ថ្ងៃទី ២៨ មេសា លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ប្រធានគណៈណែនាំអនុវត្តគម្រោងផ្លូវល្បឿនលឿន ចូវដុក - កាន់ធឺ - សុខត្រាំង ផ្នែកឆ្លងកាត់ខេត្តអានយ៉ាង ត្រួតពិនិត្យល្បឿនសាងសង់ សួរសុខទុក្ខ និងលើកទឹកចិត្តកម្មករ កម្មការិនី ដែលសាងសង់សំណង់នៅលើភូមិសាស្ត្រខេត្ត។ អមដំណើរជាមួយមានថ្នាក់ដឹកនាំមន្ទីរផ្នែកមូលដ្ឋានពាក់ព័ន្ធ។
ត្រួតពិនិត្យដោយផ្ទាល់នៅការដ្ឋានសំណង់នៃគម្រោងផ្លូវប្រសព្វនៅស្រុកថ្វយសឺន ចូវថាញ់ ចូវភូ ទីក្រុងចូវដុកនិងស្តាប់របាយការណ៍របស់អង្គភាពសាងសង់អំពីដំណើរការគម្រោងសាងសង លោកឡេហុងក្វាង លេខាបក្ខភាគខេត្តអានយ៉ាង បានកោតសរសើរ និងកត់ត្រាទទួលស្គាល់ការចូលរួមយ៉ាងខ្លាំងក្លារបស់មន្ទីរផ្នែកពាក់ព័ន្ធ អ្នកវិនិយោគ អង្គភាពសាងសង់ និងអាជ្ញាធរមូលដ្ឋានក្នុងការងាររៀបចំអនុវត្តនិងធានាបាននូវល្បឿននៃគម្រោង។
លោក ឡេហុងក្វាង លេខាបក្សខេត្តអានយ៉ាង បានសង្កត់ធ្ងន់ថា ខេត្តបានយកចិត្តទុកដាក់ដោះស្រាយការលំបាក ប្រគល់ផ្ទៃរាប ១០០% និងផ្តល់សម្ភារៈគ្រប់គ្រាន់ដល់អង្គភាពសាងសង់ក្នុងក្របខ័ណ្ឌច្បាប់។ ដូច្នេះហើយទាមទារឲ្យអ្នកវិនិយោគ និងអ្នកម៉ៅច្បាមជាប់ល្បឿន បង្កើនធនធានមនុស្ស គ្រឿងចក្រ និងឧបករណ៍សំណង់ កេណ្ឌកម្លាំងទាំងមូលនិងប្រភពសម្ភារៈ។ ធនធានហិរញ្ញវត្ថុ ជាពិសេសគឺក្នុងរយៈពេល ៥ថ្ងៃ ឈប់សម្រាកបុណ្យ ៣០ មេសា ឆ្លៀតឱកាសអាកាសធាតុអំណោយផល ប្រមូលផ្តុំស្ថាបនាក្នុងស្មារតីអនុវត្តតាមការណែនាំរបស់នាយករដ្ឋមន្ត្រីរដ្ឋាភិបាល “ជម្នះក្តៅ ឈ្នះភ្លៀង មិនចាញ់ខ្យល់ព្យុះ” “៣វេន ៤ក្រុម” “ហូបលឿន ដេកភ្លាម” “ឆ្លងបុណ្យទាន ឆ្លងថ្ងៃឈប់សម្រាក” ប្ដេជ្ញាចិត្តខិតខំសម្រេចគម្រោងលឿនជាងល្បឿនដាក់ចេញ។
ទន្ទឹមនិងនោះកត់សម្គាល់ និងគោរពតាមការរចនាយ៉ាងតឹងរ៉ឹង ធានាបាននូវល្បឿន គុណភាព បច្ចេកទេស សោភ័ណភាព ការពារបរិស្ថាន និងគម្រោងត្រូវសុវត្ថិភាពដាច់ខាតនៅពេលដាក់ឲ្យប្រើប្រាស់។ ការសាងសង់ត្រូវតែអនុវត្តក្នុងស្មារតី “លឿន កាន់តែលឿនទៀត” ធានាបាននូវល្បឿន និងគុណភាពសំណង់បានល្អបំផុត ដោយខិតខំបញ្ចប់គម្រោងនៅខែកក្កដា ឆ្នាំ២០២៦ ស្របតាមការណែនាំរបស់នាយករដ្ឋមន្ត្រីរដ្ឋាភិបាល។
លោកលេខាបក្ខភាគខេត្តអានយ៉ាងបានផ្ញើសារលើកទឹកចិត្តដល់វិស្វករ និងកម្មករ កម្មការនី នៅការដ្ឋានសាងសង់ផ្លូវល្បឿនលឿនដោយខិតខំបំពេញការងារយ៉ាងក្លៀវក្លាលើការដ្ឋានដោយស្មារតីប្ដេជ្ញាប្រយុទ្ឋ ប្តេជ្ញាយកឈ្នះ ដូចស្មារតីអបអរសាទរមហាបុណ្យរំដោះជាតិ និងការបង្រួបបង្រួមជាតិ។
រហូតមកដល់ពេលនេះ បរិមាណផលសរុបនៃកញ្ចប់សំណង់សំខាន់ៗចំនួន ៤ សម្រេចបាន ៤៨,៦១%/៤៨,៤៤% (លើសប្រហែល ០,១៧%)។ ក្នុងនោះ កញ្ចប់លេខ ៤២ សម្រេចបានល្បឿន ៤៣,៦២%/៤៣,៦២%។កញ្ចប់លេខ ៤៣ សម្រេចបានល្បឿន ៤៦,៩១%/៤៦,៨៨% (លើសប្រហែល ០,០៣%) កញ្ចប់លេខ ៤៤ សម្រេចបានល្បឿន ៥៨,១០%/៥៧,៤៨% (លើសប្រហែល ០,៦២%) កញ្ចប់លេខ ៤៥ សម្រេចបានល្បឿន ៤៧,១៥%/៤៧,០៦% (លើសប្រហែល ០,០៩%)។បច្ចុប្បន្ន បរិមាណខ្សាច់ត្រូវបានគណៈកម្មាធិការប្រជាជនខេត្តរៀបចំគ្រប់គ្រាន់ចំនួន ៩.៣២១.០០០ម៣ សម្រាប់គម្រោងនិងបានផ្គត់ផ្គង់ដល់គម្រោងចំនួន ៣.៨៤២.៧១៤ម៣៕
ប្រែ៖ ណារីពៅ
