អានយ៉ាងតែងតែទាក់ទាញភ្ញៀវទេសចរដោយភាពប្លែកពិសេស និងភាពទាក់ទាញរបស់ធម្មជាតិ បេតិកភណ្ឌ បរិយាកាសវប្បធម៌។ល។ ដើម្បី “ផ្នែកឧស្សាហកម្មគ្មានផ្សែង" ក្លាយជាកម្លាំងចលករសម្រាប់ការអភិវឌ្ឍសេដ្ឋកិច្ច ខេត្តខិតខំលើកកម្ពស់គុណភាពទម្រង់និងផលិតផលទេសចរណ៍ជាលំដាប់ជាតិនិងអន្តរជាតិ។
ពង្រីកសក្តានុភាព ប្រៀបខ្លាំង
នាយកមន្ទីរទេសចរណ៍ខេត្តអានយ៉ាង បានឲ្យដឹងថា៖ ក្រោយពេលរួមបញ្ចូលគ្នា អានយ៉ាង ក្លាយជាភូមិសាស្ត្រដ៏ធំមួយដែលប្រមូលផ្តុំធនធានចម្រុះពីវាលរាប កោះសមុទ្ទ ព្រៃភ្នំ ព្រំដែនរហូតដល់ទន្លេទឹកតំបន់វាលរាបទន្លេគឺវឡុង។ ការរួមបញ្ចូលគ្នានេះមិនត្រឹមតែពង្រីកតំបន់ធម្មជាតិប៉ុណ្ណោះទេ តែថែមទាំងបង្កើតឲ្យអានយ៉ាង នូវរមណីដ្ឋានជាច្រើនដែលមានផលិតផលទេសចរណ៍ល្បីឈ្មោះក្នុងប្រទេស និងលើពិភពលោក ដូចជា៖ ភូក្វុក បានកំណត់ទីតាំងជាមជ្ឈមណ្ឌល សេវាកម្ម ទេសចរណ៍អេកូឡូស៊ីគុណភាពខ្ពស់ ទេសចរណ៍ធម្មជាតិ ទេសចរណ៍សមុទ្ទ និងកោះលំដាប់ជាតិ និងអន្តរជាតិ។ ហាទៀន - គៀនលឿង - គៀនហៃ បានស្គាល់ជាមួយទេសចរណ៍អេកូឡូស៊ីសមុទ្ទកោះ ដែលផ្សារភ្ជាប់នឹងគោលដៅវប្បធម៌ ទេសចរណ៍ប្រវត្តិសាស្ត្ររបស់ខេត្ត។ វិញតេ-ភ្នំស្វាមល្បីឈ្មោះអំពីទេសចរណ៍ខាងវិញ្ញាណនឹងវត្តលោកយាយភ្នំស្វាម តំបន់ទេសចរណ៍ភ្នំពពាល។ ឧទ្យានជាតិអ៊ូមិញធឿង ឧទ្យានជាតិភូក្វុក និងព្រៃស្មាច់ ត្រាសឺ បានគេស្គាល់ដោយប្រព័ន្ធអេកូឡូស៊ីព្រៃឈើចម្រុះ និងសម្បូរបែប ល្បីឈ្មោះដោយទម្រង់ទេសចរណ៍អេកូឡូស៊ីព្រៃឈើ និងទេសចរណ៍អេកូឡូស៊ីផ្សារភ្ជាប់នឹងកេរដំណែលប្រវត្តិសាស្ត្របដិវត្ត។ ទេសចរណ៍អេកូឡូស៊ីផ្សានឹងការសិក្សាស្រាវជ្រាវវិទ្យាសាស្ត្រ។
ដោយកំណត់ច្បាស់ពីការលំបាក និងបញ្ហាប្រឈម ផ្នែកទេសចរណ៍ខេត្តអានយ៉ាងបានផ្សព្វផ្សាយយ៉ាងសកម្មនូវដំណោះស្រាយជាច្រើន ដើម្បីរៀបចំរចនាសម្ព័ន្ធទីផ្សារទេសចរណ៍ឡើងវិញ ផ្លាស់ថ្មីការងារជំរុញ និងទាក់ទាញភ្ញៀវទេសចរ។ ទន្ទឹមនឹងនោះ ធ្វើថ្មីផលិតផលទេសចរណ៍ក្នុងទិសដៅពិពិធកម្ម និងបង្កើនភាពទាក់ទាញ។ គោលដៅទេសចរណ៍ថ្មីៗជាច្រើនបានវិនិយោគ ប្រព័ន្ធមូលដ្ឋានសម្ភារៈបច្ចេកទេស និងហេដ្ឋារចនាសម្ព័ន្ធបម្រើដល់វិស័យទេសចរណ៍បានកែលម្អច្បាស់លាស់។ អាស្រ័យហេតុនេះ ចំនួនភ្ញៀវទេសចរជាតិ និងអន្តរជាតិបានស្តារឡើងវិញ និងមានកំនើនកើនឡើងយ៉ាងឆាប់រហ័ស។
