ដើម្បីបង្កើនការតភ្ជាប់និងបើកទូលាយកិច្ចសហប្រតិបត្តិការជាក់ស្តែងរវាងខេត្តអានយ៉ាងជាមួយនឹងទីក្រុង ហូជីមិញនិងខេត្តក្រុងក្នុងតំបន់វាលទំនាបទន្លេគឺវឡុង ដែលក្នុងនោះស្នូលជាខេត្តជាខេត្តមេគង្គ ABCD ចំនួន ៤ (អានយ៉ាង - បេនទ្រែ - កឹនធើ - ដុងថាប) និងបណ្តាខេត្តដែលចូលរួមគឺវិញឡុង ហូវយ៉ាង ក្នុងរយៈពេល ២ ថ្ងៃ ១៧ និង ១៨ ខែធ្នូ ឆាំ្ន២០២៤ នៅសកលវិទ្យាល័យអានយ៉ាង ខេត្តអានយ៉ាង ដែលជាម្ចាស់ផ្ទះរៀបចំវេទិកាមេគង្គតភ្ជាប់។
តភ្ជាប់និងអភិវឌ្ឍន៍ជាមួយគ្នា
តំបន់វាលទំនាបទន្លេគឺវឡុង - ជង្រុកស្រូវ ជង្រុកត្រី ជង្រុកផលិតផលកសិកម្ម ទីក្រុងហូជីមិញ ជាមជ្ឈមណ្ឌលសេដ្ឋកិច្ច និងបច្ចេកវិទ្យានាំមុខគេរបស់ប្រទេស។ តំបន់ដីទាំងពីរជាមួយនឹងបំណងប្រាថ្នាតភ្ជាប់ ឆ្ពោះទៅរកការអភិវឌ្ឍន៍ជាមួយគ្នាជានិរន្តរភាព ក្នុងបរិបទថ្មីនិងលំហថ្មី។ តាមនោះ ចាប់តាំងពីការរៀបចំដំបូងគេក្នុងឆ្នាំ ២០១៥ មេគង្គតភ្ជាប់បានក្លាយជាវេទិកាប្រចាំឆ្នាំដ៏មានកិត្យានុភាព ដែលជាស្ពានតភ្ជាប់ដ៏រឹងមាំរវាងខេត្តតំបន់វាលទំនាបទន្លេគឺវឡុងជាមួយទីក្រុងហូជីមិញ និងប្រទេសទាំងមូល។ បានផ្តើមចេញពីគំនិតផ្តួចផ្តើមតភ្ជាប់តំបន់មេគង្គ ABCD (អនាយ៉ាង - បេនទ្រែ - កឹនធើ - ដុងថាប) បន្ទាប់មកគឺទីក្រុងហូជីមិញ។មេគង្គតភ្ជាប់ មិនត្រឹមតែជាកន្លែងផ្តុំគំនិតផ្តួចផ្តើមនិងច្នៃប្រឌិតប៉ុណ្ណោះទេ ថែមទាំងជាកន្លែងសម្រាប់មូលដ្ឋាន អាជីវកម្ម អ្នកជំនាញ និងអ្នកបង្កើតគោលនយោបាយ ដើម្បីពិភាក្សា និងស្នើដំណោះស្រាយជាក់ស្តែង ដើម្បីជំរុញការអភិវឌ្ឍន៍ប្រកបដោយចីរភាពសម្រាប់តំបន់ទាំងមូល។
ឆ្នាំនេះ ដោយប្រធានបទ “ជំរុញខ្លាំងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងបច្ចេកវិជ្ជា រវាងតំបន់វាលទំនាបទន្លេគឺវឡុង - ទីក្រុងហូជីមិញ និងប្រទេសទាំងមូលឆ្ពោះទៅរកការអភិវឌ្ឍន៍ប្រកបដោយចីរភាពក្នុងបរិបទប្រកួតប្រជែងថ្មី” វេទិកាមេគង្គតភ្ជាប់ឆ្នាំ ២០២៤ នឹងប្រព្រឹត្តទៅនៅខេត្តអានយ៉ាង