នៅរសៀលថ្ងៃទី២៥ ខែមីនា អ្នកស្រី ង្វៀន ធីមិញធ្វី សមាជិកាគណៈកម្មាធិការបក្សខេត្ត និងជាអនុប្រធានគណៈកម្មាធិការប្រជាជនខេត្តអានយ៉ាង បានដឹកនាំគណៈប្រតិភូទៅពិនិត្យជាក់ស្តែងការវិនិយោគសាងសង់សុខាភិបាល និងអប់រំ (ពិនិត្យជាក់ស្តែង ផ្សព្វផ្សាយសាងសង់សាលារៀនអន្តរកម្រិត) នៅក្នុងភូមិសាស្ត្រពិសេសថូចូវ។ តំណាងថ្នាក់ដឹកនាំបណ្តាមន្ទីរ គណៈ ផ្នែកពាក់ព័ន្ឋ និងមូលដ្ឋានក៏ចូលរួមផងដែរ។
តំបន់ពិសេសថូចូវ គឺជាឃុំកោះមួយដែលសេដ្ឋកិច្ចពឹងផ្អែកជាចម្បងលើការនេសាទ និងវារីវប្បកម្ម មានប្រជាជនប្រមាណ ១៨០០ នាក់ ផ្ទៃដីធម្មជាតិ ១,៧ គីឡូម៉ែត្រការ៉េ។ មានភូមិតូចមួយរួមមានក្រុមស្វ័យត្រាណលំនៅដ្ឋានចំនួន៨។ចាប់តាំងពីអនុវត្តអាជ្ញាធរមូលដ្ឋានពីរថ្នាក់ ស្ថានភាពសន្តិសុខនយោបាយ និងសណ្តាប់ធ្នាប់សង្គមទាំងមូលតែងតែបានរក្សាស្ថិរភាព។ រៀបចំដំណើរការអង្គការក្បាលម៉ាស៊ីនយ៉ាងរលូន មានសុពលភាព និងប្រសិទ្ឋភាព។ សេដ្ឋកិច្ចបន្តរីកចម្រើន នៅក្នុង វិស័យផ្សេងៗដូចជា ពាណិជ្ជកម្ម និងសេវាកម្ម អាជីវកម្ម វារីវប្បកម្ម សុខាភិបាល អប់រំ តែងតែបានមូលដ្ឋានយកចិត្តទុកដាក់។
យោងតាមរបាយការណ៍ អំពីការអប់រំ សព្វថ្ងៃនេះមានបុគ្គលិកក្របខ័ណ្ឌចំនួន ២២ នាក់ ក្នុងចំណោម ៣២ ក្របខ័ណ្ឌ រួមមានថ្នាក់ដឹកនាំ ២នាក់ គ្រូបង្រៀនចំនួន ១៩នាក់ និងបុគ្គលិកជំនួយចំនួន ១នាក់។ ចំនួនសិស្សសរុបនៅដើមឆ្នាំសិក្សាមានចំនួន ២៨៤ នាក់ ក្នុងនោះ៖ កុមារថ្នាក់មត្តេយ្យចំនួន ៥៦នាក់ សិស្សបឋមសិក្សាចំនួន ១៦០ នាក់ និងអនុវិទ្យាល័យចំនួន ៦៨ នាក់។ ចំនួនសិស្សសរុបនៅចុងឆមាសទីមួយមានចំនួន ២៧៣ នាក់ (ថយចុះចំនួន ៧ នាក់ បើប្រៀបធៀបទៅនឹងដើមឆ្នាំសិក្សា)។ មានថ្នាក់រៀនសរុបចំនួន ១២ ក្នុងនោះ ថ្នាក់មត្តេយ្យចំនួន ៣ ថ្នាក់បឋមសិក្សាចំនួន ៥ និងអនុវិទ្យាល័យចំនួន ៤ (សាលាមានកម្រិតអប់រំចំនួន ៣ គឺ ថ្នាក់មត្តេយ្យសិក្សា ថ្នាក់បឋមសិក្សា និងអនុវិទ្យាល័យ)។
