នាថ្ងៃទី ១២ ខែកុម្ភៈ គណៈកម្មាធិការប្រជាជនខេត្តអានយ៉ាង បានរៀបចំសន្និបាតបូកសរុបឆ្នាំ ២០២៤ និងផ្សព្វផ្សយផែនការឆ្នាំ ២០២៥ សម្រាប់វិស័យកសិកម្ម និងអភិវឌ្ឍន៍ជនបទ។ការបង្ការ និងពន្លត់ភ្លើងឆេះព្រៃ។ ការងារបង្ការគ្រោះមហន្តរាយ និងស្វែងរកសង្គ្រោះ។ កម្មវិធីគោលដៅជាតិកសាងជនបទថ្មី និងការងារគ្រប់គ្រងគុណភាព សុវត្ថិភាពចំណីអាហារពីផលិតផលកសិកម្ម ព្រៃឈើ និងជលផល។លោក ងោកុងធឹក អនុប្រធាន គណៈកម្មាធិការប្រជាជនខេត្តអានយ៉ាង ជាប្រធានសន្និបាត។
នៅឆ្នាំ ២០២៤ កំណើនកសិកម្មសម្រេចបាន ៣,៦៧% ដោយបន្តបញ្ជាក់ពីតួនាទីជាមូលដ្ឋានរបស់ខ្លួនជាគ្រឹះ ជាទម្រដ៏សំខាន់នៅក្នុងខឿនសេដ្ឋកិច្ចអានយ៉ាង។ ទន្ទឹមនឹងនោះ ខេត្តអានយ៉ាងក៏មានបន្ថែម ឃុំជនបទថ្មីចំនួន៥ ឃុំជនបទថ្មីលើកកម្ពស់ចំនួន៥ និងឃុំជនបទគំរូចំនួន១។ អត្រាប្រជាសាស្ត្រជនជនបទបានផ្គត់ផ្គង់ទឹកស្អាតគឺ ៩៦,៣៥% លើសពីផែនការកំណត់។
រួមជាមួយនោះ ការងារបង្ការ ទប់ស្កាត់គ្រោះមហន្តរាយ និងស្វែងរកសង្គ្រោះ។ ការងារការពារព្រៃឈើ និងបង្ការពន្លត់ភ្លើងឆេះព្រៃ។ ការងារគ្រប់គ្រងគុណភាព សុវត្ថិភាពចំណីអាហារកសិកម្ម ព្រៃឈើ និងជលផល។ កម្មវិធីគោលដៅជាតិកសាងជនបទថ្មីជាដើមក៏សម្រេចបានបានលទ្ឋផលជាវិជ្ជមាន។
ថ្លែងមតិនៅក្នុងសន្និបាត លោក ងោកុងធឹក អនុប្រធានគណៈកម្មាធិការប្រជាជនខេត្ត បានវាយតម្លៃខ្ពស់ចំពោះលទ្ធផលជាវិជ្ជមានដែលវិស័យកសិកម្មរបស់ខេត្តអានយ៉ាង សម្រេចបានក្នុងឆ្នាំ ២០២៤។ ទន្ទឹមនឹងនោះ លោកបានស្នើឲ្យវិស័យកសិកម្មអានយ៉ាង ផ្តោតលើការអភិវឌ្ឍន៍កសិកម្មទំនើប និងនិរន្តរភាព ផ្តោតលើការលើកកម្ពស់គុណភាពផលិតផលឆ្លើយតបនឹងតម្រូវការទីផ្សារ។ យកចិត្តទុកដាក់លើការអភិវឌ្ឍន៍កសិកម្មបៃតង និងជិតស្និតជាមួយបរិស្ថាន។ ជំរុញខ្លាំងការផ្លាស់ប្តូរពីផលិតកសិកម្មខ្នាតតូចទៅជាទ្រង់ទ្រាយធំ ផលិតកម្មទំនិញប្រមូលផ្តុំ។ បង្កើតតំបន់វត្ថុធាតុដើមជានិរន្តរភាព។
រួមជាមួយនោះ ចាំបាច់ត្រូវលើកកម្ពស់គុណភាពធនធានមនុស្សអំពីបច្ចេកទេសផលិតកម្ម គ្រប់គ្រងអាជីវកម្ម និងអនុវត្តបច្ចេកវិជ្ជាខ្ពស់។ ប្រមូលផ្តុំអនុវត្តជោគជ័យនូវគោលដៅកសាងជនបទថ្មី។ អភិវឌ្ឍន៍ទម្រង់ខ្សែចង្វាក់តម្លៃសហករណ៍កសិកម្ម។ បង្កើនការអនុវត្តផ្លាស់ប្តូរឌីជីថលទៅក្នុងវិស័យកសិកម្ម៕
ប្រែ៖ ណារីពៅ
