នៅថ្ងៃទី១៧ ខែមេសា នៅតំបន់សេដ្ឋកិច្ចពិសេសភូក្វឹក គណៈប្រតិភូថ្នាក់ដឹកនាំនៃគណៈកម្មាធិការជាតិ APEC ២០២៧ ដឹកនាំដោយលោក ង្វៀន មីញហាំង អនុរដ្ឋមន្ត្រីក្រសួងការបរទេស អនុប្រធានប្រចាំការនៃគណៈកម្មាធិការជាតិ APEC ប្រធានគណលេខាធិការ APEC ២០២៧ បានបើកកិច្ចប្រជុំធ្វើការជាមួយគណៈកម្មាធិការប្រជាជនខេត្តអានយ៉ាង ស្តីពីការរៀបចំសប្តាហ៍កំពូល APEC ២០២៧។ លោក ង៉ោ កុងធឹក អនុប្រធានគណៈកម្មាធិការប្រជាជនខេត្ត រួមជាមួយថ្នាក់ដឹកនាំមន្ទីរ គណៈ ផ្នែកពាក់ព័ន្ធ បានទទួល និងធ្វើការជាមួយគណៈប្រតិភូ។
ថ្លែងមតិក្នុងកិច្ចប្រជុំន លោក ង្វៀន មីញហាំង អនុរដ្ឋមន្ត្រីក្រសួងការបរទេស បានមានប្រសាសន៍ថា ដំណើរបំពេញទស្សនកិច្ចលើកនេះមានគោលបំណងផ្លាស់ប្តូរទស្សនៈដោយផ្ទាល់ជាមួយគណៈកម្មាធិការប្រជាជនខេត្ត ព្រមទាំងស្តាប់ព័ត៌មានពីមូលដ្ឋាន និងវិនិយោគគិនពាក់ព័ន្ឋនឹងការរៀបចំកិច្ចប្រជុំកំពូល APEC ២០២៧។
លោកអនុរដ្ឋមន្ត្រីបានសង្កត់ធ្ងន់ថា គោលបំណងចម្បងគឺធ្វើបច្ចុប្បន្នភាពស្ថានភាពផ្សព្វផ្សាយគម្រោងបម្រើ APEC ជាពិសេសគឺការលំបាក និងបញ្ហាទាក់ទិនដែលកើតឡើងក្រៅផែនការក្នុងអំឡុងពេលអនុវត្ត។ ដោយផ្អែកលើមូលដ្ឋាននោះ ក្រសួងការបរទេសនឹងចងក្រងរបាយការណ៍មួយជូនដល់រដ្ឋាភិបាល និងគណៈកម្មាធិការជាតិ APEC ២០២៧ ដើម្បីពិចារណា និងសម្រេចលើខ្លឹមសារស្ថិតក្នុងសមត្ថកិច្ច។
លោកអនុរដ្ឋមន្ត្រី ង្វៀន មីញហាំង បានមានប្រសាសន៍ថា គណៈប្រតិភូចង់ក្តាប់ព័ត៌មានអំពីល្បឿនផ្សព្វផ្សាយគម្រោងនានារហូតមកដល់បច្ចុប្បន្ន ជាពិសេសគម្រោងដែលមានការចូលរួមពីវិនិយោគិន។ ព្រមជាមួយនោះក៏ក្តាប់ពីការលំបាក និងបញ្ហាទាក់ទិនជាក់លាក់ផងដែរ។ វាយតម្លៃផលប៉ះពាល់ នៃស្ថានភាពតំបន់មជ្ឈិមបូព៌ាដែលប៉ះពាល់ដល់តម្លៃថាមពល ថ្លៃដើមនាំចូល និងផលប៉ះពាល់ដល់ល្បឿននៃគម្រោង។ បណ្តាបញ្ហាទើបកើតឡើងក្នុងអំឡុងពេលដំណើរការរៀបចំ ប្រសិនបើហួសពីសមត្ថកិច្ច ចាំបាច់ត្រូវតែរាយការណ៍ជាបន្ទាន់ទៅកាន់រដ្ឋាភិបាល និងគណៈកម្មាធិការជាតិ APEC ២០២៧ ដើម្បីមានវិធានការដោះស្រាយ។
