រសៀលថ្ងៃទី ១១ ខែកញ្ញា លោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានអញ្ជើញជាអធិបតីក្នុងកិច្ចប្រជុំដើម្បីស្តាប់របាយការណ៍ស្តីពីល្បឿនអនុវត្តសេចក្តីសម្រេចចិត្តសំខាន់ៗចំនួន ៤ របស់ការិយាល័យនយោបាយ។ អញ្ជើញចូលរួមកិច្ចប្រជុំមានលោក ហូវ៉ាន់ភឿក លោក ឡេទ្រុងហូ សមាជិកបក្ខភាគខេត្ត អនុប្រធានគណៈកម្មាធិការប្រជាជនខេត្តអានយ៉ាង។ ថ្នាក់ដឹកនាំគណ:ឃោសនាអប់រំនិងចលនាមហាជនបក្ខភាគខេត្ត ការិយាល័យបក្ខភាគខេត្ត និងសមាជិកគណៈកម្មាធិការប្រជាជនខេត្ត។
សេចក្តីសម្រេចសំខាន់ៗចំនួន ០៤ របស់ការិយាល័យនយោបាយ រួមមាន៖ សេចក្តីសម្រេចចិត្តលេខ ៥៩-NQ/TW ចុះថ្ងៃទី ២៤ ខែមករា ឆ្នាំ ២០២៥ របស់ការិយាល័យនយោបាយស្តីពីសមាហរណកម្មអន្តរជាតិក្នុងស្ថានភាពថ្មី។ សេចក្តីសម្រេចចិត្តលេខ ៦៨-NQ/TW ចុះថ្ងៃទី ៤ ខែឧសភា ឆ្នាំ ២០២៥ នៃការិយាល័យនយោបាយស្តីពីការអភិវឌ្ឍសេដ្ឋកិច្ចឯកជន។ សេចក្តីសម្រេចចិត្តលេខ ៦៦-NQ/TW ចុះថ្ងៃទី ៣០ ខែមេសា ឆ្នាំ ២០២៥របស់ការិយាល័យនយោបាយស្តីពីផ្លាស់ថ្មីការងារបង្កើតនិងអនុវត្តច្បាប់ ដើម្បីឆ្លើយតបតម្រូវការអភិវឌ្ឍន៍ជាតិក្នុងយុគសម័យថ្មី ។ សេចក្តីសម្រេចចិត្តលេខ ៥៧-NQ/TW ចុះថ្ងៃទី ២២ ខែធ្នូ ឆ្នាំ ២០២៤ របស់ការិយាល័យនយោបាយ ស្តីពីភាពវាយទម្លុះក្នុងការអភិវឌ្ឍវិទ្យាសាស្ត្រ បច្ចេកវិជ្ជា ផ្លាស់ថ្មីច្នៃប្រឌិត និងផ្លាស់ប្តូរឌីជីថល។
នៅក្នុងកិច្ចប្រជុំ មន្ទីរផ្នែកពាក់ព័ន្ធបានរាយការណ៍អំពីល្បឿនផ្សព្វផ្សាយ លទ្ធផលសម្រេចបាន បណ្តាការលំបាក និងបញ្ហាទាក់ទិនដែលត្រូវដោះស្រាយ។
ថ្លែងមតិក្នុងកិច្ចប្រជុំ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានសង្កត់ធ្ងន់ថា ការផ្សព្វផ្សាយអនុវត្តមានប្រសិទ្ធភាពនូវសេចក្តីសម្រេចចិត្តសំខាន់ៗរបស់ការិយាល័យនយោបាយគឺមានអត្ថន័យសំខាន់ណាស់ បង្កើតជាសន្ទុះអភិវឌ្ឍន៍គ្រប់ជ្រុងជ្រោយសម្រាប់ខេត្តអានយ៉ាងក្នុងដំណាក់កាលថ្មី។ មុនពេលរួមបញ្ចូលខេត្ត អានយ៉ាង និង គៀនយ៉ាង បានចេញឯកសារពេញលេញដើម្បីផ្សព្វផ្សាយអនុវត្តសេចក្តីសម្រេចចិត្ត។ ក្រោយពីពេលរួមបញ្ចូលគ្នា ខេត្តអានយ៉ាង ថ្មីបានចេញឯកសារជាច្រើន និងបង្កើតគណៈកម្មការណែនាំអនុវត្តសេចក្តីសម្រេចចិត្តនីមួយៗដោយឈរលើមូលដ្ឋានរួមបញ្ចូលខ្លឹមសារនៃខេត្តទាំងពីរ។
