យោងតាមមន្ទីរកសិកម្ម និងបរិស្ថានខេត្តអានយ៉ាង គិតដល់ដំណាច់ខែសីហា ផ្ទៃដីដាំដុះដំណាំស្រូវសរុបក្នុងឆ្នាំ ២០២៥ របស់ខេត្តមានជិត ១,៣ លានហិកតា សម្រេចបាន ៩៥,៥%ផែនការ រួមមាន៖ រដូវស្សា រដូវសម្រក រដូវដើមឆ្នាំ និងរដូវទី៣។ ក្នុងនោះ ទំហំផ្ទៃស្រូវដែលប្រមូលផល ៩៦១.១៥៤ ហិកតា បរិមាណផលជិត ៦,៥ លានតោន សម្រេចបាន ៧៣,៧% ផែនការឆ្នាំ។
បច្ចុប្បន្ននេះ ខេត្តបានផ្តោតតាមដាន ថែទាំ និងប្រមូលផលស្រូវរដូវដើមឆាំ្នដែលនៅសល់ចំនួន ១៣៦.៣០៩ ហិកតា និងបញ្ចប់ការដាំដុះដំណាំស្រូវរដូវទី ៣ ចំនួន ២៦១.៥០០ហិកតា (បញ្ចុះពូជបាន១៩៨.៦៧៣ ហិកតា) ដើម្បីបរិមាណប្រមូលផលស្រូវក្នុងឆាំ្ន ២០២៥ សម្រេចបាននិងលើសផែនការជាង ៨,៨ លានតោន។
ទន្ទឹមនិងនោះ អនុវត្តគម្រោង “អភិវឌ្ឍន៍និរន្តរភាពលើផ្ទៃដីដាំដុះដំណាំស្រូវគុណភាពខ្ពស់ និងបញ្ចេញឧស្ម័នទាបលើផ្ទៃដី ១លានហិកតា ភ្ជាប់នឹងកំណើនបៃតងនៅតំបន់វាលទំនាបទន្លេគឺវឡុងដល់ឆ្នាំ ២០៣០” រហូតមកដល់ពេលនេះ ខេត្តទាំងមូលផ្សព្វផ្សាយអនុវត្តគំរូចំណុចបានចំនួន ៥៦ កន្លែងដែលមានផ្ទៃដីសរុបចំនួន ១.៤៩៤ ហិកតា ក្នុងនោះ រដូវវស្សានិងសម្រកឆ្នាំ ២០២៤-២០២៥ អនុវត្តនៅ ៥០ កន្លែង លើទំហំផ្ទៃដី ១.០២៦ហិកតា រដូវដើមឆាំ្ន ២០២៥ អនុវត្តនៅ ៦កន្លែង លើទំហំផ្ទៃដី ៤៦៨ហិកតា។ កន្លែងដែលអនុវត្តគំរូនេះបានឈានដល់ការប្រមូលផល លទ្ឋផលកាត់បន្ថយថ្លៃផលិតកម្មស្រូវជាមធ្យម ៤,១២លានដុងមួយហិកតាធៀបនឹងគំរូប្រៀបធៀប។ ទិន្នផល (ស្រូវសើម) ស្រូវគំរូជាមធ្យម ៩,១ តោន/ហិកតា ខ្ពស់ជាង ០,៧៨តោនមួយហិកតាធៀបនឹងស្រែប្រៀបធៀប ប្រាក់ចំណេញកើនឡើងជាង ៩,៣លានដុង/ហិកតា ធៀបនឹងគំរូប្រៀបធៀប។
គិតមកដល់បច្ចុប្បន្ននេះ ផ្ទៃដីសរុបនៃកិច្ចសន្យាលក់ស្រូវរវាងធុរកិច្ចនិងសហករណ៍ និងក្រុមសហការនៅក្នុងខេត្តសម្រេចបានជាង ៩២.៦៥៨ ហិកតា។ បណ្តាធុរកិច្ចទិញផលិតផលក្នុងទម្រង់គ្រប់គ្រងសំណល់ MRL (សំណល់ថ្នាំសម្លាប់សត្វល្អិតដែលនៅសេសសល់ក្នុងស្រូវក្រោយពីប្រមូលផលត្រូវមានដែនកំណត់ដោយអតិបរមា) សម្រេចស្តង់ដារនាំចេញទៅកាន់ទីផ្សារ EU ជប៉ុន និងស្រូវសរីរាង្គក្នុងតម្លៃខ្ពស់ជាងពី ២០០ ទៅ ៤០០ដុង/គីឡូក្រាម។ក្រៅពីនេះ ស្រូវដែលនៅសេសសល់ត្រូវបានទិញដោយធុរកិច្ច ក្រោមកិច្ចព្រមព្រៀងជាមួយសហករណ៍ និងក្រុមសហការក្នុងតម្លៃទីផ្សារ ឬបូកបន្ថែម១០០ដុង/គីឡូក្រាម។ ខេត្តបន្តជួយឧបត្ថម្ភធុរកិច្ចដូចជា៖ក្រុមហ៊ុនភាគហ៊ុនឡុកត្រើយ ក្រុមហ៊ុនភាគហ៊ុនតាន់ឡុង ក្រុមហ៊ុន Angimex Kitoku ក្រុមហ៊ុនដាយយឿងសាញ់ ក្រុមហ៊ុន Angimex ក្រុមហ៊ុនហ្វាងផាត Fruit ក្រុមហ៊ុន Antesco ក្រុមហ៊ុនអាអាន។ល។អនុវត្តតភ្ជាប់នៅតាមមូលដ្ឋាន ផលិតកម្មវាលស្រែធំភ្ជាប់នឹងការលក់ចេញផលិតផល។
