ដើម្បីផ្សព្វផ្សាយទម្រង់មានប្រសិទ្ធភាពក្នុងការងារការពារបរិស្ថាន និងការបង្ការទប់ស្កាត់សំណល់ប្លាស្ទិក សម្ព័ន្ឋយុវជនខេត្តអានយ៉ាង បានបំផុសការប្រឡងវីដេអូឃ្លីបឃោសនាទម្រង់ការពារបរិស្ថាន និងបង្ការទប់ស្កាត់សំណល់ប្លាស្ទិកនៅលើបណ្តាញសង្គម Facebook ។
មុខសញ្ញាចូលរួមការប្រឡងគឺសម្ព័ន្ឋយុវជនថ្នាក់ឃុំសង្កាត់ និងទីរួមស្រុកលើភូមិសាស្ត្រខេត្ត។ អង្គភាពនីមួយៗផ្ញើរឃ្លីបវីដេអូមានប្រវែងមិនលើសពី ៥ នាទី ណែនាំអំពីទម្រង់ឬវិធីធ្វើមានប្រសិទ្ធភាពមួយដែលអនុវត្តដោយអង្គភាពផ្ទាល់ រួមជាមួយនឹងការពន្យល់ច្បាស់លាស់អំពីវិធីសាស្ត្រធ្វើ លទ្ធផល និងផលប៉ះពាល់ជាក់ស្តែង។ គណៈកម្មការរៀបចំបានលើកទឹកចិត្តអង្គភាពឲ្យមានភាពច្នៃប្រឌិតនៅក្នុងបទបង្ហាញ ដោយអាចរួមបញ្ចូលរូបភាព និងឯកសារដែលមានស្រាប់ការរៀបរាប់ និងការកាត់តយ៉ាងរស់រវើក ប៉ុន្តែនៅតែធានាការរក្សាសិទ្ធិ ភាពត្រឹមត្រូវ និងមិនបំពានច្បាប់ ឬទំនៀមទម្លាប់។
រយៈពេលផ្សព្វផ្សាយការប្រឡង ចាប់ពីថ្ងៃទី ២៣ ខែមីនា ដល់ថ្ងៃទី ៣១ ខែឧសភា ឆ្នាំ ២០២៥។ បន្ទាប់ពីបានត្រួតពិនិត្យ វីដេអូនេះនឹងបានបង្ហោះលើទំព័រយុវជន (សម្ព័ន្ឋយុវជនខេត្តអានយ៉ាង)។ បណ្តាអង្គភាពចូលរួមប្រឡងត្រូវអនុវត្តឲ្យគ្រប់ពីរជំហានគឺចូលចិត្តទំព័រអ្នកគាំទ្រ(like fanpage)និងចែករំលែកវីដេអូដែលចូលរួមប្រឡងរបស់ខ្លួនទៅលើទំព័រផ្ទាល់ខ្លួនក្នុងទម្រង់សាធារណៈ ដើម្បីធានាថាការប្រឡងនេះមានភាពត្រឹមត្រូវ។
នៅទីរួមខេត្តទិញបៀន ដើម្បីចូលរួមជ្រោមជ្រែងស្មារតីនៃការប្រឡង របស់សម្ព័ន្ធយុវជនជាច្រើនបានម្ចាស់ការ ច្នៃប្រឌិត ផ្សព្វផ្សាយទម្រង់ដ៏មានអត្ថន័យ និងជាក់ស្តែង។ លើកជាគំរូដូចជាទម្រង់បែងចែកប្រភេទកាកសំណល់ប្រជុំជីវភាពនៅតាមប្រភព ដើម្បីបង្កើនការយល់ដឹងអំពីការបែងចែកប្រភេទ និងដោះស្រាយកាកសំណល់នៅក្នុងគ្រួសារនីមួយៗ។ទម្រង់ “ផែនការតូច - អត្ថន័យធំ” ប្រមូលសំណល់អេតចាយ ដើម្បីបង្កើតមូលនិធិសម្រាប់សកម្មភាព ទាំងការការពារបរិស្ថានផង និងចិញ្ចឹមស្មារតីនៃការសន្សំផង។ ទន្ទឹមនិងនោះ ក៏មានទម្រង់ដូចជាការពារបរិស្ថាន ទប់ស្កាត់ការចោលសម្រាមប្លាស្ទិក ដាំដើមឈើបង្កើតបរិស្ថានបៃតងជ្រះស្អាត។ ទម្រង់កសាងទីក្រុងអារ្យធម៌ជាមួយនឹងសកម្មភាពអនាម័យបរិស្ថាន - ដាំដើមឈើដាំផ្កានៅតាមដងផ្លូវ។ បែងចែកប្រភេទកាកសំណល់ និងដោះស្រាយកាកសំណល់សរីរាង្គជាដើម។ ទម្រង់ទាំងនេះមិនត្រឹមតែរួមចំណែកដល់ការកែលម្អបរិយាកាសរស់នៅប៉ុណ្ណោះទេ ថែមទាំងសាយភាយសារនៃការរស់នៅបៃតង ការរស់នៅមានទំនួលខុសត្រូវចំពោះសហគមន៍ក្នុងសមាជិកសហជីព និងយុវជនម្នាក់ៗ។
តាមរយៈទម្រង់នៃឃ្លីបវីដេអូខ្លីៗ វណ្ណកម្មនីមួយៗនឹងជាសាច់រឿង ជាទម្រង់ ជាសារនៃការរស់នៅបៃតងបានបញ្ជូនយ៉ាងរស់រវើកដល់សហគមន៍បណ្តាញ។ ការផ្សព្វផ្សាយការប្រឡងនៅលើវេទិកាបណ្តាញសង្គម Facebook កន្លែងដែលមានអ្នកប្រើប្រាស់បណ្តាញសង្គមច្រើន ជាពិសេសគឺមជ្ឈដ្ឋានយុវវ័យ ជួយឲ្យការប្រឡងមានឥទ្ធិពលសាយភាយខ្លាំងក្លា ឈានទៅដល់សហគមន៍បានយ៉ាងឆាប់រហ័ស និងជំរុញការធ្វើអន្តរកម្មក្នុងសង្គមវិជ្ជមាន។
ការប្រឡងមិនត្រឹមតែជាឱកាសមួយសម្រាប់សម្ព័ន្ឋយុវជនគ្រប់លំដាប់ថ្នាក់ចែករំលែកបទពិសោធន៍ និងរៀនសូត្រពីគ្នាទៅវិញទៅមកប៉ុណ្ណោះទេ ថែមទាំងជាសកម្មភាពឃោសនាមួយដ៏ច្នៃប្រឌិតនិង លើកទឹកចិត្តដល់សកម្មភាពជាក់ស្តែងក្នុងសហគមន៍ក្នុងការថែរក្សាបរិស្ថានរស់នៅ និងកាត់បន្ថយកាកសំណល់ប្លាស្ទិកផងដែរ។ ការមើលនិងការចែករំលែកនីមួយៗនឹងជាជំហានមួយដើម្បីផ្សព្វផ្សាយសារបៃតង រួមចំណែកតម្រង់ទិសក្នុងការយល់ដឹង និងការប្រព្រឹត្តជាវិជ្ជមានក្នុងសង្គមទាំងមូល។ ការប្រឡងនេះមានអត្ថន័យជ្រាលជ្រៅ ដោយភ្ជាប់សកម្មភាពតូចតាចរបស់សម្ព័ន្ឋយុវជននីមួយៗ ជាមួយនឹងគោលដៅធំគឺការពារភពផែនដីបៃតង ដើម្បីអនាគតដោយចីរភាពសម្រាប់មនុស្សជំនាន់ក្រោយ៕
ប្រែ៖ ណារីពៅ
