នៅព្រឹកថ្ងៃទី ៣០ មិថុនា នៅមជ្ឈមណ្ឌលវប្បធម៌ និងសិល្បៈខេត្តគៀនយ៉ាង បក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្តគៀនយ៉ាង និងអានយ៉ាង បានប្រារព្ធពិធីប្រកាសសេចក្តីសម្រេចចិត្ត និងសេចក្តីសម្រេចរបស់មជ្ឈិមស្តីពីការរួមបញ្ចូលអង្គភាពរដ្ឋបាលថ្នាក់ខេត្ត និងថ្នាក់ឃុំយ៉ាងឱឡារិក។
លោក ម៉ៃវ៉ាន់ជីញ សមាជិកគណៈកម្មាធិការមជ្ឈិមបក្ស និងជាឧបនាយករដ្ឋមន្ត្រី។ លោក ង្វៀនតាន់យុង អតីតសមាជិកការិយាល័យនយោបាយ អតីតនាយករដ្ឋមន្ត្រីរដ្ឋាភិបាល អតីតលេខាបក្ខភាគខេត្តគៀនយ៉ាង។ លោកនាយឧត្តមសេនីយ៍ឯក ឡេហុងអាញ អតីតសមាជិកការិយាល័យនយោបាយ អតីតសមាជិកការិយាល័យនយោបាយ អតីតប្រចាំការគណលេខាមជ្ឈិមបក្ខភាគគៀនយ៉ាង។ លោក យឿងថាញប៊ិញ សមាជិកគណៈកម្មាធិការមជ្ឈិមបក្ស សមាជិកគណៈកម្មាធិការអចិន្ត្រៃយ៍រដ្ឋសភា ប្រធានគណៈកម្មាធិការសេចក្តីប្រាថ្នារបស់ប្រជាជន និងឃ្លាំមើលរបស់រដ្ឋសភា។ ថ្នាក់ដឹកនាំបណ្តាក្រសួង គណ ផ្នែកមជ្ឈិម ខេត្តអានយ៉ាងនិងគៀនយ៉ាងជាដើមក៏បានចូលរួមក្នុងពិធីនេះផងដែរ។
នៅក្បាលបន្តថ្នាក់ឃុំ សង្កាត់ និងតំបន់ពិសេសដែលទើបបង្កើតថ្មី តំណាងមន្ទីរ គណ ផ្នែក និងអង្គការមហាជនថ្នាក់ខេត្ត សមាជិកគណៈកម្មាធិការបក្ខភាគ កម្មាភិបាល និងបក្ខជនរបស់ឃុំ សង្កាត់ និងតំបន់ពិសេស តំណាងប្រជាជន ធុរកិច្ច និងសិស្សានុសិស្ស និស្សិតជាដើម ក៏បានចូលរួមផងដែរ។
ពិធីបានប្រកាសសេចក្តីសម្រេចចិត្តរបស់រដ្ឋសភា គណៈកម្មាធិការអចិន្ត្រៃយ៍រដ្ឋសភា សេចក្តីសម្រេចរបស់ការិយាល័យនយោបាយ គណលេខាមជ្ឈិមបក្ស និងគណៈអចិន្ត្រៃយ៍នៃគណៈកម្មាធិការមជ្ឈិមរណសិរ្សមាតុភូមិវៀតណាមសម្រាប់ខេត្តអានយ៉ាងថ្មី។
ជាក់ស្តែង រដ្ឋសភាបានចេញសេចក្តីសម្រេចចិត្តលេខ ២០២/២០២៥/QH១៥ ចុះថ្ងៃទី១២ ខែមិថុនា ឆ្នាំ២០២៥ ដើម្បីរៀបចំទំហំផ្ទៃដីនៃតំបន់ធម្មជាតិ និងប្រជាជនទាំងមូលរបស់ខេត្តគៀនយ៉ាងនិងអានយ៉ាង ក្លាយជាខេត្តថ្មីមានឈ្មោះថាខេត្តអានយ៉ាង។ បន្ទាប់ពីការរួមបញ្ចូលគ្នារួចមក ខេត្តអានយ៉ាង មានផ្ទៃដីធម្មជាតិជាង ៩.៨៨៨ គីឡូម៉ែត្រក្រឡា និងមានប្រជាសាស្ត្រជិត ៥ លាននាក់។ ខេត្តអានយ៉ាង ជាប់ព្រំប្រទល់ជាមួយខេត្តកាម៉ៅ ខេត្តដុងថាប ទីក្រុងកាន់ធឺ ព្រះរាជាណាចក្រកម្ពុជា និងសមុទ្រខាងកើត។
