នារសៀល ថ្ងៃទី១០ ខែមីនា លោកនាយករដ្ឋមន្ត្រីរដ្ឋាភិបាល ផាមមិញជីញ ប្រធានគណៈណែនាំមជ្ឈិមបានធ្វើជាអធិបតីភាពកិច្ចប្រជុំលើកទី៣ នៃគណៈណែនាំមជ្ឈិម ផ្សព្វផ្សាយការលុបបំបាត់លំនៅដ្ឋានបណ្តោះអាសន្ន និងទ្រុឌទ្រោមលើបរិវេនទូទាំងប្រទេស។
លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ប្រធានគណៈណែនាំផ្សព្វផ្សាយការលុបបំបាត់លំនៅដ្ឋានបណ្តោះអាសន្ន និងទ្រុឌទ្រោមក្នុងខេត្ត បានអញ្ជើញជាអធិបតីនៅក្បាលបន្តអានយ៉ាង។ អញ្ជើញជាអធិបតីនៅក្បាលបន្តខេត្តផងដែរ មានលោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្ត និងលោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង និងអនុប្រធានគណៈប្រចាំការនៃគណៈណែនាំការលុបបំបាត់លំនៅដ្ឋានបណ្តោះអាសន្ន និងទ្រុឌទ្រោមខេត្ត រួមនឹងសមាជិកគណៈណែនាំខេត្ត។
នៅក្នុងកិច្ចប្រជុំ គណៈប្រតិភូបានផ្តោតសំខាន់លើការវាយតម្លៃលទ្ធផល ការលំបាក មេរៀនបទពិសោធន៍ក្នុងការណែនាំ ប្រតិបត្តិការ ការបែងចែក កៀរគរធនធាន និងបណ្តាវិធីធ្វើល្អ គំរូល្អ ដាក់ចេញនូវភារកិច្ច និងដំណោះស្រាយ ផ្សព្វផ្សាយកម្មវិធីឲ្យកាន់តែមានប្រសិទ្ធភាពនាពេលខាងមុខ។
មកដល់ពេលនេះ ប្រទេសទាំងមូលបានឧបត្ថម្ភលំនៅដ្ឋានចំនួន ១២១.៦៣៨/២២៣.១៦៤ ខ្នង(សម្រេចបានជាង ៥៤%)។ក្នុងនោះ លំនៅដ្ឋានជាង ៦៥.០០០ ខ្នងបានសម្ពោធនិងលំនៅដ្ឋានជាង ៥៦.០០០ ខ្នងបានចាប់ផ្តើមសាងសង់។ចាប់ពីពេលនេះរហូតដល់ដំណាច់ឆ្នាំ ត្រូវសាងសង់ឲ្យហើយរួចរាល់នៅលំនៅដ្ឋានជាង ១០១.០០០ខ្នងក្នុងរយៈពេលដ៏ខ្លីបំផុត ជាមធ្យមប្រទេសទាំងមូលត្រូវតែលុបបំបាត់លំនៅដ្ឋាន ៤៥៩ខ្នងក្នុងមួយថ្ងៃ។
បញ្ចប់កិច្ចប្រជុំ តាងនាមគណៈណែនាំ លោកនាយករដ្ឋមន្ត្រីរដ្ឋាភិបាលបានកោតសរសើរចំពោះស្មារតីទទួលខុសត្រូវរបស់ខេត្តក្រុង ក្រសួងផ្នែកមជ្ឈិម អនុវត្តកម្មវិធីមានអត្ថន័យមនុស្សជាតិដ៏ជ្រេលជ្រៅនេះ ហើយសម្រេចបានលទ្ធផលជាច្រើន។
