ព្រឹកថ្ងៃ ២៣ ខែវិច្ឆកា នៅទីលានអត្តពលកម្មនៃមជ្ឈមណ្ឌលនិងប្រកួតកីឡា មន្ទីរវប្បធម៌-កីឡានិងទេសចរណ៍បានសហការជាមួយនឹងមន្ទីរអប់រំ និងបណ្តុះបណ្តាលបើកពានរង្វាន់អត្តពលកម្មសម្រាប់សិស្សគ្រប់ស្រករអាយុនៅក្នុងខេត្តអានយ៉ាង ឆាំ្នសិក្សា២០២៤ -២០២៥។លោក ដាវ ស៊ីទ្វឺន អនុប្រធានមន្ទីរវប្បធម៌ កីឡា និងទេសចរណ៍។លោក វ៉ ប៊ិញធឺ អនុប្រធានមន្ទីរអប់រំនិងបណ្តុះបណ្តាលបានអញ្ជើញចូលរួម។
ការចូលរួមក្នុងការប្រកួតនេះមានកីឡាករជាង២០០នាក់មកពី១៤អង្គភាពប្រកួតដណ្តើមមេដាយ៦៦គ្រឿងក្នុង៤ក្រុមអាយុ៖ បឋមសិក្សា(អាយុពី៨ដល់១០ឆ្នាំ) មធ្យមសិក្សាបឋមភូមិ(អាយុពី១១ដល់១២ឆ្នាំ) មធ្យមសិក្សាបឋមភូមិ(អាយុពី១៣ដល់១៤ឆ្នាំ)មធ្យមសិក្សាទុតិយភូមិ(អាយុពី ១៥ ដល់ ១៧ឆ្នាំ) ជាសិស្សស្ថិតក្នុងការិយាល័យអប់រំនិងបណ្តុះបណ្តាល និងវិទ្យាល័យនានាលើភូមិសាស្ត្រខេត្ត។
ការប្រកួតកីឡាអត្តពលកម្មសម្រាប់សិស្សានុសិស្សគ្រប់វ័យនៅខេត្តអានយ៉ាង ឆ្នាំសិក្សា ២០២៤ - ២០២៥ គឺដើម្បីអភិវឌ្ឍន៍ចលនានៃការហាត់ប្រាណនិងកីឡាជាប្រចាំនិយាយរួម និងវិញ្ញាសាអត្តពលកម្ម និយាយដោយឡែកនៅតាមសាលារៀនគ្រប់កម្រិត ដើម្បីលើកកម្ពស់សុខភាព រួមចំណែកអប់រំទូលំទូលាយសម្រាប់ សិស្សានុសិស្ស បង្ការទប់ស្កាត់អំពើអបាយមុខសង្គម កសាងនិងការពារមាតុភូមិ។ ទន្ទឹមនឹងនោះ ការរៀបចំពានរង្វាន់ក៏មានគោលបំណងស្វែងរកនិងបណ្ដុះបណ្ដាលទេពកោសល្យកីឡាវ័យក្មេង ជ្រើសរើសអត្តពលិកដែលមានក្តីសង្ឃឹមទៅអនាគត បន្ថែមចូលក្រុមយុវវ័យនៃវិញ្ញាសាអត្តពលកម្មខេត្តអានយ៉ាង។
ប្រែ៖ ណារីពៅ
