ថ្ងៃនៅថ្ងៃទី ៨ មេសា លោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង ដឹកនាំគណៈប្រតិភូទៅសួរសុខទុក្ខនិងជូនពរបុណ្យចូលឆាំ្នថ្មីប្រពៃណីជាតិខ្នែរនៅវត្តត្នោត(ឃុំអានយ៉ាង ទីរួមខេត្តទិញបៀន)។
បន្ទាប់ពីសួរសុខទុក្ខអំពីជីវភាព និងសកម្មភាពរបស់ប្រជាជនខ្មែរក្នុងមូលដ្ឋានយ៉ាងជិតស្និត លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង តាងនាមបក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្តអានយ៉ាង បានជូនពរដល់ព្រះសង្ឃ តាអាចារ្យ និងបងប្អូនទទួលបុណ្យចូលឆាំ្នប្រពៃណីជាតិ សប្បាយរីករាយ សុភមង្គលនិងសន្សំសំចៃ។
ទន្ទឹមនឹងនោះ ក៏កត់ត្រាទទួលស្គាល់នូវការរួមវិភាគទានជាវិជ្ជមានរបស់ព្រះសង្ឃ និងតាអាចារ្យក្នុងការងារឃោសនា កៀរគរបងប្អូនខ្មែរឲ្យអនុវត្តល្អគោលការណ៍របស់បក្ស គោលនយោបាយនិងច្បាប់របស់រដ្ឋ និងកម្មវិធីអភិវឌ្ឍន៍សេដ្ឋកិច្ចសង្គមនៅមូលដ្ឋាន។ទន្ទឹមនឹងនោះ បញ្ជាក់ពីការយកចិត្តទុកដាក់របស់បក្ស រដ្ឋ និងអាជ្ញាធរគ្រប់លំដាប់ថ្នាក់ចំពោះជីវភាពរស់នៅរបស់ជនរួមជាតិខ្មែរផងដែរ។
ផ្អែកលើមូលដ្ឋាននោះ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង សង្ឃឹមថា ព្រះសង្ឃ និងតាអាចារ្យនឹងបន្តពង្រីកតួនាទីយ៉ាងសកម្មក្នុងការឃោសនាដល់បងប្អូនខ្មែរ ឲ្យជ្រោងខ្ពស់ស្មារតីសាមគ្គីភាពជាតិសាសន៍និងចូលរួមយ៉ាងសកម្មក្នុងចលនាប្រឡងប្រណាំងស្នេហាជាតិ ជាពិសេសគឺចំពោះកម្មវិធីលុបបំបាត់លំនៅដ្ឋានបណ្តោះអាសន្ន និងទ្រុឌទ្រោមនៅតាមមូលដ្ឋាន។ទន្ទឹមនិងនោះ ក៏យកចិត្តទុកដាក់ និងលើកទឹកចិត្តដល់កូនចៅខ្មែរឲ្យខិតខំសិក្សារៀនសូត្រ ដើម្បីកសាងអនាគត និងចូលរួមកសាងមាតុភូមិឲ្យកាន់តែរីកចម្រើនពីមួយថ្ងៃទៅមួយថ្ងៃ។
ក្នុងឱកាសនេះ គណៈប្រតិភូគណៈបក្ខភាគទីក្រុង ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមទីរួមខេត្តទិញបៀន ដឹកនាំដោយលោក ង្វៀនហុងឌឹក លេខាបក្ខភាគទីរួមខេត្តទិញបៀន ក៏បាន អញ្ជើញទៅសួរសុខទុក្ខ និងជូនពរបុណ្យចូលឆាំ្នថ្មីនៅវត្តត្នោត៕
ប្រែ៖ ណារីពៅ
