ព្រឹកថ្ងៃទី៩ ខែមេសា លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ដឹកនាំគណៈប្រតិភូបក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាម ទៅសួរសុខទុក្ខ ជូនពរ និងប្រគេនទេយ្យទានក្នុងឱកាសបុណ្យចូលឆាំ្នថ្មីប្រពៃណីជាតិខ្មែរនៅវត្តខ្មែរថេរវាទចំនួន ២ របស់ទីរួមខេត្តទិញបៀន។ អញ្ជើញចូលរួមផងដែរមានប្រចាំការក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្ត។ ថ្នាក់ដឹកនាំមន្ទីរ គណ ផ្នែក និងអង្គភាព។ ប្រចាំការបក្ខភាគទីរួមខេត្តនិងគណៈកម្មាធិការប្រជាជនទីរួមខេត្តទិញបៀន។
គណៈប្រតិភូបានទៅសួរសុខទុក្ខ និងជូនពរនៅវត្តធម្មនិមិត្ត (ឃុំ វិញទ្រុង) វត្តប្រឡាយមាស (សង្កាត់នុយវ៉យ)។ នៅកន្លែងនីមួយៗ លោក ឡេហុងក្វាង លេខាបក្ខភាគខេត្តអានយ៉ាង បានសម្តែងនូវក្តីរំភើបរីករាយនៅពេលបានស្តាប់ព្រះចៅអធិការវត្តសង្ខេបអំពីទិដ្ឋភាពទូទៅនូវស្ថានភាពកិច្ចការសាសនា ការអនុវត្តគោលការ និងគោលនយោបាយរបស់ពុទ្ធសាសនិកជន និងជនរួមជាតិភាគតិចខ្មែរនៅក្នុងមូលដ្ឋាន។ សមមិត្ត ឡេហុងក្វាង បានព័ត៌មានអំពីស្ថានភាពអភិវឌ្ឍន៍សេដ្ឋកិច្ចសង្គមរបស់ខេត្តអានយ៉ាងនៅក្នុងឆាំ្ន២០២៤ និងត្រីមាសទីមួយឆាំ្ន ២០២៥។ ទោះបីជាត្រូវប្រឈមមុខនឹងការលំបាក និងបញ្ហាប្រឈមជាច្រើនពីពិភពលោក និងក្នុងប្រទេសក៏មែនពិត ប៉ុន្តែជាមួយនឹងការប្តេជ្ញាចិត្ត និងឯកភាពខ្ពស់ពីប្រព័ន្ធនយោបាយទាំងមូលនោះ សេដ្ឋកិច្ចនៃខេត្តមានកំណើនខ្ពស់ជាងមធ្យមភាគជាតិ។ វប្បធម៌សង្គមមានការរីកចម្រើនឥតឈប់ឈរ ជីវភាពរស់នៅរបស់ប្រជាជនកាន់តែមានភាពប្រសើរឡើង សន្តិសុខការពារជាតិបានរក្សារឹងមាំ។ ការកសាងជនបទថ្មី និងរបបសន្តិសុខសង្គមបានយកចិត្តទុកដាក់ និងមានទិសអភិវឌ្ឍន៍ល្អ។ ចំណុចលេចធ្លោធំបំផុតគឺខេត្តអានយ៉ាង ទើបតែបានអង្គការយូណេស្កូចុះបញ្ជីទទួលស្គាល់ពិធីបុណ្យលោកយាយភ្នំស្វាមជាបេតិកភណ្ឌវប្បធម៌អរូបីតំណាងនៃមនុស្សជាតិ។
លោក ឡេហុងក្វាង លេខាបក្ខភាគខេត្តអានយ៉ាង បានអះអាងថា សមិទ្ធិផលដែលខេត្តអានយ៉ាង សម្រេចបានកាលពីពេលកន្លងទៅនេះមានការរួមចំណែកយ៉ាងធំធេងពីប្រព័ន្ធនយោបាយទាំងមូល និងប្រជាជនគ្រប់ស្រទាប់វណ្ណៈ ក្នុងនោះមានទាំងវត្តខ្មែរថេរវាទ ព្រះចៅអធិការវត្ត តាអាចារ្យ និងបងប្អូនពុទ្ធសាសនិក។ នាពេលខាងមុខ អានយ៉ាងនឹងផ្តោតលើការរៀបចំអង្គការក្បាលម៉ាស៊ីនស្របតាមគោលការណ៍របស់បក្ស និងរដ្ឋ។ នេះជាដំណាក់កាលប្រែខ្លួនរបស់ជាតិ របស់ជនជាតិ និងរបស់មូលដ្ឋាន ឆ្ពោះទៅដល់ការបម្រើប្រជាជនឲ្យ កាន់តែប្រសើរឡើង។ ទោះបីដូច្នេះ នេះក៏ជាបរិយាកាសមួយសម្រាប់កម្លាំងអរិភាពបំផ្លិចបំផ្លាញ និងបំភ្លៃការពិត។ ជាមួយនឹងទំនៀមទម្លាប់ដ៏ថ្លៃថ្នូរ និងវប្បធម៌ដ៏យូរអង្វែង ប្រជាជនខេត្តអានយ៉ាងនិយាយរួម និងសហគមន៍ជនជាតិភាគតិចខ្មែរនិយាយដោយឡែក ចាំបាច់ត្រូវតែរួបរួម និងស្រុះចិត្តប្រឆាំងនឹងបំភ្លៃរបស់ពួកអរិភាព យល់ច្បាស់អំពីគោលការណ៍ត្រឹមត្រូវ រួមជាមួយអាជ្ញាធរមូលដ្ឋានរៀបចំក្បាលម៉ាស៊ីននិងអង្គភាពរដ្ឋបាលគ្រប់លំដាប់ថ្នាក់។ តាមរយៈនោះរួបរួមគ្នាកសាងខេត្តឲ្យកាន់តែសម្បូរសប្បាយសក្តិសមនឹងប្រពៃណី។
ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ តាងនាមគណៈអចិន្ត្រៃយ៍បក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្ត សមមិត្ត ឡេហុងក្វាង បានប្រគេនពរដល់ព្រះចៅអធិការវត្ត តាអាចារ្យ និងបងប្អូនខ្មែរទទួលបុណ្យចូលឆាំ្នថ្មីកក់ក្តៅ សុភមង្គល និងរីករាយ។
ក្នុងឱកាសនេះ សមមិត្ត ឡេហុងក្វាង លេខាបក្ខភាគទីរួមខេត្តទិញបៀន ក៏បានប្រគេនទេយ្យទានអបអរសាទរនៅតាមវត្តនានា ផងដែរ។
ប្រែ៖ ណារីពៅ
