នារសៀលថ្ងៃទី១៥ ខែតុលា ប្រចាំការក្រុមប្រឹក្សាប្រជាជនខេត្ត បានបើកសម័យប្រជុំលើកទី២៣ (ឯកទេសកម្ម) របស់ក្រុមប្រឹក្សាប្រជាជនខេត្ត លើកទី ១០ (អាណត្តិ ២០២១ - ២០២៦) ដើម្បីពិចារណា និងឆ្លងបទជម្រាបរបស់គណកម្មាធិការប្រជាជនខេត្តស្ថិតក្នុងវិស័យសេដ្ឋកិច្ច - ថវិកានិងជនជាតិ។
លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអាននយ៉ាង។ លោក ដោតាន់គៀត អនុប្រធានក្រុមប្រឹក្សាប្រជាជនខេត្តអានយ៉ាងនិងលោកស្រី ឌិញធីវៀតហ្វិញ អនុប្រធានក្រុមប្រឹក្សាប្រជាជនខេត្តអានយាង ធ្វើជាអធិបតីភាពកិច្ចប្រជុំ។
អង្គប្រជុំបានពិភាក្សា ពិចារណា ផ្តល់យោបល់ និងឯកភាពឆ្លងបទជម្រាបចំនួន ៤ របស់គណៈកម្មាធិការប្រជាជនខេត្ត រួមមាន៖ បទជម្រាបប្រកាសប្រើសេចក្តីសម្រេចចិត្តកំណត់លក្ខណៈវិនិច្ឆ័យក្នុងការសម្រេចចិត្តលើការដេញថ្លៃ និងជ្រើសរើសវិនិយោគគិន ដើម្បីអនុវត្តគម្រោងវិនិយោគមានប្រើប្រាស់ដីក្នុងខេត្ត អានយ៉ាង។ បទជម្រាបប្រកាសប្រើសេចក្តីសម្រចចិត្ត ផ្សព្វផ្សាយយន្តការគាំទ្រការអនុវត្តគម្រោងវិនិយោគលំនៅដ្ឋានសង្គមនៅលើភូមិសាស្ត្រខេត្តអានយ៉ាង។ បទជម្រាបប្រកាសប្រើសេចក្តីសម្រេចចិត្តកំណត់អត្រា(%) ដើម្បីគណនាតម្លៃឯកតានៃការជួលដី អត្រា(%)ប្រមូលសម្រាប់ដីសាងសង់សំណង់ក្រោមដី អត្រា (%)ប្រមូលសម្រាប់ដីដែលមានផ្ទៃទឹកនៅក្នុងខេត្តអានយ៉ាង។ បទជម្រាបប្រកាសប្រើសេចក្តីសម្រេចចិត្តកំណត់គោលនយោបាយគាំទ្រដីធ្លី សម្រាប់ជនរួមជាតិភាគតិចនៅខេត្តអាយ៉ាង។
ថ្លែងមតិក្នុងពិធីបិទអង្គប្រជុំ លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង បានសង្កត់ធ្ងន់ថា៖ បណ្តាសេចក្តីសម្រេចចិត្តបានឆ្លងនៅ ក្នុងកិច្ចប្រជុំសំដៅផ្សព្វផ្សាយមានប្រសិទ្ឋភាពច្បាប់ភូមិបាលឆ្នាំ ២០២៤ បង្កើតជាមូលដ្ឋានច្បាប់ស្រាប់សម្រាប់ដោះស្រាយបញ្ហារបបសន្តិសុខសង្គម ការការពារជាតិ និងសន្តិសុខ ធានាធនធានមនុស្សសម្រាប់ការវិនិយោគឡើងវិញ ទាញយកផលពីមូលនិធិដីធ្លី បង្កើនប្រាក់ចំណូលពីថ្លៃប្រើប្រាស់ដីធ្លី ឆ្លើយតបទាន់ពេលវេលានូវភារកិច្ចចំណាយក្នុងការអភិវឌ្ឍន៍សេដ្ឋកិច្ចសង្គម។
ប្រចាំការក្រុមប្រឹក្សាប្រជាជនខេត្ត បានស្នើឲ្យគណៈកម្មាធិការប្រជាជនខេត្ត រៀបចំសេចក្តីសម្រេចចិត្តនៃស្ថាប័នក្លាយជា បទបញ្ញតិ ផែនការ និងណែនាំជាក់លាក់សម្រាប់ការផ្សព្វផ្សាយអនុវត្ត ធានាជាសាធារណៈ តម្លាភាព និងត្រឹមត្រូវតាមបទបញ្ញតិច្បាប់។ ណែនាំបណ្តាមន្ទីរ ផ្នែកធ្វើល្អការងារណែនាំ និងសហការយ៉ាងជិតស្និទ្ធជាមួយគណៈកម្មាធិការប្រជាជននៅតាមស្រុក ទីរួមខត្ត ក្រុង និងអង្គភាពពាក់ព័ន្ធ ដើម្បីអនុវត្តយ៉ាងម៉ឺងម៉ាត់ និងមានប្រសិទ្ធភាពនូវបទប្បញ្ញត្តិ យន្តការ គោលនយោបាយដែលបានចេញ។ ទន្ទឹមនឹងនោះ បង្កើនការងារអធិការកិច្ច ត្រួតពិនិត្យ ឃ្លាំមើល ដើម្បីប្រទះឃើញទាន់ពេល និងជម្នះចំណុចខ្វះខាត និងការលំបាកក្នុងដំណើរការអនុវត្ត ធានាថាដាក់សេចក្តីសម្រេចចិត្តទៅក្នុងជីវភាពបានឆាប់ និងសម្រេចបាននូវប្រសិទ្ធភាពខ្ពស់បំផុត៕
ប្រែ៖ ណារីពៅ