បន្ទាប់ពីរួមបញ្ចូលគ្នាអង្គភាពរដ្ឋបាល ពេលនេះ អានយ៉ាង មានសក្ដានុភាពអភិវឌ្ឍទេសចរណ៍ ដោយមានពិធីបុណ្យវប្បធម៌ប្លែកៗ និងច្រើនសណ្ឋាន។ ហើយមានអាថ៌កំបាំងនៃព្រៃភ្នំ និងសម្រស់ដ៏បរិសុទ្ធនៃសមុទ្ទកោះ។នេះជាឱកាសសម្រាប់ខេត្តអានយ៉ាង ទាក់ទាញភ្ញៀវទេសចរមកស្វែងយល់បទពិសោធន៍ និងទស្សនាដោយការស្នាក់នៅបានយូរជាង។ គ្រួសារលោក ង៉ោថាញ់ហៃ ដែលជាអ្នកទេសចរមកពីទីក្រុងហូជីមិញ ទើបតែបានទៅទស្សនាស្វែងយល់បទពិសោធន៍ "៤ ថ្ងៃ ៣ យប់" នៅ អានយ៉ាង ជាមួយនឹងគោលដៅទេសចរណ៍ពិសេសរបស់មូលដ្ឋាន ដូចជា៖ វត្តលោកយាយភ្នំស្វាម ព្រៃស្មាច់ត្រាសឺ ហាទៀននិងភូក្វុក។ល។ បង ថាញហៃ បានចែករំលែកថា៖ “ឥឡូវនេះ អានយ៉ាង មានគោលដៅទេសចរណ៍ដ៏ទាក់ទាញជាច្រើនចាប់តាំងពីលើភ្នំ រហូតដល់ក្រោមសមុទ្ទ និងមានមុខម្ហូបឆ្ងាញ់ៗ។ជឿជាក់ថា យើងខ្ញុំនិងវិលត្រឡប់មកវិញម្តងទៀតដើម្បីស្វែងយល់ បន្ថែមទៀតអំពីតំបន់ទេសចរណ៍នៅស្រុកស្រែចំការនិងទន្លេទឹកនេះ ក្នុងរយៈពេលដ៏ឆាប់បំផុត”។
បង្កើតគោលដៅមេត្រីភាព និងផលិតផលទេសចរណ៍ពិសេស
ជាមួយនឹងការវិវឌ្ឍហេដ្ឋារចនាសម្ព័ន្ធដឹកជញ្ជូន សេដ្ឋកិច្ច និងសេវាកម្មទេសចរណ៍ ភូក្វុកកំពុងប្រែខ្លួនក្លាយជាមជ្ឈមណ្ឌលសេដ្ឋកិច្ច និងទេសចរណ៍អន្តរជាតិ ជាមួយនឹងរមណីយដ្ឋានសម្រាកលម្ហែកាយលំដាប់ខ្ពស់ មានកន្លែងកម្សាន្តទំនើប និងសេវាកម្មទេសចរណ៍លំដាប់ពិភពលោក កំពុងបំពេញបានតម្រូវភ្ញៀវប្រណីតលំដាប់ខ្ពស់ សម្រាប់គ្រួសារ និងមិត្តយុវវ័យ។ ជារៀងរាល់ឆ្នាំ កោះនេះទាក់ទាញភ្ញៀវទេសចរក្នុង និងក្រៅប្រទេសរាប់លាននាក់មកទស្សនា និងសម្រាកលម្ហែកាយ។ លោក Daniel Jason ដែលជាអ្នកទេសចរជនជាតិអង់គ្លេសបានចែករំលែក ថា "ខ្ញុំគិតថានេះជាកន្លែងដែលគ្រួសារខ្ញុំអាចត្រឡប់មកវិញជារៀងរាល់ឆ្នាំ។ ភូក្វុកស្អាត់ណាស់ ពិតជាស្រស់ស្អាតណាស់។ ខ្ញុំពិតជាចូលចិត្តទេសភាពដ៏ស្រស់ស្អាតពីឆ្នេរសមុទ្ទ ហើយក៏រិតតែចូលចិត្តស្វែងយល់បទពិសោធន៍ពីសេវាកម្មនៅទីនេះ"។បង Daniel Jason ទេសចរជនជាតិអង់គ្លេសចែករំលែក។