ក្នុងស្មារតី “ពិភាគ្សាធ្វើមិនពិភាគ្សាដកថយ” លោកនាយករដ្ឋមន្ត្រីបានស្នើ និងសង្កត់ធ្ងន់ថា កម្មវិធីលុបបំបាត់លំនៅដ្ឋានបណ្តោះអាសន្ន និងទ្រុឌទ្រោមក្នុងបរិវេនទូទាំងប្រទេសមានអត្ថន័យមនុស្សជាតិជ្រេលជ្រៅ បង្ហាញពីភារទទួលខុសត្រូវរបស់បក្ស និងរដ្ឋចំពោះប្រជាជន ជាពិសេសគឺចំពោះគ្រួសារក្រីក្រ ជួបការលំបាក ចំពោះគ្រួសារដែលមានសគុណ និងគ្រួសារគោលនយោបាយ។ បង្ហាញពីប្រពៃណីជួយគ្នាទៅវិញទៅមកដ៏ល្អនៃជាតិសាស្ត្រ ជាភារកិច្ចនយោបាយសំខាន់ លោកនាយករដ្ឋមន្ត្រីតម្រូវឲ្យត្រូវប្តេជ្ញាអនុវត្តនិងអនុវត្តឲ្យបានជោគជ័យទាំងស្រុង។ ដោយមានស្មារតីនោះ លោកនាយករដ្ឋមន្ត្រីបានស្នើឲ្យក្រសួង ផ្នែក និងមូលដ្ឋាននីមួយៗដែលមានមុខងារ និងភារកិច្ចរបស់ខ្លួន ត្រូវមានការប្តេជ្ញាខ្លាំងក្លាថែមទៀត ។ ប្រព័ន្ធនយោបាយទាំងមូលត្រូវបញ្ជាក់ និងបញ្ចប់ការលុបបំបាត់លំនៅដ្ឋានបណ្ដោះអាសន្ន និងទ្រុឌទ្រោមជាកិច្ចការនយោបាយដ៏សំខាន់។ ក្នុងស្មារតីពិភាគ្សាធ្វើមិនពិភាគ្សាដកថយ អនុវត្តទៅតាមកាលវិភាគ មិនទុកឲ្យប្រជាជនណាម្នាក់រស់នៅក្នុងផ្ទះបណ្ដោះអាសន្ន និងទ្រុឌទ្រោមឡើយ។ រួមជាមួយនឹងការទប់ស្កាត់អវិជ្ជមាន និងខ្ជះខ្ជាយ។
រួមជាមួយនឹងការយកចិត្តទុកដាក់ ថែទាំរបស់បក្ស រដ្ឋ បក្ខភាគ និងអាជ្ញាធរមូលដ្ឋានគ្រប់លំដាប់ថ្នាក់ លោកនាយករដ្ឋមន្ត្រីសង្ឃឹមថា គ្រួសារក្រីក្រ ជួបការលំបាក ដែលទទួលបានអត្ថប្រយោជន៍ពីកម្មវិធី ក៏ត្រូវតែខិតខំងើបឡើង កុំរង់ចាំ និងពឹងផ្អែកទៀត។ លោកនាយករដ្ឋមន្ត្រីបានស្នើឲ្យដំណើរការផ្សព្វផ្សាយត្រូវធានានូវភាពជាសាធារណៈ តម្លាភាព និងការប្តេជ្ញាបង្ការទប់ស្កាត់អំពើពុករលួយ ខ្ជះខ្ជាយ អវិជ្ជមាន និងផលប្រយោជន៍ក្រុម។
