រសៀលថ្ងៃទី ២៣ តុលា លោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានអញ្ជើញជាអធិបតីក្នុងកិច្ចប្រជុំការងារជាមួយគណៈកម្មាធិការប្រជាជនទីក្រុង ចូវដុក ដើម្បីតម្រង់ទិស និងដោះស្រាយការលំបាកនិងបញ្ហាទាក់ទិនរបស់មូលដ្ឋានក្នុងការផ្សព្វផ្សាយអនុវត្តភារកិច្ចសេដ្ឋកិច្ចសង្គមឆ្នាំ២០២៤ និងទិសដៅ និងភារកិច្ចឆ្នាំ២០២៥។
អញ្ជើញចូលរួមក៏មានលោក ឡេវ៉ាន់នឹង សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្តអានយ៉ាង។ លោក ឡាំក្វាងធី សមាជិកគណៈអចិន្ត្រៃយ៍បក្ខភាគខេត្ត លេខាបក្ខភាគទីក្រុងចូវដុក។ តំណាងថ្នាក់ដឹកនាំមន្ទីរ គណផ្នែកខេត្ត។ ប្រចាំការបក្ខភាគក្រុង គណៈកម្មាធិការប្រជាជន ថ្នាក់ដឹកនាំបណ្តាផ្នែកពាក់ព័ន្ឋ និងមូលដ្ឋានរបស់ទីក្រុងចូវដុក។
រាយការណ៍នៅសម័យប្រជុំ លោក ត្រាន់ក្វុកទ្វឺន អនុប្រធានប្រចាំការគណៈកម្មាធិការប្រជាជនទីក្រុង ចូវដុក បានឲ្យដឹងថា ក្នុងរយៈពេល ៩ ខែដើមឆ្នាំ ២០២៤ ស្ថានភាពសេដ្ឋកិច្ចសង្គមរបស់ទីក្រុង ចូវដុក អភិវឌ្ឍន៍ជាវិជ្ជមាន។ សំណង់និងគម្រោងសំខាន់ៗជាច្រើនបានមជ្ឈិមនិងខេត្តយកចិត្តទុកដាក់វិនិយោគមកលើភូមិសាស្ត្រ។ ភ្ញៀទេសចរមកទស្សនាជាង ៥ លាននាក់ (កើនឡើង ៣,២៦% ធៀបនឹងដំណាលពេលនេះឆាំ្នមុន)។ ចំណូលថវិកាមូលដ្ឋានជាសរុបជាង ៦៣៩ ពាន់លានដុង (កើន ៨,៥៨% ធៀបនឹងដំណាលពេលនេះឆ្នាំ ២០២៣)។
ទន្ទឹមនិងនោះ វិស័យវប្បធម៌ សង្គម ជាពិសេសគឺវិស័យអប់រំ និងបណ្តុះបណ្តាល និងសុខភាពមានភាពជឿនលឿនជាច្រើន។ អនុវត្តការងារសន្តិសុខសង្គមបានល្អ និងរក្សាសន្ទស្សន៍មិនមានគ្រួសារក្រីក្រ។ ទីក្រុងចូវដុកបានរៀបចំជោគជ័យនូវព្រឹត្តិការណ៍ខេត្តនៃពិធីបុណ្យលោកយាយភ្នំស្វាមឆ្នាំ ២០២៤ ព្រឹត្តិការណ៍ ១០ឆាំ្ន ពិធីបុណ្យបានទទួលស្គាល់ជាបេតិកភណ្ឌជាតិ។ រម្លឹកខួបលើកទី ១៩៥ឆាំ្ន ទិវាមរណភាពរបស់លោកមេទ័ព ថ្វយង៉ុកហូវ (១៨២៩ - ២០២៤)។ សន្តិសុខនយោបាយ សណ្តាប់ធ្នាប់សុវត្ថិភាពសង្គម និងសុវត្ថិភាពចរាចរណ៍បានធានា។ ខ្សែបន្ទាត់ព្រំដែនមានស្ថិរភាព ទំនាក់ទំនងកិច្ចសហប្រតិបត្តិការមិត្តភាពជាមួយស្រុកបូរីជលសា(ព្រះរាជាណាចក្រកម្ពុជា) បានរក្សាជាដើម រួមចំណែកយ៉ាងសំខាន់ក្នុងការអភិវឌ្ឍន៍សេដ្ឋកិច្ចសង្គមរបស់ទីក្រុង។
