ព្រឹកថ្ងៃទី ១៥ កុម្ភៈ នៅតំបន់ទេសចរណ៍តាប៉ា -ស្វាយចេក ឃុំនុយតូ ស្រុកទ្រីតូន (អានយ៉ាង) គណកម្មាធិការប្រជាជនស្រុកទ្រីតូនសហការជាមួយនឹងសហព័ន្ឋឆ័ត្រយោងទីក្រុងហូជីមិញ រៀបចំបើកការប្រកួតឆ័ត្រយោងទីក្រុងហូជីមិញបើកទូលាយលើកទី ១ ឆាំ្ន ២០២៥។
នេះជាសកម្មភាពជាក់ស្តែង អបអរសាទរខួបលើកទី ៩៥ឆាំ្នថ្ងៃបង្កើតបក្សកុម្មុយនិស្តវៀតណាម (ថ្ងៃទី ៣ ខែកុម្ភៈ ឆ្នាំ ១៩៣០ ដល់ថ្ងៃទី ៣ ខែកុម្ភៈ ឆ្នាំ ២០២៥)។ ទន្ទឹមនឹងនោះ ណែនាំ ផ្សព្វផ្សាយរូបភាពអំពីធម្មជាតិ វប្បធម៌ និងមនុស្សទ្រីតូន និយាយដោយឡែក និងអានយ៉ាងនិយាយរួម ទៅដល់ភ្ញៀវទេសចរជាតិ និងអន្តរជាតិ។
ដោយមានប្រធានបទ “ការចុះចតដ៏ស្រស់ស្អាត” ការប្រកួតកីឡាឆ័ត្រយោងទីក្រុងហូជីមិញលើកទី ១ ឆ្នាំ ២០២៥ បានប្រព្រឹត្តឡើងចាប់ពីថ្ងៃទី ១៤ ដល់ថ្ងៃទី ១៦ ខែកុម្ភៈ ឆ្នាំ ២០២៥ នៅតំបន់ទេសចរណ៍ តាប៉ា -ស្វាយចេក ឃុំ នុយតូ ស្រុកទ្រីតូន។
ការប្រកួតនេះបានប្រមូលផ្តុំអាកាសយានិកជាង ៣០ នាក់មកពីក្លឹបឆ័ត្រយោងក្នុងប្រទេសនិងអន្តរជាតិ។ នៅក្នុងពិធីបើកការប្រកួត អាកាសយានិកបានសម្តែងការហោះហើរ Paramotor រួមមាន៖ ជិះឆ័ត្រយោងមានម៉ូទ័រ លើកទង់ជាតិ បញ្ចេញផ្សែងជាដើម នៅលើលម្អអាកាស បានទាក់ទាញភ្ញៀវទេសចររាប់ពាន់នាក់មកពីក្នុង និងក្រៅខេត្ត អានយ៉ាង មកទស្សនា និងទទួលបទពិសោធន៍។
លោក វ៉ថាញ់ទ្វឺន អនុប្រធានគណៈកម្មាធិការប្រជាជនស្រុក ទ្រីតូន ប្រធានគណៈកម្មការរៀបចំការប្រកួតបានមានប្រសាសន៍ថា នេះជាលើកទីមួយហើយដែលការប្រកួតកីឡាឆ័ត្រយោងខ្នាតធំថ្នាក់ជាតិបានប្រារព្ធឡើងនៅស្រុកទ្រីតូន និយាយដោយឡែក អានយ៉ាងនិងតំបន់វាលទំនាបទន្លេគឺវឡុងនិយាយរួម។ តាមរយៈនោះ ជួយឲ្យមូលដ្ឋានណែនាំ និងផ្សព្វផ្សាយរូបភាពដ៏ស្រស់ស្អាតអំពីធម្មជាតិ វប្បធម៌ មនុស្សនៃតំបន់ដី ទ្រីតូន ទៅដល់ភ្ញៀវទេសចរក្នុង និងក្រៅខេត្ត។ លើសពីនេះ ក៏ជាឱកាសមួយដើម្បីអញ្ជើញធុរកិច្ច និងវិនិយោគគិន មកសហការកសាងទេសចរណ៍ទ្រីតូន ក្លាយជាគោលដៅសុវត្ថិភាព និងទាក់ទាញ។
លោក វ៉ថាញទ្វឺន អនុប្រធានគណៈកម្មាធិការប្រជាជនស្រុកទ្រីតូន បានឲ្យដឹងថា ជាមួយនឹងស្ថានភាពភូមិសាស្ត្រ អាកាសធាតុ និងទេសភាពធម្មជាតិដ៏អស្ចារ្យ ទ្រីតូនគឺជាកន្លែងសមស្របក្នុងការអភិវឌ្ឍន៍ផលិតផលទេសចរណ៍បែបផ្សងព្រេង ក្នុងនោះមានឆ័ត្រយោងដែលជាកីឡាធ្វើសញ្ជ័យផ្ទៃមេឃ ជួយឲ្យរាល់គ្នាស្វែងយល់ បទពិសោធន៍ និងសាកល្បងខ្លួនឯង តាមរយៈនោះក្រឡាការសុបិន ហោះហើរលើមេឃ ក្លាយជាការពិត។
លោក ឡាំក្វាងគ្វី អនុប្រធាន និងជាអគ្គលេខាធិការសហព័ន្ធកីឡាឆ័ត្រយោងទីក្រុង ហូជីមិញ មានប្រសាសន៍ថា ការប្រកួតកីឡាឆ័ត្រយោងទីក្រុងហូជីមិញលើកទី១ ឆ្នាំ២០២៥ មិនត្រឹមតែជាឱកាសសម្រាប់អ្នកបើកយន្តហោះ អ្នកដែលស្រឡាញ់ និងចូលចិត្តកីឡាឆ័ត្រយោងបង្ហាញពីទេព្យកោសល្យ ភាពប៉ិនប្រសប់ ជាក់លាក់ក្នុងការផ្តើមហោះនិងចុះចតនីមួយៗនោះទេ ថែមជាឱកាសដើម្បីកីឡាករមកពីក្លឹបនានាក្នុងប្រទេស និងអន្តរជាតិជុំគ្នាផ្លាស់ប្តូរ រៀនសូត្របទពិសោធន៍ ដើម្បីជំរុញការអភិវឌ្ឍន៍កីឡានេះនៅទីក្រុងហូជីមិញ អានយ៉ាងនិយាយដោយឡែក និងប្រទេសទាំងមូលនិយាយរួមផងដែរ។ ទន្ទឹមនិងនោះ ការប្រកួតក៏បានស្វែងរកអ្នកមានទេពកោសល្យ និងអញ្ជើញចូលរួមក្រុមជម្រើសអាកាសយានិកឆ័ត្រយោងទីក្រុងហូជីមិញ ដើម្បីចូលរួមស៊ីហ្គេមលើកទី៣៣ ដែលធ្វើឡើងនៅប្រទេសថៃក្នុងខែធ្នូ ឆ្នាំ២០២៥នេះ។
ក្រៅពីនេះ ក្នុងអំឡុងពេលនៃការប្រកួតកីឡាឆ័ត្រយោងទីក្រុងហូជីមិញលើកទី ១ ឆ្នាំ ២០២៥ ប្រព្រិត្តឡើង គណៈកម្មាធិការប្រជាជនស្រុកទ្រីតូន នឹងរៀបចំស្តង់តាំងបង្ហាញផលិតផលពិសេស ផលិតផល OCOP និងបណ្តាស្តង់ម្ហូបប្រចាំតំបន់ទ្រីតូន។ រៀបចំល្បែងប្រជាប្រិយដូចជា៖ ទូលក្អមយកទឹក ទាញព្រ័ត្រ លោតបាវ កម្មវិធីសិល្បះរបស់ជនជាតិខ្មែរជាដើម ដើម្បីបម្រើភ្ញៀវទេសចរ រួមចំណែកបង្កើតភាពទាក់ទាញសម្រាប់ភ្ញៀវទេសចរមូលដ្ឋាន៕
ប្រែ៖ ណារីពៅ
