ក្នុងឱកាសទិវាធុរកិច្ចវៀតណាម តាងនាមបក្ខ​ភាគ​ខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្ត លោក​ ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអាន​យ៉ាង បានជូនពរដល់ថ្នាក់ដឹកនាំ បុគ្គលិក និ​យោជិត​ ក្រុមហ៊ុន ណាមវៀតគ្រុប ក្រុមហ៊ុន សៅម៉ៃគ្រុប និង​ក្រុមហ៊ុនភាគហ៊ុនរួមបន្លែ ផ្លែឈើ និងអាហារអាន​យ៉ាង​ ទទួលបានសុខភាពល្អ និងសុភមង្គល ដោយសម្រេច​បានជោគជ័យនូវភារកិច្ចឆ្នាំ ២០២៤ ដាក់​ចេញ​។ 

លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានទទួលស្គាល់ និងកោតសរសើរចំពោះការខិតខំប្រឹងប្រែងរបស់ថ្នាក់ដឹកនាំ កម្មាភិបាល បុគ្គលិក និយោជិតនៃធុរកិច្ចក្នុងសកម្មភាពផលិតកម្ម និង​អាជីវកម្ម រួមចំណែកជាវិជ្ជមានដល់ការអភិវឌ្ឍន៍ទូ​ទៅ​របស់ខេត្ត។ តារយៈនោះ បាន​បញ្ជាក់​ថា ពេលណាធុរកិច្ចអភិវឌ្ឍគឺ​ខេត្ត​អភិវឌ្ឍ។ អាស្រ័យហេតុនេះហើយ បក្ខភាគ អាជ្ញាធរគ្រប់លំដាប់ថ្នាក់ និងមន្ទីរ អង្គភាព​នានាក្នុងខេត្ត បានសន្យាប្តេជ្ញាជានិច្ចក្នុងការរួមដំ​ណើរ​ដោយការទទួលខុសត្រូវ ស្តាប់ និងចែករំលែកជាមួយធុរកិច្ច ដើម្បីជួយដោះស្រាយរាល់ការលំបាក និង​ឧបសគ្គទាន់ពេល ព្រមទាំងបង្កើតលក្ខខណ្ឌអំ​ណោយ​ផលសម្រាប់ធុរកិច្ចស្ងប់ចិត្តក្នុងការវិនិយោគ អភិវឌ្ឍផលិត​កម្ម និងអាជីវកម្មស្របតាមបញ្ញតិច្បាប់។

ទន្ទឹមនឹងនោះ សង្ឃឹមថា ធុរកិច្ចនឹងពង្រីកនូវលទ្ធ​ផលដែលសម្រេចបាន បន្តការខិតខំប្រឹងប្រែងដើ​ម្បី​ជម្នះការលំបាក និងអនុវត្តប្រកបដោយជោគជ័យនូវផែន​ការ និងការងារផលិតកម្ម អាជីវកម្មក្នុងឆ្នាំ ២០២៤ និង​ឆ្នាំបន្តបន្ទាប់ទៀត។ ជាពិសេស ធុរកិច្ចនានាត្រូវ​យក​​ចិត្ត​ទុកដាក់សិក្សាស្រាវជ្រាវផែនការរៀបចំ និងការ​តម្រង់​ទិសអភិវឌ្ឍន៍របស់ខេត្ត ដើម្បីផ្តល់យោបល់ និងជួយ​ខេត្តរៀបចំផែនការយុទ្ធសាស្ត្រអភិវឌ្ឍន៍ និងមានផែនការវិនិយោគ បើកទូលាយអភិវឌ្ឍន៍ផលិតកម្ម អាជី​វ​កម្ម​សមស្របនាពេលខាងមុខ។ ទន្ទឹមនិងនោះ បន្តអនុ​វត្ត​កម្មវិធីសន្តិសុខសង្គម រួមចំណែកកសាងមាតុភូមិអាន​យ៉ាង កាន់តែរីកចម្រើន និងស្រស់ស្អាតពីមួយ​ថ្ងៃ​ទៅ​​​មួយថ្ងៃ៕

ប្រែ៖ ណារីពៅ