នាព្រឹកថ្ងៃទី ២៧ វិច្ឆិកា លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាគណៈកម្មាធិការបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានអញ្ជើញជាអធិបតីក្នុងសម័យប្រជុំការងារជាមួយមន្ទីរពលកម្ម យុទ្ធជនពិការ និងសង្គមកិច្ចស្តីពី ការផ្សព្វផ្សាយអនុវត្តចលនាប្រឡងប្រណាំង “រួមគ្នាលុបបំបាត់ផ្ទះបណ្ដោះអាសន្ន និងទ្រុឌទ្រោមក្នុងបរិវេនទូទាំងប្រទេសនៅឆ្នាំ ២០២៥”។
លោក ចូវវ៉ាន់លី ប្រធានមន្ទីរពលកម្ម យុទ្ធជនពិការ និងសង្គមកិច្ច បានឲ្យដឹងថា ផ្អែកលើឯកសារណែនាំរបស់ក្រសួងស្ថាបនកម្ម។ ក្រសួងពលកម្ម យុទ្ធជនពិការ និងសង្គមកិច្ច ស្តីពីការត្រួតពិនិត្យតម្រូវការលំនៅដ្ឋាន។ រហូតមកដល់ពេលនេះ អង្គភាពបានសំយោគតម្រូវការជំនួយលំនៅដ្ឋាននៅក្នុងមូលដ្ឋានជាសរុបគឺចំនួន ៤.៣០៧ គ្រួសារ។ ក្នុងនោះក្រុមអ្នកមានសគុណចំពោះបដិវត្តន៍ចំនួន ៥៨៥គ្រួសារ ក្រុមគ្រួសារក្រីក្រ បៀតក្រីក្រស្ថិតក្នុងកម្មវិធីគោលដៅជាតិកាត់បន្ថយភាពក្រីក្រជានិរន្តរភាពមានចំនួន ៥៣៨គ្រួសារ។ ក្រុមគ្រួសារក្រីក្រ និងបៀតក្រីក្រនៅក្រៅកម្មវិធីគោលដៅជាតិមានចំនួន ៣.១៨៤ គ្រួសារ។ ទន្ទឹមនឹងនោះ មន្ទីរពលកម្ម យុទ្ធជនពិការ និងសង្គមកិច្ច បានសន្និដ្ឋានថវិកា និងប្រភពធនធានសម្រាប់អនុវត្ត និងផែនការផ្សព្វផ្សាយអនុវត្តចលនាប្រឡងប្រណាំង “រួមគ្នាលុបបំបាត់លំនៅដ្ឋានបណ្តោះអាសន្ន និងផ្ទះទ្រុឌទ្រោមក្នុងបរិវេនទូទាំងប្រទេសនៅឆ្នាំ២០២៥” នៅលើភូមិសាស្ត្រខេត្ត។
បន្ទាប់ពីបានស្តាប់របាយការណ៍ និងយោបល់របស់អង្គភាពពាក់ព័ន្ធ។លោកហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានតម្រូវឲ្យមន្ទីរពលកម្ម យុទ្ធជនពិការ និងសង្គមកិច្ច និងមូលដ្ឋាននានាបន្តពិនិត្យឡើងវិញ ហើយធ្វើស្ថិតិទិន្នន័យអំពីតម្រូវការជំនួយលំនៅដ្ឋាន ដើម្បីធានាភាពត្រឹមត្រូវ និងពេញលេញ។ ជៀសវាងការខ្វះចន្លោះ និងចំណាយលើមុខសញ្ញាដែលមិនត្រឹមត្រូវ។ មន្ទីរពលកម្ម យុទ្ធជនពិការ និងសង្គមកិច្ច ធ្វើសេនាធិការដល់គណៈកម្មាធិការប្រជាជនខេត្ត រៀបចំផែនការលម្អិតអំពីខ្លឹមសារ ការចាត់ចែងការងារ ពេលវេលាអនុវត្តជាដើម ឲ្យបានពេញលេញ និងច្បាស់លាស់ អពីការអនុវត្តចលនាប្រឡងប្រណាំង រួមគ្នាលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោម។ មូលដ្ឋាននានាបានពង្រីកចរិកខ្លួនទីពឹងខ្លួន និងម្ចាស់ការអំពីប្រភពធនធានអនុវត្តចលនាប្រឡងប្រណាំង។ មន្ទីរស្ថាបនកម្មបានធ្វើសេនាធិការដល់គណៈកម្មាធិការប្រជាជនខេត្តអំពីការរចនាលក្ខណៈបច្ចេកទេសសំណង់ និងគំរូលំនៅដ្ឋានសមស្របនឹងមូលដ្ឋាន។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង ជាពិសេសបានសង្កត់ធ្ងន់ និងស្នើឲ្យមូលដ្ឋាននានាត្រូវចំណាយថវិកាសង្គមូបនីយកម្មដើម្បីបាញ់កាំជ្រួចផ្កាក្នុងឱកាសបុណ្យចូលឆ្នាំថ្មី វៀតណាមឆ្នាំម្សាញ់ ២០២៥ដើម្បីប្រមូលកម្លាំងឧបត្ថម្ភក្នុងការអនុវត្តចលនាប្រឡងប្រណាំង “រួមគ្នាលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមក្នុងទូទាំងប្រទេសឆ្នាំ២០២៥” និងថែទាំជីវភាពរស់នៅ របបសន្តិសុខសង្គមដល់គ្រួសារក្រីក្រ បៀតក្រីក្រ និងមុខសញ្ញាគោលនយោបាយនៅលើភូមិសាស្ត្រខេត្ត៕
ប្រែ ណារីពៅ
