នាថ្ងៃទី ៩ តុលា លោក ង្វៀនវ៉ាន់លេន អនុប្រធានគណៈចលនាមហាជនបក្ខភាគខេត្តអានយ៉ាង ជាប្រធានក្រុមការងារខេត្តបានអញ្ជើញទៅស្ទង់មតិទម្រង់ចលនាមហាជនប៉ិនប្រសប់នៅស្រុកចូវថាញ់ ឆ្នាំ ២០២៤ អមដំណើរជាមួយមានលោក ទ្រឿងឡុងហូ អនុប្រធាន មន្ទីរមហាផ្ទៃខេត្តអានយ៉ាង។ លោក ដនហុងយ៉ាញ់ សមាជិកគណៈអចិន្ត្រៃយ៍បក្ខភាគស្រុក ប្រធានគណៈចលនាមហាជនស្រុក ចូវថាញ់ ថ្នាក់ដឹកនាំទទួលបន្ទុកចលនាមហាជនទាំង ១៣ឃុំ ទីរួមស្រុកលើភូមិសាស្ត្រ ស្រុកបានទទួលនិងជួបធ្វើការជាមួយក្រុមការងារ។
ក្នុងឆ្នាំ ២០២៤ ស្រុក ចូវថាញ់ បានផ្សព្វផ្សាយចុះបញ្ជីអនុវត្តទម្រង់ប្រឡងប្រណាំង“ចលនាមហាជនប៉ិនប្រសប់នៅវិស័យចំនួន៤ គឺនយោបាយ សេដ្ឋកិច្ច វប្បធម៌ - សង្គម និងការពារជាតិ - សន្តិសុខចំនួន ២៣១ ទម្រង់ ដោយមានថវិកាតាមការប៉ាន់ស្មានជាសរុបក្នុងអនុវត្តនាពេលបច្ចុប្បន្ននេះគឺ ១៦ ពាន់ ៥២ លានដុង។នៅកិច្ចជំនួបមុខ ក្រុមការងារបានធ្វើការស្ទង់មតិ និងណែនាំការអនុវត្តប្រកបដោយប្រសិទ្ធភាពនូវទម្រង់ស្វ័យគ្រប់គ្រងបង្ការជំងឺគ្រុនឈាម ទម្រង់រដ្ឋាភិបាលមេត្រីភាព ទម្រង់ផ្លូវផ្កាភូមិស្អាតនៅឃុំវិញថាញ់ និងទម្រង់លំហវប្បធម៌អ៊ំហូ អ៊ំតូននៅទីសក្ការៈបូជា (ឃុំ វិញញួន)។ នៅទីនេះ ក្រុមការងារក៏បានស្តាប់នូវការលំបាកនិងងាយស្រួលរបស់មូលដ្ឋានក្នុងដំណើរការផ្សព្វផ្សាយអនុវត្តទម្រង់ចលនាមហាជនប៉ិនប្រសប់នៅលើភូមិសាស្ត្រ។
ថ្លែងមតិបញ្ចប់កិច្ចប្រជុំ លោក ង្វៀនវ៉ាន់លេន អនុប្រធានគណៈចលនាមហាជនបក្ខភាគខេត្ត បានកត់ត្រាទទួលស្គាល់ និងកោតសរសើរលទ្ធផលផ្សព្វផ្សាយអនុវត្តទម្រង់ប្រឡងប្រណាំង “ចលនាមហាជនប៉ិនប្រសប់” និង “ចលនាមហាជនប៉ុនប្រសប់ក្នុងការកសាងជនបទថ្មីលើកកម្ពស់” លើភូមិសាស្ត្រស្រុក ជាក់ស្តែងដូចជា៖ អត្ថប្រយោជន៍ជាក់ស្តែងពីទម្រង់បង្ការជំងឺគ្រុនឈាម ទម្រង់រដ្ឋាភិបាលមេត្រីភាពដើម្បីបម្រើប្រជាជនជាដើម។ ទន្ទឹមនិងនោះ បញ្ជាក់ពីសារៈសំខាន់នៃការងារចលនាមហាជន ក្នុងការកសាងជនបទថ្មី និងក្នុងការអភិវឌ្ឍន៍សេដ្ឋកិច្ចសង្គមរបស់មូលដ្ឋាន។ តាមរយៈនោះ ស្នើមូលដ្ឋាននាពេលខាងមុខត្រូវយកចិត្តទុកដាក់លើការអនុវត្តយ៉ាងតឹងរឹងនូវបទបញ្ជាប្រជាធិបតេយ្យមូលដ្ឋាន។ រួមកម្លាំង រួមចិត្តអនុវត្តទម្រង់រដ្ឋាភិបាលមេត្រីភាពដើម្បីបម្រើប្រជាជនឲ្យមានប្រសិទ្ឋភាព។ យកចិត្តទុកដាក់លើការកសាងលំហវប្បធម៌អ៊ំហូ អ៊ំតូនដែលជាទីសក្ការៈបូជាដ៏ឧឡារិក ដោយគោលដៅពង្រីកទៅដល់ស្ថាប័ន និងធុរកិច្ច៕
ប្រែ៖ ណារីពៅ
