ព្រឹកថ្ងៃទី ២៧ មេសា លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានអញ្ជើញទៅសួរសុខទុក្ខគណៈភិបាលកិច្ចសមាគមព្រះពុទ្ធសាសនាវៀតណាមខេត្ត និងគណៈភិបាលកិច្ចមជ្ឈិមសមាគមពុទ្ធសាសនាព្រហ្មវិហារធម៌ទាំងបួន( Tứ Ân Hiếu Nghĩa)ក្នុងឱកាសរម្លឹកខួបលើកទី ៥០ នៃទិវារំដោះភាគខាងត្បូង និងការបង្រួបបង្រួមជាតិ (៣០ មេសា ១៩៧៥ - ៣០ មេសា ២០២៥)។
តាងនាមបក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន និងរណសិរ្សមាតុភូមិវៀតណាមខេត្ត លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានថ្លែងអំណរគុណ និងដឹងគុណយ៉ាងជ្រាលជ្រៅចំពោះកម្មាភិបាល យុទ្ធជន យុទ្ធជនពិការ សាច់ញាតិគ្រួសារយុទ្ធជនពលី គ្រួសារមានគុណូបការៈចំពោះបដិវត្តន៍ បដិវត្តន៍ ជើងចាស់ បណ្តាអង្គការសាសនា ក្នុងនោះមានសមាគមព្រះពុទ្ធសាសនាវៀតណាម និង គណភិបាលកិច្ចសមាគមពុទ្ឋសាសនាព្រហ្មវិហារធម៌ទាំងបួន( Tứ Ân Hiếu Nghĩa)បានចូលរួមចំណែកក្នុងបុព្វហេតុឯករាជ្យជនជាតិ ការបង្រួបបង្រួមជាតិ និងបូរណភាពទឹកដីនៃមាតុភូមិ ដើម្បីជីវភាពសន្តិភាព និងសុភមង្គលរបស់ប្រជាជន។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង សង្ឃឹមយ៉ាងមុតមាំថា គណៈភិបាលកិច្ចសមាគមព្រះពុទ្ធសាសនាវៀតណាមខេត្តនិងគណភិបាលកិច្ចសមាគមពុទ្ឋសាសនាព្រហ្មវិហារធម៌ទាំងបួន( Tứ Ân Hiếu Nghĩa)នឹងបន្តពង្រីកប្រពៃណីប្រវត្តិសាស្ត្រ និងបដិវត្តន៍ កសាងធ្លុងមហាសាមគ្គីក្នុងជនជាតិទាំងមូល។ ផ្សព្វផ្សាយ និងកៀរគរអ្នកកាន់សាសនា និងប្រជាជនឲ្យអនុវត្តបានល្អនូវគោលការណ៍របស់បក្ស គោលនយោបាយ និងច្បាប់របស់រដ្ឋ។ ទន្ទឹមនឹងនោះ រួមដំណើរជាមួយខេត្តអនុវត្តភារកិច្ចនយោបាយរបស់មូលដ្ឋានឲ្យបានល្អ ចូលរួមកសាងជនបទថ្មី បូរីអារ្យធម៌ ថែទាំរបបសន្តិសុខសង្គម និងអភិវឌ្ឍន៍សេដ្ឋកិច្ច រួមចំណែកកសាងមាតុភូមិអានយ៉ាងកាន់តែសម្បូរសប្បាយ សោភ័ណភាព និងអារ្យធម៌ពីមួយថ្ងៃទៅមួយថ្ងៃ។
តំណាងគណៈភិបាលកិច្ចសមាគមព្រះពុទ្ធសាសនាវៀតណាមខេត្តនិងគណភិបាលកិច្ចសមាគមពុទ្ឋសាសនាព្រហ្មវិហារធម៌ទាំងបួន( Tứ Ân Hiếu Nghĩa)គោរពថ្លែងអំណរគុណចំពោះសេចក្តីស្រឡាញ់ និងការយកចិត្តទុកដាក់របស់ថ្នាក់ដឹកនាំខេត្តចំពោះសកម្មភាពរបស់គណៈភិបាលកិច្ចសមាគមព្រះពុទ្ធសាសនាវៀតណាមខេត្ត និងគណៈភិបាលកិច្ចមជ្ឈិមសមាគមពុទ្ធសាសនា ព្រហ្មវិហារធម៌ទាំងបួន( Tứ Ân Hiếu Nghĩa)រយៈពេលកន្លងមកនេះ។ តាមរយៈនោះ អះអាងថា តែងតែជឿជាក់ និងជិតស្និតជាមួយខេត្តជានិច្ច ដើម្បីបន្តចលនាព្រះសង្ឃ ដូនជី និងពុទ្ធសាសនិកជន ឲ្យរស់នៅ “ផ្លូវលោកក៏ល្អ ផ្លូវធម៌ក៏ល្អ” ចូលរួមយ៉ាងសកម្មក្នុងចលនាប្រឡងប្រណាំងស្នេហាជាតិ សប្បុរសធម៌ មនុស្សធម៌ រួមចំណែកអភិវឌ្ឍន៍សេដ្ឋកិច្ច-សង្គមរបស់មូលដ្ឋាន។
ក្នុងឱកាសនេះ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានអញ្ជើញចុះសួរសុខទុក្ខ និងលើកទឹកចិត្តភិក្ខុនី យីវថុង(នាមពិតជា ផាមធីបាត់លៀន កើតឆ្នាំ ១៩៣១ (រហស្សនាម ហ្វៀនត្រាង រស់នៅទីរួមស្រុកអានចូវ ស្រុក ចូវថាញ់) រស់នៅប្រកបដោយសុភមង្គល និង សុខភាពល្អ តែងតែជាគំរូដ៏ភ្លឺស្វាងសម្រាប់យុវជនជំនាន់ក្រោយ។ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត អានយ៉ាង បានថ្លែងអំណរគុណចំពោះការរួមចំណែករបស់ភិក្ខុនីក្នុងសង្គ្រាមតស៊ូប្រឆាំងនឹងសហរដ្ឋអាមេរិក ជានារីចារកម្ម និងទ័ពពិសេសរបស់ទីក្រុងសៃហ្គន- យ៉ាឌិញ៕
ប្រែ៖ ណារីពៅ
