នៅថ្ងៃទី ២ សីហា គណៈប្រតិភូរដ្ឋសភាដឹកនាំដោយលោក ឡេមីញហ្វាង សមាជិកគណៈកម្មាធិការមជ្ឈិមបក្ស និងជាអនុប្រធានរដ្ឋសភា បានអញ្ជើញទៅអង្កេតជាក់ស្តែងការអនុវត្តសេចក្តីសម្រេចចិត្តលេខ ៦៦/២០១៣/QH13 របស់រដ្ឋសភាស្តីពីគម្រោងផ្លូវហូជីមិញ ពីរ៉ាច់សយ– បេនញ៉ុតនិងពីហ្គោក្វាវ - វិញធួនឆ្លងកាត់ខេត្តអានយ៉ាង។
គណប្រតិភូការងារបានពិនិត្យជាក់ស្តែងលើផ្លូវ រ៉ាច់សយ - បេកញ៉ុត - ហ្គោក្វាវ - វិញធួន នៅចំណុចប្រសព្វផ្លូវជាតិលេខ ៦១ (ឃុំហ្គោក្វាវ) និងផ្លូវខេត្តលេខ ៩៦២ ផ្នែកឆ្លងកាត់កំពង់ចម្លង សាងគូត (ឃុំវិញទ្វី) ស្តាប់គណគ្រប់គ្រងគម្រោងផ្លូវហូជីមិញ និងគណៈកម្មាធិការប្រជាជនខេត្តអានយ៉ាង និងកាម៉ៅ រាយការណ៍ជូនគណប្រតិភូការងារអំពីស្ថានភាពផ្សព្វផ្សាយអនុវត្តគម្រោង។
យោងតាមរបាយការណ៍របស់មន្ទីរស្ថាបនកម្ម គម្រោងផ្លូវហូជីមិញ មានប្រវែងសរុប ៥១,៩៤គីឡូម៉ែត្រ។ ក្នុងនោះ គម្រោងនេះឆ្លងកាត់ខេត្តគៀនយ៉ាង (បច្ចុប្បន្នខេត្តអានយ៉ាង) ប្រវែង ៤៥,៣ គីឡូម៉ែត្រ។ ខេត្តបាកលីវ (ឥឡូវជាខេត្តកាម៉ៅ) មានចម្ងាយ ៦,៦៧ គីឡូម៉ែត្រ។ គម្រោងនេះអាស្រ័យដោយគណគ្រប់គ្រងគម្រោងទីក្រុងហូជីមិញជាម្ចាស់វិនិយោគ ជាមួយទុនវិនិយោគសរុបជាង ៣.៩០៤ ពាន់លានដុង។ ចាប់ផ្តើមសាងសង់ពីខែមីនា ឆ្នាំ ២០២៤ ហើយបានសន្និដ្ឋានថានឹងបញ្ចប់នៅឆ្នាំ ២០២៥។
បច្ចុប្បន្ន គម្រោងនេះបានរំដោះផ្ទៃរាប និងប្រគល់ផ្ទៃរាបទៅឲ្យវិនិយោគគិនចំនួន ៤៣,៥៣៣ គីឡូម៉ែត្រ/៤៥,៣គីឡូម៉ែត្រ សម្រេចបាន ៩៦,១៦%គីឡូម៉ែត្រ។ ផ្ទៃដីសរុបនៃការដកហូត ១៥៨,១១ហិកតា/២.១៥៦គ្រួសារ។ បច្ចុប្បន្ន អ្នកម៉ៅការបានចូលរួមដើម្បីសាងសង់ស្ពានឲ្យបាន ២៤/២៥ និងផ្នែកផ្លូវដែលបានប្រគល់ជូនឲ្យបានរួចរាល់។ ផ្សព្វផ្សាយសាងសង់តំបន់តាំងទីលំនៅថ្មីចំនួន ៣ (១,៧ហិកតា) ជូនដល់ប្រជាជនដែលត្រូវរងផលប៉ះពាល់។
ឆ្នាំ ២០២៥ បែងចែកដើមទុនសម្រាប់រំដោះផ្ទៃរាបជាង ១៧៧ពាន់លានដុង។ បច្ចុប្បន្ន បញ្ចេញថវិកាបានជាង ១០៩/១៧៧ ពាន់លានដុង សម្រេចបាន ៦២%។ បរិមាណផលសំណង់បានបង្គររហូតមកដល់បច្ចុប្បន្ន៖ ប្រមាណ ១.១៦៣,៥/២.៨០០,៦៧ពាន់លានដុង សម្រេចបាន ៤១,៥៤%។ អ្នកម៉ៅការបានរៀបចំច្រមុះការងារសាងសង់ចំនួន ១១៧ និងផ្សព្វផ្សាយសាងសង់រចនាសម្ព័ន្ឋផ្នែកខាងក្រោមស្ពានចំនួន ២១។
