ជាច្រើនឆាំ្នកន្លងទៅនេះ ខេត្តអានយ៉ាង តែងតែយកចិត្តទុកដាក់អនុវត្តដំណោះស្រាយអភិរក្ស និងពង្រីកតម្លៃបេតិកភណ្ឌវប្បធម៌នៅលើភូមិសាស្ត្រ។ តាមរយៈនោះ រួមចំណែកយ៉ាងសកម្មទៅក្នុងការអប់រំប្រពៃណីប្រវត្តិសាស្រ្ត និងវប្បធម៌ បំពេញនូវតម្រូវការក្នុងជីវភាពស្មារតីនិងជំនឿខាងវិញ្ញាណរបស់ប្រជាជន បង្កើតជាធនធានសំខាន់ៗសម្រាប់ការអភិវឌ្ឍវិស័យទេសចរណ៍ រួមចំណែកយ៉ាងធំទៅក្នុងកំណើនសេដ្ឋកិច្ចរបស់មូលដ្ឋាន។
បេតិកភណ្ឌវប្បធម៌គឺជាទ្រព្យសម្បត្តិដែលមិនអាចកាត់ថ្លៃបាន តភ្ជាប់សហគមន៍ជនជាតិ និងជាស្នូលនៃអត្តសញ្ញាណជាតិ។ នេះក៏ជានិមិត្តរូបនៃការរស់រានមានជីវិត ដែលជាស្ពានរវាងអតីតកាល បច្ចុប្បន្នកាល និងអនាគតកាល។ ប៉ុន្មានឆ្នាំទៅនេះ បេតិកភណ្ឌវប្បធម៌បានរួមចំណែកយ៉ាងសំខាន់ក្នុងការអប់រំប្រវត្តិសាស្ត្រ និងពូនជ្រំប្រពៃណីដ៏ល្អរបស់ជនជាតិ។ បេតិកភណ្ឌក៏ជាផលិតផលនៃការអភិវឌ្ឍន៍ទេសចរណ៍ បង្កើតឲ្យមានការផ្លាស់ប្តូររចនាសម្ព័ន្ធសេដ្ឋកិច្ចក្នុងមូលដ្ឋាន។ ទន្ទឹមនឹងនោះ សហគមន៍ដែលរស់នៅក្នុងតំបន់បេតិកភណ្ឌកាន់តែយល់ដឹងពីតម្លៃនៃបេតិកភណ្ឌ មោទនភាពអំពីប្រពៃណី អំពីនិងស្មារតីទទួលខុសត្រូវក្នុងការការពារទ្រព្យសម្បត្តិនេះ។ ក្នុងដំណើរការសមាហរណកម្ម បេតិកភណ្ឌវប្បធម៌ក៏ជាឆាណែលមួយដើម្បីឧទ្ទេសនាមអំពីតម្លៃវប្បធម៌ប្រពៃណីដ៏ល្អរបស់ជនជាតិដល់ភ្ញៀវទេសចរបរទេស ជួយឲ្យពិភពលោកយល់ដឹងបន្ថែមអំពីប្រទេស និងមនុស្សវៀតណាម។ ទន្ទឹមនឹងនោះជាមូលដ្ឋានសម្រាប់បង្កើតតម្លៃថ្មីនិងការផ្លាស់ប្តូរវប្បធម៌។
យល់ច្បាស់អំពីសារៈសំខាន់ និងតម្លៃនៃបេតិកភណ្ឌវប្បធម៌ បក្ខភាគ និងអាជ្ញាធរខេត្តអានយ៉ាង តែងតែយកចិត្តទុកដាក់ដឹកនាំ និងណែនាំការងាររក្សា ការពារ និងពង្រីកតម្លៃបេតិកភណ្ឌវប្បធម៌ក្នុងបុព្វហេតុអភិវឌ្ឍន៍សេដ្ឋកិច្ចសង្គម។ ចាត់ទុកនេះជាភារកិច្ចសំខាន់ ជាកម្លាំងចលករបង្កើតអត្តសញ្ញាណ និងកម្លាំងខាងក្នុងដើម្បីដំណើរការអភិវឌ្ឍន៍ខេត្ត។ ខេត្តទាំងមូលមានសម្បត្តិជាតិចំនួន១០។ បេតិកភណ្ឌវប្បធម៌ចំនួន ៨ បានបញ្ចូលក្នុងបញ្ជីបេតិកភណ្ឌវប្បធម៌អរូបីជាតិ និងបេតិកភណ្ឌវប្បធម៌អរូបីចំនួន ២ បានទទួលស្គាល់ជាបេតិកភណ្ឌវប្បធម៌អរូបីតំណាងនៃមនុស្សជាតិ។ ក្នុងនោះ ពិធីបុណ្យលោកយាយភ្នំស្វាម ទើបបានអង្គការយូណេស្កូទទួលស្គាល់ជាផ្លូវការចូលបញ្ជីបេតិកភណ្ឌវប្បធម៌អរូបីនៃមនុស្សជាតិនៅថ្ងៃទី ៤ ខែធ្នូ ឆ្នាំ ២០២៤។