បន្ទាប់មក ផ្តល់ និងគ្រប់គ្រងលេខកូដតំបន់ដាំដុះស្រូវ ខេត្តបានផ្តល់លេខកូដចំនួន ៧៤៣ លើផ្ទៃដីសរុបប្រមាណ ៣៤.០០០ ហិកតា ក្នុងគោលបំណងពង្រឹងស្តង់ដារផលិតស្រូវក្នុងទិសដៅទំនើប តាមដានប្រភពដើមផលិតផល គ្រប់គ្រងគុណភាព និងសុវត្ថិភាពចំណីអាហារ នាំចេញស្រូវអង្ករទៅកាន់ប្រទេសផ្សេងៗ ជាពិសេសគឺទីផ្សារពិបាកនាំចូល និងបង្កើនកម្លាំងប្រកួតប្រជែងស្រូវអង្ករអានយ៉ាងលើទីផ្សារអន្តរជាតិ។ ឆ្ពោះទៅរកវិស័យកសិកម្មប្រគុណភាពខ្ពស់ និងនិរន្តរភាព ខេត្តរក្សាការស្រាវជ្រាវ និងជ្រើសរើសពូជស្រូវថ្មី តាមគោលដៅឆ្លើយតបទៅនឹងការប្រែប្រួលអាកាសធាតុ ទិន្នផលខ្ពស់ អង្ករមានគុណភាពល្អ ដូចជា៖ ក្រអូប បរិមាណអាមីឡូសទាប បាយឆ្ងាញ់ ទន់និងស្អិតជាដើម ដើម្បីបម្រើដល់ការផលិត។ ទន្ទឹមនឹងនោះ ផលិតពូជស្រូវសុទ្ឋ សម្រាប់បង្កាត់ពូជស្រូវបញ្ជាក់ មានគុណភាព ដើម្បីរក្សា និងអភិវឌ្ឍន៍ប្រភពសម្រាប់បង្កាត់ពូជសម្រាប់ផលិតពូជស្រូវសុទ្ឋ និងបញ្ជាក់។
លោក ឡេហ៊ូតន ប្រធានមន្ទីរកសិកម្ម និងបរិស្ថានអានយ៉ាង មានប្រសាសន៍ថា ដើម្បីបរិមាណផលស្រូវសម្រេចបាន និងលើសផែនការឆ្នាំ ២០២៥ ដោយគោលដៅជិត ៩ លានតោន បណ្តាផ្នែកមានសមត្ថកិច្ច និងអង្គភាពជំនាញរបស់មន្ទីរនឹងសហការជាមួយមូលដ្ឋានយ៉ាងជិតស្និទ្ធ ដើម្បីពង្រឹងការឃោសនា និងណែនាំអំពីវិធានការថែទាំ ការពារផលិតកម្មស្រូវរដូវដើមឆាំ្ននិងរដូវទី ៣ ២០២៥ សម្រេចបានទិន្នផលនិងគុណភាព។ បង្កើនការងារស៊ើបអង្កេត គណនាជាមុន និងជូនដំណឹងអំពីស្ថានភាពសត្វល្អិតបង្កខូចខាត រួមជាមួយការឃោសនា និងការណែនាំអំពីការថែទាំ ការការពារជំងឺលើដំណាំស្រូវ។ បង្កើនធ្វើបច្ចុប្បន្នភាពស្ថានភាពអាកាសធាតុ និងជលសាស្ត្រ ត្រៀមជាស្រេចបណ្តា ផែនការប្រឈមនៅពេលមានជំនោរខ្ពស់បង្កឲ្យមានការជ្រៀតជាតិប្រៃ និងលិចលង់ជាដើម ដើម្បីការពារផលិតកម្មក្នុងរដូវវស្សា និងព្យុះ។
ព្រមជាមួយនោះ ខេត្តបន្តផ្សព្វផ្សាយអនុវត្តគម្រោង“អភិវឌ្ឍន៍និរន្តរភាពលើផ្ទៃដីដាំដុះដំណាំស្រូវគុណភាពខ្ពស់និងបញ្ចេញឧស្ម័នទាបលើផ្ទៃដី ១លានហិកតា ភ្ជាប់នឹងកំណើនបៃតងនៅតំបន់វាលទំនាបទន្លេគឺវឡុងដល់ឆ្នាំ ២០៣០” នៅលើភូមិសាស្ត្រដោយប្រសិទ្ឋភាពនិងគុណភាព។
ផ្នែកសមត្ថពកិច្ចបានបង្កើនការងារប្រឹក្សា ណែនាំ គាំទ្រការចេញលេខកូដតំបន់ដាំដុះស្រូវ និងតាមដានប្រភពដើមផលិតផល ដើម្បីបម្រើតម្រូវការលក់ចេញក្នុងប្រទេស និងនាំចេញ។ ទន្ទឹមនឹងនោះ ផ្សព្វផ្សាយអនុវត្តកម្មវិធីជំរឿនកសិកម្ម ជាពិសេសគឺគំរូវាលស្រែធំ ពង្រីកទំហំផ្ទៃដីផលិតសម្រេចស្តង់ដារ និងជំរុញខ្លាំងការកសាងតំបន់វត្ថុធាតុដើម ដើម្បីឆ្លើយតបតម្រូវការរបស់ធុរកិច្ចនិងបម្រើក្នុងការកែច្នៃ និងនាំចេញ៕
ប្រែ៖ ណារីពៅ
