ចាប់ពីថ្ងៃទី ០១ ខែធ្នូដល់ថ្ងៃទី ០៧ ខែធ្នូ ឆ្នាំ ២០២៤ នៅប្រទេសប៉ារ៉ាហ្គាយនឹងប្រព្រឹត្តទៅសម័យប្រជុំលើកទី ១៩ នៃគណៈកម្មាធិការអន្តររដ្ឋាភិបាលសម្រាប់ការការពារបេតិកភណ្ឌវប្បធម៌អរូបី (អនុសញ្ញាឆ្នាំ ២០០៣) ក្រោមអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (ហៅថាយូណេស្កូ)។ តាមនោះ ឯកសារតែងតាំងសម្រាប់ពិធីបុណ្យលោកយាយភ្នំស្វាម ត្រូវបានដាក់ជូនអង្គការ UNESCO ហើយនឹងត្រូវបានវាយតម្លៃក្នុងសម័យប្រជុំនេះ។ ឆ្លើយតបតាមការអញ្ជើញរបស់លោកអគ្គនាយក UNESCO គណៈប្រតិភូការងារខេត្តអានយ៉ាង ដឹកនាំដោយសមមិត្ត ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តបានចូលរួមកិច្ចប្រជុំនេះ។
មុនពេលបើកសម័យប្រជុំលើកទី ១៩ របស់អង្គការយូណេស្កូ សមមិត្ត ឡេហុងក្វាង លេខាបក្ខភាគខេត្ត មានបទសម្ភាសន៍ជាមួយអ្នកយកព័ត៌មានស្ថានីយ៍វិទ្យុ និងទូរទស្សន៍អានយ៉ាង។
អ្នកយកព័ត៌មាន៖ បាទសូមគោរព សមមិត្ត ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ពិធីបុណ្យលោកយាយភ្នំស្វាមបានក្លាយជាផ្នែកមួយដែលមិនអាចខ្វះបានក្នុងជីវិតវប្បធម៌ និងជំនឿសាសនារបស់ប្រជាជនខេត្តអានយ៉ាង។ តើសមមិត្តអាចចែករំលែកអារម្មណ៍របស់សមមិត្តអំពីតម្លៃពិសេសនៃពិធីបុណ្យនេះបានទេបាទ?
សមមិត្ត ឡេហុងក្វាង៖ ពិធីបុណ្យលោកយាយភ្នំស្វាម គឺជាបេតិកភណ្ឌវប្បធម៌អរូបីដែលមានតម្លៃពិសេស មិនត្រឹមតែសម្រាប់ប្រជាជនខេត្តអានយ៉ាង ប៉ុណ្ណោះទេ ថែមទាំងសម្រាប់សហគមន៍ប្រជាជនភាគខាងត្បូងទូទៅផងដែរ ដែលផ្សារភ្ជាប់នឹងប្រវត្តិសាស្ត្រ ១៩២ ឆ្នាំនៃការបង្កើត និងការអភិវឌ្ឍន៍ខេត្តអានយ៉ាង (ថ្ងៃទី ២២ ខែវិច្ឆិកា ឆ្នាំ ១៨៣២ ដល់ថ្ងៃទី ២២ ខែវិច្ឆិកា ឆ្នាំ ២០២៤)។
តាមរយៈសកម្មភាព “អនុវត្តជាក់ស្តែង” មហោស្រពបាន “បញ្ជូន” មកដល់មនុស្សជំនាន់នេះឲ្យយល់កាន់តែច្បាស់អំពីទំនៀមទម្លាប់ សីលធម៌ និងការប្រាស្រ័យទាក់ទងក្នុងសង្គមពីរឿងរ៉ាវនៃដំណើរកានឆ្ការ រានទឹករាន ការពារទឹកដីភាគខាងត្បូងនៃមាតុភូមិ ទស្សនៈពិភពលោក និងទស្សនៈជីវិតរបស់បុព្វការីជនជាដើម។ រួមចំណែក អប់រំប្រពៃណីយុវជនជំនាន់ក្រោយអំពីស្នេហាជាតិ ស្រឡាញ់មាតុភូមិ និងការដឹងគុណ គោរពនូវតម្លៃប្រភពដើម។
