ព្រឹកថ្ងៃ ២៩ តុលា គណកម្មាធិការរណសិរ្សមាតុភូមិវៀតណាមស្រុកចើម៉ើយ (ខេត្តអានយ៉ាង) សហការជាមួយនឹងគណគម្មាធិការរណសិរ្សមាតិភូមិវៀតណាមទីរួមស្រុកមីលួង រៀបចំពិធីប្រគល់ផ្ទះមហាសាមគ្គី ៥០ ខ្នង អាស្រ័យដោយក្រុមហ៊ុនឆ្នោតជាតិអានយ៉ាងឧបត្ថម្ភក្នុងឆ្នាំ ២០២៤។
លោកស្រី ហាមិញត្រាង អនុប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង។ លោក វ៉ទ្រុងយុង ប្រធានក្រុមហ៊ុនឆ្នោតជាតិអានយ៉ាង។ លោក វ៉មិញណាង អនុប្រធានគណៈកម្មាធិការប្រជាជនស្រុកចើម៉ើយ និងលោក វ៉ធៀនវ៉ាន់ ប្រធានគណៈកម្មាធិការរណសិរ្សមាតុភូមិវៀតណាមស្រុកចើម៉ើយបានអញ្ជើញចូលរួម។
នៅក្នុងពិធី គណៈកម្មាធិការរណសិរ្សមាតុភូមិវៀតណាមខេត្ត និងក្រុមហ៊ុនឆ្នោតជាតិអានយ៉ាង បានប្រគល់ផ្ទះចំនួន ៥០ ខ្នងដល់គ្រួសារក្រីក្រចំនួន ៥០គ្រួសារ នៅក្នុងឃុំ និងទីរួមស្រុកចំនួន ១៨ របស់ស្រុកចើម៉ើយ។
សាងសង់លើទំហំផ្ទៃដី ៣២ម៉ែត្រការ៉េក្នុងមួយខ្នង រចនាសម្ព័ន្ធ “រចនាសម្ព័ន្ឋ រឹង” គ្រឹះបេតុង កម្រាលសេរ៉ាមិច ជញ្ជាំងឥដ្ឋ ដំបូលស័ង្កសី បង្គន់ស្របអនាម័យ ភ្លើង ទឹកពេញលេញ។ ថវិកាជាសរុបចំណាយលើការសាងសង់ផ្ទះ៥០ ខ្នង ស្មើនឹង ៣.៧៦៣ ពាន់លានដុង។ក្នុងនោះ ក្រុមហ៊ុនឆ្នោតជាតិអានយ៉ាង ឧបត្ថម្ភថវិកាចំនួន ២,៥ ពាន់លានដុង មូលដ្ឋានបំផុសចលនាចំនួន ១០១ លានដុង នៅសល់ប៉ុន្មានគ្រួសារចលនា រួមចំណែក។
ថ្លែងមតិក្នុងពិធី លោក វ៉ទ្រុងយុង ប្រធានក្រុមហ៊ុនឆ្នោតជាតិអានយ៉ាង បានចែករំលែក ថា៖ ជាច្រើនឆ្នាំមកនេះ ក្រុមហ៊ុនបានយកចិត្តទុកដាក់អនុវត្តល្អរបបសន្តិសុខសង្គម ជាមធ្យមជារៀងរាល់ឆាំ្នសង់ផ្ទះមហាសាមគ្គីសម្រាប់អ្នកក្រចំនួនពី ៣០០ ទៅ ៤០០ខ្នង។ តាមរយៈនោះ សង្ឃឹមថាបងប្អូនប្រជាជនមានផ្ទះថ្មី “ស្នាក់នៅដោយស្ថិរភាពនិងសុភមង្គល” ខិតខំរកទទួលទាន រក្សា ជួសជុលផ្ទះថ្មី និងយកចិត្តទុកដាក់ក្រើនរម្លឹកដល់កូនចៅឲ្យសិក្សាសម្រេចបានផល ដើម្បីរួមជាមួយគ្រួសារស្ថិរភាពជីវភាព ឈានឡើងចាកផុតពីភាពក្រីក្រ៕
ប្រែ៖ ណារីពៅ