ខេត្តអានយ៉ាង ផ្តោតលើការកសាងភូក្វុក ក្លាយជាមជ្ឈមណ្ឌលសេវាកម្ម ទេសចរណ៍អេកូឡូស៊ីសមុទ្ទនិងកោះគុណភាពខ្ពស់លំដាប់ជាតិនិងអន្តរជាតិ សម្រេចបានគោលដៅភ្ញៀវទេសចរណ៍អន្តរជាតិជាង ៣ លាននាក់នៅឆ្នាំ ២០៣០។ តាមរយៈនោះ បង្ហាញពីការប្តេជ្ញាចិត្តនយោបាយខ្ពស់របស់បក្ខភាគខេត្ត សហការជាមួយនឹងការតម្រង់ទិសអភិវឌ្ឍទេសចរណ៍បៃតង ចីរភាពយោងតាមសេចក្តីសម្រេចចិត្តមហាសន្និបាតរបស់បក្ស ដោយសង្កត់ធ្ងន់ពីតួនាទីទេសចរណ៍ ជា វិស័យសេដ្ឋកិច្ចមុខព្រួញ រួមចំណែក ដល់ការបំបែរចនាសម្ព័ន្ធសេដ្ឋកិច្ច បង្កើតការងារ និងលើកកម្ពស់ជីវភាពរស់នៅរបស់ប្រជាជន។ លោក ង្វៀន វូខាក់ហ្វី អនុប្រធានប្រចាំការសម្ព័ន្ឋសមាគមទេសចរណ៍ខេត្តអានយ៉ាង បានមានប្រសាសន៍ថា “មិនត្រឹមតែបញ្ឈប់នៅត្រឹមផលិតផលទេសចរណ៍ដែលមានស្រាប់ប៉ុណ្ណោះទេ ភូក្វុកថែមទាំងជាទីកន្លែងរៀបចំ APEC ២០២៧ ដោយមានគម្រោងយុទ្ធសាស្ត្រជាច្រើនកំពុងបានផ្សព្វផ្សាយខ្លាំងក្លា។
លោក ង្វៀនទ្រុងទ្រឹក នាយករងមន្ទីរទេសចរណ៍ខេត្តអានយ៉ាង បានឲ្យដឹងថា៖ ក្នុងរយៈពេល ៩ ខែដើមឆ្នាំ ២០២៥ ខេត្តអានយ៉ាង បានស្វាគមន៍ភ្ញៀវទេសចរជិត ២០ លាននាក់។ ក្នុងនោះ តំបន់ពិសេសភូក្វុក ស្វាគមន៍ភ្ញៀវទេសចរបានជាង ៦,៥ លាននាក់ ភ្ញៀវអន្តរជាតិជាង ១,២ លាននាក់ ចំណូលទេសចរណ៍សរុបជាង ៥១ ពាន់ពាន់លានដុង។ ជាពិសេស “កោះពេជ្យ” ភូក្វុក ស្វាគមន៍ភ្ញៀវឥណ្ឌាបានប្រមាណ ៩៦ពាន់នាក់ ភ្ញៀវម៉ាឡេស៊ី ៣៦ពាន់នាក់។ លោក ង្វៀន ទ្រុងថាញ់ បានមានប្រសាសន៍ថា “ទីផ្សារទេសចរណ៍អន្តរជាតិជាជនឥស្លាមកំពុងមកភូក្វុកទេសចរណ៍កាន់តែកើនឡើង និងព្យាករកើនឡើងខ្លាំងនាពេលខាងមុខ។ ដូច្នេះ មន្ទីរទេសចរណ៍ ស្នើសម្ព័ន្ឋសមាគមទេសចរណ៍អានយ៉ាង និងបណ្តាធុរកិច្ចផ្គត់ផ្គង់ជំរុញខ្លាំងការឃោសនា និងសកម្មសិក្សាស្វែងយល់ ដើម្បីទទួលបានបទបញ្ញត្តិស្តីពីវិញ្ញាបនប័ត្រ Halal សម្រាប់បម្រើប្រជាជនឥស្លាម