ព្រឹកថ្ងៃទី ២១ ឧសភា គណៈកម្មការស្តីពីវិទ្យាសាស្ត្រ បច្ចេកវិជ្ជា ផ្លាស់ថ្មីថ្នៃប្រឌិត ផ្លាស់ប្តូរឌីជីថល កំណែទម្រង់រដ្ឋបាល និងគម្រោងទី ០៦/CP ខេត្តអានយ៉ាង រៀបចំកិច្ចប្រជុំដើម្បីផ្សព្វផ្សាយភារកិច្ចមួយចំនួននាពេលខាងមុខ។លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង ធ្វើអធិបតីភាពកិច្ចប្រជុំ។
អញ្ជើញចូលរួមមានលោក ឡេវ៉ាន់ភឿក សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្ត លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្តអានយ៉ាង និងលោក ងោកុងធឹក អនុប្រធានគណៈកម្មាធិការប្រជាជនខេត្តអានយ៉ាង។ ថ្នាក់ដឹកនាំមន្ទីរ ផ្នែក និងមូលដ្ឋានលើភូមិសាស្ត្រខេត្ត។
រយៈពេលថ្មីៗនេះ ខេត្តបានមានការខិតខំប្រឹងប្រែងយ៉ាងខ្លាំងក្នុងការអនុវត្តសេចក្តីសម្រេចិត្តលេខ ៥៧-NQ/TW របស់ការិយាល័យនយោបាយ សេចក្តីសម្រេចចិត្តលេខ ០៣/NQ-CP របស់រដ្ឋាភិបាល និងគម្រោង 0៦/CP។ ជាក់ស្តែង ការងារណែនាំនិងការប្រតិបត្តិបានផ្សព្វផ្សាយអនុវត្តទាន់ពេលវេលា និងខ្លាំងក្លា។ ការបង្កើតឯកសារផែនការ និងកម្មវិធីសកម្មភាពបានអនុវត្តស្របគ្នាពីខេត្តដល់ថ្នាក់មូលដ្ឋាន។
ហេដ្ឋារចនាសម្ព័ន្ធឌីជីថល និងការតភ្ជាប់ទិន្នន័យបន្តទទួលបានការយកចិត្តទុកដាក់ពីការវិនិយោគ។ រហូតមកដល់បច្ចុប្បន្ន អ៊ីនធឺណិតល្បឿនលឿនបានគ្របដណ្តប់ឃុំ សង្កាត់ ទីរួមស្រុក ១០០%។ បណ្តាញ ៥ជី ផ្សព្វផ្សាយនៅគ្រប់ស្រុក ទីរួមខេត្ត ក្រុង។ ការផ្លាស់ប្តូរឌីជីថលនៅក្នុងសេវាសាធារណៈទទួលបានលទ្ធផលគួរឲ្យលើកទឹកចិត្តជាច្រើន៖ សេវាសាធារណៈតាមអ៊ីនធឺណិតពេញដំណើរការជាង ១.២០០ អត្រាដោះស្រាយនីតិវិធីរដ្ឋបាលទាន់ពេលវេលាសម្រេចបានជាង ៩៩% អត្រាឯកសារឌីជីថលជាក់លាក់ និងលទ្ធផលរដោះស្រាយនីតិវិធីរដ្ឋបាលសម្រេចបានជាង ៨៦%។
ការផ្សព្វផ្សាយគម្រោង ០៦/CP លើភូមិសាស្ត្រខេត្តទទួលបានលទ្ធផលវិជ្ជមានជាច្រើន។ក្នុងចំណោមកិច្ចការរួមទាំង១៨ សម្រាប់ក្រសួងផ្នែកនានា មានកិច្ចការចំនួន ៥ ត្រូវបានអនុវត្តជាប្រចាំ និងកិច្ចការចំនួន ៩ កំពុងត្រូវបានផ្សព្វផ្សាយអនុវត្ត។ កិច្ចការចំនួន ៤ កំពុងបានអនុវត្តជាប្រចាំ។ នគរបាលខេត្តអានយ៉ាង បានធ្វើសេនាធិការយ៉ាងសកម្ម ដោះស្រាយការលំបាក និងស្នើដំណោះស្រាយមានប្រសិទ្ធភាព។ បណ្តាមន្ទីរផ្នែក និងមូលដ្ឋានបានជំរុញខ្លាំងការឃោសនាដែលសមស្របទៅតាមតំបន់នីមួយៗ។
