ព្រឹកថ្ងៃទី ២៨ មេសា ប្រចាំការក្រុមប្រឹក្សាប្រជាជនខេត្តអានយ៉ាង បានរៀបចំសម័យប្រជុំលើកទី ២៩ (ឯកទេសកម្ម) ក្រុមប្រឹក្សាប្រជាជនខេត្តលើកទី ១០ អាណត្តិ ២០២១- ២០២៦។
លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង។ លោក ដោតាន់កៀត និងលោកស្រី ឌិញធីវៀតហ្វិញ អនុប្រធានក្រុមប្រឹក្សាប្រជាជនខេត្តអានយ៉ាងជាប្រធានកិច្ចប្រជុំ។លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានចូលរួមកិច្ចប្រជុំ។
នៅក្នុងកិច្ចប្រជុំ ប្រតិភូ ក្រុមប្រឹក្សាប្រជាជនខេត្តបានផ្តោតសំខាន់លើការសិក្សាស្រាវជ្រាវ ពិភាក្សា ពិចារណាលើបទជម្រាប សេចក្តីព្រាងសេចក្តីសម្រេចចិត្តរបស់គណៈកម្មាធិការប្រជាជនខេត្ត របាយការណ៍ត្រួតពិនិត្យរបស់គណក្រុមប្រឹក្សាប្រជាជនខេត្តដាក់ជូនកិច្ចប្រជុំ និង សម្រេចឆ្លងសេចក្តីសម្រេចចំនួន ៦ ដោយ មានការឯកភាពខ្ពស់ពីប្រតិភូក្រុមប្រឹក្សាប្រជាជនខេត្ត រួមមាន៖ កម្មវិធីឃ្លាំមើលរបស់ក្រុមប្រឹក្សាប្រជាជនខេត្តឆាំ្ន២០២៦។ ការដែលយល់ព្រមគោលការណ៍រៀបចំអង្គភាពរដ្ឋបាលថ្នាក់ឃុំ របស់ខេត្តអានយ៉ាង។ ការយល់ព្រមគោលការណ៍រៀបចំខេត្តគៀនយ៉ាងនិងខេត្តអានយ៉ាង។ កំណត់ខ្លឹមសារ និងកម្រិតនៃការគាំទ្រសម្រាប់ការអនុវត្តសកម្មភាពអភិវឌ្ឍន៍ផលិតកម្មក្រោមកម្មវិធីគោលដៅជាតិស្តីពីការកាត់បន្ថយភាពក្រីក្រជានិរន្តរភាពសម្រាប់ដំណាក់កាល ២០២១ - ២០២៥ នៅខេត្តអានយ៉ាង។ ចំណាយលើកការជូនអំណោយជាសាច់ប្រាក់ចំពោះអ្នកមានសគុណចំពោះបដិវត្តន៍ និងក្រុមគ្រួសារអ្នកមានសគុណចំពោះបដិវត្តនៅលើភូមិសាស្ត្រខេត្ត ក្នុងឱកាសខួបលើកទី៥០ នៃទិវារំដោះភាគខាងត្បូង និងបង្រួបបង្រួមជាតិ (៣០ មេសា ១៩៧៥-៣០ មេសា ២០២៥)។កំណត់ខ្លឹមសារ និងកម្រិតនៃការគាំទ្រសម្រាប់ការអនុវត្តសកម្មភាពគាំទ្រដល់ការអភិវឌ្ឍន៍ផលិតកម្ម និងធ្វើពិពិធកម្មរបររកទទួលទានជាសហគមន៍ ក្នុងកម្មវិធីគោលដៅជាតិអភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំដំណាក់កាល ២០២១ - ២០២៥ នៅខេត្តអានយ៉ាង។
នេះជាមូលដ្ឋានច្បាប់សម្រាប់គណៈកម្មាធិការប្រជាជនខេត្តណែនាំនិងអនុវត្តភារកិច្ចនាពេលខាងមុខ។ ទន្ទឹមនឹងនោះ បង្ហាញពីការរួមដំណើរដ៏ទាន់ពេលវេលារបស់ក្រុមប្រឹក្សាប្រជាជនខេត្ត ជាមួយគណៈកម្មាធិការប្រជាជនខេត្ត ក្នុងការអនុវត្តភារកិច្ចអភិវឌ្ឍន៍សេដ្ឋកិច្ចសង្គមរបស់ខេត្ត ដែលបានប្រគល់ជូនក្នុងឆ្នាំ២០២៥ និងឆ្នាំបន្តបន្ទាប់។
