ព្រឹកថ្ងៃ ០៦ វិច្ឆកា លោក ហូវ៉ាន់ម៉ឹង សមាជិកបម្រុងនៃគណកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណកម្មាធិការប្រជាជនខេត្តអានយ៉ាង ដឹកនាំគណប្រតិភូការងារខេត្តអញ្ជើញទៅត្រួតពិនិត្យល្បឿន ត្រួតពិនិត្យឡើងវិញការងាររៀបចំពិធីរម្លឹកខួបលើកទី ២០០ឆាំ្នជីកបញ្ចប់ព្រែកវិញទេ។លោក ឡេវ៉ាន់ភឿក អនុប្រធានគណកម្មាធិការប្រជាជនខេត្តអានយ៉ាង និងថ្នាក់ដឹកនាំបណ្តាមន្ទីរ គណ ផ្នែក ខេត្តនិងគណអចិន្ត្រៃបក្ខភាគទីក្រុងចូវដុកអញ្ជើញចូលរួមផងដែរ។
យោងតាមនោះ សិក្ខាសាលាវិទ្យាសាស្ត្រថ្នាក់ជាតិ “២០០ ឆ្នាំជីកបញ្ចប់ព្រែកវិញទេ - តម្លៃប្រវត្តិសាស្ត្រ និងចក្ខុវិស័យនាពេលអនាគត” នឹងប្រព្រឹត្តទៅនៅម៉ោង ៧ និង ៣០នាទី ព្រឹកថ្ងៃទី ១៤ ខែវិច្ឆិកា នៅសាលប្រជុំបក្ខភាគទីរួមខេត្តចូវដុក និងផ្សាយផ្ទាល់លើវេទិកាឌីជីថលរបស់វិទ្យុ ទូរទស្សន៍អានយ៉ាង និងស្ថានីយ៍ទូរទស្សន៍។ ពិធីរម្លឹកខួបលើកទី ២០០ឆាំ្នជីកបញ្ចប់ព្រែកវិញទេ(១៨២៤ - ២០២៤) រម្លឹកខួបលើកទី ១៩៨ឆាំ្នទិវាមរណភាពរបស់លោកយាយ ចូវធីទេ (១៨២៦ - ២០២៤) នឹងបានប្រព្រឹត្តទៅនៅម៉ោង ៨ យប់ ថ្ងៃទី ១៤ ខែវិច្ឆិកា នៅមណ្ឌលទេសចរណ៍ជាតិភ្នស្វាម (សង្កាត់ភ្នំស្វាម ទីក្រុងចូវដុក) បានផ្សាយបន្តផ្ទាល់លើស្ថានីយ៍វិទ្យុ និងទូរទស្សន៍អានយ៉ាង និងបណ្តាវេទិកាឌីជីថល។
នេះជាព្រឹត្តិការណ៍ដ៏សំខាន់មួយគូសបញ្ចាក់ ២០០ឆាំ្ននៃគម្រោងធារាសាស្ត្រជាប្រវត្តិសាស្ត្រមានអត្ថន័យសំខាន់សម្រាប់ការអភិវឌ្ឍន៍សេដ្ឋកិច្ចសង្គម សន្តិសុខការពារជាតិនៃតំបន់ដីអានយ៉ាង តំបន់វាលទំនាបទន្លេគឺវឡុងនិងអរគុណដល់សគុណរបស់បុព្វការីជនចំពោះប្រទេសជាតិ។ ទន្ទឹមនឹងនោះ នេះជាឱកាសមួយដើម្បីផ្សព្វផ្សាយ ណែនាំរូបភាពទឹកដី មនុស្ស និងតម្លៃវប្បធម៌គំរូ ពិសេសរបស់មូលដ្ឋាន បម្រើដល់ការអភិវឌ្ឍន៍ទេសចរណ៍។
បន្ទាប់ពីបានត្រួតពិនិត្យជាក់ស្តែង និងស្តាប់របាយការណ៍ស្តីពីការរៀបចំព្រឹត្តិការណ៍ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត អានយ៉ាង បានវាយតម្លៃខ្ពស់ចំពោះការងាររៀបចំរបស់មូលដ្ឋាន និងអង្គភាព។ ទន្ទឹមនឹងនោះ ក៏ស្នើថា ចាប់ពីពេលនេះរហូតដល់ព្រឹត្តិការណ៍កើតឡើង បណ្តាស្ថាបន មូលដ្ឋាន និងអង្គភាពនានាចាំបាច់ត្រូវតែត្រៀមបម្រុងឲ្យបានហ្មត់ចត់ចាប់ពីវេទិកា សាលប្រជុំ ឯកសារសិក្ខាសាលា សេណារីយ៉ូកម្មវិធី រហូតដល់ផ្នែកភស្តុភា រ ការប្រារព្ធពិធីនិងឃោសនាជាដើម។
លោក ហូវ៉ាន់ម៉ឹងប្រធានគណៈកម្មាធិការប្រជាជនខេត្តអានយ៉ាង បានកំណត់សម្គាល់ទីក្រុងចូវដុកថា បើកដំណើរការសម្អាតទូទៅនៅតំបន់ព្រឹត្តិការណ៍ ក៏ដូចជាក្នុងទីក្រុងទាំងមូល ដើម្បីបង្កើតបរិស្ថានបៃតង ជ្រះ - ស្អាត មុនពេលព្រឹត្តិការណ៍កើតឡើង។ បណ្តាអនុគណៈកម្មការនៅតែបន្តបំពេញភារកិច្ចដែលនៅសេសសល់ ធានាបានល្បឿន ទ្រង់ទ្រាយ ប្រសិទ្ធភាព និងម្ចាស់ការផែនការបង្ការយ៉ាងសកម្ម ដើម្បីធានាខ្សែចង្វាក់ព្រឹត្តិការណ៍កើតឡើងបានហ្មត់ចត់និងយ៉ាងឧឡារិក សាយភាយស្មារតី អត្ថន័យដល់ប្រជាជនទាំងមូល៕
ប្រែ៖ ណារីពៅ
