង្គភាពបានរកឃើញ និងដោះស្រាយការរំលោភបំពានបានទាន់ពេលវេលា រួមចំណែករក្សាបរិយាកាសទេសចរណ៍សុវត្ថិភាព អារ្យធម៌ និងមេត្រីភាព៕
ប្រែ៖ សំណាង