ក្រៅពីនេះ បច្ចុប្បន្នខេត្តមានកេរដំណែលចំនួន ៩០ បានរៀបលំដាប់ថ្នាក់ (កេរដំណែលថ្នាក់ជាតិពិសេសចំនួន ២ កេរដំណែលជាតិចំនួន ២៨ និងកេរដំណែលថ្នាក់ខេត្តចំនួន ៦០) ជាមួយនឹងទម្រង់ជាច្រើនដូចជា៖ កេរដំណែលស្ថាបត្យកម្ម និងសិល្បៈ ស្រាវជ្រាវវត្ថុបុរាណ រមណីយដ្ឋានល្បីឈ្មោះ ប្រវត្តិសាស្ត្រវប្បធម៌ អនុស្សាវរីយ៍នៃបុគ្គលល្បីៗជាដើម។ “កេរដំណែលនីមួយៗបានរៀបចំណាត់ថ្នាក់សុទ្ឋតែមាននូវតម្លៃប្រវត្តសាស្ត្រ វប្បធម៌ វិចិ្តសិល្បះផ្សេងគ្នាប៉ុន្តែ សរុបមកជាផ្ទាំងគំនូរពោពេញទៅដោយសម្រស់ស្រស់ស្អាតនៃតំបន់ដីអានយ៉ាង។ ខេត្តក៏មានសម្បត្តិបេតិកភណ្ឌវប្បធម៌អរូបីដ៏វិសេសវិសាល និងសម្បូរបែបនៃសហគមន៍ជនជាតិគិន ខ្មែរ ចាម និងចិនផងដែរ។ នេះមិនត្រឹមតែជាប្រភពធនធានបេតិកភណ្ឌវប្បធម៌ដ៏សម្បូរបែបប៉ុណ្ណោះទេ ថែមទាំងជាប្រៀបខ្លាំង ជាសក្តានុពលសម្រាប់អភិវឌ្ឍន៍ទេសចរណ៍ផងដែរ” លោក ទ្រឿងបាត្រាង អនុប្រធានមន្ទីរវប្បធម៌ កីឡានិងទេសចរណ៍ខេត្តអានយ៉ាងឲ្យដឹងដូច្នេះ។
ការងារអភិរក្សបេតិកភណ្ឌវប្បធម៌ គ្រប់គ្រង និងរៀបចំពិធីបុណ្យ ការពារបេតិកភណ្ឌ ការជួសជុល និងតុបតែងលម្អរបស់ខេត្ត បានមើលសំខាន់និងអនុវត្តយ៉ាងសកម្ម ជាពិសេសគឺកសាងកំណត់ត្រាវិទ្យាសាស្ត្រ រៀបចំណាត់ថ្នាក់កេរដំណែល និងការងារអភិរក្ស ពង្រីកតម្លៃបេតិកភណ្ឌវប្បធម៌អរូបី។ ខេត្តចាប់អារម្មណ៍ក្នុងការគាំទ្រការវិនិយោគលើការជួសជុលកេរដំណែលប្រវត្តិសាស្ត្រ វប្បធម៌ និងជួសជុលកេរដំណែលរបស់ឌិញនៅក្នុងភូមិសាស្ត្រ។ ឆាំ្ន ២០២៤, មន្ទីរវប្បធម៍ កីឡានិងទេសចរណ៍ខេត្តនឹងបង្កើតគម្រោងអភិរក្ស និងពង្រីកតម្លៃបេតិកភណ្ឌសិល្បៈយីកេរជនជាតិខ្មែរ អានយ៉ាង និងគម្រោងអភិរក្ស និងពង្រីកតម្លៃបេតិកភណ្ឌរបរតម្បាញជនជាតិចាមនៅខេត្តអានយ៉ាង។ ស្រាវជ្រាវកេរដំណែលចំនួន ១៥ សម្រាប់ជួសជុល និងតុបតែងលម្អ។ សម្រេចផែនទីកំណត់តំបន់សម្រាប់ការពារកេរដំណែលប្រវត្តិសាស្ត្រ-វប្បធម៌ និងរមណីយដ្ឋានដែលបានរៀបចំណាត់ថ្នាក់នៅលើភូមិនៅតាមមូលដ្ឋាន៖ អានភូ ចូវភូ ចូវថាញ់ តាន់ចូវ ចូវដុក ឡុងស្វៀន។ សម្រេចឯកសារវិទ្យាសាស្ត្រកេរដំណែល Buu Huong (ស្រុកចូវភូ) ស្នើសុំរៀបចំណាត់ថ្នាក់ខេត្ត។ បញ្ចប់ការដំឡើង QR Code ណែនាំកេរដំណែលប្រវត្តិសាស្ត្រ និងវប្បធម៌ជាតិចំនួន ១៩ នៅក្នុងខេត្ត។ សហការជាមួយអង្គភាពពាក់ព័ន្ធ រៀបចំសិក្ខាសាលាវិទ្យាសាស្ត្រចំនួន៤ ក្នុងនោះមានសិក្ខាសាលាថ្នាក់ជាតិចំនួន១ ស្តីពី “ ២០០ឆាំ្នព្រែកជីកវិញតេ - តម្លៃប្រវត្តិសាស្ត្រ និងចក្ខុវិស័យអនាគត” ជាដើម។
ជាមួយនឹងសក្ដានុពលបេតិកភណ្ឌវប្បធម៌ដ៏សម្បូរបែប អានយ៉ាង កំពុងប្រមូលផ្តុំអភិវឌ្ឍន៍វិស័យទេសចរណ៍វប្បធម៌ និងទេសចរណ៍ខាងវិញ្ញាណ ប៉ុន្តែកេរដំណែលគឺជាធនធានដ៏សំខាន់មួយក្នុងការទាញយកប្រយោជន៍។ កេរដំណែលជាគំរូមួយចំនួនដូចជា៖អុកអៀវ - បាថេ, កេរដំណែលជាតិពិសេស តំបន់អនុស្សាវរីយ៍លោកប្រធានតូនឌឹកថាំង វត្តលោកយាយភ្នំស្វាម វត្តរ៉ូង កំពូលភ្នំទឹកជប់ រួមជាមួយនឹងទីសការៈបូជា សាសនា នឹងចំណេះដឹងវិចិត្រសិល្បៈស្ថាបត្យកម្មបុរាណ លក្ខណៈវប្បធម៌ប្រពៃណីរបស់ជនជាតិចាម ចិន ខ្មែរ ដួចជា៖ វត្តស្វាយទង វិហារសាសនាឥស្លាម Mubarak វត្តអ៊ុងបាក់ ជាដើម បានណែនាំ ទូលំទូលាយ បង្កើតលក្ខខណ្ឌសម្រាប់ការផ្សព្វផ្សាយបេតិកភណ្ឌវប្បធម៌ និងសកម្មភាពទេសចរណ៍នៅអានយ៉ាង។
នាពេលខាងមុខ ខេត្តអានយ៉ាង នឹងបន្តយកចិត្តទុកដាក់បណ្តាក់ទុនលើការស្តារ ជួសជុល និងតុបតែងកេរដំណែលលើភូមិសាស្ត្រខេត្ត។ ផ្តោតសំខាន់លើការបណ្តុះបណ្តាល និងលើកកម្ពស់សមត្ថភាពជំនាញសម្រាប់កម្មាភិបាលធ្វើការងាគ្រប់គ្រង និងអភិរក្សកេរដំណែល។ អនុវត្តបច្ចេកវិជ្ជាព័ត៌មានក្នុងការងារអភិរក្សនិងពង្រីកតម្លៃកេរដំណែលប្រវត្តិសាស្ត្រ។ ទន្ទឹមនឹងនោះ បង្កើនការឃោសនា ផ្សព្វផ្សាយ ណែនាំ និងផ្លាស់ប្តូរសកម្មភាពពាក់ព័ន្ធនឹងវិស័យបេតិកភណ្ឌវប្បធម៌អរូបី។ រក្សា និងអភិវឌ្ឍន៍បណ្តាភូមិសិប្បកម្មប្រពៃណីក្នុងទម្រង់ជាច្រើន និងជំរុញខ្លាំងការផ្សព្វផ្សាយផលិតផល។ ជាពិសេស បង្កើត និងតភ្ជាប់បណ្តាដំណើរទេសចរណ៍ និងផ្លូវទេសចរណ៍ ដើម្បីបង្កើតជាការតភ្ជាប់រវាងដំណើរទេសចរណ៍ធម្មជាតិ ពិកនិក រមណីយដ្ឋានលម្ហែកាយនានា ដែលផ្សារភ្ជាប់នឹងទេសចរណ៍វប្បធម៌ ជំនឿខាងវិញ្ញាណ ដើម្បីទាក់ទាញភ្ញៀវទេសចរ៕
ប្រែ៖ ណារ