ទន្ទឹមនិងនោះ លោកអនុរដ្ឋមន្ត្រី ក៏បាន កត់សម្គាល់ពីការរៀបចំកន្លែងស្នាក់នៅសម្រាប់សន្និបាតផងដែរ។ ទោះបីជាចំនួនបន្ទប់សរុបជាគោលឆ្លើយតបតម្រូវការក៏ដោយ ក៏ចាំបាច់ត្រូវគណនាការបែងចែកបន្ទប់សម្រាប់គណៈប្រតិភូជាន់ខ្ពស់ ប្រមុខរដ្ឋ រដ្ឋមន្ត្រី និងថ្នាក់ដឹកនាំធុរកិច្ចជាដើម។ ជាពិសេស សម្រាប់កន្លែងស្នាក់នៅនៅតំបន់ខាងជើងកោះ ចាំបាច់ត្រូវតែមានផែនការដឹកជញ្ជូនសមស្រប ធានាបានភាពងាយស្រួល សុវត្ថិភាព និងឆ្លើយតបតាមតម្រូវការនៃពិធីការការទូតក្នុងអំឡុងពេលប្រាពឡើងសន្និបាត។
ថ្លែងមតិនៅក្នុងកិច្ចប្រជុំ លោក ង៉ោ កុងធឹក អនុប្រធានគណៈកម្មាធិការប្រជាជនខេត្ត បានសង្កត់ធ្ងន់ថា សន្និបាត APEC ២០២៧ គឺជាភារកិច្ចនយោបាយ និងការទូតដ៏សំខាន់មួយ ដែលបក្ស រដ្ឋនិងរដ្ឋាភិបាលប្រគល់ឲ្យខេត្តអានយ៉ាង ធ្វើជាម្ចាស់ផ្ទះនៅតំបន់ពិសេសភូក្វឹក។ខេត្តយល់យ៉ាងស៊ីជម្រៅថា នេះជាទំនួលខុសត្រូវដ៏ធំធេងចំពោះរដ្ឋាភិបាលមជ្ឈិម និងប្រទេសជាតិ ហើយគឺជាឱកាសដ៏សំខាន់មួយដើម្បីអភិវឌ្ឍហេដ្ឋារចនាសម្ព័ន្ធ លើកកម្ពស់គុណភាពសេវាកម្ម ធ្វើទំនើបកម្មបរិយាកាសទីក្រុង និងបង្កើនសមត្ថភាពគ្រប់គ្រង បង្កើតជាកម្លាំងចលករអភិវឌ្ឍថ្មីសម្រាប់ខេត្តនិយាយរួម និងតំបន់ពិសេសភូក្វឹកនិយាយដោយឡែក។
រយៈពេលកន្លង ខេត្តអានយ៉ាងបានផ្តោតលើការដឹកនាំ និងណែនាំដ៏ខ្លាំងក្លា សកម្ម និងស្របគ្នា បំពេញនីតិវិធីឲ្យបានឆាប់រហ័ស និងពន្លឿនល្បឿននៃគម្រោងសំខាន់ៗ ព្រមទាំងសហការយ៉ាងជិតស្និទ្ធជាមួយក្រសួង និងស្ថាប័នមជ្ឈិម ដើម្បីដោះស្រាយការលំបាក និងបញ្ហាទាក់ទិនបានឆាប់រហ័ស។ ដោយធានាថាត្រឹមត្រូវតាមការតម្រង់ទិស តាមបទប្បញ្ញត្តិ ពេលវេលា និងស្តង់ដារគុណភាព ផ្សារភ្ជាប់នឹងប្រសិទ្ធភាពយូរអង្វែង និងភាពស៊ីសង្វាក់គ្នារបស់ប្រព័ន្ធហេដ្ឋារចនាសម្ព័ន្ធដែលបម្រើសន្និបាត។
