នៅរសៀលថ្ងៃទី១៩ ខែមេសា នៅទីក្រុងហាណូយ ក្រសួងអប់រំ និងបណ្តុះបណ្តាល សហការជាមួយគណៈកម្មាធិការកណ្តាលមជ្ឈិមនៃសម្ព័ន្ឋយុវជនកុម្មុយនិស្តហូជីមិញ ក្រសួងវិទ្យាសាស្ត្រ បច្ចេកវិជ្ជា និងអន្តរសម្ព័ន្ឋយុវជនពាណិជ្ជកម្ម និងឧស្សាហកម្មវៀតណាម (VCCI) បានរៀបចំពិធីបិទថ្ងៃបុណ្យផ្តើមអាជីពជាតិរបស់សិស្សានុសិស្សនិងនិស្សិតជាតិ និងប្រគល់រង្វាន់សម្រាប់ការប្រកួតប្រជែង "សិស្សានុសិស្សនិងនិស្សិតដែលមានគំនិតផ្តើមអាជីវកម្មលើកទី ៨"
ថ្ងៃបុណ្យផ្តើមអាជីពជាតិលើកទី៨ ឆ្នាំ២០២៦ បានប្រព្រឹត្តទៅយ៉ាងរស់រវើកចាប់ពីថ្ងៃទី១៧ ដល់ថ្ងៃទី១៩ ខែមេសា។ ក្នុងក្របខ័ណ្ឌនៃថ្ងៃបុណ្យ គណៈកម្មការបានរៀបចំសកម្មភាពប្រឹក្សាស៊ីជម្រៅនិង ភ្ជាប់វិនិយោគរវាងក្រុមចូលរួមប្រឡងក្នុងចំណោមគម្រោងសិស្សានុសិស្សនិងនិស្សិតជាមួយសាជីវកម្ម វិនិយោគគិន អង្គការគាំទ្រផ្តើមអាជីព អ្នកជំនាញ/អ្នកប្រឹក្សា។ វគ្គផ្តាច់ព្រ័ត្រនៃការប្រកួតប្រជែងសិស្សានុសិស្សនិងនិស្សិតលើកទី៨។ សន្និបាតឃោសនា ផ្សព្វផ្សាយ និងបំផុសផ្សព្វផ្សាយ "កម្មវិធីគាំទ្រសិស្សានុសិស្សនិស្សិត ២០២៦-២០៣៥"និងវេទិកាបំផុសគំនិតសម្រាប់សិស្សានុសិស្សនិស្សិតស្តីពី "ផ្តើមអាជីពពីសាលារៀនដំណាក់កាល ២០២៦-២០៣៥៖ ឱកាស - ធនធាន - សកម្មភាព"។
ការប្រកួតប្រជែង "សិស្សានុសិស្សនិស្សិត ជាមួយនឹងគំនិតផ្តើមអាជីព" លើកទី ៨ - ឆ្នាំ ២០២៦ បានចាប់ផ្តើមបំផុសនៅក្នុងខែធ្នូ ឆ្នាំ ២០២៥។ បន្ទាប់ពីរយៈពេលពីរខែបំផុស គណៈកម្មការទទួលបានគម្រោងផ្តើមអាជីពចំនួន ៨៨០ ពីសិស្សានុសិស្សនិស្សិតនៃមូលដ្ឋានអប់រំឧត្តមសិក្សា មូលដ្ឋានអប់រំវិជ្ជាជីវៈ និងមូលដ្ឋានអប់រំទូទៅ ហើយជ្រើសរើសគម្រោងឆ្នើមៗចំនួន ១៣៥ ដើម្បីចូលរួមក្នុងវគ្គផ្តាច់ព្រ័ត្រនៃការប្រកួតប្រជែង "សិស្សានុសិស្សនិស្សិតជាមួយនឹងគំនិតផ្តើមអាជីវកម្ម" លើកទី ៨។
បណ្តាគម្រោងដែលចូលរួមប្រកួតស្ថិតក្នុងវិស័យចំនួន ៥ រួមមាន៖ ឧស្សាហកម្ម - កែច្នៃ - បញ្ញាសិប្បនិម្មិត (AI) – STEM។ កសិកម្ម - បរិស្ថាន - ថាមពល។ អប់រំ - វប្បធម៌ - ទេសចរណ៍ - ហិរញ្ញវត្ថុ។ សុខាភិបាល - សុខភាព - ជីវភាពនិងអាជីវកម្មដែលមានផលប៉ះពាល់ដល់សង្គម។
