បន្ទាប់ពីបានទៅពិនិតសកម្មភាពទេសចរណ៍ជាក់ស្តែងនៅតំបន់កេរដំណែលជាតិទឹកជប់ ធ្វើការ​ជាមួយ​ក្រុម​ហ៊ុនភាគហ៊ុនទេសចរណ៍អានយ៉ាង (ក្រោម​សម្ព័ន​ក្រុម​ហ៊ុន​សៅម៉ៃ) និងស្តាប់នូវសំណើ ញត្តិរបស់ក្រុ​ម​ហ៊ុន រួមជាមួយនឹងមន្ទីរ និងមូលដ្ឋាន។ លោក ហូ​វ៉ាន់​ម៉ឹង​ ប្រធានគណៈកម្មាធិការប្រជាជនខេត្តអានយ៉ាង បានកត់ត្រាទទួលស្គាល់និងកោតសរសើរចំពោះកិច្ចខិតខំប្រឹងប្រែងរបស់ស្ថាប័ន អង្គភាព និងមូលដ្ឋាន ក្នុង​នោះ​មានក្រុមហ៊ុនទេសចរណ៍អានយ៉ាង ក៏ដូចជា សម្ព័ន្ឋ​ក្រុមហ៊ុនសៅម៉ៃ ក្នុងការអភិរក្ស និងពង្រីក​តម្លៃ​ប្រវត្តិ​សាស្ត្រនៃតំបន់កេរដំណែលជាតិ ទឹកជប់ ទាក់​ទាញ​ភ្ញៀវទេសចរមកទស្សនា និងទេសចរណ៍ រួម​ចំ​ណែកសម្រាប់ការអភិវឌ្ឍន៍រួមនៃផ្នែកទេសចរណ៍អានយ៉ាង។ 

លោក ហូវ៉ាន់ម៉ឹង ប្រធាន​គណៈ​កម្មា​ធិ​ការ​ប្រ​ជា​ជន​​ខេត្តអានយ៉ាង បានស្នើថា នាពេលខាងមុខ គណៈ​កម្មា​ធិការប្រជាជនស្រុកទ្រីតូន សហការជាមួយមន្ទីរ ផ្នែក​ពាក់ព័ន្ធ ដើម្បីអនុវត្តជាបន្ទាន់នូវការរៀបចំផែនការ តំបន់​កេរដំណែលជាតិភ្នំទឹកជប់ ស្របតាមបទប្បញ្ញត្តិ ទន្ទឹម​នឹងនោះ អនុវត្តគ្រប់គ្រងកេរដំណែលទៅ​តាម​សមត្ថ​កិច្ចនិងមជ្ឈការ បង្កើតដំណោះស្រាយ ធានា​សន្តិ​សុខ សណ្តាប់ធ្នាប់ សុវត្ថិភាពចរាចរណ៍ និងបន្ត​ផ្សព្វផ្សាយអប់រំប្រវត្តិសាស្ត្របដិវត្តសម្រាប់យុវជនជំនាន់ក្រោយនិងប្រជាជនស្រុកទ្រីតូន។

លោក ហូវ៉ាន់ម៉ឹង ប្រធានគណៈកម្មាធិការ​ប្រជា​ជន​​ខេត្តអានយ៉ាង បានចាត់ឲ្យមន្ទីរវប្បធម៌ កីឡា និង​ទេស​ចរណ៍ សហការជាមួយគណៈកម្មាធិការ​ប្រជាជន​ស្រុក​ទ្រីតូន និងក្រុមហ៊ុនភាគហ៊ុនទេសចរ​ណ៍អាន​យ៉ាង​ ដើម្បីធានាការគ្រប់គ្រង អភិរក្ស និងពង្រីក​តម្លៃ​នៃ​តំបន់កេរដំណែលជាតិភ្នំទឹកជប់។ ពិនិត្យមើលឡើង​វិញ​ខ្លឹមសារតាមបទបញ្ញតិច្បាប់ (ក្នុងនោះមានច្បា​ប់​ស្តី​ពី​​បេតិកភណ្ឌវប្បធម៌ឆ្នាំ២០២៤) ដើម្បីសេនាធិ​ការ​ដល់​​​គណៈកម្មាធិការប្រជាជនខេត្ត ណែនាំអនុវត្ត​ប្រ​កបដោយប្រសិទ្ធភាពនៃការគ្រប់គ្រងតំបន់កេរដំណែល។ 

ទន្ទឹមនិងនោះ ស្នើឲ្យក្រុមហ៊ុនទេសចរណ៍​អាន​យ៉ាង​ សហការជាមួយផ្នែកពាក់ព័ន្ធ និងមូលដ្ឋាន គ្រប់​គ្រង​តំបន់កេរដំណែលយ៉ាងម៉ឺងម៉ាត់ បង្ហាញ​ពីភាព​ឧឡា​រិក និងមិនអនុញ្ញាតឲ្យភ្ញៀវទេសចរចូលរួម​ទស្ស​នាមានសកម្មភាពដែលប៉ះពាល់ដល់តម្លៃកេរដំណែល។ក្រៅពីនេះ នៅតាមតំបន់ទេសចរណ៍នានា ត្រូវរៀបចំ​តា​រាងស្វែងរកព័ត៌មាន និងកម្មវិធីស្កែន QR កូដ ដើម្បី​ភ្ញៀវទេសចរអាចស្វែងយល់បន្ថែមអំពីតម្លៃប្រវត្តិសាស្រ្ត​នៃតំបន់កេរដំណែលជាតិ៕ 

ប្រែ៖ ណារីពៅ