ជាថ្មីម្តងទៀតបញ្ជាក់ពីតួនាទីឈានមុខក្នុងការតភ្ជាប់បណ្តាតម្លៃសេដ្ឋកិច្ចសង្គម និងបរិស្ថាន។ មេគង្គតភ្ជាប់ ២០២៤ ត្រូវបានគាំពារដោយក្រសួងវិទ្យាសាស្ត្រ និងបច្ចេកវិជ្ជា ក្រសួងកសិកម្ម និងអភិវឌ្ឍន៍ជនបទ។ អាស្រ័យដោយគណៈកម្មាធិការប្រជាជនខេត្តអានយ៉ាងនិងគណៈកម្មាធិការប្រជាជនទីក្រុងហូជីមិញរៀបចំឡើង រួមជាមួយការចូលរួមពីគណៈកម្មាធិការប្រជាជន ខេត្ត៖ បេនទ្រែ ដុងថាប ហូវយ៉ាង វិញឡុង និងទីក្រុងកឹនធើ។
បានសន្និដ្ឋានថានឹងមានគណៈប្រតិភូ ភ្ញៀវ ថ្នាក់ដឹកនាំជាន់ខ្ពស់ អ្នកជំនាញការ ធុរកិច្ចក្នុងប្រទេស និងអន្តរជាតិ មជ្ឈិម និងមូលដ្ឋានជិត ១០០០ នាក់ និងអ្នកសារព័ត៌មាន ១០០ នាក់ រឿងរ៉ាវចាប់ផ្តើមអាជីពបៃតង និងគំនិតច្នៃប្រឌិតពីធនធានជនជាតិដើមភាគតិច បណ្តាទម្រង់សេដ្ឋកិច្ចរង្វង់មូល សហប្រតិបត្តិការរវាងរដ្ឋនិងឯកជនជាដើម បានផ្តុំនៅមេគង្គតភ្ជាប់ ២០២៤ នេះ។ មេគង្គតភ្ជាប់ ២០២៤ នឹងជាកន្លែងដែលគំនិតធំៗជួបគ្នា និងដំណោះស្រាយជាក់ស្តែងត្រូវបានចែករំលែក រឿងរ៉ាវចាប់ផ្តើមអាជីវកម្មដោយនិរន្តរភាពត្រូវបានសាយភាយ។ នេះមិនត្រឹមតែជាព្រឹត្តិការណ៍នោះទេ វាគឺជាដំណើរមួយដើម្បីបង្កើតអនាគត កន្លែងដែលអ្នករាល់គ្នារួមដៃគ្នាដើម្បីភាពរុងរឿងយូរអង្វែង។
បណ្តាសកម្មភាពផុលផុសនិងជាក់ស្តែង
ក្នុងរយៈពេល ២ថ្ងៃ (ថ្ងៃទី ១៧ និង ១៨ ខែធ្នូ) មេគង្គតភ្ជាប់ ២០២៤ នឹងនាំមកនូវសកម្មភាពជាក់ស្តែង រំភើប មានន័យ និងជាក់ស្តែង។ ជាក់ស្តែងនៅម៉ោង ៨ និង ០០នាទី ព្រឹក ថ្ងៃទី ១៧ ខែធ្នូ បើកដំណើរកាសកម្មភាពមេគង្គតភ្ជាប់។ សកម្មភាពតាំងពិព័រណ៌ នឹងប្រព្រឹត្តទៅពីម៉ោង ៧ និង ០០ នាទីព្រឹក ថ្ងៃទី១៧ ខែធ្នូ ដល់ម៉ោង ១២និង០០នាទី ថ្ងៃទី១៨ ខែធ្នូ ដោយប្រធានបទ៖ “ទីក្រុងហូជីមិញ និងតំបន់វាលទំនាបទន្លេគឺវឡុង បង្កើនការតភ្ជាប់ ពង្រីកធនធានផ្ទៃក្នុងឆ្ពោះទៅការអភិវឌ្ឍន៍ដោយចីរភាព” ខេត្តអានយ៉ាងនឹងផ្សព្វផ្សាយរូបភាពទេសចរណ៍ វិនិយោគ ឌីជីថលភាវូបនីយកម្ម ផលិតផល OCOP