នាទី ២៨ ខែវិច្ឆិកា លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានធ្វើអធិបតីភាពសន្និបាតអនឡាញបូកសរុបវាយតម្លៃស្ថានភាពសេដ្ឋកិច្ច-សង្គមក្នុងខែវិច្ឆិកា និង ១១ ខែ ហើយនិងទិសដៅ ភារកិច្ចក្នុងខែធ្នូ ឆ្នាំ២០២៤។ អញ្ជើញចូលរួមសន្និបាតមានលោកស្រី ឌិញធីវៀតហ្វិញ អនុប្រធានក្រុមប្រឹក្សាប្រជាជនខេត្ត អានយ៉ាង។ លោក ងោកុងធឹក អនុប្រធានគណៈកម្មាធិការប្រជាជនខេត្តអានយ៉ាង។ តំណាងថ្នាក់ដឹកនាំមន្ទីរ គណ ផ្នែកខេត្ត ស្រុក ទីរួមខេត្ត ក្រុង។
យោងតាមរបាយការណ៍របស់គណៈកម្មាធិការប្រជាជនខេត្ត ស្ថានភាពសេដ្ឋកិច្ចសង្គមរយៈពេល ១១ ខែខេត្តទទួលបានលទ្ធផលវិជ្ជមានជាច្រើន។ បណ្តាសូចនាករសេដ្ឋកិច្ចភាគច្រើនសុទ្ឋរក្សាបាននូវកំណើនធៀបនឹងឆ្នាំ ២០២៣ ដូចជា៖ សន្ទស្សន៍ផលិតកម្មឧស្សាហកម្មក្នុងខេត្តទាំងមូលក្នុងរយៈពេល ១១ ខែត្រូវបានសន្និដ្ឋានថាកើនឡើង ១០,៤១% បើធៀបនឹងឆ្នាំ ២០២៣។ ចំណូលដែលបានសន្និដ្ឋានពីការលក់ដូរ លក់រាយទំនិញ សេវាបង្កើនភាគលាភក្នុងរយៈពេល ១១ ខែតាមការសន្និដ្ឋានសម្រេចបានជាង១៩១.៩៧៥ពាន់លានដុង កើន ១៦,៣៧% បើធៀបនឹងឆ្នាំ ២០២៣។ បង្កើនភាគលាភនៃតម្លៃនាំចេញទំនិញក្នុងរយៈពេល ១១ខែតាមការសន្និដ្ឋានសម្រេចបានជាង ១,១២ពាន់លានដុល្លារអាមេរិក កើន ៤,៧៨%ធៀបនឹងឆាំ្ន ២០២៣។ ចំណូលថវិការដ្ឋបានសន្និដ្ឋានក្នុងរយៈពេល ១១ ខែទទួលបាន ៧.២៧០ពានលានដុង សម្រេចបាន១០១,០១% ធៀបនឹងការគ្រោងថវិកា នៃក្រុមប្រឹក្សាប្រជាជនខេត្តប្រគល់ជូន និងស្មើ១០៥,៧២%ធៀបនឹងឆ្នាំ២០២៣។
នៅក្នុងសន្និបាត តំណាងថ្នាក់ដឹកនាំមន្ទីរ ផ្នែក និងមូលដ្ឋានបានប្រមូលផ្តុំពិភាក្សា ដើម្បីបញ្ជាក់ច្បាស់អំពីការលំបាក និងបញ្ហាទាក់ទិនមួយចំនួន ហើយស្នើរសុំដំណោះស្រាយដែលត្រូវផ្តោតអនុវត្តក្នុងខែធ្នូ ដើម្បីអនុវត្តភារកិច្ចអភិវឌ្ឍន៍សេដ្ឋកិច្ចសង្គមរបស់ខេត្តក្នុងឆ្នាំ២០២៤ សម្រេចបានជោគជ័យ។
ថ្លែងមតិណែនាំសន្និបាត លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានកត់ត្រាទទួលស្គាល់ការខិតខំប្រឹងប្រែងរបស់មូលដ្ឋាន អង្គភាព និងលទ្ធផលដែលសម្រេចបានក្នុងរយៈពេល ១១ ខែដំបូងនៃឆ្នាំ ២០២៤។ ដើម្បីអនុវត្តភារកិច្ចអភិវឌ្ឍន៍សេដ្ឋកិច្ចសង្គមឆ្នាំ ២០២៤ ប្រកបដោយជោគជ័យ សមមិត្ត ហូវ៉ាន់ម៉ឹង បានមានប្រសាសន៍ថា ចាំបាច់ប្រព័ន្ធនយោបាយទាំងមូលត្រូវតែចូលរួម ជាមួយនឹងការខិតខំប្រឹងប្រែង និងការប្តេជ្ញាចិត្តខ្ពស់ ថាមវន្ត ខ្លាំងក្លារបស់មន្ទីរ ផ្នែក មូលដ្ឋាននានា។