លោក ហូវ៉ាន់ម៉ឹង ប្រធានគណៈកម្មាធិកាប្រជាជនខេត្ត បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ទីរ ផ្នែក និងមូលដ្ឋានក្នុងការផ្សព្វផ្សាយអនុវត្តយ៉ាងសកម្ម នូវភារកិច្ចនៃសេចក្តីសម្រេចចិត្តសំខាន់ៗទាំង ៤ របស់ការិយាល័យនយោបាយឲ្យបានទាន់ពេលវេលា ពេញលេញ និងត្រឹមត្រូវ តាមការណែនាំរបស់មជ្ឈិមនិងបក្ខភាគខេត្ត។ ជាពិសេសក្នុងការអនុវត្តផ្លាស់ប្តូរឌីជីថលក្នុងការគ្រប់គ្រងប្រតិបត្តិការ បម្រើការប្រជាជន ផលិតកម្មអាជីវកម្ម និងផ្សព្វផ្សាយអនុវត្តគម្រោង ០៦។
ដើម្បីផ្សព្វផ្សាយអនុវត្តខ្លឹមសារសំខាន់ៗនៃសេចក្តីសម្រេចចិត្តនីមួយៗឲ្យស៊ីជម្រៅ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត បានស្នើឲ្យមន្ទីរ ផ្នែកនានាបន្តខិតខំប្រឹងប្រែង ច្បាមជាប់ភារកិច្ច ដោះស្រាយការលំបាក ធានាថាសេចក្តីសម្រេចចិត្តបានផ្សព្វផ្សាយស្របគ្នា ប្រសិទ្ធភាព រួមចំណែកកសាងខេត្តអានយ៉ាងកាន់តែអភិវឌ្ឍន៍។
មន្ទីរទេសចរណ៍ សេនាធិការគណៈកម្មាធិការប្រជាជនខេត្ត ឲ្យដាក់ជូនផែនការអនុវត្តកម្មវិធីសកម្មភាពលេខ ០៣-CTr/TU របស់គណៈកម្មាធិការបក្ខភាគខេត្ត ស្តីពីការអនុវត្តសេចក្តីសម្រេចចិត្តលេខ ៥៩-NQ/TW ដោយបញ្ចប់យឺតបំផុតក្នុងថ្ងៃទី ១៤ ខែកញ្ញា។
មន្ទីរ គណ ផ្នែក ឃុំ សង្កាត់ និងតំបន់ពិសេសចំនួន ១០២ ដែលសម្រេចបានការរៀបចំផែនការអនុវត្តផែនការរបស់គណកម្មាធិការប្រជាជនខេត្តដើម្បីអនុវត្តសេចក្តីសម្រេចសំខាន់ៗចំនួន ៤ របស់ការិយាល័យនយោបាយ មុនថ្ងៃទី ២០ ខែកញ្ញា។
មន្ទីរអប់រំ និងបណ្តុះបណ្តាល សេនាធិការបក្ខភាគ គណៈកម្មាធិការប្រជាជនខេត្តឲ្យមានសេចក្តីព្រាងកម្មវិធីសកម្មភាពរបស់បក្ខភាគខេត្ត និងសេចក្តីព្រាងផែនការរបស់គណៈកម្មាធិការប្រជាជនខេត្ត អំពីការអនុវត្តសេចក្តីសម្រេចចិត្តលេខ ៧១-NQ/TW ស្តីពីការវាយទម្លុះក្នុងការអភិវឌ្ឍវិស័យអប់រំ និងបណ្តុះបណ្តាល ដែលត្រូវបញ្ចប់មុនថ្ងៃទី ២៥ ខែកញ្ញា។
បណ្តាឃុំ សង្កាត់ និងតំបន់ពិសេស (លើកលែងតែមូលដ្ឋានដែលបានបង្កើតឡើងចំនួន ៤៧) បង្កើតជាបន្ទាន់នូវគណៈកម្មការណែនាំសម្រាប់ការអភិវឌ្ឍវិទ្យាសាស្ត្រ បច្ចេកវិជ្ជា ផ្លាស់ថ្មីច្នៃប្រឌិត ផ្លាស់ប្តូរឌីជីថល និងគម្រោង ០៦ ត្រូវបញ្ចប់មុនថ្ងៃទី ២០ ខែកញ្ញា។
បណ្តាមន្ទីរ ផ្នែក និងមូលដ្ឋាន ត្រូវផ្តោតលើការផ្សព្វផ្សាយអនុវត្តការងារជាក់លាក់ តាមផែនការរបស់គណៈកម្មាធិការប្រជាជនខេត្ត ដែលមានឧបសម្ព័ន្ធ និងល្បឿន លើស្មារតី “ច្បាស់ ៦”។ អនុវត្តយ៉ាងពេញលេញនូវរបបព័ត៌មាន និងរបាយការណ៍ ហើយបង្កើនការងារត្រួតពិនិត្យនិងឃ្លាំមើល។
