ព្រឹកថ្ងៃទី ២៩ ខែវិច្ឆកា សមាគមគាំពារជនពិការ អ្នកជំងឺក្រីក្រនិងការពារសិទ្ឋកុមារខេត្តអានយ៉ាងបានរៀបចំមហាសន្និបាតតំណាងអាណត្តិ(២០២៤ – ២០២៩)។លោក ង្វៀនត្រុងដាម ប្រធានសមាគមគាំពារជនពិការនិងកុមារកំព្រាវៀតណាម។ លោក ឡេវ៉ាន់នឹង អនុលេខាប្រចាំការបក្ខភាគខេត្ត។លោកស្រី ដាំធីហ្វារ៉ី ប្រធានគណកម្មាធិការរណសិរ្សមាតុភូមិវៀតណាម។ លោក ងោកុងធឹក អនុប្រធានគណកម្មាធិការប្រជាជនខេត្តនិងថ្នាក់ដឹកនាំ សមាគមថ្នាក់ខេត្តនិងថ្នាក់សមាគមថ្នាក់ក្រុងនៅក្រៅមូលដ្ឋាន រួមជាមួយនឹងតំណាង ២៥០ រូបចូលរួម។
ក្នុងអាណត្តិកន្លងទៅនេះ សមាគមគាំពារជនពិការ កុមារកំព្រា និងអ្នកជំងឺក្រីក្រខេត្ត បានអំពាវនាវចលនាថវិកាបានជាង ៤៦១ពាន់លានដុង ដើម្បីជួយឧបត្ថម្ភដល់ប្រជាជនរាប់លាននាក់។ ជាក់ស្តែង ឧបត្ថម្ភជាប្រចាំជាប្រាក់ ឬអាហារសម្រាប់ជនពិការ និងកុមារកំព្រាជាង ២៨១.០០០នាក់ មានចំនួនជិត ៦០ពាន់លានដុង។ ជំនួយសង្គ្រោះដោយចៃដន្យដល់ប្រជាជនជាង ៣៩៥.០០០នាក់ជាមួយនឹងចំនួនទឹកប្រាក់ជិត ៩៣ ពាន់លានដុង។ ពិនិត្យជំងឺ និងចែកថ្នាំដោយឥតគិតថ្លៃសម្រាប់ប្រជាជនជាង ២៥១.០០០នាក់ ជាមួយទឹកប្រាក់ជាង ១៣ ពាន់លានដុង។ ឧបត្ថម្ភដល់អ្នកជំងឺក្រីក្រ និងសិស្សក្រីក្រជាង ១៦០.០០០នាក់ គិតជាទឹកប្រាក់ជាង ៥៦ពាន់លានដុង។ ទន្ទឹមនិងនោះ សមាគមខេត្តស្រុក ក្រុង បានបំផុសចលនារៀបចំផ្តល់អំណោយបុណ្យចូលឆាំ្នថ្មីវៀតណាម និងផ្តល់អំណោយក្នុងទិវាកុមារអន្តរជាតិ និងបុណ្យសែនព្រះខែជាដើម។ ក្រៅពីនេះ សមាគមខេត្ត និងសមាគមនៅតាមស្រុក ទីរួមខេត្ត ក្រុងបានអនុវត្តបានយ៉ាងល្អនូវកម្មវិធីសំខាន់ៗរបស់សមាគមមជ្ឈិមដាក់ចេញ ដូចជា៖ ចលនាការវះកាត់ប្តូរកែវភ្នែកសម្រាប់អ្នកក្រីក្រ។ ជូនរទេះជនពិការដល់ជនពិការ ជូនកង់ដល់សិស្សក្រីក្រជាដើម។ តាមរយៈនោះ ភារកិច្ចនៃអាណត្តិ(២០២៤ - ២០២៩)របស់សមាគមខេត្តអានយ៉ាង នឹងផ្តោតលើការអនុវត្តកម្មវិធីការងារចំនួន ៦ របស់សមាគមមជ្ឈិម ជាក់ស្តែង៖ វះកាត់ដាក់កែវភ្នែកសម្រាប់ជនពិការភ្នែកក្រីក្រ។ ស្វែងរកប្រភពដើម្បីធ្វើការវះកាត់ឆ្អឹងស្តារមុខងារប្រព័ន្ឋចលនា សម្រាប់កុមារស្វិតអាវយីវៈនិងវះកាត់បេះដូងពីកំណើត។ព្យាយាមដោះស្រាយការបង្រៀនវិជ្ជាជីវៈ និងការងារសម្រាប់អ្នកដែលមានលក្ខណៈនិងបំណងប្រាថ្នា។ អនុវត្តកម្មវិធីរបររកទទួលទានផ្សារភ្ជាប់នឹងការកសាងជនបទថ្មី។