អំពីការងាររៀបចំសកម្មភាពខួបលើកទី ២០០ ជីកបញ្ចប់ព្រែកវិញទេ (១៨២៤ - ២០២៤) បច្ចុប្បន្ន មូលដ្ឋានបានសហការជាមួយមន្ទីរ ផ្នែកនានា កំពុងអនុវត្តសកម្មភាពជាបន្ទាន់ ដើម្បីធានាថាព្រឹត្តិការណ៍នេះប្រព្រឹត្តទៅដោយជោគជ័យល្អប្រសើ។
ក្នុងសម័យប្រជុំ ថ្នាក់ដឹកនាំមន្ទីរ គណ ផ្នែក ខេត្ត និងការិយាល័យ គណផ្នែកទីក្រុងបានប្រមូលផ្តុំ ពិភាក្សា និងផ្តល់យោបល់លើលទ្ធផល ហេតុផល ដែលនូវសេសសល់ក្នុងការអភិវឌ្ឍន៍សេដ្ឋកិច្ចសង្គម ក្នុងរយៈពេល៩ខែកន្លងទៅ និង ភារកិច្ចសំខាន់ៗក្នុងរយៈពេល 3 ខែចុងឆ្នាំ ២០២៤ តម្រង់ទិសឆ្នាំ ២០២៥ ជាពិសេសគឺគោលដៅ និងដំណោះស្រាយសម្រាប់ការអភិវឌ្ឍន៍ទេសចរណ៍មូលដ្ឋាន។ ការរៀបចំផែនការទីក្រុង និងរៀបចំផែនការប្រើប្រាស់ដីនាពេលខាងមុខ។
ថ្លែងមតិណែនាំសន្និបាត លោក ហូវ៉ាន់ម៉ឹង អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានកត់ត្រាទទួលស្គាល់ និងវាយតម្លៃខ្ពស់ចំពោះកិច្ចខិតខំប្រឹងប្រែង និងបណ្តាលទ្ធផលសម្រេចបានរបស់ទីក្រុង ចូវដុក សម្រេចបានក្នុងរយៈពេល ៩ ខែកន្លងទៅ ដោយមានសន្ទស្សន៍ជាច្រើនសម្រេចបាន និងលើសធៀបនឹងដំណាលពេលនេះឆាំ្នមុន ជាពិសេសគឺសន្ទស្សន៍ទេសចរណ៍ និងចំណូលថវិកាមូលដ្ឋាន រួមចំណែកអភិវឌ្ឍន៍សេដ្ឋកិច្ចសង្គមរបស់ខេត្ត។ ជាពិសេស ទីក្រុងចូវដុក គឺជាមូលដ្ឋានដំបូងគេរបស់ខេត្ត ដែលមិនមានគ្រួសារក្រីក្រ។ សន្តិសុខនយោបាយ សណ្តាប់ធ្នាប់សុវត្ថិភាពសង្គមបានរក្សារឹងមាំ។
ដើម្បី ចូវដុក ក្លាយជាទីក្រុងប្រភេទ ១ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត អានយ៉ាង បានតម្រូវឲ្យគណៈកម្មាធិការប្រជាជនទីក្រុងបន្តធ្វើសេនាធិការដល់គណៈអចិន្ត្រៃយ៍បក្ខភាគទីក្រុង ដើម្បីផ្សព្វផ្សាយអនុវត្តមានប្រសិទ្ឋភាពសេចក្តីសម្រេចចិត្តលេខ០២-NQ/TU នៃគណៈអចិន្ត្រៃយ៍បក្ខភាគខេត្តស្តីពីការកសាង និងអភិវឌ្ឍន៍ទីក្រុងចូវដុកដល់ឆ្នាំ២០២៥ និងតម្រង់ទិសដល់ឆ្នាំ២០៣០។ធ្វើសេនាធិការយ៉ាងសកម្ម ដល់គណៈអចិន្ត្រៃយ៍ បក្ខភាគក្រុង រៀបចំផែនការអភិវឌ្ឍន៍សេដ្ឋកិច្ច-សង្គមកិច្ច ផ្សារភ្ជាប់នឹងការរៀបចំផែនការរបស់ មូលដ្ឋាន និងខេត្ត។អនុវត្តម៉ឺងម៉ាត់ និងមានប្រសិទ្ធភាពនូវសារាចរណែនាំ សេចក្តីសម្រេចចិត្ត និងផែនការអភិវឌ្ឍន៍សេដ្ឋកិច្ចសង្គមរបស់ខេត្ត និងក្រុង។