អំពីសុខាភិបាល សព្វថ្ងៃចំនួនបុគ្គលិកក្របខណ្ឌបានចាត់តាំងបច្ចុប្បន្នមានចំនួន ១០ នាក់។ ចំនួនបុគ្គលិកសរុបដែលមានវត្តមានគឺ ៩ នាក់ក្នុងចំណោម ១០ នាក់ រួមមាន៖ វេជ្ជបណ្ឌិត ២ នាក់ គ្រូពេទ្យជំនួយ ៤ នាក់ គិលានុបដ្ឋាយិកា ១ នាក់ អ្នកបច្ចេកទេសមន្ទីរពិសោធន៍ ១ នាក់ និងឱសថការី ១ នាក់។
យោងតាមគម្រោងលេខ ៧១៤/DA-UBND ចុះថ្ងៃទី ២៦ ខែកុម្ភៈ ឆ្នាំ ២០២៦ របស់គណៈកម្មាធិការប្រជាជនខេត្តអានយ៉ាង ក្នុងការតម្រង់ទិសថូចូវនឹងបង្កើតសាលាអន្តរកម្រិត និងបង្កើតមជ្ឈមណ្ឌលសុខាភិបាលថូចូវ ដើម្បីឆ្លើយតបតម្រូវការសិក្សា និងពិនិត្យព្យាបាលជំងឺសមស្របនឹងលក្ខខណ្ឌ ទ្រង់ទ្រាយរបស់តំបន់ពិសេសថូចូវ។ តំបន់ពិសេសបានរៀបចំផែនការួមនិងផែនការលម្អិតសម្រាប់តំបន់សាងសង់សាលាសកលអន្តរកម្រិតនិងសាងសង់មជ្ឈមណ្ឌលសុខាភិបាលថូចូវ។
ក្នុងនោះ វិស័យអប់រំត្រូវបានគ្រោងរៀបចំរួមមានតំបន់ចំនួនបី៖ តំបន់មត្តេយ្យសិក្សា មានទំហំផ្ទៃដី ២,០២២.៤៤ m2 តំបន់បឋមសិក្សាមានទំហំផ្ទៃដី ២.៧១១.៧m2 និងតំបន់អនុវិទ្យាល័យ និងវិទ្យាល័យមានទំហំផ្ទៃដី ៤.២៤០m2។ ទិសដៅដល់ឆ្នាំ ២០៣០ តំបន់ពិសេសថូចូវដំណើរការបង្កើតសាលាអន្តរកម្រិត ប៉ុន្តែសាលានៅតែបន្តបង្រៀននៅក្នុងសាលានេះដដែល។ បន្ទាប់ពីទទួលបានដី មូលដ្ឋានបានដំណើរការសាងសង់ថ្មីដើម្បីឆ្លើយតបតម្រូវការបង្រៀននិងរៀនតាមគម្រោងដែលបានអនុម័ត។
ចំពោះវិស័យសុខាភិបាល រៀបចំគម្រោងមួយមានផ្ទៃដី ៣.១១១,៩៩m2 គណៈកម្មាធិការប្រជាជនតំបន់ពិសេសបានចេញឯកសារមួយស្នើដល់មន្ទីរ ផ្នែក និងយោធភូមិពាក់ព័ន្ធប្រគល់ដីដើម្បីដមណើរការសាងសង់។ បន្ទាប់ពីទទួលបានដី មូលដ្ឋាននឹងសហការជាមួយវិស័យពាក់ព័ន្ធដើម្បីចាប់ផ្តើមសាងសង់ មជ្ឈមណ្ឌលសុខាភិបាលថូចៅ (សន្និដ្ឋានថានឹងមានគ្រែចំនួន ១០០) ដើម្បីឆ្លើយតបតម្រូវការពិនិត្យព្យាបាលជំងឺ សមស្របជាមួយនឹងលក្ខខណ្ឌទ្រង់ទ្រាយរបស់តំបន់ថូចូវនិងគម្រោងដែលបានអនុម័ត។
