ព្រឹកថ្ងៃទី ២១ ខែ វិច្ឆកា លោក ហូវ៉ាន់ម៉ឹង សមាជិកបម្រុងនៃគណគម្មាធិការប្រតិបត្តិការមជ្ឈិមបក្ស អនុលេខាបក្ខភាគខេត្ត ប្រធានគណកម្មាធិការប្រជាជនខេត្តអានយ៉ាង រួមជាមួយលោក ឡេវ៉ាន់ភឿកនិងលោកស្រី ង្វៀន វៀនធីមិញធ្វី អនុប្រធានគណកម្មាធិការប្រជាជនខេត្តអានយ៉ាង ធ្វើការជាមួយនឹងគណគ្រប់គ្រងតំបន់សេដ្ឋកិច្ចខេត្តស្តីពីការងារគ្រប់គ្រងផែនការរៀបចំ សាងសង់និងទាក់ទាញវិនិយោគ។ ថ្នាក់ដឹកនាំអង្គភាព មន្ទីរ ផ្នែក មូលដ្ឋានបានអញ្ជើញចូលរួមកិច្ចប្រជុំនេះផងដែរ។
លោក ង្វៀន បាវទ្រុង ប្រធានគណគ្រប់គ្រងតំបន់សេដ្ឋកិច្ចខេត្តអានយ៉ាង បានឲ្យដឹងថា យោងតាមផែនការរបស់ខេត្តអានយ៉ាង ដំណាក់កាល ២០២១ - ២០៣០ និងចក្ខុវិស័យដល់ឆ្នាំ២០៥០ផ្ទៃដីសរុបសម្រាប់ការអភិវឌ្ឍន៍តំបន់ឧស្សាហកម្មនៅឆ្នាំ២០៣០ ក្នុងខេត្តគឺ ៨៧២ ហិកតា រួមទាំងតំបន់ឧស្សាហកម្ម៖ ប៊ិញហ្វា ប៊ិញឡុង វ៉ាមកុង ហូយអាន ស្វឺនតូនិងឌិញថាញ់។ បង្កើនភាគលាបមកដល់នឹងពេលនេះ មាន គម្រោងវិនិយោគចំនួន៣០ នៅមានសុពលភាព (ក្នុងនោះគម្រោង FDI ចំនួន ០៩) ដែលមានទុនវិនិយោគចុះបញ្ជីសរុបចំនួន៩.១៧១ ពាន់លានដុង។គម្រោងចំនួន ២២ បានធ្វើសកម្មភាពដោះស្រាយការងារជូនកម្មករប្រមាណ ១៧.៨០០ នាក់។
តំបន់សេដ្ឋកិច្ចច្រកទ្វារព្រំដែនអានយ៉ាង មានផ្ទៃដីធម្មជាតិជាសរុប ៣០.៧២៩ហិកតា រួមមាន៖ តំបន់ច្រកទ្វារព្រំដែនវិញសឿង តំបន់ច្រកព្រំដែន ខាញ់ប៊ិញ និងតំបន់ច្រកទ្វារព្រំដែនទិញបៀន។ បង្កើនភាកលាភមកដល់ពេលនេះ នៅតំបន់មុខងារនៃ តំបន់សេដ្ឋកិច្ចច្រកទ្វារព្រំដែន មានគម្រោងវិនិយោគចំនួន ២១ នូវមានសុពលភាព(ក្នុងនោះ មាន ០១ គម្រោង FDI) ដែលមានទុនវិនិយោគចុះបញ្ជីសរុបប្រមាណ ១.២២៤ ពាន់លានដុង។ ក្នុងនោះ មានគម្រោងចំនួន ១៨ កំពុងដំណើរការ។