ដោយសារតម្លៃសំខាន់ៗពិសេសទាំងនេះ លោកនាយករដ្ឋមន្ត្រីរដ្ឋាភិបាល ផាមមិញជីញ បានអនុញ្ញាតិឲ្យដាក់ស្នើ ហើយបច្ចុប្បន្នយើងកំពុងការពារពាក្យស្នើសុំទៅអង្គការយូណេស្កូសម្រាប់ការទទួលស្គាល់ជាបេតិកភណ្ឌវប្បធម៌អរូបីតំណាងឲ្យមនុស្សជាតិ។ មកដល់ពេលនេះ តំបន់ដីភាគខាងត្បូង ក្រៅពី ដើនកាតៃទឺ ដែលជាបេតិកភណ្ឌតែមួយគត់ បានអង្គការយូណេស្កូដាក់ចូលបញ្ជីបេតិកភណ្ឌវប្បធម៌អរូបីនៃមនុស្សជាតិ (នៅក្នុងឆ្នាំ ២០១៣) គឺពិធីបុណ្យលោកយាយភ្នំស្វាមរបស់អានយ៉ាង (ប្រសិនបើឆ្លើយតបបានលក្ខណៈវិនិច្ឆ័យស្របតាមអនុសញ្ញា) នឹងក្លាយជាបេតិកភណ្ឌវប្បធម៌អរូបីទីពីរ ហើយជាពិធីបុណ្យប្រពៃណីដំបូងបង្អស់របស់តំបន់ដីភាគខាងត្បូងបានទទួលកិត្តិយសនេះ។
អ្នកយកព័ត៌មាន៖ បាទ អញ្ចឹងការដែលអង្គការយូណេស្កូ ទទួលស្គាល់ពិធីបុណ្យ លោកយាយភ្នំស្វាមជាបេតិកភណ្ឌវប្បធម៌អរូបីមានន័យយ៉ាងណាដែរសម្រាប់ខេត្តអានយ៉ាង បាទ?
សមមិត្ត ឡេហុងក្វាង៖ ប្រសិនបើពិធីបុណ្យលោកយាយភ្នំស្វាមរប់ខេត្តអានយ៉ាងបានអង្គការ UNESCO ទទួលស្គាល់ជាបេតិកភណ្ឌវប្បធម៌អរូបីតំណាងឲ្យមនុស្សជាតិ នោះនឹងបញ្ជាក់បានអំពីភាពស្មោះត្រង់ ភាពពិតប្រាកដ និងតម្លៃដ៏វិសេសវិសាលនៃបេតិកភណ្ឌដ៏អស្ចារ្យនេះ។
នេះជាព្រឹត្តិការណ៍មានសារៈសំខាន់ពិសេស និងជាកិត្តិយសដ៏ធំធេងសម្រាប់បក្ខភាគ អាជ្ញាធរ និងប្រជាជនបណ្តាជនជាតិក្នុងខេត្តអានយ៉ាង។ តាមរយៈនោះ រួមចំណែកឃោសនា និង ផ្សព្វផ្សាយយ៉ាងទូលំទូលាយទៅដល់ប្រជាជន និងភ្ញៀវទេសចរក្នុងនិងក្រៅប្រទេសនូវតម្លៃវប្បធម៌គំរូ និងពិសេសនៃតំបន់ដី និងមនុស្សអានយ៉ាង។
លទ្ធផលនោះគឺជាផលិតផលជាក់ស្តែងបំផុត ឆ្ពោះទៅស្វាគមន៍មហាសន្និបាតបក្ខភាគខេត្តអានយ៉ាង លើកទី១២ អាណត្តិ ២០២៥ - ២០៣០។
ទន្ទឹមនឹងនោះ នេះ ក៏ ជា មោទនភាពរបស់ប្រជាជនទូទាំងប្រទេស ព្រោះបេតិកភណ្ឌបានផ្តល់កិត្តិយសកាន់តែបានរួមចំណែកបន្ថែមទៀតក្នុងការបញ្ជាក់អំពីភាពចម្រុះ និងតម្លៃដ៏សម្បូរបែបនៃវប្បធម៌ជាតិវៀតណាមក្នុងបរិបទអភិវឌ្ឍន៍សមាហរណកម្មនេះ។
អ្នកយកព័ត៌មាន៖ បាទ សមមិត្ត សូមសមមិត្តឲ្យដឹងបន្ថែម ក្រោយពីបានចូលរួមសម័យប្រជុំអង្គការ UNESCO នេះ តើខេត្តអានយ៉ាងនឹងមានផែនការឬកម្មវវិធីអ្វីខ្លះ ដើម្បីអភិរក្ស និងលើកកម្ពស់បេតិកភណ្ឌពិធីបុណ្យលោកយាយភ្នំស្វាមនេះទេបាទ?