ដោយសង្កត់ធ្ងន់គោលដៅដល់ថ្ងៃទី ៣១ ខែតុលា ឆ្នាំ ២០២៥ មូលដ្ឋាននានានឹងបញ្ចប់ការលុបបំបាត់លំនៅដ្ឋានបណ្តោះអាសន្ន និងទ្រុឌទ្រោម ដែលជាភារកិច្ចដ៏ធ្ងន់ និងលំបាកនោះ លោកនាយករដ្ឋមន្ត្រីបានស្នើឲ្យមានការប្តេជ្ញាចិត្តខ្ពស់ ការខិតខំប្រឹងប្រែងធំ ធ្វើសកម្មភាពខ្លាំងក្លា និងមានប្រសិទ្ធភាព។ ចាត់ចែងការងារតាមស្មារតី ៥ យ៉ាងច្បាស់លាស់ (ច្បាស់មនុស្ស ច្បាស់ការងារ ច្បាស់ល្បឿន ច្បាស់លទ្ធផលនិងច្បាស់ទំនួលខុស)។ ពង្រីកស្មារតី “អ្នកណាមានអ្វីជួយហ្នឹង អ្នកណាមានច្រើនជួយច្រើន អ្នកណាមានតិចជួយតិច អ្នកណាមានកម្លាំងជួយកម្លាំង អ្នកណាមានទ្រព្យជួយបាន”។ ត្រូវកៀរគរធនធានមនុស្ស និងទ្រព្យក្នុងមូលដ្ឋាន ការជំនួយរបស់ប្រជាជន សាច់ញាតិ អ្នកជិតខាង អង្គការនយោបាយសង្គមដើម្បីបំពេញនូវគោលដៅដែលបានកំណត់ ដើម្បីអបអរសាទរមហាសន្និបាតបក្សគ្រប់លំដាប់ថ្នាក់ឆ្ពោះទៅកាន់មហាសន្និបាតបក្សទូទាំងប្រទេសលើកទី១៤។ ដូចជា “អំណោយ” ដែលបក្ស រដ្ឋសម្រាប់ប្រគល់ជូនប្រជាជន ជាពិសេសគឺអ្នកក្រីក្រ អ្នកទន់ខ្សោយ ជនជាតិនៅតំបន់ដាច់ស្រយាល ជនជាតិភាគតិច ដោយស្មារតីមានលំនៅនឹងនរទើបមានរបរទទួលទានស្ថិរភាពនៅក្នុងឆ្នាំ ២០២៥។
លោកនាយករដ្ឋមន្ត្រីបានសង្កត់ធ្ងន់ថា ភារកិច្ចលុបបំបាត់លំនៅដ្ឋានបណ្តោះអាសន្ន និងទ្រុឌទ្រោមនៅឆ្នាំ២០២៥ គឺធ្ងន់ធ្ងណាស់ លោកនាយករដ្ឋមន្ត្រីបានស្នើឲ្យសមមិត្តរដ្ឋមន្ត្រី ប្រធានផ្នែក លេខាបក្ខភាគខេត្ត បក្ខភាគក្រុង និងប្រធានគណៈកម្មាធិការប្រជាជនខេត្ត ក្រុងក្រោមឱវ៉ាទមជ្ឈិមពង្រីកនៅស្មារតីទទួលខុសត្រូវចំពោះបក្ស រដ្ឋ និងប្រជាជន ជាពិសេសយកចិត្តទុកដាក់ប្រមូលផ្តុំដឹកនាំណែនាំដើម្បីអនុវត្តឲ្យបានជោគជ័យនូវគោលដៅដាក់ចេញ។
បន្ទាប់ពីកិច្ចប្រជុំតាមប្រព័ន្ធអនឡាញរបស់រដ្ឋាភិបាល លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ប្រធានគណៈណែនាំផ្សព្វផ្សាយការលុបបំបាត់លំនៅដ្ឋានបណ្តោះអាសន្ន និងទ្រុឌទ្រោមក្នុងខេត្ត បានធ្វើអធិបតីភាពកិច្ចប្រជុំជាមួយសមាជិកគណៈណែនាំខេត្តស្នើសុំឲ្យមូលដ្ឋានអនុវត្ត និងរៀបចំផែនការអនុវត្តជាបន្ទាន់តាមផែនទីបង្ហាញផ្លូវដែលបានកំណត់៕
ប្រែ៖ ណារីពៅ