យោងតាមលោក យ៉ាងថាញខ្វា អនុប្រធានគណៈកម្មាធិការប្រជាជនខេត្តអានយ៉ាង បច្ចុប្បន្ន មូលដ្ឋានកំពុងណែនាំស្ថាប័នជំនាញផ្តល់កំណត់ត្រា និងឯកសារពាក់ព័ន្ធដល់ការរំដោះផ្ទៃរាប និងការតាំងទីលំនៅថ្មីនៃគម្រោងផ្លូវហូជីមិញ ដើម្បីប្រគល់ផ្ទៃរាបនាពេលឆាប់ៗនេះ។ ទន្ទឹមនឹងនោះ ណែនាំការផ្ទេរថ្មគ្រប់ប្រភេទប្រមាណ ២០០.០០០ ម៣ ពីប្រភពថ្មនៃគម្រោងផ្លូវល្បឿនលឿនជើង-ត្បូង ដែលលែងត្រូវការប្រើប្រាស់សម្រាប់គម្រោងផ្លូវហូជីមិញ។
ទន្ទឹមនិងនោះ ស្នើក្រសួងស្ថាបនកម្ម និងគណៈគ្រប់គ្រងគម្រោងផ្លូវហូជីមិញ ឲ្យយកចិត្តទុកដាក់លើការកែសម្រួលលូប្រអប់លេខគ.ម៥៩+៤៨២,៧៦ ឲ្យបានឆាប់រហ័ស ជើងទម្រស្ពានមានលក្ខណៈបច្ចេកទេសប្រហាក់ប្រហែលនឹងស្ពានប្រឡាយបាបាង ដែលសាងសង់លើផ្លូវល្បឿនលឿនជើង-ត្បូង ភាគខាងកើតតាមខ្លឹមសារឯកសាររបស់ខេត្តដែលបានស្នើ។ ស្នើរដ្ឋសភាឲ្យយកចិត្តទុកដាក់ និងឯកភាពលើគោលការណ៍ផ្តល់ទុនបន្ថែម ដើម្បីបន្តលើកកម្ពស់ផ្ទៃផ្លូវហូជីមិញ ពីកំណាត់ផ្លូវជាតិលេខ៦១ ចាប់ពីគ.ម៦៧-គ.ម៨០ ព្រោះផ្ទៃផ្លូវចាក់គ្រោះក្រាលកៅស៊ូបានដំណើរការជាង១០ឆ្នាំមកហើយ ឥឡូវនេះចុះគុណភាព ខូចខាតធ្ងន់ធ្ងរ បង្កប់ហានិភ័យអត់សុវត្ថិភាពចរាចរណ៍។
ថ្លែងមតិបញ្ចប់ក្នុងកិច្ចប្រជុំ លោក ឡេមីញហ្វាង អនុប្រធានរដ្ឋសភា បានសង្កត់ធ្ងន់ថា៖ គម្រោងផ្លូវហូជីមិញ គឺជាគម្រោងរបស់ប្រជាជន មានអត្ថន័យផ្សារភ្ជាប់រវាងប្រទេសជាតិមាតុភូមិនិងប្រជាជន និងជានិមិត្តសញ្ញាជាតិ។ ដូច្នេះ ការផ្សព្វផ្សាយចាំបាច់ត្រូវតែខ្លាំងក្លា មានបែបបទនិងស៊ីជម្រៅនូវផ្នែកនីមួយៗ។
លោក ឡេមីញហ្វាង អនុប្រធានរដ្ឋសភា តម្រូវឲ្យក្រសួងស្ថាបនកម្មមានរបាយការណ៍ដោយឡែកអំពីល្បឿននៃផ្នែកទាំងពីរ រ៉ាច់សយ - បេនញ៉ុតនិង ហ្គោក្វាវ - វិញធួន ធ្វើល្អពីភារកិច្ចនីមួយៗ និងពេលវេលានីមួយៗដើម្បីរាយការណ៍ជូនរដ្ឋសភាក្នុងខែតុលា ឆ្នាំ ២០២៥។
ក្រសួងស្ថាបនកម្ម និងគណគ្រប់គ្រងគម្រោងផ្លូវហូជីមិញ សហការយ៉ាងហ្មត់ចត់ជាមួយក្រសួងកសិកម្ម និងបរិស្ថាន និងអាជ្ញាធរខេត្តអានយ៉ាងនិងកាម៉ៅដើម្បីក្តាប់បានស្ថានភាពបច្ចុប្បន្ន រាយការណ៍ជាក់ស្តែងអំពីល្បឿនអនុវត្ត ជាពិសេសគឺការងាររំដោះផ្ទៃរាបនិងតាំងទីលំនៅថ្មី ចលនាយ៉ាងសកម្ម និងគាំទ្រប្រជាជនក្នុងការផ្លាស់ប្តូរទីលំនៅនិងរៀបចំតំបន់តាំងលំនៅថ្មី ទូទាត់សំណងតាមបទប្បញ្ញត្តិ រួមទាំងការគាំទ្រថវិកាជួលផ្ទះក្នុងរយៈពេលរង់ចាំលំនៅដ្ឋានថ្មីស្ថិរភាព ត្រួតពិនិត្យ និងពិនិត្យឡើងវិញករណីជាក់លាក់នីមួយៗ ស្តាប់ការគិត និងបំណងរបស់ប្រជាជន ដោះស្រាយស្របតាមច្បាប់ ធានាថាសមហេតុសមផល៕
ប្រែ៖ ណារីពៅ
