ដើម្បីបង្កើនការងារផ្សព្វផ្សាយនិងជំរុញពាណិជ្ជកម្មកម្មវិធីឃុំមួយផលិតផលមួយ(OCOP) អនុវត្តកម្មវិធីគោលដៅជាតិកសាងជនបទថ្មីដំណាក់កាល ២០២១-២០២៥។ មជ្ឈមណ្ឌលជំរុញពាណិជញជកម្មនិងវិនិយោគប្រកាសប្រើផែនការរៀបចំព្រឹត្តិការផលិតផល OCOP និងផលិតផលពិសេសខេត្តអានយ៉ាង រួមដំណើរជាមួយអ្នកប្រើប្រាស់ឆាំ្ន ២០២៤។
ពេលវេលារៀបចំបានសន្និដ្ឋានថាចាប់ទីថ្ងៃ ១៤-១៧ ខែវិច្ឆិកា ឆ្នាំ ២០២៤ នៅផ្លូវថ្មើជើង ហៃបាទ្រឹង និងផ្លូវថ្មើជើង ង្វៀនហ្វេ សង្កាត់មីឡុង ទីក្រុងឡុស្វៀន ខេត្តអានយ៉ាង។
ទ្រង់ទ្រាយព្រឹត្តិការណ៍នេះ មានតង់ទំនិញប្រហែល ១០០ របស់ធុរកិច្ច មូលដ្ឋានផលិតកម្ម សហករណ៍ មូលដ្ឋានភូមិសិប្បកម្មប្រពៃណីរបស់ខេត្តអានយ៉ាង និងខេត្ត ក្រុងនានាក្នុងតំបន់។ រួមទាំងតំបន់ផលិតផល OCOP របស់ខេត្ត។ តំបន់ទំនិញសម្រាប់សិប្បកម្ម និងផលិតផលពិសេសរបស់មូលដ្ឋាន។ តំបន់ម្ហូបអាហារ ផ្សព្វផ្សាយមុខម្ហូបបានអង្គការកំណត់ត្រាទទួលស្គាល់។ តង់តាំងពិព័រណ៍រួមរបស់ខេត្តក្នុងគោលបំណងបង្ហាញ និងណែនាំផលិតផល OCOP និងផលិតផលភូមិសិប្បកម្ម។ វេទិកាសិល្បះតន្ត្រីដងវិថីក្រុង និងកម្មវិធីហ្គេម ជាដើម។
ផលិតផលដែលចូលរួម រួមមានផលិតផលOCOP ធ្វើជាមជ្ឈមណ្ឌលរួមបញ្ចូលគ្នាជាមួយទំនិញសិប្បកម្មពិសេស ផលិតផលពិសេសក្នុងមូលដ្ឋាន ណែនាំផលិតផល OCOP ផលិតផលពិសេស ផលិតផលផ្តើមអាជីព ផលិតផលភូមិសិប្បកម្ម សិប្បកម្មវិចិត្រសិល្បៈ វត្ថុអនុស្សាវរីយ៍ ផលិតផលទេសចរណ៍ - សេវាកម្ម និងម្ហូបអាហារតាមរយៈទម្រង់ភ្លក់រស់ជាតិ បទពិសោធន៍ផលិតផលជាក់ស្តែង កម្មវិធីផ្សព្វផ្សាយ និងអំណោយដឹងគុណដល់អតិថិជន និងអ្នកប្រើប្រាស់ ។
ព្រឹត្តិការណ៍ផលិតផល OCOP និងផលិតផលពិសេសខេត្តអានយ៉ាង អមដំណើរជាមួយអ្នកប្រើប្រាស់ឆ្នាំ ២០២៤ ដើម្បី ផ្សព្វផ្សាយ និងណែនាំផលិតផលកសិកម្ម និងផលិតផល OCOP ដែលមានសុពលភាពរបស់ខេត្តអានយ៉ាង លើកកម្ពស់គុណភាពផលិតផល ឆ្លើយតបតម្រូវការ និងការនិយមចូលចិត្តរបស់ទីផ្សារ រួមចំណែកជំរុញការអភិវឌ្ឍន៍ផលិតកម្ម អាជីវកម្ម ពង្រីកទីផ្សារប្រើប្រាស់ សម្រាប់ ផលិតផលដែលមានពាណិជ្ជសញ្ញារបស់ខេត្ត។ ផ្សព្វផ្សាយរូបភាព និងលក្ខណៈវប្បធម៌ របស់ខេត្ត អានយ៉ាងតាមរយៈវប្បធម៌ម្ហូបអាហារ មុខម្ហូបប្រពៃណី និងនំប្រជាប្រិយជាដើម ទៅដល់ប្រជាជន និងភ្ញៀវទេសចរក្នុង និងក្រៅខេត្ត។ តាមរយៈនោះ ស្ទង់មតិតម្រូវការទីផ្សារ រួមជាមួយនឹងការស្វែងយល់ពីចំណង់ចំណូលចិត្តរបស់អតិថិជន គាំទ្របណ្តាអង្គភាពក្នុងការសុក្រឹត្យនិងអភិវឌ្ឍន៍ផលិតផល មានកម្លាំងប្រកួតប្រជែងក្នុងទីផ្សារនាពេលបច្ចុប្បន្ន ជាពិសេសគឺក្នុងបរិបទពិភពលោក និងតំបន់បន្តជួបការលំបាកច្រើនអំពីទីផ្សារ៕
ប្រភព៖ ផែនការលេខ ៩៩៣/KH-TTXTTTMĐ ចុះថ្ងៃទី១៦ ខែកញ្ញា ឆ្នាំ២០២៤។ ផែនការលេខ ៩០/KH-STTTT ចុះថ្ងៃទី១៧ ខែតុលា ឆ្នាំ២០២៤
ប្រែ៖ ណារីពៅ
