ថ្ងៃទី ២២ តុលា នៅស្រុក អានយ៉ាង ខេត្តអានយ៉ាង សម្ព័ន្ធសមាគមនារីខេត្តអានយ៉ាង និងគណៈការងារភាគខាងត្បូង សម្ព័ន្ធសមាគមនារីវៀតណាមមជ្ឈិមបានរៀបចំកម្មវិធីឃោសនាស្ដីពីការអនុវត្តបច្ចេកវិជ្ជាព័ត៌មានបង្កើនអំណាចសេដ្ឋកិច្ចសម្រាប់ស្ត្រីជនជាតិភាគតិច។ កម្មវិធីមានប្រតិភូជាង៣៥០នាក់ចូលរួម។
នេះគឺជាកម្មវិធីអនុវត្តផែនការលេខ ៤៨៨/KH-DCT ចុះថ្ងៃទី ១៥ ខែមេសា ឆ្នាំ ២០២៤ របស់គណប្រធានមជ្ឈិមសម្ព័ន្ឋសមាគមនារីវៀតណាម ស្តីពីការផ្សព្វផ្សាយសកម្មភាពឃោសនាមួយចំនួននៃគម្រោងទី ៨ “អនុវត្តសមភាពភេទ និងដោះស្រាយបញ្ហាបន្ទាន់សម្រាប់ស្ត្រី និងកុមារ” នៅតាមខេត្តក្រុងភាគខាងត្បូងនៅឆ្នាំ ២០២៤(ហៅថាគម្រោងទី ៨) ស្ថិតក្រោមកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ចសង្គមនៅក្នុងតំបន់ជនជាតិភាគតិច និងតំបន់ភ្នំក្នុងដំណាក់កាល ២០២១-២០៣០។ គម្រោងទី៨ ត្រូវបានអនុវត្តនៅក្នុងខេត្តក្រុងទាំង ៥១ នៅប្រទេសទាំងមូល។
ថ្លែងមតិនៅក្នុងពិធីបើក លោកស្រី ត្រាន់ធីហ្វៀនថាញ សមាជិកគណៈប្រធានមជ្ឈិមសម្ព័ន្ធសមាគមនារីវៀតណាម ប្រធានគណៈការងារភាគខាងត្បូង បានមានប្រសាសន៍ថា៖ “ កម្មវិធីឃោសនាគឺដើម្បីជួយឲ្យស្ត្រីជនជាតិភាគតិចនៅលើភូមិសាស្ត្រ ផ្លាស់ប្តូរការគិត និងរបៀបធ្វើជាបណ្តើរៗអនុវត្តបច្ចេកវិជ្ជាព័ត៌មាន វិទ្យាសាស្ត្រ និងបច្ចេកទេសទៅក្នុងដំណើរការផលិតកម្ម និងអភិវឌ្ឍន៍សេដ្ឋកិច្ច ក៏ដូចជាពង្រីកប្រៀបខ្លាំង នៃធនធានជនជាតិដើមភាគតិចក្នុងភូមិសាស្ត្រ”។
លោកស្រី ត្រាន់ធីហ្វៀនថាញ បានសង្កត់ធ្ងន់ថា កម្មវិធីជួយស្ត្រីជនជាតិភាគតិចបង្កើនប្រាក់ចំណូល កែចម្រើនជីវភាពគ្រួសារ និងរួមចំណែកដល់សហគមន៍។ ដូច្នេះ សម្ព័ន្ឋសមាគមនារីវៀតណាមមជ្ឈិមជឿជាក់ថា ស្ត្រីនឹងក្លាយជាធនធានឈានមុខក្នុងការអនុវត្តបច្ចេកវិជ្ជាព័ត៌មានបានយ៉ាងល្អ ដើម្បីអភិវឌ្ឍសេដ្ឋកិច្ច និងកសាងគ្រួសារមានសុភមង្គល។
ក្នុងក្របខ័ណ្ឌនៃគម្រោងទី៨ គណៈការងារភាគខាងត្បូង - សម្ព័ន្ធសមាគមនារីវៀតណាម សហការជាមួយសម្ព័ន្ធសមាគមនារីខេត្តអានយ៉ាង បានរៀបចំសកម្មភាពឃោសនាដើម្បីលើកកម្ពស់ការយល់ដឹង និងអំណាចសេដ្ឋកិច្ចសម្រាប់ស្ត្រីជនជាតិភាគតិចនៅស្រុក អានភូ។ សកម្មភាពលេចធ្លោក្នុងកម្មវិធីរួមមាន៖ ឧទ្ទេសនាមផលិតផលបោះពុម្ពផ្សព្វផ្សាយ និងឯកសារគម្រោងទី ៨ នៃសម្ព័ន្ធសមាគមនារីវៀតណាមមជ្ឈិម។ តាំងបង្ហាញ និងឧទ្ទេសនាមផលិតផលផ្តើមអាជីពរបស់ស្ត្រីជនជាតិភាគតិចនៅលើភូមិសាស្ត្រស្រុក។ កម្មវិធីប្រឹក្សា និងណែនាំអំពីកម្មវិធីបច្ចេកវិជ្ជាព័ត៌មានក្នុងប្រតិបត្តិការហិរញ្ញវត្ថុ និងការទូទាត់មិនប្រើសាច់ប្រាក់។
រៀបចំខ្សែចង្វាក់សកម្មភាពឃោសនាបង្កើនចំណេះដឹងសម្រាប់ស្ត្រីនៅតំបន់ជនជាតិភាគតិចអំពីការអនុវត្តបច្ចេកវិជ្ជាព័ត៌មានដើម្បីបង្កើនអំណាចសេដ្ឋកិច្ច។ សកម្មភាពសំខាន់ៗរួមមាន៖ ការផ្លាស់ប្តូរ និងចែករំលែកបទពិសោធន៍ផ្តើមអាជីពជោគជ័យរបស់បងប្អូនស្ត្រីជនជាតិភាគតិចដែលប្រើប្រាស់វិទ្យាសាស្ត្រ បច្ចេកវិជ្ជា និងបច្ចេកវិជ្ជាព័ត៌មានទៅក្នុងផលិតកម្មអាជីវកម្ម និងបំផុសគំនិតសម្រាប់បងប្អូនស្ត្រីឈានឡើងដោយទំនុកចិត្ត និងអភិវឌ្ឍសេដ្ឋកិច្ចគ្រួសារ។
ក្រៅពីនេះ ក៏មានសកម្មភាពសន្តិសុខសង្គមដូចជាសួរសុខទុក្ខនិងផ្តល់អំណោយដល់យុទ្ឋជនដែលបំពេញភារកិច្ចនៅប៉ុស្ត៍ព្រំដែន។ ប្រគល់ជូនសម្លៀកបំពាក់ថ្មីចំនួន ៥០០ឈុត សម្រាប់ទម្រង់ផ្តល់ក្តីស្រឡាញ់របស់សម្ព័ន្ឋសមាគមនារីខេត្តអានយ៉ាង។ ផ្តល់ជូនទឹកដោះគោចំនួន ៧.៥៦០កែវ ដល់កុមារជនជាតិភាគតិចនៅលើភូមិសាស្ត្រស្រុកអានភូ៕
ប្រែ៖ ណារីពៅ
