ព្រឹកថ្ងៃទី ១៦ មិថុនា គណៈកម្មាធិការប្រជាជនស្រុកចើម៉ើយ បានរៀបចំសន្និបាតបូកសរុបការងារអនុវត្តកម្មវិធីសកម្មភាព ១២-CTr/HU របស់គណៈអចិន្ត្រៃយ៍បក្ខភាគស្រុក ស្តីពី “ការអភិវឌ្ឍន៍ទេសចរណ៍នៅឃុំកោះគូឡាវយឿងចំនួន ៣ នៃស្រុក ចើម៉ើយ ដល់ឆ្នាំ ២០២០ ជាមួយនឹងទិសដៅដល់ឆ្នាំ ២០៣០”។
លោក វ៉ មិញណាង អនុប្រធានគណៈកម្មាធិការប្រជាជនស្រុក ប្រធានគណៈណែនាំអភិវឌ្ឍន៍អេកូទេសចរណ៍គូឡាវយៀង ស្រុកចើម៉ើយ ធ្វើអធិបតីភាពសន្និបាត។ លោក ង្វៀនទ្រុងថាញ អនុប្រធានមន្ទីរវប្បធម៌ កីឡា និងទេសចរណ៍ អញ្ជើញចូលរួម។
ជាមួយនឹងលក្ខណធម្មជាតិអំណោយផល មានទីសការៈគោរពបូជាសាសនា ជំនឿ និងចំការជាច្រើន ដើម្បីអភិវឌ្ឍន៍ទម្រង់អេកូទេសចរណ៍សហគមន៍ និងទេសចរណ៍ខាងវិញ្ញាណ។ ដូច្នេះ ការឆ្លងផែនការរៀបចំការអភិវឌ្ឍន៍ទេសចរណ៍ឃុំគូឡាវឡាវយៀងចំនួន ៣ របស់ក្រុមប្រឹក្សាប្រជាជនខេត្ត គឺជាមូលដ្ឋានសម្រាប់ការអភិវឌ្ឍន៍ទេសចរណ៍នៅទីនេះ តាមរយៈនោះ ការងារអភិវឌ្ឍន៍ទេសចរណ៍ មានភាពរីកចម្រើនជាបណ្តើរៗ និងទាក់ទាញភ្ញៀវទេសចរណ៍មកទស្សនា។ ប៉ុន្តែ បើតាមការវាយតម្លៃរួម ការអភិវឌ្ឍន៍ទេសចរណ៍នៅទីនេះនៅមានកម្រិតជាច្រើន៖ ប្រព័ន្ធមូលដ្ឋានសេវាម្ហូបអាហារ និងកន្លែងស្នាក់នៅមានលក្ខណៈតូចតាច។ សេវាកម្មទេសចរណ៍ផ្សេងទៀតមិនទាន់បានបង្កើតឡើងទេ មានការខ្វះខាតកន្លែងកម្សាន្តនៅក្នុងតំបន់ទេសចរណ៍។ មិនទាន់មានគម្រោងសំខាន់ៗបានវិនិយោគដើម្បីពង្រីកសក្ដានុពល និងភាពខ្លាំងរបស់មូលដ្ឋាននោះទេ។
“នាពេលខាងមុខ មូលដ្ឋានចាំបាច់ត្រូវតែផ្សព្វផ្សាយខ្លាំងក្លានិងអនុវត្តមានប្រសិទ្ធភាពនូវគម្រោងអភិវឌ្ឍន៍ទេសចរណ៍របស់ឃុំកោះគូឡាវយៀងចំនួន ៣ និងមានដំណោះស្រាយអំពីយន្តការ គោលនយោបាយដើម្បីទាក់ទាញ និងផ្តល់អាទិភាពដល់ធុរកិច្ចមកបណ្តាក់ទុនក្នុងគម្រោងអភិវឌ្ឍន៍ទេសចរណ៍ ផ្សារភ្ជាប់នឹងការអភិវឌ្ឍន៍ទេសចរណ៍សហគមន៍និង រៀបចំឡើងវិញនូវផែនការតំបន់ចំការទេសចរណ៍ និងតំបន់កេរដំណែលប្រវត្តិសាស្ត្រជាដើម” -លោក វ៉ មិញណាង អនុប្រធានគណៈកម្មាធិការប្រជាជនស្រុកចើម៉ើយចែករំលែក។
ក្នុងឱកាសនេះ គណៈកម្មាធិការប្រជាជនស្រុក ចើម៉ើយ បានប្រគល់ប័ណ្ណសរសើរដល់សមូហភាពចំនួន ៨ក្រុម និងបុគ្គលចំនួន ៨រូប ដែលមានស្នាដៃឆ្នើមក្នុងការអភិវឌ្ឍន៍វិស័យទេសចរណ៍ ដំណាក់កាល ២០១៧ - ២០២៤៕
ប្រែ៖ ណារីពៅ
