នៅព្រឹកថ្ងៃទី១១ ខែមេសា នៅស្រុក ទ្រីតូន គណៈប្រតិភូក្រសួងជនជាតិ និងសាសនា ដឹកនាំដោយលោក អ៊ីថុង អនុរដ្ឋមន្ត្រីបានអញ្ជើញទៅសួរសុខទុក្ខ ជូនអំណោយ និងជូនពរបុណ្យចូលឆាំ្នថ្មីដល់បងប្អូនខ្មែរខេត្តអានយ៉ាង ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរនៅណាមបូឆាំ្ន ២០២៥។
អមដំណើរជាមួយគណប្រតិភូមានលោក ឡេវ៉ាន់ភឿក សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្តអាយ៉ាង។ លោក ប៊ុយវ៉ាន់តាំង អនុប្រធានប្រចាំការគណៈកម្មាធិការរណសិរ្សមាតុភូមិវៀតណាមខេត្តអានយ៉ាង លោក ង្វៀនវ៉ាន់លេន អនុប្រធានគណៈឃោសនាអប់រំ និងចលនាមហាជនបក្ខភាគខេត្ត។ លោក ឡាំថាញ់ស៊ី លេខាបក្ខភាគស្រុកទ្រីតូន ថ្នាក់ដឹកនាំមន្ទីរ ផ្នែកមូលដ្ឋាននៅក្នុងខេត្ត។
នៅក្នុងឱកាសទៅសួរសុខទុក្ខ និងជូនពរឆ្នាំថ្មី លោក អ៊ីថុង អនុរដ្ឋមន្ត្រីក្រសួងជនជាតិ និងសាសនា បានផ្ញើជូនសមណស័ក្តិ អ្នកមានកិត្យានុភាព និងបងប្អូនជនជាតិខ្មែរទាំងអស់ នូវមនោសញ្ចេតនាជិតស្និត កក់ក្តៅ និងសចក្តីជូនពរឆ្នាំថ្មីដ៏ល្អប្រសើបំផុត។ សូមជូនពរដល់បងប្អូនជនរួមជាតិ សមណស័ក្តិ និងព្រះសង្ឃគ្រប់អង្គទទួលឆាំ្នថ្មី ២០២៥ រីករាយ មាំមួន ជួបតែសេចក្តីសុខ សេចក្តីចម្រើន។ ឆ្នាំថ្មីក្តីរីករាយថ្មីនិងជោគជ័យថ្មី។
យោងតាមលោក អ៊ីថុង អនុរដ្ឋមន្ត្រីក្រសួងជនជាតិ និងសាសនា វៀតណាមគឺជាប្រទេសបង្រួបបង្រួមនិងចម្រុះជនជាតិ។ ជនរួមជាតិខ្មែរភាគខាងត្បូង គឺជាសហគមន៍មួយក្នុងចំណោមសហគមន៍ជនជាតិភាគតិចចំនួន ៥៤ដែលមានប្រជាសាស្ត្រប្រមាណ ១,៣ លាននាក់។ សហគមន៍មានប្រពៃណីស្នេហាជាតិ ឧស្សាហ៍ព្យាយាម មានគំនិតច្នៃប្រឌិតក្នុងការងារ និងផលិតកម្ម មានមនសិការក្នុងការកសាងធ្លុងសាមគ្គីទូទាំងជនជាតិមានខឿនវប្បធម៌សម្បូរបែបក្នុងការឯកភាពនៃវប្បធម៌វៀតណាម។
បុណ្យចូលឆ្នាំថ្មីប្រពៃណីជាតិខ្មែរ គឺជាវប្បធម៌ដ៏វិសេសវិសាលមួយរបស់ជនជាតិខ្មែរ គឺជាពិធីបុណ្យដ៏ធំបំផុតប្រចាំឆ្នាំ មានអត្ថន័យពិសេស ចាប់ផ្តើមឆ្នាំថ្មីដោយសេចក្តីជំនឿ សេចក្តីប្រាថ្នា និងបួងសួងដល់វត្ថុស័ក្តិសិទ្ធិ សូមសេចក្តីសុខសេចក្តីចម្រើន និងសុភមង្គល។ នេះក៏ជាឱកាសមួយដើម្បីទទួលឆ្នាំថ្មី បង្ហាញនូវការដឹងគុណ រាយការណ៍សមិទ្ធផល និងបង្ហាញនូវការគោរពដល់បុព្វការីជន។