រួមចំណែកបង្កើនចំនួនភ្ញៀវទេសចរឥស្លាមមកកាន់អានយ៉ាង”។ លោក ត្រាន់វ៉ាន់តាន់គឿង នាយកក្រុមហ៊ុនទទួលខុសត្រូវមានកំហិតហាឡាល ជាតិវៀតណាមចែករំលែកថា៖ “ស្តង់ដារបស់ ជនជាតិឥស្លាមគឺមានលក្ខណៈប្លែកពីគេ ចាប់តាំងពីវប្បធម៌ ពីវិធីទំនាក់ទំនង អាកប្បកិរិយា អាហារ ការបរិភោគ បន្ទប់សណ្ឋាគារហាឡាល ដែលគោរពតាមច្បាប់ឥស្លាមជាដើម។ តាមរយៈស្តង់ដារខាងលើ អាជីវកម្មនៅភូក្វុក ដែលស្វាគមន៍ទីផ្សារអតិថិជននេះ ត្រូវភ្ជាប់ជាមួយគ្នាដើម្បីធានាបានលក្ខណៈវិនិច្ឆ័យហាឡាល បម្រើអតិថិជនកាន់តែប្រសើរឡើង”។
កសាងពាណិជ្ជសញ្ញាទេសចរណ៍លំដាប់អន្តរជាតិ
ខេត្ត អានយ៉ាង ខិតខំដល់ឆាំ្ន ២០៣០ ស្វាគមន៍ភ្ញៀវទេសចរចំនួន ៣៩,៥ លាននាក់ ជាមួយនឹងភ្ញៀវអន្តរជាតិជាង ៣ លាននាក់ ដោយចំណូលសរុបចំនួន ១០៨.៤៥០ ពាន់លានដុង។ ទន្ទឹមនឹងនោះ គឺជាភូមិសាស្ត្រមួយក្នុងចំណោមភូមិសាស្ត្រទេសចរណ៍សំខាន់ៗរបស់វៀតណាម ក្លាយជាគោលដៅទេសចរណ៍ដ៏ទាក់ទាញ មានពាណិជ្ជសញ្ញាអត្តសញ្ញាណដោយឡែក។ ដល់ឆាំ្ន ២០៥០ អានយ៉ាងជាគោលដៅទេសចរណ៍សមុទ្ទកោះលំដាប់អន្តរជាតិ លជា មជ្ឈមណ្ឌលទេសចរណ៍បៃតងរបស់តំបន់ ធានាអភិវឌ្ឍន៍ចីរភាព អភិវឌ្ឍន៍ផ្អែកលើសហគមន៍ និងពង្រីកតម្លៃប្រវត្តិសាស្ត្រ និងវប្បធម៌របស់មូលដ្ឋាន។
យោងតាមលោក ប៊ុយក្វុកថៃ ដើម្បីអនុវត្តការងារនោះបានល្អ ផ្នែកទេសចរណ៍ខេត្តបន្តផ្លាស់ថ្មីការងារផ្សព្វផ្សាយ ជំរុញនិងកំណត់ទីតាំងពាណិជ្ជសញ្ញាទេសចរណ៍របស់ខេត្ត។ទន្ទឹមនឹងនោះ បង្កើនការតភ្ជាប់តំបន់ជាមួយទីក្រុងហូជីមិញ និងបណ្តាខេត្តតំបន់វាលទំនាបទន្លេគឺវឡុង។ ជំរុញកិច្ចសហប្រតិបត្តិការអន្តរជាតិជាមួយបណ្តាប្រទេសក្នុងតំបន់អាស៊ាន បណ្តាប្រទេសមានសក្តានុភាពទីផ្សារភ្ញៀវទេសចរណ៍ តាមរយៈផ្សារណាត់ទេសចរណ៍អន្តរជាតិ និងព្រឹត្តិការណ៍ APEC ២០២៧។
ទន្ទឹមនិងនោះ តម្រង់ទិសអភិវឌ្ឍផលិតផលទេសចរណ៍ ក្នុងទិសដៅទាញយកភាពខ្លាំងអំពីធនធានធម្មជាតិ និងឆ្លៀតទាញយកអត្ថប្រយោជន៍ពីឱកាសលេចធ្លោនិងឧត្តមភាពប្រកួតប្រជែងភ្ជាប់ជាមួយនឹងការពង្រីកតម្លៃបេតិកភណ្ឌ និងអត្តសញ្ញាណវប្បធម៌ជាតិ។ បង្កើនការគ្រប់គ្រងសកម្មភាពទេសចរណ៍ មើលសំខាន់លើការធានាសន្តិសុខ សុវត្ថិភាពសម្រាប់ភ្ញៀវទេសចរ លើកកម្ពស់គុណភាពសេវាកម្មនៅតាមគោលដៅទេសចរណ៍នានា។