សមមិត្ត ឡេហុងក្វាង ៖ យោងតាមស្មារតីនៃអនុសញ្ញាអង្គការយូណេស្កូឆ្នាំ ២០០៣ សហគមន៍នៃសេចក្តីសម្រេចលើការអនុវត្តជាក់ស្តែងវប្បធម៌របស់ពួកគេ ហើយសិទ្ធិនោះចាំបាច់ត្រូវតែគោរព។ រាល់សកម្មភាពទាក់ទងនឹងបេតិកភណ្ឌវប្បធម៌អរូបីសុទ្ឋតែផ្អែកលើគោលការណ៍នេះ។
ដូច្នេះបន្ទាប់ពីសន្និសីទ UNESCO លើកទី ១៩ អានយ៉ាងនឹងរៀបចំផែនការ “អភិរក្ស និងលើកកម្ពស់បេតិកភណ្ឌពិធីបុណ្យលោកយាយភ្នំស្វាម” យោងតាមនោះសហគមន៍បានចូលរួមដោយកម្រិតអតិបរមាក្នុងសកម្មភាព “អនុវត្តជាក់ស្តែង”និង“ការបញ្ជូន” ការពារបេតិកភណ្ឌ ក៏ដូចជា ការងារគ្រប់គ្រង។ អាជ្ញាធរមូលដ្ឋាននឹងបង្កើតច្រករបៀងគោលនយោបាយ និងប្រមូលធនធានសម្រាប់ការលើកកម្ពស់តម្លៃបេតិកភណ្ឌ។
ទន្ទឹមនឹងនោះ អានយ៉ាង នឹងសហការជាបន្ទាន់ជាមួយអង្គការនិងអ្នកស្រាវជ្រាវវប្បធម៌ក្នុងនិងក្រៅទេស ដើម្បីបន្តស្វែងយល់ និងប្រមូលឯកសារអំពីពិធីបុណ្យ និងជំនឿលើការគោរពបូជាព្រះម៉ែដើម្បីដោះសញ្ញាសម្គាល់ និងនិមិត្តសញ្ញាវប្បធម៌ពាក់ព័ន្ឋរបស់ បណ្តាជនជាតិដែល “អនុវត្តជាក់ស្តែង” ពិធីបុណ្យរួមគ្នា។ ជំរុញខ្លាំងការឃោសនា ចលនាប្រព័ន្ធនយោបាយទាំងមូលនិងប្រជាជនគ្រប់ជនជាតិក្នុងសហគមន៍នីមួយៗ ដើម្បីយល់ឲ្យបានស៊ីជម្រៅអំពីការទទួលខុសត្រូវក្នុងការថែរក្សា និងលើកកម្ពស់តម្លៃបេតិកភណ្ឌពិធីបុណ្យលោកយាយភ្នំស្វាមអានយ៉ាង។
អ្នកយកព័ត៌មាន៖ ក្នុងឱកាសព្រឹត្ដិការណ៍ដ៏មានសារសំខាន់នេះ សមមិត្តលេខាបក្ខភាគខេត្ត មានសារលិខិតអ្វី ដើម្បីផ្ញើជូនសហគមន៍អានយ៉ាង ក្នុងការរួមដៃគ្នាថែរក្សា និងលើកកម្ពស់បេតិកភណ្ឌនេះដែរឬទេបាទ?