ការិយាល័យនយោបាយបានសម្រេចបង្កើតបក្ខភាគខេត្តអានយ៉ាង ក្រោមឱវ៉ាទគណៈកម្មាធិការមជ្ឈិមបក្ស ដោយឈរលើមូលដ្ឋាននៃការរួមបញ្ចូលគ្នានៃបក្ខភាគទាំងពីរខេត្តអានយ៉ាងនិងគៀនយ៉ាង។ តែងតាំង គណៈកម្មាធិការបក្ខភាគខេត្តអានយ៉ាង សម្រាប់អាណត្តិឆ្នាំ ២០២០-២០២៥ រួមមានសមមិត្តចំនួន ៦៧ រូប(សមមិត្ត ១២ រូបក្នុងគណៈអចិន្ត្រៃយ៍បក្ខភាគខេត្ត)។ តែងតាំងសមមិត្ត ង្វៀនទៀនហាយ សមាជិកគណៈកម្មាធិការមជ្ឈិមបក្ស លេខាបក្ខភាគខេត្តគៀនយ៉ាង កាន់តំណែងជាលេខាបក្ខភាគខេត្តអានយ៉ាង (ថ្មី)។ តែងតាំងសមមិត្តចំនួន ៤រូប កាន់តំណែងជាអនុលេខាបក្ខភាគខេត្តអានយ៉ាង (ថ្មី) រួមមាន៖ សមមិត្ត ង្វៀនថាញញ៉ាន (អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តគៀនយ៉ាង កាន់តំណែងអនុប្រចាំការបក្ខភាគខេត្តអានយ៉ាង)។សមមិត្ត ហូវ៉ាន់ម៉ឹង (សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង)។សមមិត្ត ឡាំមិញថាញ់ (អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តគៀនយ៉ាង)។ សមមិត្តនារី ត្រាន់ធីថាញហឿង (សមាជិកគណៈប្រចាំការបក្ខភាគខេត្ត ប្រធានគណៈប្រតិភូរដ្ឋសភាខេត្ត ប្រធានគណៈឃោសនាអប់រំ និងចលនាមហាជនបក្ខភាគខេត្តអានយ៉ាង)។
គណលេខាបក្សតែងតាំងគណៈកម្មាធិការត្រួតពិនិត្យបក្ខភាគខេត្តអានយ៉ាង សម្រាប់អាណត្តិឆ្នាំ ២០២០-២០២៥ បន្ទាប់ពីរួមបញ្ចូលគ្នា ដោយមានសមមិត្តចំនួន ១៣រូប។ សមមិត្ត វ៉មិញហ្វាង (សមាជិកគណៈអចិន្ត្រៃយ៍បក្ខភាគខេត្ត ប្រធានគណៈកម្មាធិការត្រួតពិនិត្យបក្ខភាគខេត្តអានយ៉ាងចាស់) កាន់តំណែងជាប្រធានគណៈកម្មាធិការត្រួតពិនិត្យបក្ខភាគខេត្តអានយ៉ាង(ថ្មី)។ អនុប្រធានរួមមាន៖ សមមិត្ត ង្វៀនវៀតថាំង(សមាជិកបក្ខភាគខេត្ត អនុប្រធានគណៈកម្មការចាត់តាំងបក្ខភាគខេត្តគៀនយ៉ាង) លោក ង្វៀនតាន់រ៉ាង (សមាជិកបក្ខភាគខេត្ត អនុប្រធានប្រចាំការគណៈកម្មាធិការត្រួតពិនិត្យបក្ខភាគខេត្តអានយ៉ាង) លោក ង្វៀនវៀតប៊ិញ (អនុប្រធានគណៈកម្មាធិការត្រួតពិនិត្យបក្ខភាគខេត្តអានយ៉ាង) លោក ផាមហ្វាងទឿយ (លេខាបក្ខភាគស្រុកវិញធ្វឺន ខេត្តគៀនយ៉ាង)។