ផ្អែកលើមូលដ្ឋាននៃការសន្និដ្ឋានរបស់រដ្ឋាភិបាល ការណែនាំរបស់មជ្ឈិម នាយករដ្ឋមន្ត្រីរដ្ឋាភិបាល ឧបនាយករដ្ឋមន្ត្រី និងគណៈកម្មាធិការជាតិ APEC ២០២៧ ខេត្តបានបង្កើតផែនការទូទៅមួយ ដោយកំណត់ភារកិច្ចច្បាស់លាស់ ទំនួលខុសត្រូវច្បាស់លាស់ ល្បឿនដំណើរការច្បាស់លាស់ចំពោះក្រុមភារកិច្ចនីមួយៗ ជាធម្មតាត្រួតពិនិត្យ និងធ្វើបច្ចុប្បន្នភាពអនុវត្តជាប្រចាំ ព្រមទាំងរាយការណ៍អំពីការលំបាក និងបញ្ហាទាក់ទិនដែលហួសពីសមត្ថកិច្ចនៃខ្លួន ដើម្បីសុំការដឹកនាំនិងណែនាំ។
រហូតមកដល់បច្ចុប្បន្ន ខេត្តបានបញ្ចប់ភារកិច្ចសំខាន់ៗជាច្រើនតាមការណែនាំរបស់ថ្នាក់ដឹកនាំរដ្ឋាភិបាល៖ បញ្ចប់ការកែសម្រួលផែនការរៀបចំ និងនីតិវិធីវិនិយោគ គម្រោង APEC ២០២៧។ ការអនុម័តទម្រង់បែបបទ និងលទ្ធផលនៃការជ្រើសរើសអ្នកវិនិយោគសម្រាប់គម្រោងសំខាន់ៗ។ រៀបចំពិធីបើកការដ្ឋានសម្រាប់គម្រោងដែលមានលក្ខណៈសម្បត្តិគ្រប់គ្រាន់។ ចេញផែនការមេជាមួយនឹងដំណាក់កាលដំណើរការបានកាត់បន្ថយពី ៣ ទៅ ៦ ខែ។
ព្រមជាមួយនោះ ខេត្តកំពុងផ្តោតយ៉ាងខ្លាំងទៅលើបញ្ហាសំខាន់ៗដែលនៅសេសសល់ ជាពិសេសគឺគម្រោងមជ្ឈមណ្ឌលរៀបចំសន្និបាត APEC ហេដ្ឋារចនាសម្ព័ន្ធអាកាសចរណ៍ ហេដ្ឋារចនាសម្ព័ន្ធដឹកជញ្ជូនជាយុទ្ធសាស្ត្រ និងការកៀរគរ និងតុល្យភាពធនធាន។
ក្នុងការចាត់ចែង ខេត្តអានយ៉ាងបាន ប្រកាន់ខ្ជាប់គោលការណ៍តឹងរ៉ឹងចំនួន ៦។ ទន្ទឹមនិងនោះ អនុវត្តយន្តការ “បណ្តាញបៃតង” ក្នុងការដោះស្រាយឯកសារ នីតិវិធី និងភារកិច្ចទាក់ទងនឹង APEC ក្នុងទិសដៅអាទិភាព និងកាត់បន្ថយពេលវេលា មិនទុកឲ្យយឺតយ៉ាវ។ ខេត្តបង្កើនការត្រួតពិនិត្យកន្លែងកើតហេតុ រៀបចំកិច្ចប្រជុំតាមប្រធានបទ ចេញសេចក្តីសន្និដ្ឋានទាន់ពេល និងចាត់តាំងភារកិច្ចមានកំណត់ពេលវេលាជាក់លាក់ដើម្បីដោះស្រាយការលំបាកនៅថ្នាក់មូលដ្ឋាន។