សមមិត្ត ឡេហុងក្វាង៖ ពិធីបុណ្យោកយាយភ្នំស្វាម គឺជាទ្រព្យសម្បត្តិរួមរបស់សហគមន៍បណ្តាជនជាតិអានយ៉ាង ដូច្នេះ “ការប្រតិបត្តិជាមួយបេតិកភណ្ឌគឺជាការប្រតិបត្តិជាមួយប្រពៃណីដូនតា ជាមួយសម័យកាល និងជាមួយបុគ្គលខ្លួនផ្ទាល់”។
ខ្ញុំសូមអំពាវនាវដល់ប្រជាជនអានយ៉ាង ទាំងអស់ឲ្យគោរព អភិរក្ស ផ្សព្វផ្សាយ និងលើកកម្ពស់បេតិកភណ្ឌពិធីបុណ្យលោកយាយភ្នំស្វាម ដោយមើលនេះជាទំនួលខុសត្រូវផ្ទាល់ខ្លួនចំពោះមាតុភូមិ និងប្រទេសជាតិនៃខ្លួន។
អ្នកយកព័ត៌មាន៖ បាទ ខ្ញុំសូមអរគុណសមមិត្ត លេខាបក្ខភាគខេត្ត ប្រធានគណៈប្រតិភូខេត្ត ដែលបានអញ្ជើញចូលរួមសម័យប្រជុំលើកទី១៩ របស់អង្គការយូណេស្កូបាទ។
ពិធីបើកសម័យប្រជុំលើកទី ១៩នៃគណៈកម្មាធិការអន្តររដ្ឋាភិបាលសម្រាប់អនុសញ្ញាឆ្នាំ ២០០៣ អំពីការការពារបេតិកភណ្ឌវប្បធម៌អរូបី បានរៀបចំឡើងនៅមជ្ឈមណ្ឌលវប្បធម៌ Asuncion Port រដ្ឋធានី Asuncion នៃប្រទេសប៉ារ៉ាហ្គាយ នូវម៉ោង ៧ យប់ថ្ងៃអាទិត្យ ទី ១ ខែធ្នូ ឆ្នាំ ២០២៤។ ពិធីនេះអាស្រ័យដោយក្រសួងវប្បធម៌នៃប្រទេសប៉ារ៉ាហ្គាយ ដែលជាប្រទេសធ្វើជាម្ចាស់ផ្ទះនៃសម័យប្រជុំលើកនេះ។ មានភ្ញៀវអន្តរជាតិប្រមាណ ៨០០នាក់បានចូលរួមក្នុងពិធីបើកសម័យប្រជុំ។ ទៅទន្ទឹមនិងរបៀបវារៈបើកសម័យប្រជុំ និងថ្លែងសុន្ទរកថា បណ្តាគណៈប្រតិភូបានទស្សនាការសម្តែងសិល្បៈ និងទទួលទានអាហារប្រពៃណីរបស់ប្រជាជនប៉ារ៉ាហ្គាយផងដែរ៕ ពិធីនេះអាស្រ័យដោយក្រសួងវប្បធម៌នៃប្រទេសប៉ារ៉ាហ្គាយ ដែលជាប្រទេសធ្វើជាម្ចាស់ផ្ទះនៃសម័យប្រជុំលើកនេះ។ មានភ្ញៀវអន្តរជាតិប្រមាណ ៨០០នាក់បានចូលរួមក្នុងពិធីបើកសម័យប្រជុំ។ ទៅទន្ទឹមនិងរបៀបវារៈបើកសម័យប្រជុំ និងថ្លែងសុន្ទរកថា បណ្តាគណៈប្រតិភូបានទស្សនាការសម្តែងសិល្បៈ និងទទួលទានអាហារប្រពៃណីរបស់ប្រជាជនប៉ារ៉ាហ្គាយផងដែរ៕ |
ប្រែ៖ ណារីពៅ
