ព្រឹកថ្ងៃទី ២៥ តុលា លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានអញ្ជើញជាអធិបតីភាពក្នុងកិច្ចប្រជុំស្តាប់របាយការណ៍វាយតម្លៃអំពីសកម្មភាពស្នាក់នៅ និងសកម្មភាពទេសចរណ៍ក្នុងខេត្តជាមួយនឹងការចូលរួមរបស់ថ្នាក់ដឹកនាំមន្ទីរ ផ្នែកពាក់ព័ន្ធ និងគណៈកម្មាធិការប្រជាជននៅតាមមូលដ្ឋាន៖ ទីក្រុង ឡុងស្វៀន ទីក្រុង ចូវដុក ទីរួមខេត្តទិញទិញបៀន ស្រុក ថ្វយសឺន និងចើម៉ើយ រមជាមួយនឹងធុរកិច្ចអាជីវកម្មទេសចរណ៍ និងស្នាក់នៅជិត ៣០ នៅក្នុងខេត្ត។
នៅក្នុងកិច្ចប្រជុំ បណ្តាគណៈប្រតិភូបានពិភាក្សា និងវាយតម្លៃពីគុណសម្បត្តិ និងគុណវិបត្តិនៃវិស័យទេសចរណ៍ ស្នាក់នៅ និងសកម្មភាពធ្វើដំណើរនៅក្នុងខេត្ត។ ទន្ទឹមនឹងនោះ ស្នើនិងញ្ញតិដំណោះស្រាយដើម្បីអភិវឌ្ឍន៍ទេសចរណ៍ អានយ៉ាង ជានិរន្តរភាពនាពេលខាងមុខ ដូចជា៖ អញ្ជើញវិនិយោគអភិវឌ្ឍន៍កន្លែងស្នាក់នៅគុណភាពខ្ពស់ (សណ្ឋាគារលំដាប់ផ្កាយ ៣ ឡើងទៅ) នៅតំបន់ទេសចរណ៍សំខាន់ៗ ( ទីក្រុងឡុងស្វៀន, ទីក្រុងចូវដុក) វិនិយោគលើតំបន់ទេសចរណ៍ទ្រង់ទ្រាយធំ។ ពង្រីកនិងលើកកម្ពស់ភោជនីយដ្ឋាន។វិនិយោគអភិវឌ្ឍហេដ្ឋារចនាសម្ព័ន្ធចរាចរណ៍។ ផលិតផលទេសចរណ៍មានភាពចម្រុះ។ អភិវឌ្ឍទេសចរណ៍បទពិសោធន៍ និងទេសចរណ៍ធម្មជាតិ។ កែលម្អតម្លៃសេវាកម្ម។ បង្កើនបណ្តាវិធានការធានាសន្តិសុខ សណ្តាប់ធ្នាប់ ដោះស្រាយម៉ឺងម៉ាត់ស្ថានភាពអូសទាញនៅតំបន់ទេសចរណ៍។ យកចិត្តទុកដាក់លើការបង្កើតសោភ័ណភាពបៃតង - ជ្រះ - ស្អាត។ អាកប្បកិរិយាវប្បធម៌ក្នុងសកម្មភាពទេសចរណ៍។ ការងារផ្សព្វផ្សាយ និងឃោសនាជាដើម។
ថ្លែងមតិបញ្ចប់កិច្ចប្រជុំ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត អានយ៉ាងបានទទួលស្គាល់ និងវាយតម្លៃខ្ពស់ចំពោះមតិសាទររបស់អង្គភាពអាជីវកម្មទេសចរណ៍ និងកន្លែងស្នាក់នៅក្នុងខេត្ត ដើម្បីអភិវឌ្ឍន៍ផ្នែកអភិវឌ្ឍន៍ទេសចរណ៍ខេត្ត អានយ៉ាង។តាមរយៈនោះស្នើ៖ មន្ទីរវប្បធម៌ កីឡា និងទេសចរណ៍ខេត្ត ធ្វើសេនាធិការជាបន្ទាន់ដល់គណៈកម្មាធិការប្រជាជនខេត្តឲ្យពង្រឹងគណៈកម្មការណែនាំអភិវឌ្ឍន៍ទេសចរណ៍ខេត្ត។ ទន្ទឹមនឹងនោះ, សហការជាមួយផ្នែកពាក់ព័ន្ធដើម្បីស្នើបង្កើតសមាគមវប្បធម៌ម្ហូបអាហារខេត្តឲ្យបានឆាប់ និងបន្តផ្សព្វផ្សាយអនុវត្តគម្រោងអភិវឌ្ឍន៍ទេសចរណ៍ឲ្យមានប្រសិទ្ធភាព។