អំពីភារកិច្ចជាក់លាក់ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត បានស្នើឲ្យមន្ទីរវិទ្យាសាស្ត្រ និងបច្ចេកវិជ្ជា សហការជាមួយការិយាល័យបក្ខភាគខេត្តសិក្សាស្រាវជ្រាវបង្កើតក្រុមជំនាញការដើម្បីគាំទ្រការអនុវត្តសេចក្តីសម្រេចចិត្តលេខ ៥៧-NQ/TW។ ផ្តោតលើការផ្លាស់ប្តូរឌីជីថល ដើម្បីបម្រើប្រជាជន ជាពិសេសគឺមជ្ឈមណ្ឌលបម្រើការរដ្ឋបាលសាធារណៈ។
មន្ទីរសុខាភិបាល និងមន្ទីរអប់រំ និងបណ្តុះបណ្តាល បានមានផែនការសេនាធិការដល់គណៈកម្មាធិការប្រជាជនខេត្ត ដើម្បីសម្រេចបាននូវគោលដៅញ៉ាំងឲ្យខេត្តអានយ៉ាង ស្ថិតក្នុងក្រុមឈានមុខគេក្នុងប្រទេសទាំងមូល អំពីការផ្លាស់ប្តូរឌីជីថលក្នុងវិស័យសុខាភិបាល និងអប់រំ។ ស្នងការដ្ឋាននគរបាលខេត្តសេនាធិការដល់គណៈកម្មាធិការប្រជាជនខេត្តឲ្យដាស់តឿនអនុវត្តភារកិច្ចក្នុងគម្រោង ០៦។
សម្រាប់សេចក្តីសម្រេចចិត្តលេខ ៥៩-NQ/TW មន្ទីរទេសចរណ៍ធ្វើការជាមួយកាសែត និងវិទ្យុ-ទូរទស្សន៍ ឲ្យបង្កើតនាទីទាក់ទងនឹងព័ត៌មានការទូត។ បណ្តាមន្ទីរ ផ្នែកពាក់ព័ន្ឋ ត្រូវសហការអនុវត្តឯកសារឧទ្ទេសនាមអំពីខេត្តអានយ៉ាង។ បង្កើនកិច្ចការការទូតរបស់អាជ្ញាធរ និងការទូតរបស់កងកម្លាំង។ ពង្រឹងនិង អភិវឌ្ឍន៍ទំនាក់ទំនងការទូតជាមួយមូលដ្ឋាន និងប្រទេសនានាជុំវិញពិភពលោក។ ទន្ទឹមនឹងនោះ បង្កើនការជំរុញពាណិជ្ជកម្ម និងការវិនិយោគពីបរទេស។
សម្រាប់សេចក្តីសម្រេចចិត្តលេខ ៦៦-NQ/TW មន្ទីរយុត្តិធម៌សេនាធិការដល់គណៈកម្មាធិការប្រជាជនខេត្តណែនាំស្ថាប័ន គណ ផ្នែក និងមូលដ្ឋាន ឲ្យពិនិត្យលើលិខិតបទដ្ឋានគតិយុត្ត ត្រួតពិនិត្យ វាយតម្លៃ កែលម្អគុណភាពខ្លឹមសារលិខិតបទដ្ឋានគតិយុត្ត។
មន្ទីរហិរញ្ញវត្ថុ សេនាធិការដល់គណៈកម្មាធិការប្រជាជនខេត្ត ឲ្យរៀបចំគម្រោងអភិវឌ្ឍន៍សេដ្ឋកិច្ចឯកជន យោងតាមសេចក្តីសម្រេចចិត្តលេខ ៦៨-NQ/TW និងសេនាធិការលើការដោះស្រាយការលំបាក និងបញ្ហាទាក់ទិនសម្រាប់គម្រោង និងធុរកិច្ចដែលកំពុងវិនិយោគ ផលិត និងធ្វើអាជីវកម្មលើភូមិសាស្ត្រខេត្ត។
ការិយាល័យគណៈកម្មាធិការប្រជាជនខេត្ត សហការជាមួយមន្ទីរ ផ្នែក ដើម្បីពិនិត្យមើលឡើងវិញ និងកាត់បន្ថយនីតិវិធីរដ្ឋបាល និងពេលវេលាដោះស្រាយនីតិវិធីរដ្ឋបាល យ៉ាងតិចបំផុត ៣០%៕
ប្រែ៖ ណារីពៅ