និងផលិតផលពិសេសរបស់ខេត្តអានយ៉ាង។ បណ្តាខេត្ត និងក្រុងផ្សេងៗទៀតបង្ហាញពីសមិទ្ធិផល គំនិតផ្តួចផ្តើម ដំណោះស្រាយ ទម្រង់អាជីវកម្ម ឬផលិតផលថ្មីតាមនិន្នាការសេដ្ឋកិច្ចបៃតង និងឌីជីថល។ ចាប់ពីម៉ោង ៨ និង ៣០ នាទី ដល់ម៉ោង ១២ ថ្ងៃទី ១៧ ខែធ្នូ នឹងប្រព្រិត្តឡើងទិវាបុណ្យអន្តរជាតិផ្តើមអាជីពបៃតង ដោយមានការផ្លាស់ប្តូរពី “រឿងរ៉ាវនិងដំណើរចាប់ផ្តើមអាជីព” របស់សហគ្រិនកសិកម្មបៃតងឆ្នើម ដែលទទួលបានពានរង្វាន់ក្នុងរយៈពេល ១០ ឆ្នាំកន្លង រួមជាមួយនឹងក្រុមចាប់ផ្តើមអាជីវកម្មវ័យក្មេង នៃ ខេត្តនានាដែលរួមដំណើរជាមួយមេគង្គតភ្ជាប់នៅឆ្នាំនេះ ការផ្លាស់ប្តូរអន្តរជាតិ ចែករំលែកនូវបទពិសោធន៍ជោគជ័យនៃគម្រោងចាប់ផ្តើមអាជីពអន្តរជាតិ។
សកម្មភាពមួយដ៏ផុលផុសនៅក្នុងវេទិកាគឺការផ្សាយបន្តផ្ទាល់លក់ផលិតផលកសិកម្ម ដោយមានប្រធានបទ៖ “ជំរុញពាណិជ្ជកម្មដោយនិរន្តរភាពផ្អែកលើធនធានជនជាតិដើមភាគតិច” ចាប់ពីម៉ោង ១០ និង ០០នាទី ដល់ ២៣និង០០នាទីយប់ ថ្ងៃទី ១៧ ខែធ្នូ នៅសាលប្រជុំសកលវិទ្យាល័យអានយ៉ាង។ ចាប់ពីម៉ោង ១៣ ដល់ម៉ោង ១៧ និង ៩នាទី ថ្ងៃទី ១៧ ខែធ្នូ មានសិក្ខាសាលាមួយក្នុងប្រធានបទ “ការអភិវឌ្ឍន៍ធនធានជនជាតិដើមភាគតិច និងសេដ្ឋកិច្ចក្នុងតំបន់ តាមរយៈតភ្ជាប់តំបន់ក្នុងបរិបទប្រកួតប្រជែងថ្មី” នឹងខ្លឹមសារសន្និដ្ឋានពិភាក្សា ដូចជា៖ លើកកម្ពស់ខ្សែចង្វាក់តម្លៃដូងក្នុងការនាំចេញដោយបច្ចេកវិជ្ជាថ្មី។ ទម្រង់នៃការប្រើប្រាស់ឡើងវិញនូវកាកសំណល់សរីរាង្គ និងអនុផលកសិកម្មដើម្បីបង្កើតផលិតផលជីវសាស្រ្តសម្រាប់ផលិតកម្ម។ រំដោះសក្តានុពលសេដ្ឋកិច្ចរុក្ខឱសថនៅតំបន់វាលទំនាបទន្លេគឺវឡុង។ ប្រពពដើមទុនហិរញ្ញវត្ថុសម្រាប់គម្រោងកសិកម្មបៃតង។រៀបចំយុទ្ធសាស្រ្តចែកចាយឡើងវិញនៅក្នុងទីផ្សារដែលងាយនឹងប្រែប្រួល។ បណ្តានិន្នាការធំនៃទីផ្សារប្រើប្រាស់នៅឆ្នាំ ២០២៥។ជាពិសេស កិច្ចប្រជុំពេញអង្គនៃវេទិកាមេគង្គតភ្ជាប់ឆ្នាំ ២០២៤ នឹងចាប់ផ្តើមប្រព្រឹត្តទៅពីម៉ោង ៨ ដល់ម៉ោង ១២ ថ្ងៃទី ១៨ ខែធ្នូ ដោយមានប្រធានបទ៖ “ប្រភពទុនវិនិយោគនិងធនធានមនុស្សសម្រាប់ការតភ្ជាប់ប្រកបដោយនិរន្តរភាព”។