“ក្នុងខែធ្នូ ឆ្នាំ ២០២៤ បក្ខភាគគ្រប់លំដាប់ថ្នាក់ មូលដ្ឋាន និងអង្គភាពនានាត្រូវតែបង្កើនការឃោសនាអំពីថ្ងៃឈប់សម្រាកធំៗ និងព្រឹត្តិការណ៍សំខាន់ៗរបស់ប្រទេស និងខេត្ត។ បុ្រមូលផ្តុំក្នុងការប្រឡងប្រណាំងកំពូល ដើម្បីសម្រេចភារកិច្ចអភិវឌ្ឍន៍សេដ្ឋកិច្ចសង្គមនៅក្នុងឆ្នាំ ២០២៤។ទន្ទឹមនឹងនោះ ស្នើដល់ស្ថាប័ន អង្គភាព និងមូលដ្ឋានឲ្យពង្រីកភាពសកម្មក្នុងការធ្វើសេនាធិការ ហើយស្នើបញ្ហា និងវិស័យដែលទទួលខុសត្រូវជៀសវាងភាពអវិជ្ជមាន និងផលប្រយោជន៍ក្រុម។ ទន្ទឹមនឹងនោះ ពង្រីកភាពហ្វាហាប់ ភាពច្នៃប្រឌិត និងអនុវត្តយ៉ាងខ្លាំងក្លានូវដំណោះស្រាយយ៉ាងវិវត្តក្នុងការអភិវឌ្ឍន៍សេដ្ឋកិច្ចសង្គម” - លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង សង្កត់ធ្ងន់។
ផ្តោតលើការអនុវត្តដំណោះស្រាយដើម្បីលើកកម្ពស់គោលដៅកំណើនសេដ្ឋកិច្ចដើម្បីសម្រេចបាននូវសេណារីយ៉ូកំណើនឆ្នាំ ២០២៤។ បណ្តាកម្មវិធីគោលដៅជាតិ។ បន្តកែលម្អសូចនាករ (PCI PAR Index...)។ ជំរុញខ្លាំងផលិតកម្ម-អាជីវកម្ម សាងសង់សំណង់ និងគម្រោងសំខាន់ៗ គម្រោងកែលម្អទីក្រុងមួយចំនួន (ជាពិសេសគឺទីក្រុងឡុងស្វៀន ត្រូវតែបញ្ចប់មុនបុណ្យចូលឆ្នាំថ្មីវៀតណាម ឆ្នាំ២០២៥)។ ធានាការផ្គត់ផ្គង់សម្ភារសំណង់សម្រាប់ផ្លូវល្បឿនលឿន និងគម្រោងសំខាន់ៗ។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តងានយ៉ាង បានស្នើថា បន្ទាប់ពីសន្និបាតណែនាំសក្តានុភាពវិនិយោគ និងផ្សព្វផ្សាយផលិតផលពិសេសរបស់ខេត្តអានយ៉ាង មូលដ្ឋាន និងអង្គភាពនានាត្រូវតែបំពេញជាបន្ទាន់នូវខ្លឹមសារកិច្ចសន្យាវិនិយោគ និងរៀបចំណែនាំ និងផ្តល់ព័ត៌មានឲ្យបានពេញលេញសម្រាប់ធុរកិច្ច និង វិនិយោគិនចាប់អារម្មណ៍វិនិយោគនៅខេត្តអានយ៉ាង។ទន្ទឹមនឹងនោះ បន្តជំរុញខ្លាំងការលើកស្ទួយដំណើរការ និងទាក់ទាញគម្រោងនានាអំពីហេដ្ឋារចនាសម្ព័ន្ធតំបន់ឧស្សាហកម្ម តំបន់មុខងារនៃតំបន់សេដ្ឋកិច្ច ច្រកព្រំដែន តំបន់ទីក្រុង និងលំនៅដ្ឋានសង្គម។ ពាណិជ្ជកម្មសេវាកម្ម ទេសចរណ៍ ភស្តុភារ ឧស្សាហកម្មកែច្នៃដែលស៊ីជម្រៅ កែច្នៃផ្សារភ្ជាប់នឹងតំបន់វត្ថុធាតុដើមប្រមូលផ្តុំរបស់ខេត្ត។
បង្កើនពង្រឹងសន្តិសុខ-ការពារជាតិ។ ធានាសន្តិសុខនយោបាយ-សណ្តាប់ធ្នាប់សង្គម និងសុវត្ថិភាព។ ប្តេជ្ញាតស៊ូប្រឆាំងនឹងឧក្រិដ្ឋកម្មបច្ចេកវិជ្ជាខ្ពស់។ ផ្សព្វផ្សាយអនុវត្តផែនការលុបបំបាត់លំនៅដ្ឋានបណ្ដោះអាសន្ន និងទ្រុឌទ្រោមនៅខេត្តយ៉ាងមានប្រសិទ្ធភាព៕
ប្រែ៖ ណារីពៅ
