ថ្ងៃទី ៩ កញ្ញា លោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានអញ្ជើញជាអធិបតីក្នុងសម័យប្រជុំធ្វើការជាមួយតំបន់ពិសេសភូក្វុក ស្តាប់របាយការណ៍ស្តីពីការរំដោះផ្ទៃរាប និងល្បឿនផ្សព្វផ្សាយគម្រោង APEC ដែលវិនិយោគដោយគណៈកម្មាធិការប្រជាជនតំបន់ពិសេសភូក្វុក និងការងារកែលម្អទីក្រុងនៅតំបន់ពិសេសភូក្វុក។
អញ្ជើញចូលរួមក៏មានលោក ង្វៀនថាញផុង សមាជិកគណៈអចិន្ត្រៃយ៍បក្ខភាគខេត្ត អនុប្រធានប្រចាំការគណៈកម្មាធិការប្រជាជនខេត្ត។ លោក ឡេវ៉ាន់ភឿក ង៉ោកុងធឹក និងលោកស្រី ង្វៀនធីមីញធ្វី សមាជិកបក្ខភាគខេត្ត អនុប្រធានគណៈកម្មាធិការប្រជាជនខេត្ត និងថ្នាក់ដឹកនាំមន្ទីរ គណ ផ្នែកពាក់ព័ន្ឋហើយនិងវិនិយោគគិន។
ថ្លែងមតិណែនាំក្នុងកិច្ចប្រជុំ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត បានសង្កត់ធ្ងន់ថា ការដែលបក្សនិងរដ្ឋជ្រើសរើសធ្វើជាម្ចាស់ផ្ទះរៀបចំសន្និសិទ្ឋកំពូល APEC ២០២៧ នៅភូក្វុក គឺជាកិត្តិយស និងជាឱកាសដ៏ធំមួយសម្រាប់ខេត្តអភិវឌ្ឍន៍ បន្ទាប់ពីព្រឹត្តិការណ៍នេះ ភូក្វុក នឹងមានលក្ខខណ្ឌល្អក្នុងការអភិវឌ្ឍន៍។
ឱកាសនេះអាចក្លាយជាការពិតនៅពេលដែលខេត្តអានយ៉ាងនិងភូក្វុក រៀបចំជោគជ័យសន្និសិទ្ឋកំពូល APEC ២០២៧។ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត បានស្នើ មន្ទីរ ផ្នែក និងមូលដ្ឋានឲ្យបន្តឯកភាពការយល់ដឹង និងការទទួលខុសត្រូវចំពោះការផ្សព្វផ្សាយអនុវត្តគម្រោងបម្រើ APEC ជាពិសេសគឺការងារសងសំណង និងការងាររំដោះផ្ទៃរាប។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត បានកត់ត្រាទទួលស្គាល់ថា នាពេលថ្មីៗនេះ តំបន់ពិសេសភូក្វុក រួមនិងមន្ទីរ ផ្នែកនានាបានផ្សព្វផ្សាយយ៉ាងសកម្មនូវភារកិច្ច ជាពិសេសគឺការងារចាប់បង្ខំ ដកហូតដីធ្លី នៅតំបន់អាកាសយានដ្ឋានអន្តរជាតិភូក្វុក។ ដំណើរការត្រួតពិនិត្យ វាស់វែងនូវគម្រោងមួយចំនួន(សម្រេចបានប្រហែល ៩០%) ជាមួយភារកិច្ចផ្សេងជាច្រើនទៀត។
លោកប្រធានគណៈកម្មាធិការប្រជាជនខេត្តអានយ៉ាង បានស្នើថានាពេលខាងមុខ ការងាររំដោះផ្ទៃរាបត្រូវបានចាត់ទុកជាភារកិច្ចនៃប្រព័ន្ធនយោបាយទាំងមូល។ តំបន់ពិសេសភូក្វុក ចាំបាច់ត្រូវតែជ្រួតជ្រាប និងកេណ្ឌរាល់កម្លាំង ដើម្បីឃោសនាចលនា ឯកភាព តាំងចិត្ត ខ្លាំងក្លា និងកំណត់អំពីភារកិច្ចទទួលខុសរបស់ស្ថាប័នអធិបតីនិងស្ថាប័នសហការ ជាពិសេសគឺអ្នកជាប្រមុខ។
ច្បាមជាប់ល្បឿននៃគម្រោង វិនិយោគគិនម្នាក់ៗត្រូវមានផែនការ និងរាយការណ៍អំពីល្បឿននៃគម្រោងនីមួយៗ។ហើយមានទំនួលខុសត្រូវច្បាស់លាស់។ តំបន់ពិសេសភូក្វុក ត្រូវមានផែនការរៀបចំទីក្រុងលម្អិត រាយការណ៍ជូនគណៈកម្មាធិការប្រជាជនខេត្ត។ ធ្វើអធិបតីសហការក្នុងការងារឃោសនា ចលនាការងារសងសំណង និងរំដោះផ្ទៃរាប។ល។