លោក ហូវ៉ាន់ម៉ឹង សមាជិកបម្រុង នៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានចែករំលែកថា៖ “នេះជាលើកដំបូងហើយដែលខេត្តអានយ៉ាង ធ្វើជាម្ចាស់ផ្ទះរៀបចំវេទិកាមេគង្គតភ្ជាប់នេះ។ អានយ៉ាងសង្ឃឹមថា តាមរយៈវេទិកានេះ វាគ្មិន អ្នកជំនាញការ និងអ្នកវិទ្យាសាស្ត្រនឹងរួមចំណែកដល់មូលដ្ឋានក្នុងតំបន់វាលទំនាបទន្លេគឺវឡុងនិយាយរួម និងអានយ៉ាង បេនទ្រែ កឹនធើ ដុងថាបនិងទីក្រុងហូជីមិញនិយាយដោយឡែក បន្តមានឱកាសអភិវឌ្ឍន៍ផ្អែកលើសក្តានុពល ភាពខ្លាំងរបស់យើង។ ទន្ទឹមនឹងនោះ តាមរយៈសម័យប្រជុំប្រធានបទ គឺជាឱកាសសម្រាប់វិនិយោគិនបន្តស្វែងយល់អំពីកាលានុវត្តភាពវិនិយោគនៅតាមមូលដ្ឋានក្នុងតំបន់ ABCD មេគង្គតភ្ជាប់ ជាពិសេសគឺការវិនិយោគលើការអភិវឌ្ឍន៍សេដ្ឋកិច្ចតាមព្រំដែនក្នុងតំបន់នៅតំបន់វាលទំនាបទន្លេគឺឡុងនិយាយរួម និងខេត្តអានយ៉ាងនិយាយដោយឡែក។
វេទិកាមេគង្គតភ្ជាប់មានគោលបំណងបង្កើតកិច្ចព្រមព្រៀងសហប្រតិបត្តិការអភិវឌ្ឍន៍សេដ្ឋកិច្ចសង្គមរវាងទីក្រុងហូជីមិញ និងខេត្ត ក្រុងក្នុងតំបន់វាលទំនាបទន្លេគឺវឡុង។ ទន្ទឹមនឹងនោះ អនុវត្តការប្តេជ្ញាចិត្តតភ្ជាប់សហប្រតិបត្តិការទូទាំងតំបន់វាលទំនាបទន្លេគឺវឡុង និងទីក្រុងហូជីមិញ តាមរយៈនោះ ណែនាំដល់វិនិយោគគិនក្នុងនិងក្រៅប្រទេសអំពីសក្តានុពល និងភាពខ្លាំងតាមផែនការរបស់ខេត្តបានអនុម័ត្រ ជំរុញការតភ្ជាប់តំបន់ និងការគាំទ្ររបស់មជ្ឈិមសម្រាប់ការវិនិយោគក្នុងការអភិវឌ្ឍន៍សេដ្ឋកិច្ចរបស់ខេត្ត។ តាមរយៈនោះ បង្កលក្ខណៈអំណោយផលសម្រាប់ការបង្កើតតំណភ្ជាប់ខ្សែចង្វាក់តម្លៃ ចាប់យកនិន្នាការទីផ្សារ តម្រង់ទិសសម្រាប់កសិកម្ម អនុវត្តបច្ចេកវិជ្ជាដើម្បីតភ្ជាប់ខ្សែចង្វាក់តម្លៃ លើកកម្ពស់តម្លៃបង្កើនលើតម្លៃ ជំរុញខ្លាំងពាណិជ្ជកម្មកសិផល និងបង្កើនការធ្វើសមាហរណកម្មទីផ្សារ៕
ប្រែ៖ ណារីពៅ