នៅក្នុងកិច្ចប្រជុំ សមាជិកនៃគណៈកម្មការណែនាំបានលើកឡើងដោយត្រង់ៗអំពីគុណសម្បត្តិ និងវិប័ត្រក្នុងការអនុវត្ត។ បញ្ហាប្រឈមមួយចំនួនបានលើកឡើងដូចជា៖ សក្តានុពល និងកម្រិតបច្ចេកវិជ្ជានៅមានកម្រិត ចំនួនអង្គការនិងធុរកិច្ចវិទ្យាសាស្ត្រ និងបច្ចេកវិជ្ជាមិនទាន់មានច្រើន។ ការងារកៀរគរធនធានដើម្បីសង្គម ធ្វើសកម្មភាពវិទ្យាសាស្ត្រ និងបច្ចេកវិជ្ជា មិនទាន់សម្រេចបានតាមការរំពឹងទុក។ អត្រាប្រជាជន និងអង្គការប្រើប្រាស់សេវាសាធារណៈតាមអ៊ីនធឺណិតនៅមានកម្រិតទាបនៅឡើយ ដោយសារឧបករណ៍បច្ចេកវិទ្យាទំនើបមានកំហិតជាដើម។
ថ្លែងមតិណែនាំក្នុងកិច្ចប្រជុំ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានតម្រូវឲ្យសមាជិកគណៈកម្មការណែនាំ ប្រធានបណ្តាមន្ទីរ ផ្នែក និងគណៈកម្មាធិការប្រជាជនគ្រប់លំដាប់ថ្នាក់ ចាំបាច់ត្រូវតែលើកកម្ពស់ភារទទួលខុសត្រូវក្នុងការផ្សព្វផ្សាយអនុវត្តគោលការអភិវឌ្ឍន៍វិទ្យាសាស្ត្រ និងបច្ចេកវិជ្ជា ផ្លាស់ថ្មីច្នៃប្រឌិត និងផ្លាស់ប្តូរឌីជីថលនៅលើភូមិសាស្ត្រខេត្ត។
ការិយាល័យគណៈកម្មាធិការប្រជាជនខេត្ត ធ្វើជាអធិបតី សហការជាមួយអង្គភាពពាក់ព័ន្ធ ធ្វើសេនាធិការជាបន្ទាន់ដល់ប្រធានគណៈកម្មការណែនាំ ដើម្បីផ្សព្វផ្សាយបទបញ្ជាសកម្មភាពរបស់គណៈកម្មការណែនាំ និងចាត់ភារកិច្ចជូនសមាជិក។ទន្ទឹមនឹងនោះ ធ្វើសេនាធិការដល់គណៈកម្មាធិការប្រជាជនខេត្ត ដោះស្រាយសំណើនិងអនុសាសន៍នានាទាក់ទិនដល់ការអភិវឌ្ឍន៍វិទ្យាសាស្ត្រ និងបច្ចេកវិជ្ជា ផ្លាស់ថ្មីច្នៃប្រឌិតនិងផ្លាស់ប្តូរឌីជីថល។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង សង្កត់ធ្ងន់លើភាពចាំបាច់ត្រូវតែផ្តោតលើការយកចិត្តទុកដាក់ក្នុងការវិនិយោគ និងអភិវឌ្ឍន៍វិទ្យាសាស្ត្រ និងបច្ចេកវិជ្ជា ដោយចាត់ទុកនេះជាកម្លាំងចលករសំខាន់សម្រាប់ការអភិវឌ្ឍន៍ដោយនិរន្តរភាពចីរភាពរបស់ខេត្ត។ ជាពិសេសតម្រូវឲ្យបង្កើនការអនុវត្តវិទ្យាសាស្ត្រ និងបច្ចេកវិជ្ជាទៅក្នុងផលិតកម្ម ដោយផ្តោតសំខាន់លើវិស័យកសិកម្ម។ ការអនុវត្តវិទ្យាសាស្ត្រ និងបច្ចេកវិជ្ជាមិនត្រឹមតែជួយឲ្យល្អប្រសើក្នុងដំណើរការផលិតកម្មប៉ុណ្ណោះទេ ប៉ុន្តែថែមទាំងបើកឱកាសថ្មីៗជាច្រើនទៀតសម្រាប់ផលិតផលកសិកម្មរបស់ខេត្តផងដែរ៕
ប្រែ៖ ណារីពៅ