“ផ្តោតលើការបំពេញសន្ទស្សន៍ និងភារកិច្ចអភិវឌ្ឍន៍សេដ្ឋកិច្ចសង្គមនៅឆ្នាំ២០២៤ ត្រួតពិនិត្យឡើងវិញដើម្បីបញ្ចប់សន្ទស្សន៍នៃអាណត្តិឆ្នាំ ២០២០-២០២៥។ សម្រាប់ការសេសសល់ ខ្វះខាតចាំបាច់ត្រូវតែជម្នះឲ្យបានឆាប់។ អំពីតម្រង់ទិសអភិវឌ្ឍន៍សេដ្ឋកិច្ចសង្គមរបស់ចូវដុកនាពេលខាងមុខ ចាំបាច់ត្រូវតែច្បាមជាប់តាមផែនការខេត្ត និងមូលដ្ឋាន ទាញយកសក្តានុពល និងគុណសម្បត្តិដែលមានស្រាប់ឲ្យបានល្អ ជាពិសេសគឺការអភិវឌ្ឍន៍ទេសចរណ៍ខាងវិញ្ញាណ។ បង្កើនការងារគ្រប់គ្រងរដ្ឋអំពីទេសចរណ៍ ជាពិសេសគឺគ្រប់គ្រងបរិស្ថានទេសចរណ៍។ ទន្ទឹមនឹងនោះ អភិវឌ្ឍន៍សេដ្ឋកិច្ចសង្គមត្រូវផ្សារភ្ជាប់នឹងការការពារបរិស្ថាន” - លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាងបានកត់សម្គាល់។
ប្រធានគណៈកម្មាធិការប្រជាជនខេត្តបានស្នើគណៈកម្មាធិការប្រជាជនទីក្រុងចូវដុក ចាំបាច់ត្រូវតែត្រៀមខ្លឹមសារឲ្យបានពេញលេញ ដើម្បីដាក់ជូនអង្គការ UNESCO ឲ្យទទួលស្គាល់ពិធីបុណ្យលោកយាយភ្នំស្វាម ជាបេតិកភណ្ឌវប្បធម៌អរូបីនៃមនុស្សជាតិ។ ពិនិត្យឡើងវិញការងាររៀបចំផែនការមូលដ្ឋាន។ បន្តស្នើទៅខេត្តអំពីវិនិយោគអភិវឌ្ឍន៍ហេដ្ឋារចនាសម្ព័ន្ធ។បង្កើនការងារជំរុញនិងអញ្ជើញវិនិយោគ។ ជំរុញខ្លាំងកំណែទម្រង់រដ្ឋបាល និងកែលម្អបរិយាកាសវិនិយោគ អាជីវកម្ម ដើម្បីបង្កើតលក្ខខណ្ឌល្អបំផុតសម្រាប់ប្រជាជននិងធុរកិច្ច។ អនុវត្តល្អការងារគ្រប់គ្រងរដ្ឋខាងវិស័យដីធ្លី និងសណ្តាប់ធ្នាប់ទីក្រុង មិនទុកឲ្យកើតមានករណីរំលោភបំពាន។ យកចិត្តទុកដាក់ដល់វិស័យវប្បធម៌ អប់រំ និងសុខភាព។បន្តប្រយុទ្ធប្រឆាំងបទល្មើសគ្រប់ប្រភេទ ជាពិសេសគឺឧក្រិដ្ឋជនរត់ពន្ធ។ អនុវត្តល្អការងារជនជាតិ សាសនា។ អនុវត្តល្អការងារសហការរៀបចំបណ្តាសកម្មភាពអបអរសាទរខួបលើកទី ២០០ឆាំ្នជីកបញ្ចប់ព្រែកវិញទេ (១៨២៤ - ២០២៤)៕
ប្រែ៖ ណារីពៅ