លទ្ធផល គណៈកម្មការបានប្រគល់រង្វាន់លេខមួយចំនួន ១៥ រង្វាន់លេខពីរចំនួន ៣០ រង្វាន់លេខបីចំនួន ៥៥ និងរង្វាន់លើកទឹកចិត្តចំនួន ៣៤ សម្រាប់ផែនប្រកួតទាំងបី (ផែនសិស្សានុសិស្ស ផែននិស្សិត និងផែនអប់រំវិជ្ជាជីវៈ)។បណ្តាមូលដ្ឋានអប់រំ និងបណ្តុះបណ្តាលនៅក្នុងខេត្តអានយ៉ាងទទួលបានរង្វាន់លេខមួយចំនួន ១ រង្វាន់លេខពីរចំនួន ៣ និងរង្វាន់លេខបីចំនួន ៤ ក្នុងការប្រកួត។
អនុមហាវិទ្យាល័យវិជ្ជាជីវៈគៀនយ៉ាងទទួលបានរង្វាន់ទីពីរមួយ និងរង្វាន់លេខបីពីរ ក្នុងផែនសិស្សានុសិស្សនិស្សិតនៃមូលដ្ឋានអប់រំវិជ្ជាជីវៈ។ ជាក់ស្តែង គម្រោង "អាហាបួសសុទ្ឋសាធសម្រាប់ឆ្កែ VEGAN PET VN.CO" ទទួលបានរង្វាន់លេខពីរ។ គម្រោងចំនួនពីរ គឺ "ទម្រង់អាជីវកម្មសម្រាប់ផលិតផលពីមាន់ព្រៃភ្ជាប់នឹងបទពិសោធន៍អេកូឡូស៊ីជនបទ GREEN ORAGNIC FARM" និង "អំបិលមឹក" សុទ្ធតែទទួលបានង្វាន់លេខបី។
អង្គភាពមន្ទីរអប់រំ និងបណ្តុះបណ្តាលខេត្តអានយ៉ាងមានគម្រោងចំនួន ៤ ទទួលបានពានរង្វាន់ក្នុងផែនសិស្សានុសិស្សនិស្សិតមកពីមូលដ្ឋានអប់រំវិជ្ជាជីវៈ និងផែនសិស្សានុសិស្សមកពីអនុវិទ្យាល័យ វិទ្យាល័យ និងមជ្ឈមណ្ឌលអប់រំជាប្រចាំ។
តាមរយៈនោះ ផែនសិស្សានុសិស្សនិស្សិតមកពីមូលដ្ឋានអប់រំវិជ្ជាជីវៈ សាលាមធ្យមសិក្សាវិជ្ជាជីវៈអានយ៉ាង ១ ទទួលបានពានរង្វាន់ចំនួន ៣ រួមមាន ពានរង្វាន់លេខ ១ ចំនួន ១ ពានរង្វាន់លេខ ២ ចំនួន ១ និងពានរង្វាន់លេខ ៣ ចំនួន ១។ ជាក់ស្តែង គម្រោង “ក្រដាសម្នាស់-Pineapple Paper” ទទួលបានរង្វាន់លេខ ១។ គម្រោង "ក្របីសម្ងួតខ្យល់ TaHi" ទទួលបានពានរង្វាន់លេខ ២ និងគម្រោង "ស្នោបៃតង" ទទួលបានពានរង្វាន់លេខ ៣។
ផែនសិស្សានុសិស្សមកពីអនុវិទ្យាល័យ វិទ្យាល័យ និងមជ្ឈមណ្ឌលអប់រំជាប្រចាំ មានគម្រោង "តង់បង្គ្របពន្លកបៃតងនិងថែពន្លកបៃតង" របស់វិទ្យាល័យឯកទេស ហ្វីញម៉ាន់ដាត ទទួលបានរង្វាន់លេខពីរ៕
ប្រែ៖ ណារីពៅ