សមមិត្ត ត្រាន់ធីថាញហឿងគណៈកម្មាធិការប្រចាំការរដ្ឋសភាបានតែងតាំងឲ្យរក្សាតំណែងប្រធានគណៈប្រតិភូរដ្ឋសភានីតិកាលទី ១៥ របស់ខេត្តអានយ៉ាងជាបន្តទៀត។ សមមិត្ត លីអាញធឺ (សមាជិកបក្ខភាគខេត្ត និងជាប្រតិភូរដ្ឋសភា) រក្សាតំណែងជាអនុប្រធានគណៈប្រតិភូរដ្ឋសភាទទួលបន្ទុកលើសកម្មភាព។
ទន្ទឹមនឹងនោះ តែងតាំងសមមិត្ត ង្វៀនថាញ់ញ៉ាន រក្សាតំណែងជាប្រធានក្រុមប្រឹក្សាប្រជាជនខេត្តអានយ៉ាង សម្រាប់អាណត្តិ ២០២១-២០២៦។ សមមិត្ត ឡេហុងថាំ (សមាជិកគណអចិន្ត្រៃយ៍បក្ខភាគខេត្ត)។ សមមិត្តនារី ឌិញធីវៀតហ្វិញ (សមាជិកាបក្ខភាគខេត្ត)។ សមមិត្ត យ៉ាងវ៉ាន់ភុក(សមាជិកបក្ខភាគខេត្ត) រក្សាតំណែងជាអនុប្រធានក្រុមប្រឹក្សាប្រជាជនខេត្ត។ សមមិត្ត ផាមវ៉ាន់ម៉ៅ រក្សាតំណែងជាប្រធានគណៈកម្មការនៅតិកម្ម។ សមមិត្ត ង៉ោហេន រក្សាតំណែងជាប្រធានគណៈកម្មការសេដ្ឋកិច្ច-ថវិការដ្ឋ។ សមមិត្ត តុងវ៉ាន់គឹម រក្សាតំណែងជាប្រធានគណៈវប្បធម៌-សង្គម។ សមមិត្ត ឡេថាញ់យុង រក្សាតំណែង ជាប្រធានគណៈកម្មការជនជាតិក្រុមប្រឹក្សាប្រជាជនខេត្ត។
លោកនាយករដ្ឋមន្ត្រីរដ្ឋាភិបាលតែងតាំងសមមិត្ត ហូវ៉ាន់ម៉ឹង ឲ្យកាន់តំណែងជាអនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង (ថ្មី) សម្រាប់អាណត្តិ ២០២១-២០២៦។ អនុប្រធានគណៈកម្មាធិការប្រជាជនខេត្តអានយ៉ាង(ថ្មី) សម្រាប់អាណត្តិ ២០២១-២០២៦ រួមមាន៖ សមមិត្ត ង្វៀនថាញផុង (សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្តគៀនយ៉ាង) សមមិត្ត ឡេវ៉ាន់ភឿក (សមាជិកគណៈអចិន្ត្រៃយ៍បក្ខភាគខេត្តអានយ៉ាង)។សមមិត្ត ២ រូប គឺ ឡេទ្រុងហូ និង យ៉ាងថាញខ្វា (សមាជិកបក្ខភាគខេត្ត អនុប្រធាន គណៈកម្មាធិការប្រជាជនខេត្តគៀនយ៉ាង)។ សមមិត្ត ង៉ោកុងធឹក និងសមមិត្តនារី ង្វៀនធីមិញធ្វី (សមាជិកបក្ខភាគខេត្ត អនុប្រធានគណៈកម្មាធិការប្រជាជនខេត្តអានយ៉ាង)។
គណៈប្រចាំការនៃគណៈកម្មាធិការមជ្ឈិមរណសិរ្សមាតុភូមិវៀតណាម បានសម្រេចបង្កើតគណៈកម្មាធិការរណសិរ្សមាតុភូមិវៀតណាមខេត្តអានយ៉ាង។ ទទួលស្គាល់គណៈប្រចាំការនៃគណៈកម្មាធិការរណសិរ្សមាតុភូមិវៀតណាមខេត្តអានយ៉ាង សម្រាប់អាណត្តិឆ្នាំ ២០២៤-២០២៩ រួមមានសមមិត្ត ៩ រូប។ ជាក់ស្តែង៖ សមមិត្តនារី ត្រាន់ធីថាញហឿង រក្សាតំណែងជាប្រធានគណៈកម្មាធិការរណសិរ្សមាតុភូមិវៀតណាមនៃខេត្ត។ សមមិត្ត ឡេថាញ់វៀត រក្សាមុខតំណែងជាអនុប្រធានប្រចាំការនៃគណៈកម្មាធិការរណសិរ្សមាតុភូមិវៀតណាមនៃខេត្ត។ សមមិត្ត ដោវ៉ាន់ធិញ រក្សាមុខតំណែងជាអនុប្រធានគណៈកម្មាធិការរណសិរ្សមាតុភូមិវៀតណាមខេត្ត ហើយក៏ជាប្រធានសហព័ន្ធពលករខេត្តផងដែរ។ សមមិត្ត ង្វៀនវ៉ាន់កូព រក្សាមុខតំណែងជាអនុប្រធានគណៈកម្មាធិការរណសិរ្សមាតុភូមិវៀតណាមខេត្ត និងក៏ជាប្រធានសមាគមកសិករខេត្តផងដែរ។ សមមិត្តនារី ទឿងថាញធ្វី រក្សាមុខតំណែងជាអនុប្រធានគណៈកម្មាធិការរណសិរ្សមាតុភូមិវៀតណាមខេត្ត ហើយក៏ជាប្រធានសហសមាគមនារីខេត្តផងដែរ។ សមមិត្ត ផានយ្វីបាំង រក្សាមុខតំណែងជាអនុប្រធានគណៈកម្មាធិការរណសិរ្សមាតុភូមិវៀតណាមខេត្ត ហើយក៏ជាលេខាសម្ព័ន្ឋយុវជនខេត្តផងដែរ។ សមមិត្ត ប៊ុយវូតាន់ រក្សាមុខតំណែងជាអនុប្រធានគណៈកម្មាធិការរណសិរ្សមាតុភូមិវៀតណាមខេត្ត ហើយក៏ជាប្រធានសមាគមអតីតយុទ្ធជនខេត្តផងដែរ។សមមិត្ត៖ ង៉ោភឿងវូ ប៊ូយវ៉ាន់តាង ហាមិញត្រាង រក្សាមុខតំណែងជាអនុប្រធានគណៈកម្មាធិការរណសិរ្សមាតុភូមិវៀតណាម។
ពិធីក៏ប្រកាស និងប្រគល់សេចក្តីសម្រេចចិត្តលេខ ១៦៥៤/NQ-UBTVQH១៥ ចុះថ្ងៃទី ១៦ ខែមិថុនា ឆ្នាំ ២០២៥ របស់គណៈកម្មាធិការអចិន្ត្រៃយ៍រដ្ឋសភា ស្តីពីការបង្កើតឃុំ សង្កាត់ និងតំបន់ពិសេសក្រោមឱវ៉ាទខេត្តអានយ៉ាងចំនួន ១០២ផងដែរ។ សេចក្តីសម្រេចរបស់បក្ខភាគខេត្តគៀនយ៉ាង និងបក្ខភាគខេត្តអានយ៉ាង ស្តីពីការបញ្ចប់សកម្មភាពរបស់បក្ខភាគថ្នាក់ស្រុក (ចាស់)។ សេចក្តីសម្រេចរបស់បក្ខភាគខេត្តអានយ៉ាង (ថ្មី) ស្តីពីការបង្កើតបក្ខភាគឃុំ សង្កាត់ និងតំបន់ពិសេស៕
ប្រែ៖ ណារីពៅ