គណៈកម្មាធិការប្រជាជនតំបន់ពិសេសថូចូវ ក៏បាន ស្នើសុំឲ្យមានគោលការណ៍ណែនាំដល់មន្ទីរមហាផ្ទៃក្នុងរៀបចំផែនការផ្ទេរសម្រួលកម្មាភិបាល រដ្ឋការ និងពលករដែលមានជំនាញសមស្របទៅធ្វើការនៅថូចូវ រួមចំណែកជម្នះស្ថានភាពខ្វះកម្មាភិបាលមានចំណេះដឹងជំនាញក្នុងវិស័យសុខាភិបាល និងអប់រំ។ល។ ប្រគល់ដីឲ្យគណៈកម្មាធិការប្រជាជនតំបន់ពិសេសជាបន្ទាន់ ដើម្បីអនុវត្តការរៀបចំផែនការ និងការសាងសង់តាមតម្រូវការអភិវឌ្ឍរបស់តំបន់ពិសេស និងផ្តល់យោបល់ទៅលើការធ្វើវិមជ្ឈការគ្រប់គ្រងសម្រាប់សាលាសកលអន្តរកម្រិត។
តាមរយៈការពិនិត្យជាក់ស្តែងនៅលើដីវាលនិងកិច្ចប្រជុំជាមួយគណៈកម្មាធិការប្រជាជនតំបន់ពិសេសថូចូវ អ្នកស្រី ង្វៀន ធី មិញ ធ្វី អនុប្រធានគណៈកម្មាធិការប្រជាជនខេត្តអានយ៉ាង បានប្រគល់ឲ្យមន្ទីរស្ថាបនកម្មសហការជាមួយមន្ទីរផ្នែកពាក់ព័ន្ធ ដើម្បីពិភាក្សាជាមួយតំបន់ពិសេសភូក្វឹក ពិនិត្យឡើងវិញ និងកែសម្រួលផែនការរួមនិងផែនការលម្អិត ព្រមទាំងមានផែនការផ្លូវការមួយដើម្បីអនុវត្តសំណង់និងគម្រោងនាពេលខាងមុខ។
ចំពោះវិស័យសុខាភិបាល អ្នកស្រីអនុប្រធានគណៈកម្មាធិការប្រជាជនខេត្តអានយ៉ាង បានណែនាំឲ្យមន្ទីរសុខាភិបាលសហការជាមួយមន្ទីរមហាផ្ទៃ ដើម្បីស្រាវជ្រាវសិក្សា និងផ្តល់យោបល់ដល់គណៈកម្មាធិការប្រជាជនខេត្ត ស្តីពីការបង្កើនសមាជិកភាពជាអ្នកដឹកនាំសម្រាប់ស្ថានីយសុខភាពនៅតំបន់ពិសេស។
ចំពោះវិស័យអប់រំ អ្នកស្រី ង្វៀន ធីមិញ ធ្វី អនុប្រធានគណៈកម្មាធិការប្រជាជនខេត្តអានយ៉ាង បានយល់ព្រមសាងសង់សាលាបឋមសិក្សា មធ្យមសិក្សា និងអនុវិទ្យាល័យមួយ។ ក្នុងនោះ ទម្រង់រៀបចំថ្នាក់រៀនសមស្របទៅនឹងស្ថានភាពជាក់ស្តែងទៅតាមដំណាក់កាលនីមួយៗប្រគល់ទៅឲ្យមន្ទីរអប់រំ និងបណ្តុះបណ្តាលជាអ្នកអនុវត្ត។
ប្រគល់មន្ទីរកសិកម្ម និងបរិស្ថាន ផ្លាស់ប្តូរជាមួយយោធភូមិភាគ ដើម្បីពន្លឿនការប្រគល់ដីទៅឲ្យតំបន់ពិសេស ដើម្បីឲ្យមូលដ្ឋានផ្សព្វផ្សាយអភិវឌ្ឍន៍សេដ្ឋកិច្ច-សង្គម។
មុននោះ អនុប្រធានគណៈកម្មាធិការប្រជាជនខេត្តអានយ៉ាង រួមជាមួយគណៈប្រតិភូបានទៅអុជធូបនៅទីសការៈថូចូវ និងស្ទង់មតិអំពីការវិនិយោគសាងសង់មណ្ឌលសុខភាព និងអប់រំ (ពិនិត្យជាក់ស្តែង ផ្សព្វផ្សាយសាងសង់ សាលាមធ្តមសិក្សាអន្តរកម្រិត) នៅក្នុងភូមិសាស្ត្រនៃតំបន់ពិសេសថូចូវ៕
ប្រែ៖ ណារីពៅ