មហាសន្និបាតឯកភាពបោះឆ្នោតជ្រើសរើសគណៈប្រតិភូចំនួន ៣៦រូបចូលក្នុងគណៈកម្មាធិការអាណត្តិថ្មី លោក ទ្រឿងមិញធ្វឺន អតីតប្រធានមន្ទីរព័ត៌មាន និងសារគមនាគមន៍ខេត្តមានទំនុកចិត្តបានបោះឆ្នោតជ្រើសរើសឲ្យធ្វើជាប្រធានសមាគមគាំពារជនពិការ អ្នកជំងឺក្រីក្រ និងការពារសិទ្ធិកុមារខេត្តអានយ៉ាង លើកទី៧ អាណត្តិ (២០២៤-២០២៩)។
តាងនាមបក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តលោក ងោកុងធឹក អនុប្រធានគណៈកម្មាធិការប្រជាជនខេត្ត បានកោតសរសើរចំពោះការខិតខំប្រឹងប្រែង និងលទ្ធផលដែលមានអត្ថន័យជ្រាលជ្រៅដែលសមាគមគាំពារជនពិការ កុមារកំព្រា និងអ្នកជំងឺក្រីក្រខេត្តសម្រេចបានក្នុងរយៈពេលកន្លងមក។ ទន្ទឹមនឹងនោះស្នើសុំ ត្រូវតែបន្តពង្រឹង និងពង្រីកអង្គភាពមូលដ្ឋានសមាគម ដើម្បីក្តាប់បានច្បាស់ជាងទៀតនូវមុខសញ្ញាដែលត្រូវការជួយឧបត្ថម្ភ។ មានបន្ថែមទម្រង់ចលនា និងការគាំទ្រជាច្រើនដែលមានប្រសិទ្ធភាពជាងមុននៅក្នុងសកម្មភាពនៃខ្លួន។ សហការបានល្អប្រសើរជាងទៀតជាមួយស្ថាប័នព័ត៌មាន និងសារគមនាគមន៍ ដើម្បីផ្សព្វផ្សាយ និងផ្តល់ព័ត៌មានអំពីសកម្មភាពជាក់ស្តែងរបស់សមាគម។ ជាពិសេសលើកសរសើរគំរូឆ្នើមរបស់សប្បុរសជន និងអង្គការសប្បុរសធម៌នានានៅក្នុង និងក្រៅខេត្ត ដើម្បីបង្កើតបន្ថែមការសាយភាយ និងការគាំទ្រពីសហគមន៍ និងសង្គម រួមចំណែកលើកកម្ពស់ប្រសិទ្ធភាពការងារសង្គមូបនីយកម្មសកម្មភាពថែទាំជនពិការ កុមារកំព្រានិងអ្នកជំងឺក្រីក្រ។
ក្នុងឱកាសនេះ សមាគមមជ្ឈិមគាំពារជនពិការ កុមារកំព្រា និងអ្នកជំងឺក្រីក្រវៀតណាម និងគណៈកម្មាធិការប្រជាជនខេត្តអានយ៉ាង បានប្រគល់មេដាយ និងប័ណ្ណសរសើរដល់សមូហភាព និងបុគ្គលជាច្រើនដែលមានស្នាដៃឆ្នើមក្នុងបុព្វហេតុគាំពារជនពិការ កុមារកំព្រា និងអ្នកជំងឺក្រីក្រវៀតណាម និងក្នុងការធ្វើសកម្មភាពរបស់សមាគមគាំពារជនពិការ កុមារកំព្រា និងអ្នកជំងឺក្រីក្រសម្រាប់អាណត្តិ ២០១៨ - ២០២៣៕
ប្រែ៖ ណារីពៅ