ការងារគ្រប់គ្រងផែនការ និងការសាងសង់តំបន់ឧស្សាហកម្ម និងតំបន់សេដ្ឋកិច្ចច្រកទ្វារព្រំដែនត្រូវបានយកចិត្តទុកដាក់ជាពិសេស។ តំបន់សេដ្ឋកិច្ចច្រកទ្វារព្រំដែននៅលើភូមិសាស្ត្រខេត្តបានបញ្ចប់ជាមូលដ្ឋានហេដ្ឋារចនាសម្ព័ន្ធតំបន់មុខងារមួយចំនួន និងឆ្លើយតបតម្រូវការចាំបាច់ដើម្បីទាក់ទាញការវិនិយោគ។ ការទាក់ទាញគម្រោងវិនិយោគក្នុងតំបន់ឧស្សាហកម្ម និងតំបន់សេដ្ឋកិច្ចច្រកទ្វារព្រំដែន រួមចំណែកបំបែរចនាសម្ព័ន្ធសេដ្ឋកិច្ចឆ្ពោះទៅរកឧស្សាហូបនីយកម្ម-ទំនើបភាវូបនីយកម្ម បង្កើនការនាំចេញ បង្កើនចំណូលថវិកាមូលដ្ឋាន និងដោះស្រាយការងារជូនកម្មករ។
ថ្លែងមតិក្នុងកិច្ចប្រជុំ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានកោតសរសើរចំពោះលទ្ធផល ដែលគណៈគ្រប់គ្រងតំបន់សេដ្ឋកិច្ចខេត្តសម្រេចបាននាពេលកន្លងទៅនេះ។ ទន្ទឹមនឹងនោះ ក៏តម្រូវឲ្យស្ថាប័ន អង្គភាព មូលដ្ឋាន និងគណៈគ្រប់គ្រង អនុវត្តផែនការ និងតម្រង់ទិសអភិវឌ្ឍន៍ជាយុទ្ធសាស្ត្រ នៃតំបន់ឧស្សាហកម្ម និងតំបន់សេដ្ឋកិច្ចច្រកទ្វារព្រំដែន។ ក្នុងការទាក់ទាញការវិនិយោគ ត្រូវយកចិត្តទុកដាក់ក្នុងទិសដៅត្រឹមត្រូវ និងជ្រើសរើសតាមនិន្នាការនៃការផ្លាស់ប្តូរបៃតង សេដ្ឋកិច្ចឌីជីថល និងសេដ្ឋកិច្ចរង្វង់មូល។ ផ្សព្វផ្សាយទាក់ទាញ និងអំពាវនាវឲ្យមានការវិនិយោគ និងកសាងហេដ្ឋារចនាសម្ព័ន្ធស្របតាមច្បាប់ ធានាការពារជាតិ និងសន្តិសុខ។ ទន្ទឹមនឹងនោះ ដំណើរការត្រួតពិនិត្យ និងដោះស្រាយការរំលោភបំពាននៅតំបន់ឧស្សាហកម្ម និងតំបន់សេដ្ឋកិច្ចច្រកទ្វារព្រំដែន និងគម្រោងនានាដែលមានល្បឿនយឺត។
គណៈគ្រប់គ្រងតំបន់សេដ្ឋកិច្ចខេត្ត បានធ្វើសេនាធិការជាបន្ទាន់ និងពង្រឹងគណៈណែនាំអំពីការអភិវឌ្ឍន៍តំបន់សេដ្ឋកិច្ច។ ម្ចាស់ការសហការជាមួយមន្ទីរ ផ្នែក និងមូលដ្ឋាន ដើម្បីបន្តអនុវត្តមុខងារ និងភារកិច្ចដោយមានប្រសិទ្ធភាពបំផុត។ បណ្តាមន្ទីរ ផ្នែកពាក់ព័ន្ធក៏បានសេនាធិការនិងស្នើដល់គណៈកម្មាធិការប្រជាជនខេត្ត ឲ្យកសាងហេដ្ឋារចនាសម្ព័ន្ធចរាចរណ៍ នីតិវិធីរដ្ឋបាល និងធានាសន្តិសុខការពារជាតិ ពាក់ព័ន្ធដល់តំបន់ឧស្សាហកម្ម និងតំបន់សេដ្ឋកិច្ចច្រកទ្វារព្រំដែន៕
ប្រែ៖ ណារីពៅ