មន្ទីរគមនាគមន៍ដឹកជញ្ជូនខេត្តធ្វើអិបតីភាពសហការជាមួយនឹងមន្ទីរវប្បធម៌ កីឡា ទេសចរណ៍ និងមជ្ឈមណ្ឌលជំរុញពាណិជ្ជកម្ម និងវិនិយោគ។ គណៈកម្មាធិការប្រជាជនមូលដ្ឋានពិនិត្យឡើងវិញ និងរាយការណ៍ជាបន្ទាន់អំពីតម្រូវការវិនិយោគ លើកកម្ពស់និងអភិវឌ្ឍហេដ្ឋារចនាសម្ព័ន្ធចរាចរណ៍ទៅកាន់គោលដៅទេសចរណ៍។ ជាមួយគ្នានេះដែរ ក៏សហការជាមួយស្នងការដ្ឋាននគរបាលខេត្ត និងមូលដ្ឋានណែនាំជាក់ស្តែងសកម្មភាពយានយន្តអគ្គិសនីសម្រាប់បម្រើទេសចរណ៍ និងធានាបាននូវបទប្បញ្ញត្តិច្បាប់។
មន្ទីរវប្បធម៌ កីឡា និងទេសចរណ៍ សហការជាមួយមជ្ឈមណ្ឌលជំរុញពាណិជ្ជកម្ម និងវិនិយោគ ដើម្បីធ្វើការជាមួយមូលដ្ឋាន និងក្រុមហ៊ុនទេសចរណ៍ ដើម្បីស្នើសុំដំណើរទេសចរណ៍ និងផ្លូវធ្វើដំណើរក្នុងខេត្ត និងតភ្ជាប់តំបន់ទាំងមូល ដើម្បីខេត្តអញ្ជើញវិនិយោគលើតំបន់ទេសចរណ៍ សណ្ឋាគារ និងរមណីយដ្ឋានទេសចរណ៍ គុណភាពខ្ពស់ស្របតាមផែនការរបស់ខេត្ត និងបទបញ្ញតិនៃច្បាប់។ខេត្តនឹងខិតខំប្រឹងប្រែងក្នុងការអញ្ជើញ និងទាក់ទាញវិនិយោគគិនជាយុទ្ធសាស្ត្រមកបណ្តាក់ទុនលើគោលដៅទេសចរណ៍ធំៗ ជាមួយនឹងស្មារតីសកម្ម។
ទន្ទឹមនិងនោះ ជំរុញខ្លាំងការផ្លា់ឌីជីថលឌីជីថលក្នុងវិស័យទេសចរណ៍។ឃោសនា ផ្សព្វផ្សាយទេសចរណ៍អានយ៉ាងមានភាពចម្រុះទាំងខ្លឹមសារ និងទម្រង់។ យកចិត្តទុកដាក់លើការបណ្តុះបណ្តាលធនធានមនុស្សសម្រាប់ផ្នែកទេសចរណ៍។ បង្កើនការងារគ្រប់គ្រងរដ្ឋអំពីវិស័យទេសចរណ៍ ធានាសន្តិសុខសណ្តាប់ធ្នាប់ តម្លៃសេវាកម្ម ការពារបរិស្ថាន បង្កើតសោភ័ណភាពជាដើម។
បណ្តាធុរកិច្ចទេសចរណ៍ចាប់យកចិត្តទុកដាក់លើការវិនិយោគលើផលិតផលថ្មី ដោយផ្តោតលើការទាញយកសក្តានុពលរបស់ខេត្តអំពីទេសចរណ៍សហគមន៍ និងទេសចរណ៍តាមដងទន្លេ។ រួមដំណើរជាមួយខេត្ត អភិវឌ្ឍន៍ទេសចរណ៍ដោយនិរន្តរភាព រួមចំណែកណែនាំរូបភាព វប្បធម៌ និងមនុស្សអានយ៉ាង ក៏ដូចជាភាព ទាក់ទាញរបស់ទេសចរណ៍អានយាង ទៅដល់ភ្ញៀវទេសចរក្នុងនិងក្រៅប្រទេស៕
ប្រែ៖ ណារីពៅ