បង្កើតបណ្តាញសមាសភាពចូលរួមក្នុងដំណើរការផ្លាស់ប្តូរទេសចរណ៍បៃតង ជំរុញខ្លាំងការផ្លាស់ប្តូរឌីជីថល អនុវត្តបច្ចេកវិជ្ជាព័ត៌មាន បង្កើតបរិយាកាសទេសចរណ៍សុវត្ថិភាព អរ្យធម៌ មេត្រីភាព រួមចំណែកលើកកម្ពស់កេរ្តិ៍ឈ្មោះ និងរូបភាពទេសចរណ៍អានយ៉ាង លើទីផ្សារវៀតណាម និងអន្តរជាតិ។
ខេត្តបង្កើនការងារបណ្តុះបណ្តាល និងអភិវឌ្ឍប្រភពធនធានមនុស្ស ទាំងគុណភាព និងបរិមាណ ធានាមានតុល្យភាពក្នុងការរចនាសម្ព័ន្ធវិជ្ជាជីវៈ និងចំណេះវិជ្ជាបណ្តុះបណ្តាលឆ្លើយតតម្រូវការអភិវឌ្ឍរបស់ផ្នែកទេសចរណ៍ និងសមាហរណកម្មអន្តរជាតិ។
ជាពិសេសខេត្តត្រូវបញ្ចប់នូវ ប្រព័ន្ធហេដ្ឋារចនាសម្ព័ន្ធបម្រើដល់ការអភិវឌ្ឍវិស័យទេសចរណ៍ក្នុងទិសស្របគ្នា ទំនើប ធានានូវការតភ្ជាប់អន្តរតំបន់ អន្តរផ្នែក ជាពិសេសគឺការតភ្ជាប់ចរាចរណ៍ដ៏ងាយស្រួលរវាងអាកាសយានដ្ឋាន កំពង់ផែសមុទ្ទ ចំណតនាវាជាមួយមជ្ឈមណ្ឌលទេសចរណ៍សំខាន់ៗ និងបណ្តាតំបន់ទេសចរណ៍មានសក្តានុពល។ល។
“លោក ប៊ុយក្វុកថៃ នាយកមន្ទីរទេសចរណ៍ខេត្ត អានយ៉ាង បានមានប្រសាសន៍ថា “ទេសចរណ៍បន្តបញ្ជាក់ពីតួនាទី និងជំហរពីមួយថ្ងៃទៅមួយថ្ងៃកាន់តែច្បាស់លាស់ក្នុងការអភិវឌ្ឍសេដ្ឋកិច្ចសង្គម គឺជាកម្លាំងចលករជំរុញកំណើនសេដ្ឋកិច្ចដ៏សំខាន់ តាមរយៈសកម្មភាពទេសចរណ៍ អាចតភ្ជាប់ទំនិញ និងផ្សព្វផ្សាយវប្បធម៌ពិសេសរបស់ខេត្តអានយ៉ាងដល់ភ្ញៀវទេសចរជាតិ និងអន្តរជាតិ។ ភ្ញៀវទេសចរអន្តរជាតិដែលមកដល់ខេត្តអានយ៉ាងមិនត្រឹមតែទទួលបានបទពិសោធន៍ទេសភាព និងវប្បធម៌ប៉ុណ្ណោះទេ ថែមទាំងអាចទទួលបានផលិតផល OCOP របស់មូលដ្ឋាននៅនឹងគោលដៅផងដែរ។ |
ដំណាក់កាល ២០២១-២០២៥ ខេត្តអានយ៉ាង បានស្វាគមន៍ ភ្ញៀវទេសចរជាង ៨០,៨ លាននាក់មកទស្សនា ក្នុងនោះមានភ្ញៀវអន្តរជាតិជិត ៣,៥ លាននាក់។ ចំណូលសរុបពីទេសចរណ៍សម្រេចបាន ១៤២.៨០៤ ពាន់លានដុងតាមការសន្និដ្ឋាន។ |
ប្រែ៖ ណារីពៅ