ថ្លែងមតិបិទកិច្ចប្រជុំ លោក ឡេវ៉ាន់ភឿក អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង បានស្នើឲ្យ គណៈកម្មាធិការប្រជាជនខេត្តបញ្ចប់ជាបន្ទាន់នូវឯកសារ និងគម្រោងការដាក់ជូនរដ្ឋាភិបាលមុនថ្ងៃទី ១ ខែឧសភា ឆ្នាំ ២០២៥។ ត្រៀមមូលដ្ឋាន និងបុរេលក្ខណៈបានពេញលេញសម្រាប់ការបញ្ចប់សកម្មភាពរបស់អង្គភាពរដ្ឋបាលថ្នាក់ស្រុក នៅថ្ងៃទី០១ ខែកក្កដា ឆ្នាំ២០២៥។ ទន្ទឹមនឹងនោះ អនុវត្តរបប គោលនយោបាយសម្រាប់កម្មាភិបាល មន្ត្រីរដ្ឋការ បុគ្គលិក និងពលករកម្មករ ពាក់ព័ន្ធដល់ ការរៀបចំអង្គភាពរដ្ឋបាលឲ្យបានពេញលេញ ទាន់ពេលវេលា និងស្របតាមបទប្បញ្ញត្តិ។ គណកម្មាធិការរណសិរ្សមាតុភូមិវៀតណាម និងអង្គការនយោបាយសង្គម បណ្តាភ្នាក់ងារសារព័ត៌មាន និងសារព័ត៌មានក្នុងខេត្ត បានផ្តោតលើការឃោសនា ផ្សព្វផ្សាយ ជ្រួតជ្រាបទូលំទូលាយ បង្កើតការឯកភាពខ្ពស់ ក្នុងសមាជិកសហជីព សមាជិកសមាគម និងប្រជាជនគ្រប់ស្រទាប់វណ្ណៈក្នុងខេត្ត ស្តីពីការរៀបចំអង្គភាពរដ្ឋបាលថ្នាក់ឃុំ ការរៀបចំខេត្ត គៀនយ៉ាង និងខេត្តអានយ៉ាង បន្ទាប់ពីពេលបានគណៈអចិន្ត្រៃយ៍រដ្ឋសភាអនុម័ត ។
គណៈកម្មាធិការប្រជាជនខេត្ត ចេញជាបន្ទាន់នូវឯកសារជាក់លាក់ស្តីពីសេចក្តីសម្រេចចិត្តរបស់ក្រុមប្រឹក្សាប្រជាជនខេត្តពាក់ព័ន្ឋដល់ការអភិវឌ្ឍន៍សេដ្ឋកិច្ចសង្គម ដើម្បីអនុវត្តយ៉ាងម៉ឺងម៉ាត់ និងមានប្រសិទ្ធភាព។ ត្រួតពិនិត្យ ដាស់តឿនជាប្រចាំ ដើម្បីធានាបាននូវគោលដៅ និងតម្រូវការនៃសេចក្តីសម្រេចចិត្តដាក់ចេញ ធានាថាសេចក្តីសម្រេចចិត្តបានដាក់ទៅក្នុងជីវភាពឲ្យបានឆាប់ និងសម្រេចបាននូវប្រសិទ្ធភាពខ្ពស់បំផុត។ ប្រចាំការក្រុមប្រឹក្សាប្រជាជនខេត្ត សហការជាមួយនឹងភ្នាក់ងារព័ត៌មាន និងឃោសនាការ ដើម្បីផ្សព្វផ្សាយទូលំទូលាយអំពីសេចក្តីសម្រេចចិត្ត។ ពង្រីកជាងទៀតប្រសិទ្ធភាពការងារឃ្លាំមើល និងប្រមូលផ្តុំទៅលើភូមិសាស្ត្រ និងខ្លឹមសារដែលមានការលំបាក មានដែនកំណត់ និងចំណុចខ្វះខាតជាច្រើន ដើម្បីស្នើសុំដំណោះស្រាយជាក់លាក់ ជាក់ស្តែង ដើម្បីជម្នះ និងធានាថា សេចក្តីសម្រេចចិត្ត របស់ក្រុមប្រឹក្សាប្រជាជនអនុវត្តម៉ឺងម៉ាត់ និងមានប្រសិទ្ធភាព៕
ផែនទី “បែបផែនរៀបចំអង្គភាពរដ្ឋបាលថ្នាក់ឃុំរបស់ខេត្តអានយ៉ាង ឆ្នាំ២០២៥”
TH-TC
