ថ្ងៃទី ២៣ ខែធ្នូ នៅសង្កាត់ចូវដុក (ខេត្តអានយ៉ាង) មជ្ឈមណ្ឌលជំរឿនកសិកម្មអានយ៉ាងបាន សហការជាមួយអង្គការអភិរក្សធម្មជាតិពិភពលោក (IUCN) រៀបចំសិក្ខាសាលាបូកសរុបគម្រោង "អភិវឌ្ឍខ្សែសង្វាក់តម្លៃដោយចីរភាពសម្រាប់ផលិតផលពីសូត្រឈូកនៅវៀតណាម ដើម្បីគាំទ្រយុទ្ធសាស្ត្រស្តុកទឹកសម្រាប់តំបន់វាលរាបទន្លេគឺវឡុង" ក្នុងឆ្នាំ ២០២៥។
យោងតាមនោះ គម្រោងនេះបានផ្សព្វផ្សាយនៅតាមសង្កាត់វិញតេ ចូវដុក និងតាមឃុំវិញសឿង និងចូវផុងលើទំហំផ្ទៃដីសរុប ៤០ ហិកតា ចាមួយនឹងគ្រួសារចូលរួមចំនួន ២៤ គ្រួសារ។ គម្រោងនេះគាំទ្រកសិករអំពីបច្ចេកទេសដាំឈូក ដើម្បីផ្គត់ផ្គង់វត្ថុធាតុដើមសម្រាប់សកម្មភាពយកសូត្រឈូកត្បាញក្រណាត់។ឧបត្ថម្ភការចំណាយមួយផ្នែកសម្រាប់រចនាទម្រង់រកទទួលទានចិញ្ចឹមជីវិតនិងទម្រង់រួមបញ្ចូលគ្នានូវការដាំដុះស្រូវ ការដាំដុះឈូក ការចិញ្ចឹមត្រី និងការអភិវឌ្ឍទេសចរណ៍ និងហ្វឹកហាត់បច្ចេកទេសគូរគំនូរលើស្លឹកឈូកស្ងួតសម្រាប់កសិករ។ល។
បន្ទាប់ពីមួយរយៈពេលចូលរួមក្នុងគម្រោងនេះ គ្រួសារដែលទទួលបានប្រាក់ចំណេញជាង ៥០ លានដុង/ហិកតា ពីការលក់ផ្លែឈូក ក្រអៅឈូក និងផ្កាឈូក។ ទន្ទឹមនិងនោះ ក៏ទទួលបាន ចំណេះដឹងពីការប្រើប្រាស់តម្លៃចម្រុះនៃឈូក ដើម្បីអភិវឌ្ឍសេដ្ឋកិច្ចនិងរួមបញ្ចូលការអាជីវកម្មទេសចរណ៍នៅរដូវទឹកជំនន់។
រួមជាមួយនោះ គម្រោងនេះក៏ជួយកែលម្អដីធ្លី កែលម្អបរិស្ថាន និងគាំទ្រយុទ្ធសាស្ត្រស្តុកទឹកសម្រាប់តំបន់វាលរាបទន្លេគឺវឡុង។ អំពីសង្គម គម្រោងនេះជួយដោះស្រាយការងារសម្រាប់កម្មករជនបទ ផ្សារភ្ជាប់នឹងសហគមន៍ បង្កើតជាទម្រង់វប្បកម្មចីរភាពនៅតាមមូលដ្ឋាននានាក្នុងខេត្តអានយ៉ាងទាំងមូល៕
ប្រែ៖ សំណាង