យោងតាមរបាយការណ៍របស់គណៈកម្មាធិការប្រជាជនតំបន់ពិសេសភូក្វុក តំបន់ពិសេសបានប្រគល់ជាវិនិយោគគិនដើម្បីផ្សព្វផ្សាយគម្រោងតាំងទីលំនៅថ្មីចំនួន ០៤ (រួមមាន៖ គម្រោងវិនិយោគផ្នែកសំណង់ និងគម្រោងសងសំណង គាំទ្រ តាំងទីលំនៅថ្មី និងរំដោះផ្ទៃរាប)៖ អានធើយ ហូស៊ូលើន គឿកាង និងហាមនិញ។ ផ្សព្វផ្សាយគម្រោងចំនួន ០៤ គឺសងសំណង គាំទ្រ តាំងលំនៅថ្មីនិងរំដោះផ្ទៃរាប៖ ហូគឿកាង ហូយឿងដុង២ មហាវិថីAPEC និងផ្លូវខេត្ត ĐT.៩៧៥។
ជាក់ស្តែង គម្រោងតំបន់តាំងលំនៅថ្មីអានធើយ មានទ្រង់ទ្រាយ ២៣,៨៧ហិចតា សន្និដ្ឋានថានឹងបង្កើតមូលនិធិដីធ្លីប្រមាណ ១.២០០ ឡូត៍តាំងទីលំនៅថ្មី ដោយទុនវិនិយោគសរុប ១.៦៣២ ពាន់លានដុង។ គម្រោងតំបន់តាំងទីលំនៅថ្មីហូស៊ូលើន មានទ្រង់ទ្រាយ ៣០,១៥ហិចតា សន្និដ្ឋានថានឹងបង្កើតមូលនិធិដីសម្រាប់គម្រោងតាំងទីលំនៅថ្មីប្រមាណ ៩០០ឡូត៍ ដោយមានទុនវិនិយោគសរុប ១.៣០០ ពាន់លានដុង ។ គម្រោងតំបន់តាំងទីលំនៅថ្មីគឿកាង មានទ្រង់ទ្រាយ ៩៨,២ហិកតា បានសន្និដ្ឋានថានឹងបង្កើតមូលនិធិដីសម្រាប់គម្រោងតាំងទីលំនៅថ្មីប្រមាណជា ៤.០០០ឡូតិ៍ ដោយទុននិយោគ សរុប ១.៦៥០ពាន់លានដុង។ គម្រោង តំបន់តាំងទីលំនៅថ្មីហាមនិញ មានទ្រង់ទ្រាយ ១០២,៨៥ ហិចតា បានសន្និដ្ឋានថានឹងបង្កើតមូលនិធិដីធ្លីប្រមាណ ៣.០៥៥ ឡូត៍តាំងទីលំនៅថ្មី ជាមួយនឹងទុនវិនិយោគសរុប ១.២០០ ពាន់លានដុង។
គម្រោងវិនិយោគបឹងគឿកាង មានទ្រង់ទ្រាយប្រមាណ ៣៣៨,១២ ហិកតា ទុនវិនិយោគសរុប ១.០២៦ ពាន់លានដុង។ គម្រោងវិនិយោគបឹង យឿងដុង២ មានទ្រង់ទ្រាយប្រមាណ ១៣៦,៦ ហិកតា ទុនវិនិយោគសរុប ២.៩៥០ ពាន់លានដុង។ គម្រោងផ្លូវខេត្ត ĐT.៩៧៥ (ផ្នែកពី ĐT.៩៧៣ - អាកាសយានដ្ឋានអន្តរជាតិភូក្វុក - ĐT.៩៧៥ - ĐT.៩៧៣) មានទុនវិនិយោគសរុប ២.៥០០ ពាន់លានដុង។ គម្រោងមហាវិថី APEC មានទុនវិនិយោគសរុបប្រមាណ ១.៨២០ពាន់លានដុង។ សម្រាប់គម្រោងទាំងនេះ គណៈកម្មាធិការប្រជាជនតំបន់ពិសេសភូក្វុក អនុវត្តគម្រោងសមាសភាគសំណង គាំទ្រ តាំងទីលំនៅថ្មី និងរំដោះផ្ទៃរាប។
សម្រាប់គម្រោងចំនួន ០៨ ដែលប្រគល់ឲ្យមន្ទីរហិរញ្ញវត្ថុ និងគណគ្រប់គ្រងតំបន់សេដ្ឋកិច្ចភូក្វុក ផ្សព្វផ្សាយជ្រើសរើសវិនិយោគិន គណៈកម្មាធិការប្រជាជននៃតំបន់ពិសេសអនុវត្តសមត្ថកិច្ចរបស់មូលដ្ឋានអំពីរំដោះផ្ទៃរាប៖ គម្រោងវិនិយោគបើកទូលាយ អាកាសយានដ្ឋាន អន្តរជាតិភូក្វុក រោងចក្រកែច្នៃសំណល់រឹងអានធើយ រោងចក្រដោះស្រាយទឹកសំណល់ប្រមូលផ្តុំតំបន់អានធើយ រោងចក្រដោះស្រាយទឹកសំណល់ប្រមូលផ្តុំយឿងដុង រោងចក្រទឹកបឹងគឿកាង តំបន់ក្រុងចម្រុះ - ឆ្នេរដីក្រហម តំបន់ក្រុងអេកូឡូស៊ីទេសចរណ៍ភ្នំអ៊ុងក្វាន៕
ប្រែ៖ ណារីពៅ
