ព្រឹកថ្ងៃទី៧ ខែឧសភា គណៈកម្មាធិការប្រជា ជន ខេត្តបានបើកកិច្ចប្រជុំគណៈកម្មការណែនាំការ ប្រ ឡង ចូលរៀនថ្នាក់ទី១០ សម្រាប់ឆ្នាំសិក្សា២០២៥-២០២៦ ដើម្បីពិនិត្យមើលឡើងវិញការត្រៀមរៀបចំការប្រឡង។លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្តអានយ៉ាង ប្រធានគណៈកម្មការណែនាំការប្រឡងបានធ្វើអធិបតីភាពកិច្ចប្រជុំ។
ឆ្នាំនេះគឺជាលើកទីមួយហើយដែលសិស្សានុសិស្សមធ្យមសិក្សាបឋមភូមិបានប្រឡងចូលថ្នាក់ទី ១០ តាមកម្មវិធីអប់រំសកល់ ២០១៨ ដើម្បីវាយតម្លៃកសិស្សក្នុងខេត្តទាំងមូលទៅតាមសមតារួម។មន្ទីរអប់រំ និងបណ្ដុះបណ្ដាល បានធ្វើសេនាធិការដល់គណៈកម្មាធិការប្រជាជនខេត្ត រៀបចំការប្រឡងជ្រើសរើសសិស្សថ្នាក់ទី១០ នៅតាមវិទ្យាល័យនានាក្នុងខេត្តឲ្យបាន ១០០%។ការប្រឡងធ្វើឡើងក្នុងរយៈពេល ២ ថ្ងៃ (ថ្ងៃទី ៣ និងទី ៤ ខែមិថុនា) ហើយអនុវត្តទាំងសាលាឯកទេស សាលាអន្តេវេសិកជនជាតិភាគតិច និងសាលារដ្ឋ។
ការប្រឡងឆ្នាំនេះមានចំណុចថ្មី៖ ប្រកាសពិន្ទុគោលក្នុងពេលតែមួយជាមួយនឹងពិន្ទុប្រឡង។ បេក្ខជនចុះឈ្មោះគោលបំណងឯកទេស និងគោលបំណងលើកទីមួយមុន។ បន្ទាប់ពីពិនិត្យចូលរៀន ប្រសិនបើបេក្ខជនមិនបានចូលរៀនក្នុងការជម្រើសឯកទេស ឬជម្រើសដំបូងទេ ប្អូនៗនឹងចុះឈ្មោះគោលបំណងទីពីរយោងតាមតំបន់កំណត់អំពីការជ្រើសរើសសិស្ស។ មន្ទីរអប់រំ និងបណ្តុះបណ្តាល ក្នុងនាមជាស្ថាប័នអចិន្ត្រៃយ៍នៃគណៈកម្មការណែនាំការប្រឡង បានម្ចាស់ការរៀបចំផែនការអង្គភាពយ៉ាងសកម្ម និងរៀបចំស្របគ្នានូវផ្នែកនីមួយៗ ដើម្បីធានាថាការប្រឡងប្រព្រឹត្តទៅដោយតឹងរ៉ឹង សុវត្ថិភាព ស្របតាមបទប្បញ្ញត្តិ យុត្តិធម៌ និងប្រសិទ្ធភាពជាដើម។
គោលដៅនៃការជម្រើសសិស្សក្នុងខេត្តទាំងមូលគឺ ១៩.៤៩០នាក់។ ចំនួនបេក្ខជនចុះឈ្មោះប្រឡងជាសរុបគឺជាង ២១.៦០០នាក់។ ចំនួនបេក្ខជនចុះឈ្មោះចូលរៀននៅវិទ្យាល័យឯកទេសមានចំនួន ១.២៨៣ នាក់។ សន្និដ្ឋានថា ក្រុមប្រឹក្សាប្រឡងចំនួន ៤៧ នឹងត្រូវបានរៀបចំឡើង ក្នុងនោះមានក្រុមប្រឹក្សាប្រឡងរួមបញ្ចូលគ្នាចំនួន ៤ នឹងបន្ទប់ប្រឡងចំនួន ៩៣១។
បន្ទាប់ពីបានស្តាប់តំណាងមន្ទីរអប់រំ និងបណ្តុះបណ្តាលរាយការណ៍ការងារត្រៀមបម្រុងការប្រឡង រួមនឹងមតិយោបល់ និងកិច្ចពិភាក្សាពីសមាជិកគណៈកម្មការណែនាំ តំណាងបណ្តាមន្ទីរ ផ្នែករួចមក លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្តអានយ៉ាង បានវាយតម្លៃខ្ពស់ចំពោះការងាររៀបចំរបស់មន្ទីរអប់រំ និងបណ្តុះបណ្តាល ហើយសង្កត់ធ្ងន់ថា៖ ការប្រឡងចូលរៀនសម្រាប់សិស្សានុសិស្សថ្នាក់ទី១០ គឺជាព្រឹត្តិការអប់រំសំខាន់ មានឥទ្ឋិធំដល់សិស្សានុសិស្ស មាតាបីតាសិស្សនិងសង្គម។ ស្នើបណ្តាស្ថាប័នសារព័ត៌មានបង្កើនការឃោសនា ជាពិសេសគឺអំពីចំណុចថ្មីនៃការប្រឡង។ បណ្តាមន្ទីរ ផ្នែក មូលដ្ឋាន និងសមាជិកគណៈកម្មាធិការដឹកនាំម្នាក់ៗ បានណែនាំពង្រីកស្មារតីទទួលខុសត្រូវ សហការយ៉ាងជិតស្និទ្ធ និងសកម្មនៅគ្រប់កាលៈទេសៈ ដើម្បីការប្រឡងប្រព្រឹត្តទៅដោយសុវត្ថិភាព ហ្មត់ចត់ ស្របតាមបទប្បញ្ញត្តិ សត្យានុម័ត្រ និងប្រសិទ្ធភាព។ ការងារប្រឡងត្រូវតែបានសហការ ឃ្លាំមើលហ្មត់ចត់ ការមើលប្រឡងត្រូវធានាបានភាពយុត្តិធម៌ សុវត្ថិភាព ប៉ុន្តែមានបរិយាកាសប្រកបដោយផាសុកភាព ដោយមិនបង្កសម្ពាធ ទើបបេក្ខជនបេក្ខនារីផ្តោតអារម្មណ៍តធ្វើកិច្ចការប្រឡងបានល្អជាង៕
ប្រែ៖ ណារីពៅ