លោក អ៊ីថុង អនុរដ្ឋមន្ត្រីក្រសួងជនជាតិ និងសាសនា បាននិយាយថា ខេត្តអានយ៉ាង គឺជាខេត្តមួយក្នុងចំណោមខេត្តដែលមានប្រជាជនជនជាតិភាគតិចរស់នៅច្រើន។ ក្នុងនោះ ជនជាតិខ្មែរមានជាង ២៣៧.០០០នាក់ ស្មើជាង ១៣% នៃចំនួនប្រជាសាស្ត្រក្នុងខេត្តទាំងមូល ច្រើនទី៣ នៅបណ្តាខេត្តតំបន់វាលទំនាបទន្លេគឺវឡុង។រយៈពេលកន្លង សហគមន៍តែងតែជឿជាក់ និងអនុវត្តយ៉ាងម៉ឺងម៉ាត់នូវគោលការណ៍របស់បក្សនិងគោលនយោបាយច្បាប់របស់រដ្ឋ រួមកម្លាំង ស្រុះចិត្តជាមួយជនជាតិផ្សេងៗក្នុងខេត្តរួមចំណែកយ៉ាងសកម្មទៅក្នុងសមិទ្ធិផល និងលទ្ធផលអភិវឌ្ឍន៍គ្រប់ជ្រុងជ្រោយរបស់មូលដ្ឋាន។ តំបន់ជនជាតិភាគតិចនិយាយរួម និងតំបន់ជនជាតិខ្មែរនិយាយដោយឡែកមានការអភិវឌ្ឍន៍ថ្មី ជីវភាពសម្ភារៈ និងស្មារតីរបស់ប្រជាជនបន្តបានកែចម្រើននិងកើនឡើង។
រីករាយ និងរំភើបចំពោះសមិទ្ធិផល និងការអភិវឌ្ឍន៍សេដ្ឋកិច្ចសង្គមរបស់ប្រទេសនិយាយរួម និងខេត្តអានយ៉ង និយាយដោយឡែកក្នុងឆ្នាំ ២០២៤ ដែលជាឆ្នាំជោគជ័យគ្រប់ជ្រុងជ្រោយនៅគ្រប់វិស័យ សម្រេចបាននិងលើស ១០០% ផែនការ នៃសន្ទស្សន៍សេដ្ឋកិច្ចសង្គម បានបក្ខភាគខេត្ត និងក្រុមប្រឹក្សាប្រជាជនខេត្តប្រគល់ជូន។ ការងារជនជាតិ និងគោលនយោបាយជនជាតិក៏បន្តទទួលបានការយកចិត្តទុកដាក់ និងសម្រេចបានលទ្ធផលសំខាន់ៗផងដែរ។
ជីវភាពសម្ភារៈ និងស្មារតីរបស់ជនរួមជាតិកាន់តែបានលើកកម្ពស់ពីមួយថ្ងៃទៅមួយថ្ងៃ។ គោលនយោបាយសន្តិសុខសង្គម ជំនួយលំនៅដ្ឋាន ដីលំនៅដ្ឋាន ដីផលិតកម្ម ការថែទាំសុខភាព ការអប់រំ និងបណ្តុះបណ្តាលជាដើម បានអនុវត្តល្អ។ អត្តសញ្ញាណវប្បធម៌ជាតិបានអភិរក្ស និងពង្រីក។ ធ្លុងមហាសាមគ្គីទូទាំងជនជាតិកាន់តែបានពង្រឹងពីមួយថ្ងៃទៅមួយថ្ងៃ។ ប្រព័ន្ធនយោបាយមូលដ្ឋាននៅតំបន់ជនជាតិភាគតិច និងនៅតាមឃុំព្រំដែនកាន់តែរឹងមាំ។ សន្តិសុខនយោបាយ សណ្តាប់ធ្នាប់សង្គម រក្សាបានស្ថិរភាព។
លោក អ៊ីថុង អនុរដ្ឋមន្ត្រីក្រសួងជនជាតិ និងសាសនា បានមានប្រសាសន៍ថា ឆ្នាំ២០២៥ គឺជាឆ្នាំដែលមានថ្ងៃបុណ្យទានធំៗនិងព្រឹត្តិការណ៍សំខាន់ៗជាច្រើននៃប្រទេស ហើយក៏ជាឆាំ្នលើកដំបូងដែរ ដែលក្រសួងជនជាតិ និងសាសនាបានបង្កើតឡើង ដោយបន្តបញ្ជាក់ពីការយកចិត្តទុកដាក់របស់បក្ស និងរដ្ឋចំពោះការងារជនជាតិ និងសាសនា ក៏ជាឆ្នាំសង្ខេបការអនុវត្តកម្មវិធីគោលដៅជាតិអភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំ ដំណាក់កាល ២០២១-២០៣០។ឆ្នាំដំណើរការមហាសន្និបាតបក្សគ្រប់លំដាប់ថ្នាក់ ឆ្ពោះទៅមហាសន្និបាតជាតិលើកទី១៤ របស់បក្ស ឆាំ្នពន្លឿន វាយទម្លុះ បង្កើនមូលដ្ឋានគ្រឹះដើម្បីនាំប្រទេសចូលទៅក្នុងយុគសម័យថ្មី - យុគសម័យឈានឡើងអភិវឌ្ឍន៍រ៉ូងរឿងខ្លាំងក្លា និងវិបុលភាពរបស់ជនជាតិ។
ទោះបីជាស្ថានភាពសេដ្ឋកិច្ចសង្គមរបស់ជនជាតិភាគតិចនិយាយរួម ជីវភាពរស់នៅ និងការផលិតកម្មរបស់ជនជាតិខ្មែរមួយផ្នែកនៅតែជួបការលំបាក និងបញ្ហាប្រឈមជាច្រើនក្តី។ ប៉ុន្តែជាមួយនឹងប្រពៃណីបដិវត្តន៍នៃខេត្ត ក្រោមការដឹកនាំរបស់បក្ស និងរដ្ឋ ដោយផ្ទាល់គឺការដឹកនាំ និងណែនាំរបស់បក្ខភាគខេត្ត គណៈកម្មាធិការប្រជាជនខេត្ត និងការខិតខំប្រឹងប្រែងរបស់ប្រព័ន្ធនយោបាយទាំងមូលនិង ជាមួយនឹងបរិយាកាសរំភើបរីករាយក្នុងការប្រារព្ធពិធីបុណ្យចូលឆាំ្នថ្មី បណ្តាថ្ងៃបុណ្យទានធំៗ និងព្រឹត្តិការណ៍ប្រវត្តិសាស្ត្រសំខាន់ៗនៃប្រទេស លោក អ៊ីថុង អនុរដ្ឋមន្ត្រីក្រសួងជនជាតិ និងសាសនា ជឿជាក់ថា ជនរួមជាតិខ្មែរ និងព្រះសង្ឃខេត្តអានយ៉ាង នឹងបន្តពង្រីកស្មារតីស្នេហាជាតិ និងកម្លាំងមហាសាមគ្គីទូទាំងជនជាតិ មានការអភិវឌ្ឍន៍ឈានទៅមុខដោយវាយទម្លុះ អនុវត្តជោគជ័យនូវគោលដៅអភិវឌ្ឍន៍សេដ្ឋកិច្ច-សង្គមឆ្នាំ២០២៥។ ទន្ទឹមនឹងនោះ បន្តអនុវត្តគោលនយោបាយជាតិសាសន៍ និងសាសនាឲ្យបានល្អ ភ្ជាប់ជាមួយគោលនយោបាយសន្តិសុខសង្គម យកចិត្តទុកដាក់ថែទាំ គាំទ្រជីវភាពសម្ភារៈ និងស្មារតីរបស់ជនរួមជាតិ ជាពិសេសគឺគ្រួសារក្រីក្រ គ្រួសារបៀតក្រីក្រ និងគ្រួសារដែលមានស្ថានភាពលំបាក។ រៀបចំលក្ខខណ្ឌល្អៗសម្រាប់ជនរួមជាតិខ្មែរ ទទួលបុណ្យចូលឆ្នាំថ្មី ២០២៥ ដោយសាមគ្គីភាព សប្បាយរីករាយ តម្លាភាព សុវត្ថិភាព សន្សំសំចៃ ស្របតាមផ្នត់រស់នៅអារ្យធម៌ ទំនៀមទម្លាប់ ប្រពៃណីវប្បធម៌ដ៏ល្អរបស់ជនជាតិ។
ក្នុងឱកាសនេះ លោក អ៊ីថុង អនុរដ្ឋមន្ត្រីក្រសួងជនជាតិ និងសាសនា និងគណៈប្រតិភូបានជូនអំណោយបុណ្យចូលឆាំ្នថ្មីដល់អ្នកមានកិត្យានុភាពចំនួន ៦១នាក់ ក្នុងជនជាតិភាគតិចខ្មែរនៅស្រុកទ្រីតូន ចូវថាញ់ ថ្វយសឺន និងទីរួមខេត្តទិញបៀន ជូនអំណោយចំនួន៥០ ចំណែកដល់គ្រួសារគោលនយោបាយ និងគ្រួសារក្រីក្រនៃជនជាតិខ្មែរនៅស្រុកទ្រីតូន៕
ប្រែ៖ ណារីពៅ