គណៈកម្មាធិការប្រជាជនខេត្តបានចេញសេចក្តីណែនាំមួយដើម្បីពន្លឿនការរំដោះផ្ទះរាបសម្រាប់ការសាងសង់គម្រោងហេដ្ឋារចនាសម្ព័ន្ធ APEC ២០២៧ នៅក្នុងតំបន់ពិសេសភូក្វឹក តាមរយៈនោះរឹតបន្តឹងវិន័យ និងសណ្តាប់ធ្នាប់ បង្កើនទំនួលខុសត្រូវជាអ្នកនាំ និងបង្កើនសហការអន្តរផ្នែកនៅក្នុងដំណាក់កាលស្នូលដែលសម្រេចល្បឿន។
ចំពោះក្រុម ២១ នៃគម្រោងយោងតាមសេចក្តីសម្រេចលេខ ៩៤៨/QD-TTg រហូតមកដល់បច្ចុប្បន្នខេត្តបានបញ្ចប់ការជ្រើសរើសអ្នកវិនិយោគ និងអ្នកម៉ៅការសំណង់ស្របតាមបទប្បញ្ញត្តិ។ មានកញ្ចប់ដេញថ្លៃជាច្រើនកំពុងបានផ្សព្វផ្សាយ ដែលធានាបាននូវល្បឿន គុណភាព សុវត្ថិភាព និងប្រសិទ្ធភាព ក្នុងនោះមានគម្រោងសម្រេចបាននិងល្បឿនជាងល្បឿន ដូចជា៖ ការពង្រីកអាកាសយានដ្ឋានអន្តរជាតិភូក្វឹក។ ហេដ្ឋារចនាសម្ព័ន្ធបច្ចេកទេស ការផ្លាស់ប្តូរឌីជីថល និងមជ្ឈមណ្ឌលឃ្លាំមើលនិងប្រតិបត្តិការឆ្លាតវៃ។ តំបន់ទីក្រុងចម្រុះឆ្នេរខ្សាច់ក្រហម តំបន់ទីក្រុងទេសចរណ៍ភ្នំតាក្វាន និងសំណង់តូចធំមួយចំនួនដែលទាក់ទងដោយផ្ទាល់ទៅនឹងមជ្ឈមណ្ឌលរៀបចំសន្និបាត APEC។
ទៅទន្ទឹមនឹងការវិនិយោគសាងសង់ ខេត្តបានផ្សព្វផ្សាយគម្រោងទូទៅសម្រាប់សកម្មភាពបម្រើឆ្នាំ APEC ២០២៧ នៅក្នុងតំបន់សេដ្ឋកិច្ចពិសេសភូក្វឹក ក្នុងទិសដៅលំដាប់លំដោយចំណុច ព្រមៗគ្នា។ ខេត្តបានចេញសេចក្តីសម្រេចអនុម័តគម្រោងទូទៅ។ ពង្រឹងក្រុមជួយកិច្ច និងកែសម្រួលរចនាសម្ព័ន្ធ ហើយនិងភារកិច្ចរបស់អនុគណៈកម្មការឲ្យសមស្របទៅនឹងតម្រូវការជាក់ស្តែង។ រហូតមកដល់បច្ចុប្បន្ន មានអនុគណៈកម្មការទាំង ៧/៧ បានបញ្ចប់អនុគម្រោងដែលខ្លួនទទួលបន្ទុក ដោយកំណត់យ៉ាងច្បាស់នូវខ្លឹមសារការងារ ល្បឿនផ្សព្វផ្សាយអនុវត្ត និងទទួលខុសត្រូវ បង្កើតជាមូលដ្ឋានគ្រឹះដ៏សំខាន់សម្រាប់រៀបចំអនុវត្តរួមគ្នា និងមានប្រសិទ្ធភាពនាពេលខាងមុខ។
ក្នុងឱកាសនេះ គណៈប្រតិភូនៃគណៈលេខាធិការ APEC ២០២៧ បានអញ្ជើញទៅពិនិត្យជាក់ស្តែងមូលដ្ឋានសម្ភារៈ សណ្ឋាគារ ហើយនិងបន្ទប់ប្រជុំមួយចំនួននៅក្នុងតំបន់៕
ប្រែ៖ ណារីពៅ
